حسابات الearthing system وكيفية تحديد عدد الالكترودات وشرح طريقة ال wenner method وحل مثال بالارقام

فيديو earthing system (نظام التأريض) ايه هو و ايه هي مكوناته و انواعه: • earthing system (نظام ...
علشان نقدر نصمم شبكة تأريض لاي مبنى عندنا فلازم نحسب عدد ال rods المطلوبة علشان تدينا قيمة مقاومة الارضي المطلوب تحقيقها و حساب عدد ال rods دي بيتم عن طريق 3 خطوات اول خطوة و هي تحديد قيمة ال specific resistivity اللي هي المقاومة النوعية للارض و الخطوة التانية و هي حساب قيمة مقاومة ال rod الواحد و الخطوة التالتة بتكون عبارة عن تحديد عدد ال rods المطلوبة للوصول لقيمة مقاومة الارضي المطلوب تحقيقها فهنشرح كل خطوة منهم دلوقتي بالتفصيل و بعدين نقول امثلة عليها.
فاول حاجة هي عملية قياس قيمة المقاومة النوعية للتربة فمقاومة التربة هي مقياس لمدى مقاومة التربة للتدفق الكهربي فهي بتحدد كمية التيار اللي هيمر في التربة و بناء عليه تحديد قيمة مقاومة التربة هو واحد من اهم العوامل اللي بيتحدد على اساسها ال design الخاص بشبكة الارضي.
و لازم يتم قياس مقاومة التربة على اعماق مختلفة من سطح الارض علشان المقاومة بتتغير مع تغيير العمق و بيتم قياس مقاومة التربة عن طريق استخدام جهاز الميجر.
و في اكتر من طريقة بتستخدم في عملية قياس مقاومة التربة و لكن اشهر طريقة و اكتر طريقة بتستخدم هي طريقة ال wenner method .
فبنحط الجهاز في نقط مختلفة و نبدأ ناخد قرايات و مع كل نقطة هنلاحظ ان الجهاز هيدينا قيمة مقاومة مختلفة فهناخد متوسط القرايات دي و نشتغل عليه من خلال العلاقة:
ρ=2πaR
بحيث ان ρ هي ال earth resistivity اللي هي المقاومة النوعية للتربة اللي احنا عايزين نحسبها و دي بتكون بوحدة الاوم متر.
و ال R و دي هي ال earth resistance اللي هي مقاومة الارض و دي المقاومة اللي الجهاز قاسها.
و ال a و دي بتمثل المسافة ما بين ال two rods .
و في اكتر من طريقة بتستخدم في عملية قياس مقاومة التربة و لكن اشهر طريقة و اكتر طريقة بتستخدم هي طريقة ال wenner method .
و طريقة وينر دي بتم عن طريق دفن اربع rods في الارض على عمق 30 سم بحيث يكونوا الاربعة على خط مستقيم و يكون ال centre ما بين الاربع rods دول هو النقطة اللي عايزين نقيس عندها قيمة المقاومة.
و بعدين ناخد المسافات ما بين ال rods و بعدها و لازم تكون المسافات دي مناسبة و متساوية و بتتراوح ما بين 10 ل 20 متر ما بين ال rod و التاني.
و بعد كده بنوصل الرودين الخارجيين على طرفين التيار في جهاز الميجر اللي هما C1 و C2 و هما اختصار لكلمة current 1 و current 2 و نوصل الرودين الداخليين على طرفين الجهد في جهاز الميجر اللي هما P1 و P2 و هما اختصار لكلمة potential 1 و potential 2 و بعد كده بنشغل الجهاز فهنلاحظ مرور تيار بين الرودين الخارجيين و هينشأ فرق جهد على طرفين الرودين الداخليين فالجهاز هيحلل الداتا دي و يحسبها و في النهاية هتلاقي قيمة المقاومة ظاهرة على شاشة الجهاز.
اما تانى خطوة فهي حساب قيمة مقاومة ال rod الواحد و دي بتتحسب بمعلومية قيمة المقاومة النوعية للتربة اللي حسبناها في الخطوة اللي فاتت و قيمة مقاومة ال rod الواحد دي بتتحسب من العلاقة: R_rod=(ρ/2πL)(ln⁡〖(8*L/d)-1〗)
بحيث ان ρ هي ال earth resistivity اللي هي المقاومة النوعية للتربة و دي حسبناها في الخطوة اللي فاتت و دي بتكون بوحدة الاوم متر.
و ال L و دي بتمثل طول الrod و بتكون بوحدة المتر.
و ال d و دي بتمثل قطر الrod و بتكون بوحدة المتر.
اما تالت خطوة و هي الخطوة الاخيرة في حسابات ال earthing system هي حساب عدد ال rods المطلوبة لتحقيق قيمة مقاومة التأريض المطلوبة و عدد ال rods ده بيتحدد عن طريق العلاقة: R_eq=R_rod/(NO.of rods) ×F
بحيث ان ال R_eq هي قيمة مقاومة التأريض المطلوب تحقيقها و بتكون بوحدة الاوم.
و ال R_rod هي قيمة مقاومة ال rod الواحد اللي احنا حسبناه في الخطوة التانية و بتكون بوحدة الاوم.
و ال NO.of rods هي عبارة عن عدد الرود المطلوبة لتحقيق قيمة مقاومة التأريض المطلوبة.
و ال F و دي عبارة عن ال multiplying factor و ده بيتحدد من الجدول اللي احنا شايفينه قدامنا ده و بيتحدد بناء على عدد ال rods اللي هستخدمها.
و في برامج بندخلها الداتا دي و هي بتحسبلنا علطول عدد ال rods اللي احنا محتاجينها و توزيعتها و اماكن تواجدها زي برنامج ال etap .
و بكده يبقي احنا شرحنا كيفية حساب عدد rods اللازمة لعمل شبكة التأريض و شرحنا ازاي نقدر نعمل calculation design الخاصة بشبكة التأريض.

[@Ibrahimibrahim-pc3fp]

بارك الله لك ورزقك العلم النافع والرزق الواسع
الصوت فيه مشكله ولمن شرحك المكتوب والملخص الغير مخل بالموضوع والله وضح حاجات كدارس لي او مبتدىء في دراسه soil resistivity survey لاستخدامها في ال corrosion
كنت أريد التحدث مع سيادتك او التواصل

[@powerenergia22]

شكرا جدا لحضرتك و مشكلة الصوت حلتها في الفيديوهات الحديثة و شرف ليا اتواصل مع حضرتك

[@highpower5498]

بارك الله فيك يا هندسه. بس عندى سؤال انا دلوقتى عندى جهاز earth tester موجود فيه V, P ,E ,C ازاى اعرف اقيس مقاومة التربه بيهم. ولو فيه جهاز تانى ممكن حضرتك تقول على اسمه. وجزاك الله خيرا

[@powerenergia22]

اهلا بيك يا بشمهندس بالنسبة لسؤال حضرتك فأنت بتوصل ال connection object مع E و ال rod اللي في النص مع ال P و الرود اللي في الاول مع ال C و طبعا بتظبط قيمة الجهاز على المقاومة المطلوبة و تضغط على زرار Test اتمنى اكون اقدر اوصل الاجابة لحضرتك

[@user-fj2kh5tx5i]

عند اختيار ابره من النحاس بمنظومه الصواعق والناقل من الالمنيوم بسطح المنشأ .. ماهي ملاحظتكم

[@powerenergia22]

شخصياً لا افضل ابدا التوصيل بموصلين مختلفين و الافضل يكون الناقل (down conductor) ايضا من النحاس

[@norhan2005]

الشرح جميل ما شاء الله ...لكن الصوت وحش وفية صدى

[@powerenergia22]

اهلا بيك يا بشمهندس مشكلة الصوت دي انا حلتها في الفيديوهات الجديدة

[@yassersalim2540]

بارك الله فيك وفي جميع من مثلك من المهندسين المحترمين..وزادك الله من فضله.. سؤالي على ايه اساس صحيح يتم تحديد المسافه بين الالكترودات بعد حساب "رو " واختيار المتوسطه منها والتعويض بها لحساب R الالكترود الواحد؟ .. و هل c1 بعد عمل wenner.. هو المكان الذي هيتم الدفع ب الالكترود الأساسي ام اي مكان لرود اختبار آخر.. أو مش هتفرق..؟
ولك جزيل الشكر

[@powerenergia22]

شكرا جدا لحضرتك على الكلام ده و بارك الله فيك يا اخي بالنسبة لاجابة سؤالك المسافة بين الالكترودات ليست لها رقم محدد فممكن ناخد اي مسافة و لكن الاهم ان المسافة تكون مناسبة و متساوية ما بين كل الكترود و الثاني فمثلا لو اختارنا 20 متر فلازم نثبت المسافة دي و تكون المسافة ما بين كل الكترود و الثاني تساوي 20 متر و في الاغلب بتترواح المسافة ما بين الالكترودات ما بين 10 الي 20 متر اما بالنسبة للسؤال الثاني فلابد ان يكون الالكترودين الخارجين هما اللي هيتوصلوا على c1 و c2 لان دول هما اللي هيمر فيهم التيار و الالكترودين الداخلين على p1 و p2 لان دول هما اللي هيتولد عليهم الجهد

[@karimyasra8844]

معلومة خاطئة لايمكن أن تكون المسافة بين الرودات اعتباطية حتى لو كانت متساويه بين الكل لان لكل رود حقل يجب أن لايتداخل مع حقل الرود المجاور والا سيلغي كل منهما الاخر

[@powerenergia22]

المسافة ما بين rods يجب ان تكون اكبر ب ٣ اضعاف العمق على الاقل دي طريقة wenner method

[@user-cu4bx8df6b]

ممكن رقم تليفون للتواصل مع حضرتك

[@powerenergia22]

حضرتك ممكن تبعتلي على الفيس و هرد على حضرتك