Цэвцгэр хурдан шарга (Алдарт дуучин С.Дамчаа)

Цэвцгэр хурдан шаргыгаа
Цэлмүүлэн засаж уналтай даа
Цэв цэвэрхэн гол шиг аальтайгаа мань үү зээ
Цэнгэж хүүрнэхэд минь бахтай л байна
Байгаа ч юм уу даа зээ
Цэлмэсэн сарны гэрэл
Цэлмүүхэн тунгалаг гэрэлтэй
Цэвэрхэн гол шиг авгай тантайгаа
Цэнгэж хүүрнэхэд баяртай л байна уу
Байгаа ч юм уу даа зээ
Намрын гүүний шимээр
Найрын цэнгэлийг үйлдэж
Наргин жаргаж эхлэхэд мань үү зээ
Навч цэцэг шиг чимэгтэй л байна уу даа
Байгаа ч юм уу даа зээ
Зуны гүүний шимээр
Зугаа цэнгэлийг үйлдэхэд
Зэрэгцэн суугч олонтойгоо мань уу зээ
Журмын сэтгэл жаргалтайхан байдаг шүү
Байгаа ч юм уу даа зээ
Мандсан нарны гэрэл мэт
Маш тунгалаг ухаантай билээ
Магад хайртай хүү чамайгаа
Мартахын сэтгэл төрөгдөхгүй байна
Байгаа ч юм уу даа зээ
Уртын сайхан хүрнээрээ
Уужим талыг туулна даа
Уяхан зантай хүү чамайгаа
Уйдахын сэтгэл төрөгдөхгүй байна даа хө
Байгаа ч юм уу даа зээ
Алтан цэцэг шаргаараа
Агуужим (уужим, монгол бичгээр) талыг туулуулна даа хө
Аялгуун зантай та нартайгаа
Амгалан тайвнаар цэнгэн жаргая