कलाकाराला कोणतीही जात, धर्म नसतो… तो फक्त कलेचा उपासक असतो आणि तिचं सादरीकरण हेच त्यांचं कर्तव्य..

महाराष्ट्र हे सांस्कृतिकदृष्ट्या संपन्न असे राज्य आहे. ग्रामीण भागातून आजही विविध समाजगट ही संपन्नता जोपासत आहेत. समाजाच्या विविध गटांतून तयार झालेली गीते, नाचाचे प्रकार, कविता, संकल्पना यांचा समावेश लोककलांमध्ये होतो. लोकरंगभूमी विकसित झाली.

कीर्तन ,दशावतार तसेच गावांमधून होणाऱ्या जत्रा -उत्सवामधून होणारे वगनाट्य, तमाशा, लोकनाट्य, विधीनाट्य ,बहुरूपी , डोंबाऱ्याचे खेळ,पोवाडा, गोंधळ ,जागरण, कलगीतुरा, लळीत ,बहुरूपे ,कुडमुडे जोशी, वासुदेव, यात लोककलांमध्ये रंगभूमीची बीजे दिसतात.लोककलेत पुढील प्रकारांचा समावेश होतो-
दशावतार,लावणी,लेझीम,पोवाडा,तमाशा,भजन,कीर्तन,भारुड,गोंधळ,डोंबाऱ्याचे खेळ,मानवी वाघ,वासुदेव,दिवाळीची गाणी