Галуанты Людмилæ - Мæ Ирыстон. Ансамбль «Оммен».

Галуанты Людмилæйы æмдзæвгæ
«Мæ Ирыстон».
Мæ Ирыстон, куы бафсæдин
æз зарынæй дæуыл,
æз райгуырдтæн дæ зæрдæйæ,
Дæ цæрайæ цæрын.
Ды мæн, гыццийау, сабийæ
Дæ авдæны уызтай.
Куы мæ æрвыстай ахуырмæ,
«Куыд дæ, хъæбул?» - фыстай.
Ды хоныс мæн дæ дидинæг,
Мæ удæн уый - æхцон.
Кæд бахъæуон дæ хæрзæгæн,
Æртон-иу мæ, æртон.
Мæ Ирыстон, дæ лæггæдтæ
Нæ бафыстон - сæттын.
Æз райгуырдтæн дæ зæрдæйæ,
Мæ зæрдæ дын дæттын.
Харебаты Тимуры музыкæ.
Æххæст кæны къорд «Оммен».
•Джиоты Сослан
•Бирæгъты Алан
•Плиты Тамаз
•Саппиаты Зæлинæ