Видео

ويبارك فيك اخي الكريم ، الله يرزقكم من واسع فضله ، ويوفقكم لما يحب ويرضى

وعليكم السلام ورحمه الله وبركاته ، العفو اخي اذا المشكلة ظهرت بعد ما بدلت الممبرين فهذا يعني ان الممبرين لم يتم تثبيته في مكانه بشكل صحيح ، أو عندك الولف الموجود يم صوندة الفضلة مفتوح فهذا لازم يكون في وضع الإغلاق عند تشغيل المنظومة ، وفي حالة تنظيف المنظومة من الاوساخ يتم فتحه وتشغيل المنظومة

@زكاةالعلمتعليمه جزاك الله خير.. ممتن

@عليابومولى ولكم بمثل ما دعوت وزياده

وعليكم السلام ورحمه الله وبركاته ، العفو اخي على الأغلب المشكلة في صمام تحسس الضغط الواطئ بيه مشكلة ويحتاج إلى تغيير ، طريقة عمل هذا الصمام هو تحسس وصول الماء من الخزان مال المنزل إلى فلتر المرحلة الأولى وبالتالي يعمل على تشغيل الماطور مال الفلتر وفي حالة وجود عطل داخل الصمام فإنه يشتغل ويفصل باستمرار ، أو قد تكون المشكلة في الفلاتر يعني حاصرات هواء لذلك الماء لا يصل إلى الصمام وبالتالي تظهر نفس المشكلة عندك

تفضل اخي

وعليكم السلام ورحمه الله وبركاته ، العطل رقم E01 مرتبط بحساس السرعة ، لذلك يجب فحص حساس السرعة للتأكد من الخلل ، وقد يختلف الرمز المكتوب على الشاشة من جهاز الى اخر

يوجد فيديو على قناتي ممكن الاستفادة منه يخص الرمز E1

@@زكاةالعلمتعليمه شلون افحصه رحم الله والديك

@لاتردماتالورد-ب5ش العفو يوجد فيديو على قناتي على اليوتيوب شارح فيه كيفية فحص حساس السرعة

@@زكاةالعلمتعليمه الجهاز الي فحصت بي الحساس وين الكاه

وعليكم السلام ورحمه الله وبركاته ، أهلا وسهلا ، اي نعم يصير ، حالياً اني رابطة بالبيت بهذه الطريقة ومستمر يشتغل سواء كانت اكو كهرباء أو الكهرباء طافية

لازم يتبدلن لان هسة المي عندج مثل مي الحنفية لان صار مدة طويله تلكيهن هسة مسدودات الفلاتر

أهلاً وسهلاً ، إذا كان الماطور يشتغل بشكل طبيعي وما بيه مشكلة والماء يوصل لجميع المراحل الثلاثة الأولى في مثل هذه الحالة قد تكون المشكلة في الممبرين (المرحلة الرابعة ) أو يحتاج الجهاز إلى تنفيس

@نائلالدليمي-و2س ايي فعلا بدلتهن يلا سحب مي اول مره وصخ وبعدين صار صافي

@@زكاةالعلمتعليمه لابدلتهن و سحب مي ممنونه من حضرتك

@زكاةالعلمتعليمه عيني بدون زحمه اني مو كتلك بدلتهن الشمعات الجوه كلهن والفوگ 3بقت بس اخر وحده مابدلتها اشو المي ضعيف شنو السبب معقوله لان مابدلتها لو غير سبب

العفو اخي هاي المشكلة شوكت صارت عندك ؟ خوما غيرت الفلاتر وصارت هاي المشكلة. من تشغل الفلتر الماطور يشتغل ام لا ؟

@زكاةالعلمتعليمه لاماغيرت الفلاتر جنت طالعه من البيت خمس ايام واجيت شغلته ماكو ماء بس الماطور اسمع صوته الخزان البلاستيكي مابي ماء شغلت الماي مال الخزان مال البيت مانزل اله ماء

العفو من تشغلون الفلتر يطلع ماء من صوندة الماء الزائد (الغير نقي) إم لا ؟ ، إذا ماطور الماء يشتغل ويفصل بعد ثواني قليلة فهذا يعني أن الماء لم يصل لجميع مراحل المنظومة أو الماء مقطوع عن الفلتر أو مسدود أو الفلتر يحتاج إلى تنفيس. أو صمام لونه ازرق هذا إذا كان مفتوح فإن الماء لن يذهب إلى الخزان البلاستيكي وانما يذهب إلى الماء الغير نقي

يجب فحص الكارت الالكتروني للجهاز

أهلاً وسهلاً ، اكو فيوز موجود بالبلك (القابس ، plug) اتاكدو منه احتمال معطب ويوجد فيوز اخر قريب من النقطة التي من خلالها يتم تشغيل الجهاز تحتوي على فيوز أيضا احتمال كبير يكون معطب ويحتاج إلى تغيير

ولكم بمثل ما دعوت وزياده. يجب فحص الكارت الالكتروني للجهاز

ولكم بمثل ما دعوت وزياده

أهلاً وسهلاً بك اخي الكريم ، للأمانة ما مجرب الإختيار الي انت مختاره ، اني أربط حسب الفولتية الموجودة على الراوتر والنانو

العفو اخي ، الشكر لله

العفو اخي مشكلة الصوت والدينمو ما يدور وارتفاع الحرارة هية عطل المكثف (كوندينسر ،كباستور ) أو عندك مشكلة في الملفات الابتدائيه للموتور أو بعض الأحيان تحدث مشكلة في المحامل الكروية ballbearing وتسبب نفس المشكلة

@ خلاص صلحته بنفسي دورت المروحه وصبيت زيت 🤣وزبط

@ryanmhmd952 عاشت الايادي احسنت

وعليكم السلام ورحمه الله وبركاته ، العفو اخي على الأغلب اكو مشكلة بالفحمات مال الماطور يحتاجون تغيير أو الارميجر مالته بيه مشكلة ، شغل الجهاز بدون تحميل يعني لحد يمشي على الجهاز وشوف المشكلة تبقى ام لا . الشرر إذا كان قليل فهذا طبيعي لان الفحمات يوصلون كهرباء للارميجر ومن يصير تلامس بينهم يطلع شرارة ، اذا تريد تتأكد افصل الماطور واخذه عند كهربائي يشوف الفحمات والارميجر. الماطور يفحص على تيار كهربائي مستمر D.C وليس A.C

@زكاةالعلمتعليمه الله يرحم والديك شغلته بدون وزن مابي شي والفحمات جدد وشراره ماكو بس من يصير فوكه وزن تصير الخلل بي وزن فوك ٨٠ وزن ٤٥هم مابي شي

تمام اخي ، إذا هاي المشكلة جديده هسة صارت فعندك مشكلة في الارميجر ( الرأس النحاسي الذي يتلامس مع الفحمات قد يكون بيه تأكل بسيط ويحتاج إلى تنعيم بواسطة ورق السنفرة (كاغد جام sand paper ) . أو الشخص المستخدم للجهاز وزنه اكبر من قدرة تحمل الماطور لذلك تظهر عندك هاي المشكلة أو تم استخدام الجهاز لفترة طويلة بدون إستراحة وبسبب الاحتكاك طلعت رائحة شعواط

الله يرحم والديكم واعتذر على الازعاج

@MNTZAR5 العفو اخي الكريم ماكو أي إزعاج ، ولكم بمثل ما دعوت وزياده

يجب فحص الكارت الالكتروني الموجود تحت الشاشة لأن الخلل بيه

@@زكاةالعلمتعليمه شكرا اشتغل

العفو ، الشكر لله

العفو اخي اتبع الخطوات بالفيديو وإن شاء الله تنحل المشكلة ، أما بخصوص الامبير فماكو 18 أمبير لأن الراوتر والنانو ما يسحبون هلكد امبيرية واليو بي اس ماينطي هلكد امبيرية ، أما الراوتر يفصل اتوقع يحتاج إلى إعادة ضبط

وعليكم السلام ورحمه الله وبركاته ، العفو هاي المشكلة شوكت صارت ؟

@@زكاةالعلمتعليمه صار كم يوم انتبهت عليها ،، يجوز من زمان وانا ماادري ،، للعلم قبل اقل من شهر بدلت الماطور والاصبع المربوط ع صوندة الفضلة ،، وحيل مهتم بيها

@m.m8080-l3e اكو ولف يم قريب من صوندة الفضلة لونه ازرق شوفه خوما مفتوح ، احتمال يكون هو السبب

غير الرباعي خلي بمكانه صمام كهربائي

وعليكم السلام ورحمه الله وبركاته ، العفو لعد النانو برج (الصحن ) رابطه على ال UPS ام لا ؟ هاي المشكلة شوكت صارت ؟

@زكاةالعلمتعليمه لا

@@زكاةالعلمتعليمه قبل كم يوم اشترين الجهاز

نفس المشكلة اني

تمام اخي مشكلتك انت ما رابط النانو برج (الصحن ) مع ال UPS , لازم تربط النانو برج على ال UPS أيضا حتى يشتغل هو والراوتر وتنحل المشكلة

العفو اخي اني تعلمت من خلال الفيديوهات الموجودة على اليوتيوب ، وعندي بالمنزل منظومة تنقية مياه عدد إثنان من خلال نصبهم تعلمت ، نصب منظومة تنقية المياه سهل جدا ولا يوجد فيه تعقيد . أما تغيير الفلاتر فكلش بسيط وبإمكانك تغيرهم بسهولة

​@زكاةالعلمتعليمه على قناه واحده ام اكثر

أهلاً وسهلاً بك اخي الكريم ، وأسف جداً جداً على التأخر في الرد ، هسة شفت تعليقك ، العفو اخي المشكلة في الهواء المحصور داخل الفلاتر لذلك قم بترخية شد الفلتر للمرحلة الثالثة حتى الماء يقوم بدفع الهواء وتخلص من المشكلة. مثل هذه الحالات تحدث أثناء تغيير الفلاتر للمراحل الثلاثة الأولى ، فسؤالي لحظرتك هاي المشكلة شوكت صارت عندك ؟

وعليكم السلام ورحمه الله وبركاته ، من تشغل الفلتر تسمع صوت الماطور من يشتغل لو لا ؟

آنه نفس المشكلة الفلتر ما ينطي ماي والماطور شغال وللعلم بدلت كل الفلاتر​@@زكاةالعلمتعليمه

@hasanalmustafa9228 أهلاً وسهلاً بك اخي الكريم ، حرك الخزان البلاستيكي وشوف بيه ماء ام لا ، في حالة بيه ماء وما يطلع للحنفية بهيج حالة عندك مشكلة بضغط الهواء داخل الخزان البلاستيكي ويحتاج إلى إضافة هواء للخزان حتى يرجع يشتغل طبيعي

اهلا وسهلا بك اخي الكريم ، العفو اخي على الأغلب المشكلة أما في الراوتر أو النانو برج (الصحن والالمبي مالته) تاكد منهم ،اما بالنسبة للشاحن (اليو بي اس) ما يأثر على الإشارة لانه عمله فقط تشغيل الراوتر والنانو

أهلاً وسهلاً بك اخي الكريم ، العفو اخي اذا امكن من خلال التعليقات اجاوبك على اي سؤال اني حاضر وتدلل أما من خلال تطبيقات التواصل الاجتماعي فاعتذر جدا من حظرتك

العفو اخي ، حسب فهمي لسؤال حظرتك ، إذا خلينا الدبة البلاستيكية (الخزان البلاستيكي)في مستوى الفلتر أو تحت الفلتر أو أعلى من الفلتر ، ماكو فرق بينهم لانه قوة دفع الماء الواصل للحنفية يعتمد على ضغط الهواء داخل الخزان البلاستيكي

أهلا وسهلا بك اخي الكريم ، أما السبب هو وجود هواء محصور داخل الفلاتر أو نوعية الفلتر رديئة أو متوسخة ،حتى تتأكد من المشكلة طلع فلتر المرحلة الثانية والثالثة وشد الغطاء مالهم وافتح الماء وشوف غطاء الفلتر للمرحلة الثانية والثالثة يمتلئ بالماء ام لا حتى نكدر نتأكد من المشكلة بدقة

@زكاةالعلمتعليمه شكرا انحلت المشكلة لكن فلتر المرحلة الثالثة كام ينكط ماي هواي ولحد الان ما انكطع رغم انه شديته هواي لكن بعده حته من سديت الكاك بعده ينكط ما اعرف شنو المشكلة حيرني ارجو الرد وشكرا

العفو اخي الشكر لله ، والحمد لله أنه لكيت حل للمشكلة ، اني هم صارت عندي هذه المشكلة مجرد فتحت الفلتر وشديته مرة أخرى وانحلت المشكلة وتوقف نضوح الماء وتأكد من وجود الواشر البلاستيكي احتمال يكون ماموجود لذلك تحدث هذه المشكلة أو يكون حاضن الفلتر ماكاعد عدل لذلك من تشده ما ينشد عدل ويبقى فراغ ينضح منه الماء

@@زكاةالعلمتعليمه انه سديت الماي وفليت فلتر المرحلة الثالثة وخرته لكن بعده ينكط يعني حته بدون فلتر وبدون الحاظنه مالته وبعده ينكط

العفو مكان الخلل (مكان تنكيط الماء ) من الصوندات الداخلات على المرحلة الثالثة لو وين بالضبط ؟

يجب فحص الكارت الالكتروني للجهاز

أهلا وسهلا بكم ، قد تكون المشكلة في منظومة التزييت التلقائي للجهاز لذلك تاكد من أنها غير فارغة

وعليكم السلام ورحمه الله وبركاته ، العفو اخي اذا قصدك فقط من تشغل ماطور الماء مال البيت فأما انت رابط الفلتر مباشر على بوري يأخذ الماء مباشرة من الماطور ولم تقم بربطه على بوري يأخذ الماء من خزان المنزل أو وجود مشكلة في ضغط الماء القادم إلى الفلتر أو وجود مشكلة في حساس الضغط الواطئ الذي يعمل على تشغيل الفلتر

وعليكم السلام ورحمه الله وبركاته ، غيري فلاتر المرحلة الأولى والثانية والثالثة فقط ، ناشر مجموعة من الفيديوهات على القناة بالإمكان الاستفادة منهم.

وعليكم السلام ورحمه الله وبركاته ، العفو اخي على الأغلب المشكلة في خزان المياه البلاستيكي يحتاج إلى ضبط الهواء قم بفصل الصوندة الداخلة للخزان البلاستيكي ولاحظ قوة الماء الخارجة منه هل كميتها وضغطها قليل ام لا ، وبعد انقطاع الماء الخارج من الخزان البلاستيكي قم برج الخزان إذا كان به ماء فهذا يعني أن المشكلة في الخزان البلاستيكي ويحتاج إلى إضافة هواء لضبط الضغط وأن شاء الله تنحل المشكلة.

اللهم امين اجمعين ، ولكم بمثل ما دعوت وزياده

أهلاً وسهلاً بك اخي الكريم 1 bar =14.5 psi 1 bar = 1.02 kg/cm2 1 kg/cm = 14.23 psi 1 bar = 100 kpa

@زكاةالعلمتعليمه حبيبي خل اشرحلك بلتفصيل الممل 🥰عندي التصفيه مالتي فصلت ما تشتغل نضفت الفلاتر الجوه ٣ أشتغلت خذت فتره ساعه ونوب طفت بدلتهن ٣ كامت تشتغل تقريب ساعتين طبيعي بس قبل لا ابدل الفلاترجان الماطور ينكط ماي وبيه صوت شوي قوي كتلك من بدلت الفلاتر واشتغلت كام الضغط يصعد ميه قبل جان ستين نفستله مافاد بس تصفي ماي هسه تشتغل على خربطته بس ماكو ماصفي ماي ليش وأرجو المعذره على الأطاله🥰😘♥️

أهلاً وسهلاً بك اخي الكريم ، تاكد من الماء الداخل للفلاتر احتمال يكون قليل من الرئيسي وتأكد من الماطور شوفه يعني من تشغل الفلتر تسمع صوت الماطور ، وتأكد من الفلاتر احتمال بيهم ترسبات واوساخ تحتاج إلى تنظيف ، واحتمال تكون المشكلة بالممبرين (فلتر المرحلة الرابعة) احتمال التكلسات والاملاح هي السبب . حتى تتأكد من الأسباب التي ذكرتها قم بتشغيل الجهاز وافصل الصوندة الداخلة إلى الخزان البلاستيكي وشوف يطلع منها ماء بشكل طبيعي ام لا وكذلك افصل الصوندة المتصلة بالحنفية من الفلتر وشوف الماء يطلع منها بشكل طبيعي ام لا

@زكاةالعلمتعليمه ممنون ربي يحفظكم

@SimonPeter-pz1jw العفو اخي بدون مانية ، تدلل ، الله يحفظ الجميع من كل سوء

العفو يعتمد على سعة بطارية اليو بي اس وعدد الأجهزة المربوطة عليه.

أهلاً وسهلاً بك ، اني مجرب هاي الطريقة وما صار عندي مشكلة والماء قوي وطبيعي مابيه مشكلة . احتمال عندك ضغط الهواء في الخزان البلاستيكي قليل

حسب قدرة الجهاز ،اما بالنسبة لوقت الاستخدام والاستراحة فما عندي معلومة ، قد تكون المعلومة موجودة في الكتلوك مال الجهاز

وعليكم السلام ورحمه الله وبركاته العفو اخي تاكد من ان ماطور التصفية يشتغل وتأكد من عدم وجود هواء محصور داخل الفلاتر والتأكد من أن الفلاتر تم ربطهم بالطريقة والصحيحة ، وتأكد من ضغط الهواء الخاص بالدبة (الخزان البلاستيكي) احتمال يكون ضغط الهواء قليل وما يكدر يدفع الماء . سؤال من تشغل الجهاز هل يوجد ماء يخرج من أنبوبة الفضلة ام لا ؟ شغل الجهاز التصفية وافصل الصوندة الداخلة للخزان البلاستيكي وشوف يطلع منها ماء ام لا ،في حالة وجود ماء يخرج منها فإن المشكلة على الأغلب في الخزان البلاستيكي

وعليكم السلام ورحمه الله وبركاته ، العفو اخي الخلل بالصمام أو الولف المسؤول عن تحسس الضغط أو ما يسمى بالهاي بريشر فالف ،اكو بالجهاز قطعتين سود ومتصلات بيهم وايرات الكهرباء واحد منهم يتحسس وجود الماء الداخل إلى الماطور ويعمل على تشغيل الماطور والآخر يتحسس الضغط داخل الدبة ويعمل على إطفاء الجهاز

وعليكم السلام ورحمه الله وبركاته ، العفو ما هو الرمز الذي يظهر على الشاشة ؟

إذا تسمع صوت المحرك يشتغل ممكن يكون السير(الحزام) الذي يربط بكرة المحرك بالبكرة التي تلف البساط مقطوع

وعليكم السلام ورحمه الله وبركاته ، الفو اخي اذا من تفتح الحنفية والماء يطلع قليل منها فهذا يعني أن ضغط الهواء داخل الخزان البلاستيكي قليل ويحتاج إلى إضافة هواء للخزان ،على الخزان مكتوب شكد ضغط الهواء ، فأنت إذا عندك بمب مال نفخ اطارات السيارات تكدر تضيف هواء وتضبط الضغط مال الخزان ، أما بقية التفاصيل قد يكون العداد بيه مشكلة أو اكو مشكلة اني ما اعرفها

أهلا وسهلاً بك اخي الكريم ، يعتمد تغيير الفلاتر على نظافة الماء المستخدم فإذا كانت المياه جيدة فيتم تغيير فلتر المرحلة الأولى كل ثلاث شهور أما الثاني والثالث كل ٦ اشهر الممبرين يتغير كل سنةونصف إلى سنتين ونصف أو كل ثلاث سنوات. أما بقية الفلاتر فالتغيير كل سنتين او ثلاث سنوات وحسب نظافة الماء. للأمانة اني عندي منظومتين لتنقية المياه فقط غيرت الفلاتر للمراحل الثلاثة الأولى فقط ، أما بقية المراحل فإذا تغير طعم الماء وأصبح طعم الماء غريب اغسل المنظومة عن طريق فتح الولف (الصمام ) الموجود قرب مخرج الماء الغير نقي.