اعظم الشيخان | كلمات عبدالهادي ابو ديه | اداء فهد بن فصلا والجفراني
HTML-код
- Опубликовано: 19 окт 2024
- جديد حصرياً ( اعظم الشيخان ) 🔥🔥
هداء الى وكيل شيخ شمل قبايل قحطان ووادعه الجنوب الشيخ :
عبدالله بن فهد بن دليم
كلمات :
عبدالهادي ابوديه
اداء كل من :
فهد بن فصلا
الجفراني
من بنات الريح في قبضة الهاجس عنان
مهرةً تجتاح الافكار بافكارً جدد
اتبجّح واتكبّر وفيها عنفوان
مايروض كبرياها من الشعار احد
لاقبضت عنانها خيّلت بنت الحصان
اتفاخر بي وانا مفتخر فيها بعد
وان تلاقت خيل الابداع بان الفرق بان
في ميادين التحدّي تصبّح وتهجد
من كثر ماهي على الاول تخطف الرهان
اتّمنى ان فيه قبل العدد الاول عدد
مسرجنها في عجب شيخ شيخان اقحطان
تصهل بمدحه جهارً مثل صوت الرعد
هيبة ابن دليم فالخوف للخايف ضمان
هيبةً تسوالها قاده وجيش ومدد
استوت عوص المدايح فخر وان الاوان
حي صقر مضيم ترثيّة صقور الهدد
قسم عبدالله سمين ومواقيفه سمان
مدهش عقول الرجاجيل من عاده ولد
من نصاه ولازمه كايد وعشره ثمان
والله ان ترجع عشر لانصى وجه السعد
مجد عبدالله بن دليم حاز اعلى مكان
ارجحً سيطر على القمه بعزم وجهد
بين زمزم والحطيم ومعى وقت الاذان
ادّعيت الدعوه اللي عليها الله شهد
فالشيوخ وفالقبايل على طول الزمان
اللهم كثر امثاله وبارك وزد
خلص ارقاب الرجاجيل من ضرب السنان
لاتكلم ماتلعثم ويصدق لاوعد
في ديات مضيم جوده قراحً ريهجان
مدته بين العطايا مثل سيلً ورد
لقحطان افعاله الخالده شاهد عيان
في ذراه الرايه ترفّ والراي اتحد
مجلسه عامر ومنصى طويلين اليمان
ومزبن اللي مابقى معه صبر ولا جلد
فيه ريح العود الازرق وهيل وزعفران
والشحم واللي يبا اللازم الكايد وجد
ابلجً ماحنّ نفسه لامنّ الشان حان
يحتمي الميقاف والشبل من ذاك الاسد
اعظم الشيخان تاريخ وافصحهم لسان
لالتقت عوج الصفوف ببعضها ما انعقد
شيخة جدوده قبل يعمر الدار الامان
شيخةً مافوقها الا سلاطين البلد
مجد جدانه شموخً على قمة بيان
ما يشكك فيه من صام لله وسجد
وان زهم سنحان ربعي يضيق ابنا المكان
يزهم ابن دليم ويقول ونقول اعتمد
دقلنا في ساعة الريب مافيه اتزان
في عجب شيخٍ عطيناه ميثاق وعهد
واقحطان اهل المواقيف واهل الجبخان
من عيال مضيم ربعه يسج من النكد
روسنا تقدح شجاعه ولافينا جبان
جمعنا يوم الوغا مثل جيشً لاحشد
لاقبلو قحطان ابن هود هان الصعب هان
دون حد المملكه درع وحزام وسند
لابتي قحطان بن هود لامس البطان
اطلق الاشناب لازعزعو ربعي هجد
يوم الايام اشهبا مابغوه يكون كان
خل عاد اللحين وايامنا خير ورغد
للوطن وملوكنا نجعل القاسي ليان
بيعةً فاعناق جمع اقحطان الى الابد
لازهم سلمان جانا على الفزعه جنان
نعصب الروس وتقدم لنا يابو فهد
بيّض الله وجه الشاعر عبدالهادي ابو ديّه على القصيده وبيّض الله وجه المنشدَيْن ابن هضبان وابن فصلا ماقصرو وابن دليم عزالله انّه يستاهل المديح
المدح اللي في مكانه يزين وابو فهد شيخ على شيخ وانشهد انه شيخ شيخان قحطان وصح الله لسانك ياعبدالهادي ابو ديه
والف نعم من قحطان عموم ويستاهل المدح والثناء الشيخ ابن دليم
عز الله ان مدح في محله كفو ياترثه مضيم🔥🔥
صح لسانك و لافض فوك يبو دية، ياحي القصيد و المدح اللي في اهله.
الله يجعل قصيدك مرضاة لربك و عون لربعك، صح صوت المنشدين.
صح لسان الشاعر ابو ديه السنحاني قصيده جزله من شاعر جزل .. شيله رائعه .. ويستاهل المدح شيخنا الغالي ابو فهد
صح لسان الشاعر ويستاهل الامير المدح
صح لسانك يا الشاعر وصح صوت المنشدين والشيخ عبدالله بن دليم كفو ويستاهل المدح
صح لسان ابو ديه وابو فهد يستاهل 👏
يازين المدح في محله
صح لسانك واعتلا شانك ويستاهل ابن دليم
ونعم ياوجيه جنب.
ماعليك زود
ابو ديه من شعار قحطان اللي اطرب لقصيده كلماته جزله وإلقائه يشوش