شكرا على المعلومات ...ولكن هذه الاجراءات هى التى تجعل الناس تتردد وتخاف من وضع اموالها فى البريد او البنوك المفروض يكون السحب حر وتحويل الاموال حر باى مبلغ ولحظى مثلما معمول به دوليا ..تحول مبلغ مهما كانت قيمته يصل فى نفس الوقت والذى تم تحويل الاموال لحسابه يمكنه السحب وبكامل المبلغ اذا اراد ذلك هكذا يتشجع الناس ويضعو اموالهم فى الادخار لانه يعلم انه عندما يحتاجها يمكنه سحبها بسهولة ... وتكون معاملات كبيرة ..الناس لا تثق حاليا لانها تخاف لا تستطيع سحب اموالها فى الوقت المناسب
اخي عندي سؤال مهم من فضلك نورني لانه ماني فاهمة والوا ... الله يرضى عليك انا متقاعدة و خلصتي قليلة راني حابة نڤوفلي كونت تاعي ccp لغرض طلب التاشيرة .. كاينا منها نفارسي في الكونت تاعي 30 ولا 40 مليون عادي !؟!؟!؟؟؟؟؟ و هل نقدر نسحبها عادي غدا ولا لي بعدوا ....!!!!؟؟
@@mounirlaposte شوف خويا انا رحت لمرة اللي فاتت في شهر مارس كانت مزال مدخلت لابورص قاتلي تدخل حتى لأفريل يعني دات شاك ديالي وشافت صح كلما تشوف تروح ستينالف ملكونت ديالي؟ يسما دوك انا معلاباليش شحال مزالو قادرة نكتب فالشاك نغلط تزيد تنقصلي يسما كل ما نشوف ينقصو؟ نتمنى جاوبني ☺️
@@karimkalama5129نفس السؤال .انا سقسيت في واحد القروب قالولي تفوتي مليار في العام يبداو يديرو لونكات .مثلا منين راهم يجوك الدراهم تخرج مليار في عام ونتا حسابك شخصي ماشي تجاري
راك غالط في حسابك تقدر تجبد 40مليون بطريقتين الاولى 20 مليون عن طريق شيك مباشرة ثانيا 20مليون عن طريق تحويلها من الهاتف او الصراف الالي لشخص ثاني وربما 05 ملاين عن طريق الصراف انا شخصيا اجبدت 40مليون في نهار واحد
خويا نسقسيك مثلا انا نبيع usdt في بايننس وكي نبيع يبعثولي لحسابي البنكي اي باينة مثلا اذا بعت الف دولار تقريبا ب20مليون هل في خطورة انو يستجوبوني منين مصدر اموالي؟
سلام عليكم ،، هل صحيح مصلحة الظرائب ، تراقب حسابك ccp وتطبق ضريبة إذا قمت بإدخال وإخراج الأموال في حسابك مع العلم هو حساب شخصي وليس تجاري من فضلك توضيح هذه النقطة لأنني أرى على اليوتوب واحد دارولو ضريبة 8ملتيير وآخر 5ملايير مفهمنا والو ، نريد منكم توضيح موثوق
@@karimkalama5129 حسب ما فهمت من حساب غير تجاري كي شغل مثلا انت تدخل شهرية تاع منحة البطالة، تخدم في مؤسسة يصبولك خمس ملاين تاوعك، وقادر تسحب مثلا مليون بعد عدة ايام لغرض شراء حاجياتك اليومية، وهكذا، بصح مثلا اذا كنت مدير أعمال وعندك شركات ومصانع، او عندك مؤسسات تجارية ضخمة هنا اعتقد رح تفتح حسابات خاصة ومنعرف، باه يعرفوك منين راك تجيب في الدار وهل هي تبييض الاموال ولا. هدا على حساب فهمي برك
ممكن إجابة الأخ منير على الأسئلة التالية : قداه أقصى مبلغ يدخل للكونت تاعك بلا مسائلات قانونية. أسكو تقدر تخرج كثر من 100 مليون في الشهر . و أقصى عدد تحويلات في العام لي البنك يسمحلك بيهم أرجو الرد من فضلك @@mounirlaposte
Rebi yhafdak khouya Mounir 3adjboni bzf les vedeo taw3ak bonne continuation
من فضلك كتبيع قطعه ارض بمبلغ كبير ويبعتلك المبلغ فلبوسطه وكتاه وتقدر تجبدهوم واش هوما الاجراءات
انا رحت نهز منحة البطالة الشاك نتاعي فيه اكثر من5ملاين حاب نخرج 5كتبت فالشاك 5مليون قالي متقدرش قالي لازم تخرج اقصى حد 3ملاين
ممكن الامضاء ليس مطابق
او الامضاء ليس ظاهر في الشاشة
شكرا على التوضيح بارك الله فيك اخي الكريم❤❤❤❤❤
بارك الله فيك على الشرح في انتظار قائمة الرسوم بالتوفيق
بارك الله فيك وجزا الله والديك ومن تحب جنات الفردوس الاعلى
بارك الله فيك كفيت ووفيت
اخي منير ديرنا انواع tpe ... اشرحنا كيفاش نخدمو بيه ..شكرا
السلام عليكم ماهو أقصى مبلغ يمكن تحويله من البريد الى البنك وكيفية ذلك
كيما تحب ...راني داير عليها فيديو
من فضلك جاوبني زوجي. توفى. وترك اموال في البنك عنده امه في الجزائر وعنده. أولاد في فرنسا كيفاش نقدر نسحب الاموال
خويا وش هي اجراءات لندريها وتعود يطلعلي الامضاء في شاشة لخطرش منقدرش نخرج اكثر من 3 ملاين
غير التوقيع ساهلة
مأجور ان شاء الله
الأخ منير وعلاش مايرفعوش سقف السحب في البريدي موب الى 10 مليون .
خرجها كتابي احسن
خويا من فضلك كيفاش نكتب 200مليون في الشاك بالأرقام و الحروف وهل نقدر نحولها من رصيدي لرصيد آخر عادي في البوسطة؟؟؟؟؟ ارجو الرد مهتمة جدا
نعم بالشاك
2.000.000,00 deux millions da
مئتا مليون دينار
@@mounirlaposte بارك الله فيك شكرا على الرد
هذي عشرين مليون ياك
بالعربية راك غالط . إثنان مليون دينار@@mounirlaposte
شكرا على التوضيح
4:38 قولي كي نحل دفتر توفير في لابوصت بليزنتيري مينقصوليش من ccp.
في الدفتر مينقصوش اما في ccp اي عملية فيها تخلصي 😊
تقدر تخرج عشرين من المكتب البريدي و خمسة من نهاىي الدفع الالكتروني و خمسة من الموزع الالي
وشحال تقدر تجبد من مركز البريد
بارك الله فيك يا منير على هذاه المعلومات ٠
المعرفة بها دايرا حالة في البريد ولا في اماكن اخرة
شكرا على المعلومات ...ولكن هذه الاجراءات هى التى تجعل الناس تتردد وتخاف من وضع اموالها فى البريد او البنوك المفروض يكون السحب حر وتحويل الاموال حر باى مبلغ ولحظى مثلما معمول به دوليا ..تحول مبلغ مهما كانت قيمته يصل فى نفس الوقت والذى تم تحويل الاموال لحسابه يمكنه السحب وبكامل المبلغ اذا اراد ذلك هكذا يتشجع الناس ويضعو اموالهم فى الادخار لانه يعلم انه عندما يحتاجها يمكنه سحبها بسهولة ... وتكون معاملات كبيرة ..الناس لا تثق حاليا لانها تخاف لا تستطيع سحب اموالها فى الوقت المناسب
كلامك صح
أقل مبلغ نقدر نحطو في حسابي شحال
@alger_city_4848 kima habit
😂😂ماتضحكوش والله غير حابة نسقسي اذا نقدر نحط 100الف في كونت تاعي ولا لازم فوق 500الف من فضلك اخ جاوبني
تقدري تحطي كيما حبيتي
10da ...100da....1000da كيما حبيتي
شكرا
شكرا أخ منير و جمعة مبارك
سلام عليكم .. هل ممكن تسلف من بريد الجزائر ومن بعد كي يدخلوا دراهم ينحيو منهم .. قالولي بلي كاين خدمة سبقني .. اسكو مازالت ولا نحاوها
جامي كانت
و ما كاش الاخ
لان البريد وسيط فقط و ليس بيت للمال
هذا تعقيد للعمل وصرفالعميل عن وضع امواله في البريد واضعها في المخده يخرجها ما بشراء والمبلغ الذي بشراء
بارك الله فيك
هل تقدر تجبد من عدة بوصات في اليوم اكثر من 20 مليون
لا الاخ ريزو ناسيونال
@@mounirlaposte بارك الله فيك 🙏
جاوبني ربي يحفظك ...انا راني غضبانه عند اهلي وشاك تاعي راه عند زوجي وراه يجبدلي كل شهر منحة البطالة تاعي كفاش ندير ...انصحني ربي يجازيك
تبلوكي الشاك
او نحيلو الشاك او الدفتر العائلي
اخي عندي سؤال مهم من فضلك نورني لانه ماني فاهمة والوا ...
الله يرضى عليك انا متقاعدة و خلصتي قليلة راني حابة نڤوفلي كونت تاعي ccp لغرض طلب التاشيرة .. كاينا منها نفارسي في الكونت تاعي 30 ولا 40 مليون عادي !؟!؟!؟؟؟؟؟
و هل نقدر نسحبها عادي غدا ولا لي بعدوا ....!!!!؟؟
نعم عادي لكن السحب يكون على دفعات كل يوم 20مليون
سلام ماهو ادنى مبلغ يمكن سحبه عن طريق شيك بريدي من البريد ؟
200da
@@mounirlaposte عشرين الف سنتيم
نسقسيك كي تفارسي دراهم شحال يقعدوا باه يدخلوا عند السيد؟
ممكن تم تم
ممكن 24ساعة
ممكن 72ساعة
@@mounirlaposte شكرا جزيلا صديقي
نسقسيك اخي تم سحب من حسابي 65 الف مرتين في نفس الشهر بعد 20 لي قالولنا عليها على اساس taxe مافهمتش نتاع واش .ممكن توضيح؟
ممكن راك دير كشف الحساب في eccp
ايه بصح من بكري ندير في كشف الحساب و مايتنحاش. و علاه 65 الف كل مرة .
اخي ممكن تقولي اذا نقدر نحول دراهم من كارني cnep الي كونت ccp
سلام خويا معليش نسقسيك ☺️في خصوص المنحة الجامعية؟
ان شاء الله تكون عندي الاجابة
@@mounirlaposte شوف خويا انا رحت لمرة اللي فاتت في شهر مارس كانت مزال مدخلت لابورص قاتلي تدخل حتى لأفريل يعني دات شاك ديالي وشافت صح كلما تشوف تروح ستينالف ملكونت ديالي؟ يسما دوك انا معلاباليش شحال مزالو قادرة نكتب فالشاك نغلط تزيد تنقصلي يسما كل ما نشوف ينقصو؟ نتمنى جاوبني ☺️
@@beliveinyourself7105 لافوار عليها 10دج و تعمر الشاك و يكون ما عندكش دراهم 300دج
@@mounirlaposte شكرا اخي بارك الله فيك 🌹☺️
اهلي بعثولي دراهم من الإمارات هل يجوز يبعثوهملي في شاك وهل يعطوهملي في بريد بالدينار ولا بالريال السعودي ؟
لا يمكن فالشاك
يبعتوهملك عن طريق واسترن و تديهم دينار بسعر صرف البنك
Khti a7kili kefeh derti svp mm ana kefek
الله يسترك خويا جاوبني بسرعة قبل مانشقى كي يبعثولي دراهم من خارج الوطن في ccp ونخلص عليها قداه يقدرو يبعثولي ماكسيموم
خارج الوطن ماشي في ccp
يبعتولك واسترن ولازم قل من 20مليون
@@mounirlaposte يعني تقدر تبعث مبلغ حوالي 5 ملاين نورمال خويا ومن بعد يحولوهم والا كيفاه
@@stimulatingsurina551 عن طريق الواسترن يونيون
أنا رحت نجبد 20 مليون و غدوة منداك باش نزيد نجبد 20 قالولي مانقدرش علاش ؟؟
لزملك 48 ساعة
ورينا كبفاش نعمرر شاك تاع اورو
شحال اقصى مبلغ نقدر نجبد دوا في شهر بدون رسوم كبيرة
خويا صح كي مككونش تخدم و دخل دراهم في ccp من ريح انترينت و في عام دخل 80 مليون تتعرض للمحاكمة ؟
Non
@@mounirlaposte تسما ميحوسوش عليك كامل مين راك دخل دراهم
@@Rinasab201 نعم
كفاش ختي تخدمي فهميني
😂😂😂😂😂
سلام خويا ، ممكن يبعثولي ماية مليون في ccp انتاعي ، مكانش مشاكل .
نعم ....عادي
خويا شحال رقم الاعمال لي اذا تجاوزتو يعيطولك تاع ضرائب
لا يوجد
@@mounirlaposte يعني تجبد واش تحب ؟!!!
@@karimkalama5129 20مليون في اليوم
هل يمكن تسديد ثمن سيارة عن طريق صك بريدي؟
نعم
اخي من فضلك هل يقدر واحد يكتبلي شيك ب 25 مليون وانا نقدر نجبدو عادي بشيك تاع CCP من لابوسط
لا
اخر مبلغ يدفع للحساب شخص آخر كم
100 مليون ميهدروش علها كي تكون بلا خدمة
Non
Neqder nejbed 300 millions b la demande wela la?
يعني اذا عندك مليار شعال تقعد باش تجبدو
مليار دير كرني في بنك أحسن تجبدو كامل
ولي مخبي في البنك من فظلك
Slm3likoum bghit nsa9sik hbb n9ad nkharej 25 malyoun m distributeur ta3 barid eljazair ??
Nn maximum 5 millions
خويا الله يسترك حبيت نسقسيك انا نخدم USDt نبيع و لي يبعثولي بريدي موب يعني اذا مثلا كل يوم نخرج 5 ملاين هل في خطر او ضريبة
لا
@@mounirlaposte
مكانش ظريبة الخ نورمال متأكد
اسكو نقدرو نخرجو 20 مليون يوميا بالشاك
@@karimkalama5129نفس السؤال .انا سقسيت في واحد القروب قالولي تفوتي مليار في العام يبداو يديرو لونكات .مثلا منين راهم يجوك الدراهم تخرج مليار في عام ونتا حسابك شخصي ماشي تجاري
@@SarahSarah-vv6mj يعني تقدري تدخلي 900 مليون نورمال لكونت تاعك وقادرة تخرجيهم في نفس وقت مراحش يهدرو معاك مصلحة الضرائب ؟
@@SarahSarah-vv6mj واش هي usdt
أقصى مبلغ نخرجه بشاك سوكور ؟
شاك سكور مراهمش يخدمو بيه خويا
بالبطاقة الذهبية كل المكاتب البريدية تخدم بيه
اما الشاك سكور وحدو بعض المكاتب البريدية ما يخدموش بيه
سلام وكءي تروح تفاؤسي لواحد 20 مليون شحال يدو عليم طاريف
50الف
@@mounirlaposte كي دغيرا طريقة الحساب
اخي لوكان نبعث 150 مليون عبر شاك لشخص اخر مكاش مشكل؟
سلام الأخ نتمنى جاوبني يقدرو يبعتولي 25 مليون في بريدي موب جوز نورمال؟
لا يمكن خمس ملاين برك
@@mounirlaposte مام يكون كونت تاع السيد تاع أونتروبريز؟
@@ahlemmess8260 تطبيق بريدي موب محدد 50الف دج
@@mounirlaposte يعطيك الصحا
اخ و ماهو أدنى مبلغ يمكن دفعه عبر cpp
1da
عندي حساب مستعملتوش لمدة 3 سنوات يبقي يمشي اخي ولا يقدرو يبعتولي فيه نقود وشكرا خويا ربي يحفضك
يبقى يمشي
خويا حبيت نسقسيك شحال أقصى مبلغ تقدر دخلو للحساب ديالك espasse
اخي من فضلك شحال من مرة نقدر نسحب بالبطاقة الذهبية في نفس اليوم .يعني محتاجة 10ملاين هل نقدر نجبد على مرتين في نفس اليوم؟؟؟؟؟
لا يمكن عندك 5 في اليوم
يعني اجبد 5من مكتب البريد و 5من الصراف الالي
@@mounirlaposte الف شكر على الاهتمام و الرد
السلام عليكم اخي، كيف يمكنني نقل اموال شراء سيارة تصل ل300 مليون سنتيم للبائع من حساب ccp؟
وهل توجد رسوم على هذه العملية؟
وشكرا
عن طريق الشاك الاصفر و الاقتطاع يكون حوالي 1000دج
ياخويا قولنا اقصى مبلغ تقدر تجبدو بالشاك علاه هاذي الهدرة كامل
Deux cents milles dinars
السلام عليكم شحال أقصى مبلغ تقدر تحولهم من بريدي موب ؟؟؟
خمس ملاين وبعد 24 ساعة باه تقدر تزيد تبعث
عشرون مليون
دوك انا حاب نشري دار ب3 ملايير كيفاش ندير
لحقتي ميساج دخلولي دراهم كي روحت نجبدهم مالقيت والو
ممكن ميساج غالط
خويا كي نكلف زوج من ناس باش يخرجولي في نهار واحد يقدرو يجبدولي
خوي في سعوديه يبعثلي نرمال في شاك عادي في لبوسط ولا لا
يبعتلك في واسترن اونيون
صافي نقدر نجبد كل يوم 20 مليون ارجو الرد
شحال أقصى مبلغ ممكن سحبه بالشيك secour
20.000,00 Da
Vingt mille dinars
عشرون الف دينار
@@mounirlaposte خويا راك نسيت صفر عشرين مليون فيها خمس أصفار
@@danamimi6151 الله يبارك
كي نعطيك معلومة يعني طبقها ماشي ناقشني الاخ
تعيش خويا راني حابة نسلف دراهم من CCP كيفاش ندير
لا يوجد الاخت
@@mounirlaposte بصح انا قالولي اخلصولك les électro ménager
@@haddahadda1032 هاديك البيع بالتقسيط وليس سلفية
@@mounirlaposte justement كيفاش ندير
@@haddahadda1032 ادا عندك شهرية فوق 3ملاين ارواحي للانستغرام نفهمك
راك غالط في حسابك تقدر تجبد 40مليون بطريقتين
الاولى 20 مليون عن طريق شيك مباشرة
ثانيا 20مليون عن طريق تحويلها من الهاتف او الصراف الالي لشخص ثاني
وربما 05 ملاين عن طريق الصراف
انا شخصيا اجبدت 40مليون في نهار واحد
اخي من فضلك مئة اورو كم تساوي جزائري
سعر الصرف جيبلك 13000دج يعني مليون و ثلاث مية
اما السوق السوداء جيبلك زوج ملاين و ميتين تقريبا
سلام حبيبي منير حبيت نسقسيك الغالي
هل هناك مشكل عند تحويل الأموال مثلا 2 ملاين يوميا او اكثر الى حساب CCP من شخص آخر الى حسابي
Non
@@enisa6854 نعم ادا بعثت بالطاقة الذهبية يجيك ميساج
نقدر نحول 20 مليون من كونت على بريدي موب ولى لا اخي
شحال أعلى مبلغ نقدرو نخبوه ف ccp
اثنا عشرة رقم يعني 999999999999
خويا اسكو لابوسط تع لجامعة نجم نهز منها نورمال صواردي لي لفارصاوهملي
نعم
ولكناب شحال
ماهو الحد الادنى لشاك سيكور
1da jusqu'à 20.000da
شكرا اخي
راك غالط يا سي مونير تقدر تجبد حتى 20.0000دج
@@ammarbouch3225
قداه اخي تقصد زوج ملاين ولا عشرين مليون انا اني حاصلة حبيت نجبد دراهمي مظطرة قالولي زوج ملاين كل شهر برك
زوج ملاين كل يوم و ليس كل شهر
ربي يحفضك نسقسيك مثلا عندي 900 مليون ف CCP كون نزيد كاين اشكال ولالا ميخوسوش ربي يحفضك رد عليا 😊
فوق 800 مليون فالعام كاين اشكال نعم
هل استطيع سحب اموال من البنك
نعم
ارجوا الرد في اقرب وقت
شعال لازم تخلي دراهم ف ccp باش يدولكش دراهم
كيما تحب
لكن ما يدولكش دراهم كي ما تخليش
انا حابة نبعث بنت خالتي تخرجلي مليون من ccp تاعي كفاه ندير وريلنا
لا تستطيع
@@mounirlaposte ولا خدمتلها وکالة تقدر ولا لالا
من عند الموثق و تخلص عليها يعني لا يوجد فائدة
الاحسن تصنع بطاقة ذهبية و تعطيلك تخرج بيها
@@mounirlaposte ندیرلها وکالة هنا في فرنسا فالقنصلية باش تجدد ليا كارني cnep رانی دایرلتها وکالة ملفتحت الكونت فالبوسطة
نعم من القنصلية مع تحديد الوكالة يعني تكتبي سحب صك بريدي او سحب بطاقة ذهبية او سحب الاموال...الخ
اسكو واحد كي يبعثلك مبلغ 100 مليون في بريدي موب نورمال ؟؟ باسكو بريدي موب هو مرتبط بالحساب ccp
وي
كي تجبد عشرين مليون شحال ينحولك من الحساب
بالتقريب 600دج
قصدك ستينلف ولا ستميتلف ؟
واش هو اقل مبلغ يمكن تحويله
1da
خويا منير نقدر نبعث مبلغ 200.000.00 بشاك سكور ومدة مستغرقة لتصل للمستفيدة
جزاك الله خير
نعم
اخي انا عندي 6 ملاين تاع المنحة نقدر نهزهم كامل
تنجم هيه
👏👏👏👏👏👏
شحال روسوم في 20 مليون
نقدر نجبد ب الباسبور؟
نعم
@@mounirlaposte chokran
هل ممكن فتح حسابين ccp ؟
نعم لكن ممنوع
خويا نسقسيك مثلا انا نبيع usdt في بايننس
وكي نبيع يبعثولي لحسابي البنكي اي باينة
مثلا اذا بعت الف دولار تقريبا ب20مليون هل في خطورة انو يستجوبوني منين مصدر اموالي؟
انا تان راني نخمم فيها هكا
@@mouhameddib3212ڨاع رانا نخمموا هكدا 😔
كيف تكتب خمسون مليون بالارقام والحروف
500.000,00cinq cent mille dinars
خمس مائة الف دينار
سلام عليكم ،، هل صحيح مصلحة الظرائب ، تراقب حسابك ccp وتطبق ضريبة إذا قمت بإدخال وإخراج الأموال في حسابك مع العلم هو حساب شخصي وليس تجاري من فضلك توضيح هذه النقطة لأنني أرى على اليوتوب واحد دارولو ضريبة 8ملتيير وآخر 5ملايير مفهمنا والو ، نريد منكم توضيح موثوق
ماكاش منها
مصلحة الضرائب لا علاقة لها بالبريد
سلام أخي شحال الحد الأقصى لي تقدر ترسله في ccp مثلا من بنك بايسيرا أو سكريل و هل يتعرض لصاحب ال ccp إلى مسائلات حول مصدر الأموال؟
اول شيء لازم تفهم بلي ccp لا يتعامل مع بايسيرا او وايز...الخ
ثاني حاجة ccp العملة بالدينار و ترسل اموال لغرض غير تجاري عادي ارسل واش حبيت
@@mounirlaposte ربي ينورك 🤗
@@mounirlaposte
كفاه لغرص غير تجاري
@@karimkalama5129 حسب ما فهمت من حساب غير تجاري كي شغل مثلا انت تدخل شهرية تاع منحة البطالة، تخدم في مؤسسة يصبولك خمس ملاين تاوعك، وقادر تسحب مثلا مليون بعد عدة ايام لغرض شراء حاجياتك اليومية، وهكذا، بصح مثلا اذا كنت مدير أعمال وعندك شركات ومصانع، او عندك مؤسسات تجارية ضخمة هنا اعتقد رح تفتح حسابات خاصة ومنعرف، باه يعرفوك منين راك تجيب في الدار وهل هي تبييض الاموال ولا. هدا على حساب فهمي برك
ممكن إجابة الأخ منير على الأسئلة التالية :
قداه أقصى مبلغ يدخل للكونت تاعك بلا مسائلات قانونية.
أسكو تقدر تخرج كثر من 100 مليون في الشهر .
و أقصى عدد تحويلات في العام لي البنك يسمحلك بيهم
أرجو الرد من فضلك
@@mounirlaposte
ما معنى TPE
ماهو tpe؟
Tpe : هو صراف الي مصغر
خويا شعال المبلغ المسموح به باش نحول من حسابي لحساب اخر شعال اقصى مبلغ بلا ما نخرج دراهم من كونت لكونت آخر
بالبطاقة الذهبية 20مليون
بالشاك ليس محدود
بريدي موب 5ملاين
@@mounirlaposte حساب بريدي هو شاك ولا لا
@@DONBEHANE oui
هل يمكن القاصر سحب 7 ملايين
خويا تقدر تجبد 90 الف باشك ؟