Xəlil Rza Ulutürk - Bəs niyə susdun? - Kamran M. YuniS
HTML-код
- Опубликовано: 14 апр 2024
- #kamranmyunis #xəlilrzaulutürk #kamranyunis #poeziyateatrı
#şeirlər #sevgişeirləri #poeziya #asifarifoğlu
Xəlil Rza Ulutürk - Bəs niyə susdun?
Bəstəkar - Vasif Arifoğlu - "Yuxu kimi" serialından musiqi
Kaman - Xəyyam Əhrar
Sənin gözlərinin lap önündəcə
Adımın üstündən bir xətt çəkdilər.
Daşın kəsəyin yox, otun, çöpün yox,
Adamın üstündən bir xətt çəkdilər.
Qalın, çalın çarpaz, qapqara bir xətt!
Bəs niyə susdun?
Axı biz neçə il yoldaş olmuşuq,
Nə yoldaş, az qala qardaş olmuşuq.
Pud-pud duz yemişik, çörək kəsmişik.
Eyni bir amalın üstə əsmişik.
Bəs niyə susdun?
Qart bir qurbağaya il yox, otuz gün
Həmdəm kəsilsəydim, susmazdı bəlkə.
Bəlkə bircə qurtum su gətirərdi,
Düşdüyüm alovu söndürsün deyə.
Sənin gözlərinin lap önündəcə
Adımın üstündən bir xətt çəkdilər.
Mərd addım titrədər yer kürəsini,
Addımın üstündən bir xətt çəkdilər.
Bəs niyə susdun?
Bu ölü sükutun tarixi uzun...
Bizin neçə illik çörəyin, duzun
Ülfətin üstündən bir xətt çəkdilər.
Bəs niyə susdun?
Əslində ordaca qalxıb ayağa,
Nəfəsin gəldikcə hayqırmalıydın:
Cəsur nəğməkarı Azərbaycanın
Xəlil Rzamızdır! Toxunma, Sakın!
Harda, hansı gündə əsirgəmişəm
Səndən can yanğımı, məhəbbətimi?
Harda, hansı dəmdə macal düşəndə
Səni ucaltmadım ağ bayraq kimi?
Pinəçi bəlkə də susa bilərdi,
Palançı bəlkə də susa bilərdi.
Axı sən şeir əhli... hələ üstəlik
Hündür bir sarayda bir əlçim kaşı.
Bağrımdan qoparıb neçə nəğməmi,
Sənə həsr etmişəm axı, ay naşı!
Görünür hardasa yaralanmışıq,
Gözə görünməyən ağulu nizə,
Hardasa tuşlanıb kürəyimizə.
Bala zəhər büküb veriblər bizə,
Zəhərdən hələ də xəbərimiz yox.
Salam da itirmiş sağlamlığını,
Ünsiyyət, sədaqət gör nə haldadır:
Xalxı yad aldadar, yağı aldadar,
Məni ən istəkli dostum aldadır.
Dilim də gəlmir heç, necə deyim ki:
Ağacı içindən yeyən qurddur, qurd.
Yurdda iki dostun birliyi yoxsa,
Məgər yetişərmi məramına yurd?
Bəlkə çörəksiz də keçinərəm mən,
Başqadır tələbi qanın, qeyrətin:
Günəşdən, havadan, sudan da vacib
Kişilər olmasa, yaşamaq çətin.
Heç bir mətləbinə çatmayacaq yurd,
Əgər biz olmasaq dadayet Xızır, -
Sən mənim uğrumda ölməyə hazır,
Mən sənin uğrunda ölməyə hazır!
İfa da şeir də mükəmməldir 👏👏👏
Ruhu şad olsun böyük insanın! Necə gözəl şeir idi... ifa etdiyiniz üçün təşəkkür edirik, Kamran bəy🙏⚘️
ALLAH rehmet elesin dahi şaire
GECƏNİZ XEYİRLİ,HÜZURLU OLSUN USTAD
🙏
Allah rəhmət eləsin dahi şairimizə
🙏🙏🙏
🎧👍👍👍
Çox gözəl😢
👏🏻👏🏻👏🏻👏🏻👏🏻🌺🌺🌺🌺🌺🌺🌺
Möhtəşəm!!!
👏👏👍👍
Allah rəhmət eĺəsin
🎧🌹🌹🌹🌹🌹🌹🌹🤲
Təşəkkürlər Kamran müəllim sabahınız xeyir
Salam da itirmiş sağlamlığını,
Xalxı yad aldadar, yağı aldadar,
Unudulmaz dahinin möhtəşəm əsərlərindən.
Сижу,тишина ночи,слушаю великолепное исполнение,великого автора. Халил Раза Улутюрк был маяком нашей борьбы в молодости. Как посмотрел бы,на нынешнее состояние азербайджанского общества Халил Раза,где предательство и лизоблюдство в почёте.
Gecəmizin gözəlliyi, möhtəşəmliyi! Ruhu şad olsun dahi Şairimizin!🤲