مهداه الى رجل الأعمال سعيد بن شايع العوسجي كلمات الشاعر مبارك بن مدغم الاكلبي | اداء خالد ال بريك
HTML-код
- Опубликовано: 22 авг 2024
- راكب اللي لاتنهض مقدمه من دعس بنصه
شفت كن الارض تحته سير في نادي رياضي
افجحً متناسق بديه على سكبه مقصه
لانهمته تطوي البيداء توايره العراضي
وان تعرض خشم عرقً زامي سافيه قصه
قصت السياف لرقبةً عليها حكم قاضي
صوت سلفه لاشتغل ماكنه الا صوت غصه
غصت اللي لامحه خلً لها وياه ماضي
سايقه لامن غبشت الفجر وجهك شرق نصه
مجلسً راعيه منصا فالجنوب وفالرياضي
نحرّه حي البيان لشيخ ماقد قيل وصه
فالعلوم الطيبه من خلقته دايم يحاضي
الزعامه والفخامه خاتم و الفعل فصه
في يمين سعيد يزها من بياض اليا بياضي
ابن شايع له مع التاريخ بالامجاد قصه
قصةً تروى على الأجيال حكمه واتعاضي
عوسجيً جود كفه ماخذ من الجود نصه
ريف من جور الزمان وظل عن حر الرماضي
الحبابي مدرسه من دون فصل و دون حصه
فالجناب الدمث من جا له حزين يروح راضي
يا منصه جود بن شايع فتح مثلك منصه
لليتامى والفقاراء ولمدورة المقاضي
مدهل الخطار واللي لحقه من الوقت خصه
في حجاجه شوف براق السعد بالخير ناضي
والثناء اللي به تطول الروس في مثله نخصه
ارجحً لاهو بخيل ولا ضعيف ولا خواضي
مثل ماقد قال بن جدلان في شرحه لنصه
مدحةً ماهيب في شرواه يعني حكي فاضي
كلمات الشاعر/ مبارك بن مدغم الاكلبي
مهداه الى الشيخ و رجل الأعمال/ سعيد بن شايع العوسجي الحبابي
عز الله انها قصيده وان الشاعر طربان للمدح لحن قاف تركيب وصف
ذا القصيده ما انكتبت الا في واحد كفو
مبارك بن مدغم قصيده فيها تعالي شعري وفرد وعظلات وأشهد باالله انك شاعر وصح لسانك ونعم بوجهه قحطان ✅
ونعم مليييون شيخ مراجل وشيخ فعايل جعل من جابوه الجنه مجمل ربعه ومجمل الحباب وقحطان والاقراب والاجناب انشهد انك ياولد شايع مجمل والمدح في الي مثلك وشرواك واجب مثل فرض الصلاه ، ختام كلامي الله يوفقك ويستر عليك من عيون الحسد
أشهد إن به قصيدة
ونعم ونعم وصح لسانك يبن مدغم جعل لسانك ما يعطب 👌🏼.
حي ذا الراس يابو شايع رجل افعال قبل يكون رجل اعمال
ونعمم
ونعم ويستاهل ابو شايع وصح اللسان الجزل اخوي /مبارك ابن مدغم. ومن اجمل المفرادات في المدح يذكرني ببن جدلان ولا هو غريب على التلميذ والمعلم ابن جدلان
ابو عبدالرحمن 😇🫡🫡
ونعم فيهم كلهم
يستاهل الزربي المدح وفعل يمناه
اشهد ان به قصيده مشلعععه