قصيدة القهوة ☕️~ بن عون .. مع هجعة اللي يختفون أول الليل الغايبه دايم يغيبون معها النفس تاقت للسمر والتعاليل والعين أشوف النوم خالف سنعها وطاب الجلوس بجانب النار ياشعيل وحط الحطب في ترعة ٍ من ترعها وإليا استوى للجمر فيها دحاميل وأقبل تواهجها وقفى ولعها درج على المحماس من غير تعجيل برية ٍ دوب اليماني قطعها أول قطاف سفوح شم الأقاذيل اللي جذا حوم الوحش عن فرعها شم يساقيه السحاب بهماليل لين يتحدر سيلها مع تلعها وترى لحمستها نظام ودواليل وشريعة يمشى بأثر من شرعها أول بدايتها مدافع مخاليل ومسرى جماميل ٍ بغالي سلعها وسوق ٍ كما سوق الجمال المحاميل مازال حموى النار ماقد لذعها وإليا تطلق من شذاها زعاجيل وبشت عرق واللون الأشقر نشعها فالحال سهلها عن النار تسهيل حتى لظى المحماس ما يدّرعها وغير لها يا شعيل مسرى الجماميل بطراد زلبات ٍ تزايد فزعها تدريجة الحيران ومطارد الخيل هذي طريقة حمسها واتبعها وعقبه تميلها على النجر تمييل جذاب روس القوم من منتجعها عوايد له من على سالف الجيل ماهي حديثه تونا نبتدعها ومن يوم تنعمها فدوك الدعابيل فوق أصهب اللون الربيب تهزعها وتضبط قياس الماء لها بالمكاييل ضبط الخبير لصنعة ٍ مخترعها ومن يوم تقطع خلها مثل ما قيل ترخي على هدفى السبيل مخذعها مبهارة ٍ تذعر بغالي التشاكيل طب العماس إليا تيسر تبعها صفرا كما القنديل حسنا تعازيل من صنعة رسلان الأول صنعها إليا دارها اللي يعتني بالمعاميل وفاحت وبالفنجال الأول ردعها وفيها تساوت خنة البن والهيل والنفس دافعها عليها دفعها قم صب لي ياشعيل منها فناجيل على سنا ضوء تهادى ولعها أظنها يامال طول التماهيل تقلع همومي كان ربي قلعها وتفتح لها أبواب بصدري مقافيل وتجمع لي أفكار ٍ تشتت ضيعها وآخذ بها عن ضيقت البال تبديل وصروف دنيا ما مشت مع سنعها دنيا تصيد بالشبك والمحابيل ناس تسايرها وناس تخدعها أحد تجي له بالرضا والتساهيل وهو لو تعب في جمعها ما جمعها وأحد ركابه مقفيات ٍ مقابيل ولاباب والا نافذة ما قرعها وتعطيه قاف إليا طمع بالمواصيل وينكف معيف وسامح ٍ من طمعها دنيا تقذل سبق الحر تقذيل وتوهنه في ربعة ٍ من ربعها لو قد مضى له من شقاها غرابيل يوم الحرايب مظلمات ٍ قطعها يوم الطلوع ابها على الهجن والخيل ما قد فهق عن طلعت ٍ ما طلعها ويوم استقرت وأغدقت بالمحاصيل صارت منافعها لمن لا نفعها عقبانها تمسي قوايا مواجيل والمستفيد غرابها مع مرعها واللي مسار أمورهم بالبراطيل واللي متى ما وافقت له بلعها ومن ذاق در المرزمات الأباهيل أما حلبها حلب وإلا رضعها وحصنيها يرقص على هزت الذيل ولو يجتمع قدمه سباع ٍ سبعها ولا عندنا ياشعيل للعوج تعديل مازال ممشاها على العدل أطعها ون شفتها قامت تجانف على الميل بأردى ثمن عند أول السوم بعها واستثن منها قومت ٍ بآخر الليل في حزة ٍ كل ٍ يحب يهجعها إليا جاء لثلث الليل الآخر تراتيل وقامت ملائكة الرضا قمت معها في ساعة ٍ تكبيرها والتهاليل يجنى ثمار عذوقها من زرعها وخل اجتماعك بالرجال الحلاحيل اللي خيار المجتمع مجتمعها ولا تبدي الشكوى ولو ضامك الشيل الا على رجل يحس بوجعها رجل إليا التفت عليك النشابيل أما شبرها شبر وإلا ذرعها واختار مفتاح ٍ للأرياء المقافيل روس العلا يرقيك في مرتفعها ومن الزمان اخذ العبر بالرحاحيل اللي منازلهم تهاوى بقعها يافجعتي لاجيت بعض المداهيل ولا شفت فيها عقب حي ٍ رتعها إلا رسوم دارسات ٍ مساميل وخرايم ٍ يزمى السراب بشمعها بلاقع ٍ شهب ٍ تهاوى زهاليل ألظّاهر أن اللي فجعني فجعها من عقب أهلها لو سقتها المخاييل مالله نفعها وبركتها نزعها لاجيتها جضيت من قلة الحيل ودنياي عندي ضاق بي متسعها على حلاحيل تضد الرجاجيل حصن ٍ ماعاد إلامقالع شيعها ⬆️ منقول .. ------------ تحتاج من ينشدها بصوت جميل ويشيلها.
@@knifex9757 لتقارن ابن عون بشعراء الماضي اقهوة اول مثل الذهب قليله عندهم ويضربون مشاوير شهور عشان يشرونها وماتنصب الا للكريم والشجاع والعقيد وكل رجال طيب اما العفن يتعدونه ولا يقهوونه هلحين الناس فسقانين واقهوه عندهم مثل الماء يسويله اربع دلال ويشرب منها فنجال ويكب الباقي ويقهوي العفن وغيره
@@knifex9757 القصيده جزله مانختلف لكن فرق بين من يقول القصيده بوقت العسر وفرق بين من يقولها بوقت الرخاء والنعيم حتى لو هي من اقوى القصائد تبقى قيمتها نازله ولا تشوش الرجال الي مرت عليهم قسوة الحياة مثل الي يمدح افعال قبيلته وهو ولد سنة الحفايظ مالها طعم حلات القصيد يكون طالع من فعل هذا وقت عسير هذا الي ابوصله
الله درك ياﻻديب ابن عون شاعر مخضرم وله قصائد ابكار بيض الله وجهه شاعر شبابه والله يرحم خوي دربه الشاعر الكبير ابن زويبن المعمري رحمه الله وجمعه مع من يحب ف جنات الخلد قولوا امين يامسلمين
انا مستغرب من كم الشعر اللذي قيل بالقهوه عند العرب هذا رغم انها مشروب مر ماله داعي اجل لو انهم يشربون الخمر ماذا كانو سيفعلون ؟ على الاقل الخمر شراب خطير عضيم امره واثره مع هذا ابو نايف شاعر مبدع امده الله بالصحه والعافيه
آخر الرجال المحترمين انت غبي القهوه لها طعم خاص غير المر اللي تعرفه القهوه اذا شربتها بروقان تذوق فيها طعم يعجبك اقسسم بالله اني كثير كثير افطر ع قهوه من اصحى طبعا بعد ماشرب مويه تقريبا قدر كاسه بعدها اتقهوى وبعدها افطر 😍😍
يا حبيبي .. القهوة رمز من رموز الكرم والضيافة .. كما أن لها جمهورها وفنها وذوقها بالنسبة لوجهة نظري القهوة في جلسة العصر والمغرب شيء ضروري لاغنى عنه صيفا وشتاءا وكل حين .. وﻻ تحلو الجلسة بدونها أما الخمر ولله الحمد غير معروف في جزيرة العرب
رد على من رمز لنفسه اخر الرجال المحترمين ليتك سكت فيه مثل مع اهل البادية العزيزين يقولون ( بعض الكﻻم يقول ل راعيه اتركني) والخمر من عادات الرمم والرخوم ليس من عادات الرجال اهل الشيمه والقيمة والمروءة عمر بن الخطاب رضي الله عنه ماشرب الخمر ف الجاهلية قبل اسﻻمه قالوا لماذا ماتشرب الخمر ياعمر قال يهين الرجل وينص قيمته ويعمل اقبح اﻻعمال وهو في غير وعيه والرجل الشجيع ﻻيشربه
![[SFM] Risky Recital](http://i.ytimg.com/vi/RzNkY1_Nk3o/mqdefault.jpg)
قصيدة القهوة ☕️~ بن عون ..
مع هجعة اللي يختفون أول الليل
الغايبه دايم يغيبون معها
النفس تاقت للسمر والتعاليل
والعين أشوف النوم خالف سنعها
وطاب الجلوس بجانب النار ياشعيل
وحط الحطب في ترعة ٍ من ترعها
وإليا استوى للجمر فيها دحاميل
وأقبل تواهجها وقفى ولعها
درج على المحماس من غير تعجيل
برية ٍ دوب اليماني قطعها
أول قطاف سفوح شم الأقاذيل
اللي جذا حوم الوحش عن فرعها
شم يساقيه السحاب بهماليل
لين يتحدر سيلها مع تلعها
وترى لحمستها نظام ودواليل
وشريعة يمشى بأثر من شرعها
أول بدايتها مدافع مخاليل
ومسرى جماميل ٍ بغالي سلعها
وسوق ٍ كما سوق الجمال المحاميل
مازال حموى النار ماقد لذعها
وإليا تطلق من شذاها زعاجيل
وبشت عرق واللون الأشقر نشعها
فالحال سهلها عن النار تسهيل
حتى لظى المحماس ما يدّرعها
وغير لها يا شعيل مسرى الجماميل
بطراد زلبات ٍ تزايد فزعها
تدريجة الحيران ومطارد الخيل
هذي طريقة حمسها واتبعها
وعقبه تميلها على النجر تمييل
جذاب روس القوم من منتجعها
عوايد له من على سالف الجيل
ماهي حديثه تونا نبتدعها
ومن يوم تنعمها فدوك الدعابيل
فوق أصهب اللون الربيب تهزعها
وتضبط قياس الماء لها بالمكاييل
ضبط الخبير لصنعة ٍ مخترعها
ومن يوم تقطع خلها مثل ما قيل
ترخي على هدفى السبيل مخذعها
مبهارة ٍ تذعر بغالي التشاكيل
طب العماس إليا تيسر تبعها
صفرا كما القنديل حسنا تعازيل
من صنعة رسلان الأول صنعها
إليا دارها اللي يعتني بالمعاميل
وفاحت وبالفنجال الأول ردعها
وفيها تساوت خنة البن والهيل
والنفس دافعها عليها دفعها
قم صب لي ياشعيل منها فناجيل
على سنا ضوء تهادى ولعها
أظنها يامال طول التماهيل
تقلع همومي كان ربي قلعها
وتفتح لها أبواب بصدري مقافيل
وتجمع لي أفكار ٍ تشتت ضيعها
وآخذ بها عن ضيقت البال تبديل
وصروف دنيا ما مشت مع سنعها
دنيا تصيد بالشبك والمحابيل
ناس تسايرها وناس تخدعها
أحد تجي له بالرضا والتساهيل
وهو لو تعب في جمعها ما جمعها
وأحد ركابه مقفيات ٍ مقابيل
ولاباب والا نافذة ما قرعها
وتعطيه قاف إليا طمع بالمواصيل
وينكف معيف وسامح ٍ من طمعها
دنيا تقذل سبق الحر تقذيل
وتوهنه في ربعة ٍ من ربعها
لو قد مضى له من شقاها غرابيل
يوم الحرايب مظلمات ٍ قطعها
يوم الطلوع ابها على الهجن والخيل
ما قد فهق عن طلعت ٍ ما طلعها
ويوم استقرت وأغدقت بالمحاصيل
صارت منافعها لمن لا نفعها
عقبانها تمسي قوايا مواجيل
والمستفيد غرابها مع مرعها
واللي مسار أمورهم بالبراطيل
واللي متى ما وافقت له بلعها
ومن ذاق در المرزمات الأباهيل
أما حلبها حلب وإلا رضعها
وحصنيها يرقص على هزت الذيل
ولو يجتمع قدمه سباع ٍ سبعها
ولا عندنا ياشعيل للعوج تعديل
مازال ممشاها على العدل أطعها
ون شفتها قامت تجانف على الميل
بأردى ثمن عند أول السوم بعها
واستثن منها قومت ٍ بآخر الليل
في حزة ٍ كل ٍ يحب يهجعها
إليا جاء لثلث الليل الآخر تراتيل
وقامت ملائكة الرضا قمت معها
في ساعة ٍ تكبيرها والتهاليل
يجنى ثمار عذوقها من زرعها
وخل اجتماعك بالرجال الحلاحيل
اللي خيار المجتمع مجتمعها
ولا تبدي الشكوى ولو ضامك الشيل
الا على رجل يحس بوجعها
رجل إليا التفت عليك النشابيل
أما شبرها شبر وإلا ذرعها
واختار مفتاح ٍ للأرياء المقافيل
روس العلا يرقيك في مرتفعها
ومن الزمان اخذ العبر بالرحاحيل
اللي منازلهم تهاوى بقعها
يافجعتي لاجيت بعض المداهيل
ولا شفت فيها عقب حي ٍ رتعها
إلا رسوم دارسات ٍ مساميل
وخرايم ٍ يزمى السراب بشمعها
بلاقع ٍ شهب ٍ تهاوى زهاليل
ألظّاهر أن اللي فجعني فجعها
من عقب أهلها لو سقتها المخاييل
مالله نفعها وبركتها نزعها
لاجيتها جضيت من قلة الحيل
ودنياي عندي ضاق بي متسعها
على حلاحيل تضد الرجاجيل
حصن ٍ ماعاد إلامقالع شيعها
⬆️ منقول ..
------------
تحتاج من ينشدها بصوت جميل ويشيلها.
ماتصلح الا بصوت بن عون
ياحضكم فيه ياعتيبة
ماشاء الله تبارك الله
يا سلام سلّم اشهد بالله ان هذا القصيد وهذا الشعر
ربِّ اغفرلي ولوالدي وللمسلمين والمسلمات والمؤمنين والمؤمنات الأحياء منهم والأموات
﮼آللّهُمَّ،صّلِ،وسَلّمْ،عَلۓِمُحَمد ﷺ
ولا تبدي الشكوى ولو ضامك الشيل
إلا على رجلٍ يحسّ ابوجعها !
الله أكبر! سبحان الله! حكمه حكمه لله درك يبن عون
لله درك يا ابن عون
اجزل واجمل ما قالته العرب في القهوة في اشعارها فصيحها والنبطي
اللهُّم أرني عجائب قُدرتك في تيسير أموري
البيت الأخير عن قصيدة !
لا فُضَّ فوك يا أبا نايف .
وحق القبايل مااعترض له بتقليل
الناس ﻻ اضلمها وﻻ انقص وزعها
لله درك
علم من اعلام الشعر 🏝️
صح الله لسانك يابونايف اشهد انك مبدع وشاعر جزل وقصيدة القهوه اعظم ماقيل في وصف طريقة صنعها
افضل ما قيل عن وصف القهوة.
محمد. عبدالله القاضي افضل من وصف القهوة
@@احمدالسلامة-ت6د القاضي والظلماوي والكثير مختصين وابن عون له قصيدة وحدة فقط في القهوة رغم ذلك سطّر اسمه معهم..
@@knifex9757 لتقارن ابن عون بشعراء الماضي اقهوة اول مثل الذهب قليله عندهم ويضربون مشاوير شهور عشان يشرونها وماتنصب الا للكريم والشجاع والعقيد وكل رجال طيب اما العفن يتعدونه ولا يقهوونه هلحين الناس فسقانين واقهوه عندهم مثل الماء يسويله اربع دلال ويشرب منها فنجال ويكب الباقي ويقهوي العفن وغيره
@@عبداللهالعنزي-ض8ظ3غ ما نختلف، لكن المقصد وصف القهوة وجزالة الوصف ودقته
@@knifex9757 القصيده جزله مانختلف لكن فرق بين من يقول القصيده بوقت العسر وفرق بين من يقولها بوقت الرخاء والنعيم حتى لو هي من اقوى القصائد تبقى قيمتها نازله ولا تشوش الرجال الي مرت عليهم قسوة الحياة مثل الي يمدح افعال قبيلته وهو ولد سنة الحفايظ مالها طعم حلات القصيد يكون طالع من فعل هذا وقت عسير هذا الي ابوصله
يامن يمر من هنا.....ياحبيبى صل على محمد وآل محمد....صلى الله عليه وعلى آله وسلم....ولك الأجر والثواب........ ............. والشفاعه
بندر ابن سرور وابن عون وابن زويبن من غير قصور في باقي الشعار لهم بصمه في تاريخ الشعر لاتنسى
اللہ واكبر عليك .. ابن عون ظاهره واسطورة كبيره
السلام عليكم ورحمة الله وبركاته.
الله أكبر ، هذا الصحيح جزاكم الله خير.
ماشاءالله تبارك الرحمن هاذ القصيد
مبدع ابو نايف..
💧
يامن سجدنا لك ولم نراك
ودعوناك ولم نراك
واستعنا بك ولم نراك
احسن لقائنا حينما نراك
اللهم بعزتك وجلالك احفظنا من شتات الامر ومس الضر وضيق الصدر وعذاب القبر وحلول الفقر وتقلب الدهر والعسر بعد اليسر ...وامنن علينا بدوام العافيه والستر
❤اللهم آمييييييييين🌹
بيض الله وجهك على هلدعاء 🙏
لله درك يابن عون ، شاعر جزل ويحبك البيت . قصيده بغاية الروعه من شاعر رائع .
﷽:رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا
وحق القبابل معترض له بتقليل
الخ ......
صح لسانك ي بن عووون
الله يحفظه ويسعده ويطول بعمره
سبحان الله وبحمده سبحان الله العظيم اللهم صل وسلم على نبينا محمد وعلى آله وصحبه أجمعين وسلم تسليما كثيرا
تسلم يابو نايف ولايهون صاحب القناة
فيهم مشاكيل وفينا مشاكيل
يما من الاخيار معنا ومعها
أتعبت من بعدك يابن عون 👏👏👏
احب هذا الرجل عاقل ومتواضع
حيا الله جارنا ونعم فيك يا ابو نايف
الله الله
الله درك ياﻻديب ابن عون شاعر مخضرم وله قصائد ابكار بيض الله وجهه شاعر شبابه والله يرحم خوي دربه الشاعر الكبير ابن زويبن المعمري رحمه الله وجمعه مع من يحب ف جنات الخلد قولوا امين يامسلمين
hussain Nafi عبد الله ابن عون عتيبي الله يصلحك
ماشاء الله تبارك الله
الله على الشعر الجزل صح لسانك
صح لسانك وبيض الله وجهك
شاعر بمعناءالكلمه
ونعم الرجل صح لسانكك
صح والله لسانك ياابن عون
صح لسانك شاعر
صح لسانك يبو عون
شعيل، ولده مشعل 💚
جميل
لله درك يابن عون
ياعمري يابونايف
من معلقات الشعر النبطي
صح السانك
صح لسانك
صح الله لسانك
عليه الكلام
هذا والله الشعر الي عليه الكلاَ
حنيتوا للقهوه ولا المطعم جوع إعاقة جسديه ويحلم طول النهار ياراكب
نعم بن عون الروسان اصدقاء البدراين من قديم
👍👍👍👍
👍🏻
انا مستغرب من كم الشعر اللذي قيل بالقهوه عند العرب هذا رغم انها مشروب مر ماله داعي اجل لو انهم يشربون الخمر ماذا كانو سيفعلون ؟ على الاقل الخمر شراب خطير عضيم امره واثره مع هذا ابو نايف شاعر مبدع امده الله بالصحه والعافيه
آخر الرجال المحترمين انت غبي القهوه لها طعم خاص غير المر اللي تعرفه القهوه اذا شربتها بروقان تذوق فيها طعم يعجبك اقسسم بالله اني كثير كثير افطر ع قهوه من اصحى طبعا بعد ماشرب مويه تقريبا قدر كاسه بعدها اتقهوى وبعدها افطر 😍😍
آخر الرجال المحترمين
دامك تقارن القهوه والخمر اللي ذاكره رب العزه بالشر فما في النار للضمآن ماءُ
يا حبيبي .. القهوة رمز من رموز الكرم والضيافة .. كما أن لها جمهورها وفنها وذوقها
بالنسبة لوجهة نظري القهوة في جلسة العصر والمغرب شيء ضروري لاغنى عنه صيفا وشتاءا وكل حين ..
وﻻ تحلو الجلسة بدونها
أما الخمر ولله الحمد غير معروف في جزيرة العرب
فللق٣٣ق٢٢٣
ون شفتها قامت تجانف على الميل // بأردى ثمن عند اول السوم بعها //// صح لسانك يابن عون وطول الله بعمرك
رد على من رمز لنفسه اخر الرجال المحترمين
ليتك سكت فيه مثل مع اهل البادية العزيزين يقولون ( بعض الكﻻم يقول ل راعيه اتركني)
والخمر من عادات الرمم والرخوم ليس من عادات الرجال اهل الشيمه والقيمة والمروءة عمر بن الخطاب رضي الله عنه ماشرب الخمر ف الجاهلية قبل اسﻻمه قالوا لماذا ماتشرب الخمر ياعمر قال يهين الرجل وينص قيمته ويعمل اقبح اﻻعمال وهو في غير وعيه والرجل الشجيع ﻻيشربه