台慶盛事獲獎者眾 頒獎嘉賓一樣精彩

除咗一眾獲頒發獎項嘅藝員之外，呢晚一眾應邀現身嘅嘉賓亦都一樣引人注目，好似 #秦沛 就親手頒獎俾細佬 #姜大衞 又同時見證囡囡 #姜麗文 得獎，而 @林保怡 就同 @歐陽震華 一齊頒發最受歡迎電視男角色，不過近期大熱嘅 #陶大宇 未有現身，就爭咁少少喇。
而 #羅家英 亦同 #劉江 一齊現身，仲大讚曾經合作嘅最佳男配角 #朱敏瀚 非常努力添。 @馬浚偉 就同當年老師 #羅冠蘭 重聚，又互相分享對演藝教育嘅心得。
@吳卓羲 同 @黃宗澤 就親手將視后獎座頒比老友 #林峯 嘅堂妹，相識多年嘅佢哋就話今次非常高興喇。而 @張慧儀 同 @江美儀 雖然係舊同事亦相識多年，不過呢晚原來先係首次同台合作呀。
呢晚亦有3個「家樂」一齊同台現身，而 @李幸倪 就負責馬來西亞最愛嘅角色同劇集獎，不過估唔到佢非常緊張喎。
至於最為特別嘅一個獎，可能係專業精神獎得主，由服務TVB同事幾十年，日前正式榮休嘅員工餐廳東主 #馬慶豪 喇。
#萬千星輝頒獎典禮2021 #頒獎嘉賓
即刻Follow TVB娛樂新聞台Facebook專頁
/ tvbenews
登入myTV SUPER享受睇TVB自製節目7日免費點播
bit.ly/2TXLlM0