أسرار فيلم البرئ.. نور الشريف اترشح مكان أحمد زكي وأبو غزالة قال للمنتج: انت عايز تقلب رجالتي علي؟!
HTML-код
- Опубликовано: 3 окт 2024
- تبدأ الحكاية في فبراير 1986 لما كان المنتج سمير غطاس واقف قدام أحد المسارح مرتبك جدا، ومستني أهم كبار البلد عشان يقيموا فيلمه الجديد هينفع يتعرض ولا، وقلقان جدا ياترى هيوافقوا على فيلم "البرئ" ولا هيرفضوا وممكن يقولوا عليه أنه ضد البلد، وفجأة بدأت المواكب تيجي ورا بعضها، لغاية ما جه أهم موكب .. موكب أبو غزالة مسؤول الدفاع.
وفعلا دخل الكل القاعة وقعد المنتج سمير غطاس في الصف التاني وكان مستغرب لأن أهم ناس في البلد قاعدين في أول صف، مسؤول الداخلية والثقافة ورئيس الأركان والمخابرات ومعاهم أبو غزالة.
وبدأ عرض الفيلم وكانت القاعة صمت ومفيش أي تعبير على الوش، وكان في منهم عامل يكتب ملاحظاته، والمنتج سمير غطاس بيراقب الوضع ونفسه الفيلم يخلص عشان يعرف رأسه من رجله ويطمن أحمد زكي اللي كان مستني في بيتهم نتيجة العرض.
وخلص عرض الفيلم وبص الكل لأبو غزالة اللي بص للمنتج سمير غطاس وقاله: محستش بأي إساءة من الفيلم، سمير غطاس هدي وابتسم لكن أبو غزالة قاله: بس أنت عايز تقول أيه من الفيلم، رد عليه غطاس وقاله: ده فيلم يا افندم عن مرحلة تاريخية في حياتنا وخلصت.
فجأة ادخل أحمد رشدي مسؤول الداخلية وكان مضايق جدا وقال: الفيلم فيه إساءة للداخلية ليه تجيبنا واحنا بنضرب الناس، الدنيا اتوترت ودخل مسؤول المخابرات وقتها أحمد نمر وقال: ليه تاخد حد من اللي اترموا ورا القضبان تحطوه تحت الرملة في الصحراء ده مينفعش.. وكان أبو غزالة مركز في كلامهم والكل مستني هيرد بأيه وفعلا رد أبو غزالة اللي حط 3 شروط سمير غطاس لما سمعهم اتفاجئ.
#احمد_زكي
#نور_الشريف
#البريء
ليس هناك اي ممثل في العالم سيقوم بدور أحمد سبع الليل أفضل من أحمد زكي
تحية للفنان المحترم نور الشريف اللي كان عاوز الفيلم يتعمل ويطلع للنور حتى لو مش هو اللي ممثله او منتجه ومقالش انا نمبر وان
تحية لمن نور مات من سنين كنت ترحمت عليه يمكن حد يقول بعدك الله يرحمه انا من عشاقه هو والمرحوم احمد زكى تحياتى لك
الاسطوره نور الشريف هو نور الشاشه فعلا بفنه وثقافته واخلاقه وتواضعه في تاريخ السينما والدراما العربيه، يمثل لنا ولا يمثل علينا
فيلم البرئ أسطورة 🎉🎉
بلد عسكري بإمتياز
العسكري قاعد في الصف الأول و المخرج في الصف الثاني هههه و المخرج خايف يبلع ريقه ههههه مصر بلد الأمان هههههه
ياليت يا استاذ جرجس تتكلم عن فيلم خمسة باب وشكرًا
وصل