دوکتور سردار محمد رحمن اوغلی !

دوکتور سردار محمد رحمن اوغلی: خدا را شکر که بالاخره از اوزبیکهای اوزبیکستان هم کسی پیدا شد که در مورد افغانستان و هم تباران اش شرح حال کند.
عنوان شعر : های اوزبیک ها !
شاعر : لطف الله محمودوف
Ҳов ўзбеклар...!
Бир сарзамин...Навоийнинг хоки ётган,
Бобур Мирзо охир манзилини топган,
Шоҳ Машраб ўлим шарбатини тотган -
Бир сарзамин фиғон қилар, қулоқ солинг,
Ҳов ўзбеклар, ўзбеклардан хабар олинг!
Бурда нонсиз, қатра сувсиз чўлда қолдик,
Манзил топмас, макон топмас йўлда қолдик,
Жаласи кам экан, бугун дўлда қолдик,
Сарсон бўлдик, гирён бўлдик, вайрон бўлдик,
Ҳов ўзбеклар, нега жимсиз? Ҳайрон бўлдик.
Жузжону Балх, Фарёб - она бешик қайда?
Тўрт тарафда олов дарё, кечик қайда,
Кел, шўрлик, деб бағрин очган эшик қайда!
Ҳеч бировга даркори йўқ хормиз бугун,
Ҳов ўзбеклар, меҳрингизга зормиз бугун!
Бизлар уким, замон-замон ўкинганлар,
Сўнгсиз зулм йўлларида тўкилганлар,
Жароҳатин чандиқлари сўкилганлар,
Бизда бу ҳол, сизлар байрам, тўйдасизлар,
Ҳов ўзбеклар, жавоб беринг, қайдасизлар!
Инсон буни раво кўрмас душманига:
Ҳўкиз кирди Туронзамин чаманига,
Ҳаром қўлин чўзар гулнинг доманига!
Бу қизларки, Лайли, Ширин, Нодирадир,
Ҳов ўзбеклар, Сизга бари ҳамширадир!
Гўдакларнинг кўзида мунг, жавдирайди,
Туроншажар барги булар - қовжирайди,
Нон сўрайди, сув сўрайди, уй сўрайди,
Ҳов ўзбеклар, шунча беғам, тормисизлар,
Ҳов ўзбеклар, ўлаяпмиз, бормисизлар!
Не иймон бу - муслим муслимни ўлдирса,
Хонадони, дўконига олов берса,
Не мўмин у- томошабин бўлиб турса.
Ҳов ўзбеклар, тошданмасми юрагингиз,
Турон ёнар, пасаймайди хуррагингиз!
Замининг хор ўлса агар, уйғонмасанг,
Қардошинг зор ўлса агар, уйғонмасанг,
Гўдаклар оч, ўлса агар, уйғонмасанг,
Ҳов ўзбегим, гарчи ҳолим афгор эрур,
Сенинг ҳолинг менимдан-да душвор эрур!
Биз-ку бир кун ғолиб бўлиб қайтадирмиз,
Музаффарлик қўшиғини айтадирмиз,
Ўша қутлуғ кунлар келган пайтда сизлар,
Не юз била қарагайсиз юзимизга!
Ҳов ўзбеклар, келингиз бас ўзингизга!
Лутфулло Маҳмудов
Намангон/Ўзбекистон
هاو اۉزبېکلر...!
بیر سرزمین... نوایی‌نینگ خاکی یاتگن،
بابر میرزا آخر منزلینی تاپگن،
شاه مشرب اۉلیم شرابینی تاتگن -
بیر سرزمین فغان قیلر قولاق سالینگ،
هاو اۉزبېکلر، اۉزبېکلردن خبر آلینگ!
بُرده نانسیز، قطره سووسیز چۉلده قالدیک،
منزل تاپمس، مکان تاپمس یۉلده قالدیک،
جله‌سی کم اکن، بوگون دۉلده قالدیک،
سرسان بۉلدیک، گریان بۉلدیک، ویران بۉلدیک،
هاو اۉزبېکلر، نېگه جیمسیز؟ حیران بۉلدیک.
جوزجان و بلخ، فاریاب - آنه بېشیک قَیده؟
تۉرت طرفده آلاو دریا، کېچیک قَیده؟
کېل، شۉرلیک، دېب بغرین آچگن اېشیک قیده!
هیچ بیراوگه درکاری یۉق خوارمیز بوگون،
هاو اۉزبېکلر، مهرینگیزگه زارمیز بوگون!
بیزلراو کیم زمان-زمان اۉکینگنلر،
سۉنگسیز ظلم یۉللریده تۉکینگنلر،
جراحتین چندیقلری سۉکیلگنلر،
بیزده بو حال، سیزلر بیرَم، تۉیده‌سیزلر،
هاو اۉزبېکلر، جواب بېرینگ، قَیده سیزلر!
انسان بونی روا کۉرمس دشمنیگه،
هۉکیز کیردی توران زمین چمنیگه،
حرام قۉلین چوزر گل‌نینگ دامنیگه،
بو قیزلر که لیلی، شیرین، نادره دیر،
هاو اۉزبېکلر، سیزگه بری همشیره دیر!
گودکلرنینگ کۉزیده مونگ، جَودیره‌یدی،
توران شجر برگی بولر - قاوجیره‌یدی.
نان سۉره‌یدی، سوو سۉره‌یدی، اوی سۉره‌یدی،
هاو اۉزبېکلر، شونچه بیغم تارمیسیزلر،
هاو اۉزبېکلر، اۉله‌یپمیز، بارمیسیزلر!
نې ایمان بو - مسلم مسلمنی اۉلدیرسه،
خاندانی، دۉکانیگه آلاو بېرسه،
نې مؤمن او - تماشابین بۉلیب تورسه،
هاو اۉزبېکلر، تاشدنمسمی یوره‌گینگیز،
توران یانر، پسه‌یمه‌یدی خورّه‌گینگیز!
زمینینگ خوار اۉلسه اگر، اویغانمه‌سنگ،
قرداشینگ زار اۉلسه اگر، اویغانمه‌سنگ،
گودکلر آچ اۉلسه اگر، اویغانمه‌سنگ،
هاو اۉزبیگیم، گرچه حالم افگار اېرور،
سېنینگ حالینگ مېنیمدن-ده دُشوار اېرور!
بیز-کو بیر کون غالب بۉلیب قَیته‌دیرمیز،
مظفرلیک قۉشیغینی اَیته‌دیرمیز،
اۉشه قوتلوغ کونلر کېلگن پیتده سیزلر،
نې یوز بیلن قره‌گه‌یسیز یوزیمیزگه!
هاو اۉزبېکلر، کېلینگیز بس اۉزینگیزگه!
لطف الله محمودوف
نمنگان/اوزبیکستان