獨家‧友話直說｜趙世曾追逐快樂人生親解不婚原因 寄語後生仔要滿足女朋友

自稱有「一萬個女友」嘅87歲富商趙世曾感情世界豐富，寓所「趙苑」曾因接受日本富士電視台參觀拍攝，被形容如「東京巨蛋」一樣巨大。呢日趙世曾成為TVB娛樂新聞台節目《友話直說》嘉賓，親自帶主持參觀「趙苑」，逐一介紹各項名貴藝術品，以及解說家中放有鋼琴原因。
趙世曾自言一生追求嘅並非名利，而係「快樂」。凡事以「快樂」行先嘅佢說話幽默風趣，就連養生秘訣都離不開「快樂」。即使已經年過八十，但趙世曾仍然活到老做到老，只要身體冇問題就會繼續日日返工。
兒孫滿堂嘅趙世曾感情世界多姿多彩，佢向各位後生仔寄語「一定要對女朋友好，要滿足女朋友」，趙世曾一生實行「不婚政策」嘅佢，雖然女朋友數量極多，更遍布世界不同各地，但對每位都照顧有加。佢大方公開揀女友著重「要靚又要夾得嚟」，坦言不婚其中原因。
講到子女，趙世曾重提當年為女兒趙式芝以5億招婿事件，解釋當時只係未確定到女兒性向。趙世曾亦覺得雖然而家仲係有心有力，不過就唔會想再生多個小朋友喇！喺節目最後，趙世曾以「每個人生活都有不如意時刻，但一覺瞓醒就唔好再回望，世上係冇解決唔到嘅事。」勉勵大眾，亦提到自己人生座右銘係「快樂人生」。
#趙世曾 #友話直說 #趙式芝 #東京巨蛋 #長壽 #豪宅 #富士電視台 #快樂人生 #養生 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0