طلبية اليوم كلياني كيحماقو عليها ⁉️ وحتى انت غتولي مدمنة عليها المعلكة بكاوكاو غتولي تنجح معاك 💯

[@jalilaoumhamza396]

#عمرك تمشي عند شي وحدة بلاما تعيطي ليها ولا تحددو موعد بلا حرج عافاك .
#حاولي على راسك ماتهزيش الحاجة الثقيلة را غاتمرضي .
#الأكياس البلاستيكية غ ديال التقضية ماشي تستعمليها لحوايجك .
#قبل ماتخرجي تأكدي أن ريحتك زوينة و دايرا بروطيج سليب و دايرا ديودوغون تا بنت ماتبغي شي وحدة تعيب على ريحتها ولا هي بنفسها تشم فراسها ريحة العرق أو الخنز . النقى و النظافة كتزيد من الثقة البنت فراسها .
#ولادك علمييييهم و ربيهم بلي قبل مايدخل لأي بلاصة يدقو فالباب هو اللول و ياخدو الإذن و أي حاجة يقولوا شكرا و أن الإعتذار ماكيقللش من قيمة الشخص العكس . 💕💕
#كاينين شي حوايج سميتهم أسرار لهذا ماتبقايش غااا فمك و ماقال دكشي لي بينك و بين راجلك و عائلتك ستريه .
#فالبرد ديما خلي كريم مرطب حدا راسك قبل ماتنعسي دهني بيه عطا الله الكريمات .
#بنت ولا المرأة مني تسالي منك الدورة الشهرية توضاي بالخزامة را زوينة و فوائدها لا تعد ولا تحصى و غا مرة وحدة إن زاد الشيء عن حده انقلب إلى ضده . 👀🙂
#الزواج قسمة و نصيب عمرك تحسدي وحدة أخرى حيث تزوجت ولا تخطبت القادم أحلى بغي الخير للناس يجيك . ❤️
#البيجاما و دكشي خليه الوقت النعاس أما بالنهار لبسي حاجة أنيقة و مني تسالي الشقى دوشي خمسة الدقايق و ٱرتاحي .
#صلاتك ثم صلاتك ثم صلاتك و صومي مرة مرة منها الأجر و منها المعدة ترتاح .
#بخري حوايجك ولا ديري حداهم كموسة ديال الخزامة مايشدوش الغمال .
#لي عندها بعالك تدخلهم لشي نادي مايبقاوش يتناقزو حداك خليهم يخويو الطاقة فالحاجة زوينة .
#الغدا و العشاء تجمعوا و شاركوا فيه كاملين شي يحط طباسل شي يوجد شي يمسح شي يستف
و كلسو تاكلو و تناقشو مرة مرة نساو التلفزة دويو دوييييو و شكروا لي طيب راه من قلة الأدب تاكل حتى تشبع و تنوض فحالك . 😏
#قبل ماتخرجي قلبي صاكك ديما لاتنساي شي حاجة تأكدي و سوارتك فيدك .
إلى كنتي خارجة مع شي بنات ولا دراري طلبتي شي حاجة كوليها و شربيها عاد نوضي لطواليط ولا نضتي قبل متكمليها و ورجعتي بلاااما تعولي تقيسيها ☝🏻 بزااف ضاعو بسبب هاد القضية .
#باغا تواضبي على الصلاة ديري جدول أنا درتو هو لي عاوني جدول فالورقة كتبيه و بقاي فيما تصلي ديري كروة فالمربع ديال كل صلاة .
#شري لباس للصلاة يكون زوين و أنيق و بخور و زربية صلاة زويينة .
#عمرك تشاركي المكياج ديالك مع أي بنت كيما بغات تكون كتنقلو الأمراض الجلدية 🤧 .
#الشعر ديالك مني تمشطيه لوحيه نيشان متخليهش فالأرض .
#نظمي حياتك أ ختي شدي ورقة و سطري جدول
بالأيام الإثنين الثلاثاء و كذا و ديري مثلا الإثنين الغدا الدجاج و العشاء صلاد فروى مهم نوعي و بدلي الجدول كل سيمانا باش متملش و قلبي على وصفات جداد تعلمي و عمري وقتك باراكا من المرقة البايتا راك المرأة و قادة خليك ملكة البيت واخا الملكة مكطيبش مهم نتي ملكة كالطيب 🤔💅🏻 .
#ماشي حيث مزوجة و والدا تنساي راسك نونو دوري بحالتك مرة مرة رويحة عكر مكياج لبيسة .
#نظمي وقت الشقا ماشي تنوضي تالفا منين تبداي ديرو الفينيسون بالليل باش تصبح الدار مزيانة تعرفي آش كديري .
#عطي وقت لولادك ماشي يقولك شي حاجة تقولي ليه من بعد من بعد لا أجي أ ولدي آنشوف أ بنتي واو زوينة هادي كتاشفي الموهبة ديالهم دخليهم مدارس الفنون ماشي بضل حال فمو فالتلفازة .
#راجلك رااجلك هو تاج راسك ☝🏻💯و مول دارك عمرك تجاحدي معاه مني يكون يلاه جاي من الخدمة باراكا الستريس لي فيه .
#إلى عيط ليك شنو خاص كوني حنينة حبيبي خاصني غير نتا و الحليب ولا أتاي ولااا سكر باش نوجد لكبيدتي وااااحد الشهيوة خليه يتحمس ماشي جيب الحليب و تقطعي كونوا رطاب هههههه . 💎💝💭✨💕
#عمرك تجيبي شي صاحبتك تخليها منها لراجلك والله حتى تحطك سطل بلا تقرقيب 😒 تفرجوا " فرصة ثانية" مسلسل زوين واقعي تفهموا مهم مكنعممش إنما حضيو .
#إلى شي نهار بغيتي تشري شي برودوي سولي عليه قلبي فالإنترنيت .
#و حياتكم الشخصية ماتبقاوش تلوحوها فالكروبات را كاينين أنواع خطر راجلي دار ليا فعل ليا شوفو راجلي كيجاكم من نيتك ؟؟؟ را راجلك نتي و جمعي تصاورك ✋
#تقليد عليك قريتي خلي دعيوة❤ وطلي على قناتي قناة jalila oum hamza وديري ابوني وفعلي الجرس مخاسرة والو # ❤😘😘

[@oummokim]

اللهم صل وسلم وبارك على سيدنا محمد صلى الله عليه وسلم يعطيك الصحة حبيبتي راهم يشهو بصحة والراحة 🙏💞👍

[@nadiasaadjamai6056]

الله يعطيك صحيحتك أختي

[@Atikaatika-hx1ym]

اختي ديما تنطلبوك تشاركي معنا تمن البيع امتتلبيش الطلب

[@ayafettah1107]

الله يعطيك الصحة احبببة تسلم الايادي شهوة منهم

[@zarrouqoualid8934]

شحال من واحد شاف تعليقي بغيتك تشوف الوالدين في جنة الفردوس الأعلى الا فرحتيني بأبوني الله يفرحك والله يجازيك بالخير اخي وأختي 😟....ب

[@oumsalmanetali]

تبارك الله عليك الله يوفقك يارب العالمين 🤲☝👍♥️🌹

[@latifaelazzouzi1778]

تبارك الله عليك معلكا غزالة عفاك ختي في فران لكاز شحال ديال لوقة

[@canalenaziha3996]

تبارك الله عليك ماشاء الله بالتوفيق والنجاح

[@football-io2kr]

تبارك الله عليك

[@canalenaziha3996]

اللهم صل وسلم على نبينا محمد وعلى آله وصحبه أجمعين الله يحفظك ماشاء الله

[@chaimaaouhadouch9431]

الله يستر عليك عتقيني البيسكوي لي حطيتي نهار الجمعة عجنتو البارح و لكن لظروف اضطريت نحط العجين فالتلاجة اليوم الصباح بغيت نشكلو و لكن العجين كيتهرس ليا شنو الحل الله يجازيك بالخير

[@sofiamartinez4625]

Khti andi ri kawkaw bla 9chour wach na9dar nakhdam bih jawbini plz

[@nouraiouch3094]

ختي ممكن نضيف زبدة واش ما تيبس عفاك جاوبني

[@fakihibouchra8404]

واش قشرتي كاوكاو!؟

[@ilhamhabdeche23]

Katbi lmakadir stp

[@nadiabelhahou1036]

اختي في الله رقم هاتفك وشكرا لكم جزيل الشكر والتقدير لك ماشاء الله عليك مزيدا من التوفيق والنجاح دائمآ معك كل وصفاتك جميلة جدا جدا الله يوفقك يارب العالمين اللهم صل وسلم وبارك على سيدنا محمد وعلى آله وصحبه أجمعين مزيدا من التوفيق والنجاح دائمآ معك

[@chhiwatoumsefian6409]

السلام عليكم انا شهيوات ام سفيان كنقدم ليكم شهيوات منزلية إقتصادية و لذيذة كنتمنا دعموني