குர்ஆனை எழுத்து வடிவ இறை வேதங்களில் ஒன்றாக அறியப்படுகின்றது. அதில் உள்ள மதசார்பற்ற பகுத்தறிவுமிக்க வாழ்வியல் சிந்தனையை, எனக்கு புரிந்த வகையில் இங்கு பகிர்ந்து வருகின்றேன்.

குர்ஆனின் மூல மொழி அரபி. பொதுவாக மொழியாக்கங்களில் வாசகர்களுக்கு எளிமைபடுத்த வேண்டும் என்ற நோக்கில் அடைப்பு குறிப்புகளில் வார்த்தைகளை கூடுதலாக சேர்த்து இருப்பார்கள். அந்த வாசகங்கள் நீக்கப்பட்டு, இயன்ற அளவு அதன் நேரடி அர்த்தங்களை கொண்டே வசனங்கள் இங்கு பதியப்படுகின்றது.

இது மற்ற மொழியாக்கங்களை குறை கூறுவதற்கு அல்ல. குர்ஆனில் உள்ள தகவல்களை நன்கு அறிந்து கொள்ள வேண்டும் என விருப்பமுள்ளவர்களுக்கு இது போன்ற பதிவுகள் இறையருளைக் கொண்டு பயனுள்ளதாக அமையும் என உணர்கின்றேன்.

குர்ஆனை வாசித்து வருகையில் அந்த தருணங்களில் கிடைக்கும் சமாதானமிக்க உணர்வுகளையே இங்கு பகிர்ந்து வருகின்றேன். காலத்திற்கேற்ப கிடைக்கப்பெற்ற புரிதல்கள் மாறுபடலாம் அல்லது மேன்மை அடையலாம்.

முடிவெடுப்பது ஒவ்வொரு தனிநபரின் பொறுப்பு ஆகும். சிந்தித்து செயல்படுவோம். ஏக இறைவன் வழிநடத்துவானாக.