8年前28歲搬左出劏房住，就是父母離婚沒有得選擇。當時月入$17000，要比$7000租250尺都很辛苦。係one studio 所以空間唔算太差。住了8年今年要搬了，幸好租金沒有加！因為人工都加了不少，所以可以脫離劏房行列了！各位年輕人要加油！雖然可能現在你們要辛苦住劏房，但總有一日，你們可以有能力住一些更好的地方！
依家21歲已經幫咗出嚟住，都係共享家居，近港鐵站，間房4m sq.四四方方，都係包水電煤wifi。好感恩未grad已經有辦法sustain到自己嘅住房同日常生活開支，雖然要維持每月大量開支就要一邊身兼數職又一邊返學，但我做到了🥹 睇到呢條片見自己嘅生活日常有人有心地特意去體驗同關注，好感動🥹因為現代社會嘅年輕人喺小family and community support嘅環境下自住自足真係唔易，好辛苦的，有人echo到，真係好窩心 G chi 呢個系列！
Omg, I was not prepared for how good this video would be 😭👏🏼 This felt so right, like the Mario that took us on a sardine-packed Lunar New Year train. But a better, more mature, dedicated version that asked some interesting, deep questions. You really did that. You stayed 30 days, in a 44ft2 room, for a 16 min video. Damn. I honestly would watch a 30 minute cut. I can't get enough. The Malaysia videos are going to be EPIC!!
問問大家：假設你月入 HK$20,000，你會否付 HK$4500 住這間 43 呎「香港市中心國際共居空間」嗎？😎😎😎
唔會 冇獨立廁所就5會
Btw 有冇吉隆坡嘅觀眾，我哋可以出嚟食餐飯或者飲返杯，吹下水！！🎉🎉🎉
@@mariohau 吉隆坡没有， 怡保有😁
43呎太細啦，如果有能力俾一半人工去租，或者同一個朋友Share一間兩房，衛生和私隱程度應該有提升空間。
如果一人生活這個高消費城市，但人工又太低又沒有發展空間，不如搬去鄉郊，橫掂都係儲唔到錢，最起碼有生活空間。
但教育只係產生啲合適這個城市嘅人才，但人才畢業後又難以在這城市生活。個個人都諗點財務自由，發夢時可以想像，但現實太多生活問題要解決。
@@clementloh5098哎呀，今次我未必去到怡保，可能要下次見了！🙌
8年前28歲搬左出劏房住，就是父母離婚沒有得選擇。當時月入$17000，要比$7000租250尺都很辛苦。係one studio 所以空間唔算太差。住了8年今年要搬了，幸好租金沒有加！因為人工都加了不少，所以可以脫離劏房行列了！各位年輕人要加油！雖然可能現在你們要辛苦住劏房，但總有一日，你們可以有能力住一些更好的地方！
呢個地方嘅生活壓力真係唔係講笑，每個人都有自己背後嘅辛酸故事，多謝你嘅鼓勵，我哋一齊加油🔥🔥🙌🙌
我跟你同年，但看到人工又加，房租沒加，其實算幸福了，內地前些年房租一路漲，工資十年沒漲
250呎7000蚊？請問邊到
7000有250呎咁好
@@tiffanyovo6042 深水埗高層唐樓劏房，其實有機會搵到
分享下：我大概12年前同男朋友搬出嚟住劏房，住左一年，2個人訓張3尺都唔夠既摺床，啲劏房鄰居成日又食煙又飲醉酒又打交又半夜發酒癲…警察就晚晚比人call上黎, 之後同男朋友忍唔住就搬走左。從此幾乎每年都要搬一次…雖然無再住劏房但住係香港咁多年，住過最大間都只係得250尺，但只要肯努力其實都唔一定無機會。
最終同男朋友7年前，完全無屋企人幫過一蚊之下買左我地既第一間屋（都係得 200 尺）再碌下碌下 而家同老公（當時既男朋友）移左民 住緊間有1600尺既屋仔 所以永遠唔知將來會點樣…但一定要咬緊牙關撐住💪🏻要相信第時一定會變得愈來愈好，劏房只係一個過程，唔係永遠，香港人加油💪🏻
「但只要肯努力其實都唔一定無機會」非常認同， 世界變得太快， 未來冇人會知點。只要唔好冇咗希望， 每日腳踏實地咁努力， 總會有改變嘅一日！！！我哋一齊加油！！！❤🔥❤🔥❤🔥
移民咗係邊
我都差唔多！有段時間仲係同另一對情侶合租一房一廳嘅套房！
後來因為見建築業有書讀有津貼， 毅然轉行，先開始轉運，現30000蚊一個月，搵得多過老公，而且住公屋，專心儲蓄準備退休。
窮過，要儲蓄會易啲！習慣左唔浪費嘛！
香港人加油！！（移咗民）😂
都要一個人搵三四皮先可以有機會,但好多人努力都唔會有呢個人工
2014 年屋企破產，自己要幫屋企還債 + 搬出去住。當時好慶幸有個識左好幾年又自己住嘅朋友，就係咁同佢夾租左四年。當年月入萬一鬆啲，除返開月租 5000 左右。
2017 年我同同屋都搵到另一半，要分開住了。同女友搵左間唐樓嘅細獨立單位，喺 Mario 住嘅位置附近，就係咁屈左喺 200呎嘅空間四年。
煮唔會煮得好好，因為無抽油煙機。洗衫基本上拎落洗衫鋪，當時一袋衫一星期 13kg 左右一次，每個月大約比 $450 去洗衫。
而最大問題係寬頻，唐樓好多時得 8M/30M 嘅水平，對於要倚賴電腦生活開工，係完全唔夠用，尤其當有 freelance 時。
幸運嘅係僱主每年加嘅人工都好好，月入萬七 (取三年平均數)，月租 7500，我比 $5000。
2020 年疫症年，租金有微微降低咗，但同年做左七年嘅公司決定離開香港。就係咁零收入下，我拎住少少長糧，入新界去左租比以前一倍大嘅居屋，當時月租 10500，我比 $7000。
2022 年對上間屋因業主裝修問題，生約情況下都要陪錢趕我哋搬。而慶幸 2021 年已經搵到新工作，freelance 又開始穩定。喺咁嘅情況下，毅然租咗村屋，連天台，可用空間約 600尺。月租 $14500，我比 $9000。月入都好左好多，4~6 萬 (視 freelance 情況)
我好認同 Mario 所講，出嚟住先會思考屋企係乜，生活想要乜。而物理上，空間會好阻礙發展，尤其係想法。
你可能住到成千尺嘅時間，覺得好似無乜用。但當你走入得一二百尺嘅空間，你就會發現你能夠做嘅嘢好少，好多時需要將"活動"去"外判"。
如果你問返我今日可唔可以走返去二百尺嘅空間，我一定答唔得。但我好感激喺二百尺渡過咗三年，嗰幾年比我有動力去做今日嘅自己。
37 歲，香港
多謝你分享左咁多你嘅經歷，生活真係唔容易，疫情兩年亦都係冇人會計到，我哋都係咁樣一步一步捱過去，恭喜你已經捱過咗最辛苦嘅歲月，我哋都要繼續努力，之後生活一定會越嚟越好的！共勉之🔥🔥🔥
咁村屋都唔平，我朋友喺新屯門中心，租兩房單位，有海景，樓下有巴士站、屋苑村巴、商場、河畔公園，哥爾夫球練習場、公眾泳池.. $12000 有找，仲係新裝修！
走得好走啦，趁年輕。
你朋友好好,就當佢利用你share租金,都未必人人會伸出援手,始終佢都預咗自己住
@@sharonlee4320 係，因緣際會
接近兩年前28歲，因為真係頂唔順屋企，所以決定搬出嚟。
第一間係西營盤嘅Sharehouse $4500：一間房／40呎左右，淨係放得落一張床+書枱；但係對當時嘅我來講已經超級足夠，加上超靚嘅西斜、8分鐘公司步程距離同埋會一齊去打波新識嘅外國roommate。生活係幾咁美好，可惜我哋個間sharehouse只可以租一個月，業主要收番嚟賣。
有諗過返屋企住，其實果時自己有間房，有少少空間；但係只係返去食咗一次飯，就知道根本冇可能係屋企住，於是就係一個星期內睇樓，簽約、搬屋。
最後選址係鰂魚涌怪獸大廈嘅其中一個望英皇道嘅劏房，月租$6300；大概130呎左右既長方形空間，有街景／乾濕分離／勉強叫做一房一廳嘅間隔。
原本以為終於可以有自己嘅個人空間，但係估唔到先係惡夢嘅開始。因為屋企冇位放洗衣機，所以要落樓下洗衣店洗衫；原本諗多啲做運動，但係最後只係想減少污糟衫，所以變成少出街、少運動、少出汗。
然後慢慢因為覺得自己係住劏房，所以開始會不期然咁有少少自卑；慢慢人都唔係幾想見，有時直頭唔想出門口，因為唔想隔離鄰舍知道自己住劏房。但係講緊嗰時一個月其實自己搵緊五萬蚊一個月左右，係果度住嘅一年裡面，不停問自己點解當時要為咗慳咗幾千蚊咁樣作賤自己。
一搬入去嘅第一個月，樓上開始裝修，一裝就3個月；然後第二個月打波椎間盤突出，幾乎郁唔到，明明可以wfh，但係每日都係要忍住痛返office，因為屋企樓上噪音根本難以忍受。
然後因為生理加上心理，慢慢個人有少少抑鬱；同女朋友關係變到非常差，出街時諗起陣間要返屋企就已經覺得好攰；而如果同佢兩個一齊係屋企又覺得好壓抑，所以開始不停飲酒+零食，基本上每晚都會飲，一係一支紅酒，一係兩罐啤酒；總之每晚都一定要醉醉地先覺得而家嘅生活係bearable。
所以身體自自然然受罪，我諗3個月內重咗接近10kg，成個波咁；而12月聖誕節前夕亦同女朋友鬧大交分手，完全係意料之內嘅事。
然後相安無事咗一、兩個月，樓上樓下（隔一兩層）、英皇道又裝修；然後去到5月1號，椎間盤再次突出，今次真係郁唔到；急症、訓床接近一個月，每日痛到撕心裂肺，不停出汗，然後休克。
果時想做嘅唯一一件就係去出面感受陽光，去戶外好好咁行一行，望一望藍天；但係果時連起身去廁所都個10步路都吾一定做到，有次太痛，勉強起身屙咗落個水樽度，之後暈返落床。整整一個月離開床嘅時間應該唔超過24小時，個刻先明白健康嘅可貴。
直到5月尾喚作床褥，終於開始起到身；6月生日，前女朋友（因為病咗所以開始照顧我）book咗南丫島嘅airbnb慶祝，行入airbnb嘅一刻，我先發現原来一個正常嘅屋企係可以咁樣嘅，原来屋企有自然光射入嚟係咁舒服嘅，原來係屋企可以行走係咁重要嘅，原來兩個人係屋企淨係坐係梳化晒太陽都可以咁舒服嘅。
伴隨住quit job，搬入南丫島呢個決定變得順理成章，7月搵屋，8月同女朋友復合搬入南丫島；再望返曾經個一年嘅劏房生涯，真係百般滋味在心頭。
我好慶幸自己可以有選擇逃離個種生活，我好慶幸搬離咗之後個人身心慢慢開始健康返，同埋慢慢開始成為自己想成為嘅人，雖然無時無刻生活係香港都係帶住無限嘅迷惘 lol。
1:42pm
19/01/2023
風水唔好
健康最重要！
。。。好似同劏房無咩直接關係
揾5皮嘢住劏房，真係估你唔到
@@koodaniel2816似吹水多啲不過講到似層層
原來咁多人都住過劏房😮我人生中都住過三間劏房…
2015年25歲
因家庭問題第一次一個女仔搬出黎住180尺套房 $4500新界 住左8個月 當時人工得11000-12000😂靠積蓄租房 後來入不敷支而且覺得太孤獨 就搬返屋企…..😢
**呢一間劏房難忘惡事:我試過一個人面對好大群一到成半隻手咁大既小強, 呢個心理壓力仲大過金錢壓力><
2017年28歲
同一問題又頂唔順 搬去同以前同一區（新界）劏房 90尺 $3800
因為呢次間套房無論係環境價錢地理位置都幾理想(岩我)，雖然細但都足夠一人住，所以一住住左三年😂
同年仲識左（依家既老公）仲同佢一齊住左兩年呢一間90尺劏房 放張梳化床，後來兩人訓一張3尺既床肉(冇床打地舖)😹
**呢一間劏房難忘惡事: 一開頭一個人一搬入去住時, 我隔離果間房住左一對情侣, 晚晚凌晨就大嘈交大叫好似索左K咁, 我試過凌晨3點報警, 之後好驚佢地過黎尋仇, 好在後來房東趕走左佢地~先有返安樂環境~
PS其實到依家我都慶幸有住過呢間套房，有我不少既回憶，有一片好開揚既窗....
2021年33歲
打算結婚，所以搬左去同一區大少少既（劏房）128尺有lift $5400
不過一入住樓下就大裝修裝搭棚左一年😢
雖然大左，但感覺比上一間套房差，而且仲貴左。呢間劏房住左一年感覺呢一年好難捱。
2022年，34歲
突然收到自己係十二年前排既公屋通知審查（今年結婚加左老公名）
同年，為左通過審查，老公被迫辭去工作。
同年，成功通過審查，派左公屋一間（仲要係新起既公屋），只不過係要誇區搬去一個完全唔熟識既偏遠地區生活😅感覺好似移民咁。🎉231尺 新樓新裝修
2022年 我人生第一次叫做擁有自己一個瓦遮頭🎉
所以好感恩好珍惜, 仲記得當日收到有屋通知感覺好似發夢, 因為當初我從來都冇唸過, 我以為我會一世住劏房....
這是我的故事
當年我搬去土瓜灣住劏房時，又係有夫婦日日嘈交，個個星期都報警！我住頭房，我見警察響外面個閘拍門叫「x號嘅人係咪報警求助呀？」，每次都只有我出去開閘放佢哋入去x號房😤😤！真係窮人最鍾意食煙，飲酒，打女人/兒女！浪費金錢時間！人生已經好痛苦啦仲鬧交？所以我好建議窮人要戎煙酒，去圖書館睇書，借書返屋企睇！！但你同窮人講佢哋只會諗都唔諗就答你「我點同你啫！」/「唔食煙飲酒邊有人生樂趣？」……
香港有自己空間唔容易，希望師姐每一天都比昨天好，加油!!
好勵志🎉
希望你可以同你老公過得快樂 恭喜終於告別劏房生活
看完了，感觉很励志收到鼓舞，祝你幸福😊
本人24歲 我上年自己搬左出嚟住,因為我老豆好鍾意執垃圾,屋企有老鼠同曱甴，忍左好多年冇辦法了唔搬。 而家自己住唐樓1劏3 ，雖然生活開支大，但其實環境對身心真係好重要。
係,如果唔係遲啲心理問題有錢都醫唔返
@@sharonlee4320 其實我都比我老豆搞到有少少心理問題，曾經好想斬死佢，但我冇勇氣。 我知道社會上係存在好多呢啲問題同人，當時搵親戚求救都冇人理我，我日日淨係識怨天怨地😞 老一代嘅人完全唔會覺得心理問題係會影響到好多嘢，佢地天生天養，所有野求求其其，有飯食有得住就夠，叫我唔好搞咁多野。
唉，多啲留意身邊嘅人。
Btw 多謝你既回覆。
搬開左就會越來越好😊
加油呀 希望你搬左出黎身心都有改善
有心理醫生講過，去睇醫生既反而係被佢困擾既家人，如果narcissistic + hoarding，週圍既人更慘。
同大家分享下，我今年19歲，讀緊HD，租左荃灣某間工廈劏房嚟住，本身係為左想自己體驗獨立生活同埋遠離家庭上既紛爭，所以我決定搬出嚟住，而家半工讀緊，的確，自己搬出嚟要諗好多野，但係同時擁有自己既私人空間其實係好重要，雖然呢度得80尺，但係已經可以滿足到我平時想做既野，唔同人有唔同人既生活，但最緊要清楚搵到屬於自己最舒服既生活模式就得
Hey Leon！冇錯，每個人都有唔同嘅苦衷同preference，最緊要自己知道自己想要啲咩，冇話絕對啱定錯！ 半工讀唔容易，你一定要繼續加油！都希望你住得開心🔥🔥🔥
加油！
💪🏻💪🏻
想知點樣可以租到呢啲😂？
@@cassidylenochan4847 一般28hse或者其他租屋網都有工廈可以租，有平有貴，揀好左啲盤就可以約業主去睇下
18歲
同屋企人關係唔好，成日都係因為屋企使用而嗌交，嗌咗好多年，都不被尊重。
終於有機會可以搬走同嫲嫲訓，但責任係要照顧嫲嫲。搬咗過去嫲嫲到，生活壓力少咗，讀設計嘅我多咗好多空間做嘢，自己嘅時間表都鬆動好多。
有咗男朋友之後，有時會去佢度訓，佢屋企唔大，同屋企人住，但好有家嘅感覺。我哋會為訓得唔舒服而鬧交，但亦會遷就。同佢屋企人亦都相處得好舒服，完全同自己屋企好大分別，有事好好提出，好好商量。
近排突然要從嫲嫲屋企搬返原本屋企暫住一個禮拜，第一晚返到屋企已經開始俾人鬧。無奈嘅我只好向男友家借宿呢個諗法，但就係因為向父母提出借宿呢個理由而又產生爭執。已經厭倦及無力同佢哋拗嘅我向父母交代我去咗男友家借宿後成個人鬆晒。
借宿令我同男朋友更加多嘅溝通同了解，亦更俾我搵到家嘅溫暖，多咗同佢地溝通，願意為家作出調整，讓步同付出。
想講，屋企幾大都好，同住者唔溝通，唔禮讓，唔體諒，唔調整，都係磨滅大家嘅關係。相反，屋企有幾細都好，搵到你對家嘅要求，唔好屈就自己最緊要
我之前搬出左屋企，住80尺劏房好舒服，之後搬番番去覺得好辛苦，但基於某d原因要搬番番去，一番到去覺得辛苦添（孝字害到唔小人，包括我）
當年29歲一個女仔搬出黎 劏房7k 月入25k 150尺洋樓 有埋洗衣機 廚房煮食 最唔慣係安排時間做家務 開始覺得有d錢係唔可以慳 抽更多時間做運動 調理心身靈健康 離開父母後情緒好左好多 無乜病痛 然後就愈搵愈多錢😂
但俾埋家用會唔多夠錢洗
@@synoviccosultant9170 估唔到隔咁耐有人覆😂係架，所以我比心機工作加左人工，仲搬左間大啲既屋🙈
祝師姐生活美滿幸福
依家買唔買到樓？使唔使幫人供樓？
@@littlesnowpink 租樓＝幫人供樓？買樓是自住還是炒賣？
6年前（早幾年）人工唔到20k, 用5K 租深水埗唐樓120尺套房(有閘、靚樓梯)，住左年半兩年。隨之人工增長，再8.8K租太子250尺洋樓，一房一廳獨立單位，都幾開心，終於有間房、客廳。但住左一年頂唔順樓上噪音滋擾，唯有搬去新界西。結果用9K 租屋苑兩房一廳，350尺，附近有海濱公園，交通便利，住左三年生活質素大大提升，租金仍然佔收入三四五份之一左右。
而家… 過兩日又準備搬，因為要收樓、榮升做業主喇！🎉 仲要一手新樓，兩房一廳，club house 超靚😬 好期待！
生活，係選擇。人窮，志氣唔可以短！年輕時候，你擁有既空間狹小，更加要化成動力，積極努力向上，思維同心態改變命運！
住套房劏房，就更加要出去見人、多做運動紓壓，日日面對家徒四壁，真係死左病左、患抑鬱症都冇人知！
就算好景，都要積谷防饑，同埋幫助社會其他有需要既群體！
單身買樓嗎？還是結婚了？
你係倒數一個月，而真正住嘅人係會擔心有無下一個月，有時係業主加租，有時係自己份工不保。而且早早出門，夜晚夜返，餐餐外賣，呢啲心態都會影響居住的一切
真係呀，其實倒數，辛苦得來都有個搬走日期，起碼有個希望。真正住嘅真係會慘好多，真係冇辦法，社會嘅錯🥲
2016年因為想同女友要私人空間，所以搬左出黎住，因為當時人工得13000左右，只可以簡套房住170呎左右，7500蚊租（港島旺區）最後住左唔夠一年因為地方太細住到有小小抑鬱（本身住800幾呎）同埋經濟出現問題，所以各自搬返自己屋企。
到左2018年真真正正儲落小小錢，搬左去同區300呎左右單位（12000租金）同居直到2022結婚到有埋BB啦。
直到依家2023年終於再搬同區450呎單位1家3口住，所以大家都要努力為自己有好既居住環境爭取👍🏻😌
勵志故事啊Johnny🔥🔥 800尺去170真係唔係咁易，當時一定好難捱，但係你而家睇返轉頭，都要有嗰段艱歲月，先成就到今日嘅你！所以都係最緊要努力，就會有更好嘅生活，保持希望係最重要！
大家一齊加油！共勉🔥🔥🔥
演算法帶咗我嚟呢度，差唔多17分鐘嘅片睇晒，成條片無冷場剪得好好，好佩服你可以住足一個月去體驗生活。喺呢個環境生活，有得倒數30日嘅話都叫做有一絲希望，如果要沒完沒了咁住一定會好絕望 🥲 已經訂閱咗，去慢慢睇下你啲舊片先
香港人 25歲 但對我嚟講呢間屋已經好好 原生家庭環境極差 好多人想像唔到程度 因為媽媽有精神病 間屋變咗垃圾屋 係真係連踏嘅地下都無 叫做一個棺材直瞓嘅位都無 無洗衣機雪櫃冷氣 熱水都無 已經習慣用手洗衫 煲水沖涼 完全無所謂最基本正常生活 所以本身生活好住呢啲就受苦 對我已經好好
睇到你嘅分享，我真係有啲心酸🥲 每個人嘅經歷同出身都唔同，我哋改變唔到，你一定要加油，保持希望，總有一日有更好嘅生活！共勉！
阿弥陀佛 加油
加油❤
加油
加油❤
「有要求有睇法，先會迷惘」呢句好中 共勉🤜🏽🤛🏽
相信所有有諗法嘅人，都會有迷惘嘅時候，尤其個世界變得咁快，真係唔係咁易適應，你都要加油🥲🥲
分左手都黎流言?
@@gogoray8792分手啦？
@@gum9715 係呀，佢哋分咗2個channel，以及已分開發展
同孝仔分左手啦？
前陣子 一個人住用$4800租新蒲崗唐4，140尺全吉屋連獨立廁所，可以煮嘢食。我感欣係香港市區租房有咁嘅質素真係好好彩
咁岩推介見到呢條片，呢個主題好正，一層劏到17個單位好係好無良，分享下我自己，今年3x歲，月入$2xxxx，2年前離開母父搬出去，租緊錦上路3xx尺村屋地下，1房1廳，2個人住，門口可以泊車，$7300，港鐵站步行7分鐘，係冇市區咁方便，起碼唔係劏房先，空氣又好d，揸車返工係遠小小，不過搬出黎之後真係自在好多
係呀，自己搬出去住，先至係獨立成人嘅感覺，尤其是佢自己一個住，嗰種自由真係要體驗過先知。但係可惜香港租金太貴…
@@mariohau 其實如果父母唔管及有間房都可以獨立嘅！
謝謝您的分享，我是台灣人，有去過香港，確實有被香港狹小的住宿空間驚訝到，我也因此更珍惜與感恩自己在台灣擁有的好環境😊
更希望你年年可選總統！年年可駡總統！
呢個地方我之前都有拜訪過，係因為有位美國朋友租咗係呢度住，好難想像佢作為一個住慣大屋美國人居然接受得到，佢間房仲細過你呢間一開門就係床，慘過監房。香港嘅住房問題真係太惡劣了。個社會完全扭曲晒，個個人都忍受唔到高屋租，但個個都搏命想做業主收人租。
佢嗰啲係細房，佢報價俾我係3500一個月。我呢一種張床喺上邊仲勉強接受到，如果係細嗰種真係頂唔順，會好辛苦😅😅
@@mariohau 我都係第一次見識，以前只係電影、電視見過。真係除咗訓覺做唔到其他嘢，完全冇晒私人空間。
@@enzolai6205 係呀 真係淨係要來沖涼瞓覺
冇窮人邊有有錢人。 房屋係要黎比人控制人。 所以其實有時社會介入，你話左膠又好咩都係，係比普通人多左好多生活空間。
應該係第一次喺呢度留言
想講一樣嘢，條片好畀心機，好唔吝嗇，製作、題材、生活都相當花時間先完成到，好難得喺呢個咁功利嘅RUclips世界都有你呢種咁樣犧牲去做片。
換著其他channel會點做？
先做一條預告片或開live，公告全世界即將會有呢樣體驗，然後將30日至少分3條片咁出…
不過你都有一樣嘢可以改善，唔夠deep，有啲捉到鹿嘅感覺
例如，你話「終於明白點解啲人流連唔返屋企…」呢樣係好值得再講深入啲。
又例如深入講下你呢個年紀遇到嘅生活難題等等，好多嘢可以再深入講多少少，分享自己內心世界多少少…
Anyways, appreciate!
非常認同，多謝你嘅意見，我會繼續努力🔥🔥
鍾意你拍這個系列的idea, 要離開舒適圈去親身體驗其實都辛苦嘅, 你要加油呀!
係好辛苦，但係值得嘅。經歷多啲唔同嘅嘢，人生閱歷都會豐富啲！多謝支持，我會努力🔥🔥🙌🙌
都想分享下
21歲時搬出黎住，個時$3500 住80尺唐5樓劏房獨立廁；
25歲搬咗$6000住110尺有𨋢劏房獨立廁3分鐘行去mtr；
依家27，近排搬咗$7500住210 尺少少偏遠私樓，開放式
其實想講嘅係其實三個地方我都幾鍾意，只要係有個空間比自己唔駛諗其他野，幾時想落街行個圈睇下海都得，番到去唔駛假惺惺對住人已經好開心
我是大陆人，30岁，在英国生活，感觉年轻时会想要自己住，但是现在觉得有一个空间大一些的房子会很重要。谢谢您的分享，感觉忽然意识到自己的小家还是很棒的😁至少有洗手间和洗衣机不用和别人共用
25歲香港人 你嘅生活體驗係我嘅生活日常 一邊睇你啲片一邊浮現翻我一開始搬出嚟嘅感覺出嚟 你講嘅所有都同我一開始一模一樣 幾鍾意睇 加油拍多啲
多謝你支持！一齊加油，努力去令我哋有更好嘅生活！🔥🔥🔥
有d議題就算講到口臭，都依然有人關注，因為問題一直未解決。
支持你ge新系列！💪💪
就算幾鍾意旅行，去過幾多地方都好，無論咩原因要旅居、移居生活都需要好大勇氣（我都係黎到德國先體會倒. 共勉之
呢個年代生活，真係冇以前咁簡單，無論係經濟上定係自己嘅心理上，都需要時間去尋覓同學習，最緊要係所有決定都要令自己進步！共勉之，我哋都一齊加油🔥🔥🔥
10年前放棄1.8萬收入，選擇了$6000觀塘工廈頂層，有lift,300尺實用並獨立廁所，還有L型大窗，創業開公司及住宿，與貓做宿友，維持了6年，生活水平比43呎共居空間好10倍，基本上冇任何限制，廁所乾淨，獨立冷氣，對付隔離噪音問題，我會開大自已對大喇叭，蓋過隔離的噪音，除了漏水問題，單身人士住得非常舒服,還可以經營公司，到現在已有自已家庭及物業，還依舊租緊同一個單位做倉及貓舍，亦面對10年前的漏水問題😂
總結：同一價錢我一定選擇面積較大的工廈劏房
想請問而家頂層單位租幾錢
不過我諗10年後，呢個價錢應該唔得了
我好認同，想建立自己事業，同埋返工，其實係兩種好唔同嘅思考模式，有時候可以忍受唔係咁舒服嘅生活，係因為有個未來可以憧憬。所以冇錢可能係當下一刻，冇咗希望就係一世！
而家證明你當日嘅選擇係啱嘅！
請問工厦個d邊度可以揾到？？
@@mariohau 包租婆好好人，十年後今日加了$500 ,現在租金$6500
24歲去日本wh真係周圍訓 搵工都搵包住既 好同唔好都係回憶
26歲去澳洲肉廠 人多試過10個人一間屋 1間雙人房700Aud 一齊返工一齊放工 放工一沖梁最後2個就只得凍水
28去韓國地下室 one room 35萬won同你條片差唔多感受 冬天濕氣重 大片發毛
後來29搬到1房1廳之後就返唔到轉頭
30去加拿大鄉下依家4年間 500Cad 2層3房2廁十分舒服 可惜要去城市生活啦
我仲係大學生，但係已經搬咗出嚟住嘅，本身自己租嗰度爆咸水管，就走咗去上海街租40幾日服務式住宅，6400百幾蚊，一百幾呎，自己有獨立廁所沖涼房，床邊仲有一排窗口，但係個感覺都係好窒息，你就算煮個公仔麵都好，你夜晚瞓落張床到你張被都係公仔麵味，一到夜晚你開個房門就會聞到每一間房傳出唔同嘅嘢食味，同埋箇中感覺真係好似自己住喺一個籠入面，好似啲貓籠，你俾人困咗係一個 好細嘅空間，嗰一排窗口對面啲人可以望到入嚟，你唯一可以做嘅就係拉埋窗簾，連感受陽光嘅機會都冇埋，去到中後期我甚至連執嗰間房嘅動力都冇埋，覺得點樣執都好佢都係咁嘅死樣，係去到要搬出果一日先至死死地氣執乾淨間屋退房😂
大家今晚7:00入嚟一齊睇新片，我到時會喺度同大家一齊吹吓水，你哋準備好劏房生活未呢？😂😂
一定較Kiki May的廣告片有深度 （佢哋最近幫🔵賣廣告呢）
得一句~辛苦哂😅
@@michaelhcm1😂😂😂都真係有少少辛苦，不過最緊要你哋鍾意段片！
@@Jimmy_Mars 我覺得你將Mario 同kiki May黎做對比, 有D唔對等, 大家既target 都唔同
(佢地對我黎講係食玩買, 參考同 實用價值都唔算高, 用黎kill time都可以
但如果係要當思考性質, 自我提升, 佢地係無呢方面暫時未覺太有參考價值,
如果話佢地係遊遊KOL, 真係齋睇~ 我見佢東北條片都有加返多好多當地相關介紹, 但又好似唔及其他人介紹得咁詳細), anyway
Mario既片, 相對可以有令人思考性, 睇既野唔係單單由"我"去出發, 由我, 你, 社會, 周邊鄰居, 比較多面化, 再引伸去其他層面既討論
呢個係我個人睇法
@@naBACT Kiki May最近幫金記賣廣告呢
Mario. 你的片越來越有高水準。好實在 好睇。四處尋找拍攝。千萬不要挨壞自己
分享下前2年小弟搬過觀塘100呎左右唐2樓，有獨立廁所，涼衫系一種最煩腦既事，每次都要開窗趴出去仲要自己買張梯系出面先搞得掂。兩個人住月租5000+水電5600起。
搬出去住都系體驗幫助到自主獨立等等。
申利：28歲，搵21000
嘩，要用張梯先涼到衫好危險。我諗你而家應該搬走咗了？ 你講得好啱，要自已出來住過，先係真正人生自主獨立！！！
(借未婚夫ac留言） 我原先係因爲家庭問題，需要boundaries，當初未有能力就先寄住在未婚夫家中，後來時間長左，同未婚夫家人相處問題開始浮現，我地決心搬出來，一開始大家沒好多積蓄，就蓄多兩三個月，我地好好彩，好快就揾到村屋，村屋一開二，一房一厠，地下有天井，150/180-200呎左右，月租5000蚊，兩人對分，之後我地做好空間規劃，有living area同kiitchen area，又有laundry area，衣食住行都沒問題，又唔影響我地蓄錢，我地後來都認爲搬出黎係我地人生做得最好的決定，搬左出黎一年左右，收入同工作都穩定左，我地同四大長老的關係都好左好多，尤其係我同我父母，我地今年7月終於可以結婚了。今年我地me 23，him 24嵗，之後都有能力同打算租大少少地方，我地都負擔到，想行落去一定要顧好心理健康同做好理財，唔好衝動同做好長遠計劃會好好多。祝願各位可以archieve到自己想要的。（sor for 1999)
今年25歲，月入20k，半年前開始住劏房120呎獨立廚廁5500租，因為想有自己空間同自由。一直都想搬出嚟自己住，但都冇friend一齊夾租，最後我都冇再等落去，自己搬咗出嚟。雖然細，但係一個人都夠住同每1秒都好開心。希望鼓勵更加多想搬出嚟嘅人，同路人，共勉之。同埋洗衣機同晾衫嘅位置真係好重要！仲有陽光都好重要！
在广州，城中村房租1500CNY，刚毕业工资6200CNY，这种城中村好处是离公司近，周围都是美食市场之类可以买到新鲜食物，就是周围房子比较密集，自然光线不是很够，不过房面积大一点，1500价位的装修算好一点的了，有差一点的是1000～1200都有，希望给大家一些参考。
我好鍾意呢個題目。因為我本來一個人去旅行都偏向住太空艙，或者公用浴室個種。但長期住嘅話，同層如果有啲傻嘅隔離鄰舍，我相信會困擾或者抑鬱。
如果同家人關係無乜特別差，當然都係揀同家人共住。以你呢個空間，一個人搬出去，都係會心靈空虛。
香港，8年前已經因為同屋企人吾岩而搬走。由每個月$3000同FD夾份租間房仔住，到住$1500一個月包水電，環境勁差既SSP 真板間房（真係有好多癲既），再去到為左近番工係老銅租太空倉（$3000一個月包水電）幾年但好彩既係D室友會去廚房閂門食煙所以訓教無乜太重煙味（有D質素既室友真係好好彩）。到最後依家呢幾年都叫做終於租番個似樣D既套房百零呎$6400水電另計，先至夠膽比朋友同同事仔上黎一齊食野玩下。以前住太空倉果D既果段日子，個人真係完全無自信亦都怕比人知自己住呢D地方，成日搵藉口推走佢地。😞😞😞 一個月平均都係搵緊萬五六到，但自己住係會自由好多，但真係要保持適當社交，吾係個人會痴線🫣
今年40啦！從細就跟父母住板間房劏房，早就習慣左。我20歲果年就買樓，就想俾屋企人住好啲改善生活質素。選擇極短年期，好早就供完😊
你好叻仔！
其實衣食行用嘅錢唔係好多，香港最貴嘅開支係住！你已經供斷一間屋，而家只需要俾管理費 & 地租差餉，以後可以輕鬆生活！👍
俾個小貼士你，香港唔同地區嘅地租都唔同，例如香港東區，有d 屋苑係唔使俾地租。
另外，管理費都可以差好遠，有d 一個月幾百蚊，有d 一個月幾千蚊！
有料Eric!!! 透過努力去跨越階層嘅故事永遠都係最勵志！多謝你嘅分享，我都要加油先得🔥🔥
依家21歲已經幫咗出嚟住，都係共享家居，近港鐵站，間房4m sq.四四方方，都係包水電煤wifi。好感恩未grad已經有辦法sustain到自己嘅住房同日常生活開支，雖然要維持每月大量開支就要一邊身兼數職又一邊返學，但我做到了🥹 睇到呢條片見自己嘅生活日常有人有心地特意去體驗同關注，好感動🥹因為現代社會嘅年輕人喺小family and community support嘅環境下自住自足真係唔易，好辛苦的，有人echo到，真係好窩心 G chi 呢個系列！
多謝Mario將我帶入一個我之前瞭解甚少既領域，好佩服你既勇氣，希望你可以繼續做住自己鐘意既事，加油！
分享下: 2019年我27歲同屋企人嘈大交，我當時同屋企人住緊村屋3樓連天台(合共大約1400呎)，當時對生活環境真係100分滿足，但因為真係頂唔順留係屋企所以決定同女朋友搬左出黎觀塘一間劏房住，月租$8000冇洗衣機。當時業主話另外一間房住左2大人2細路，點知住落發現係3大人3細路，基本上佢地唔洗返工，加上疫情爆發基本上個幾個小朋友日日唔洗返學嘈到拆天同日日煮飯爆炒啲味攻哂入我間房，真心覺得好難受。好彩冇幾耐佢地搬走左。只後搬左個鬼佬入黎住又係另一個惡夢，佢只係會凌晨12點後先活動同經常凌晨3-4點大聲講電話，基本上佢一講電話我地就唔洗訓。有一次佢勁大聲講電話我真係忍唔住出左去同佢講唔好咁大聲，佢竟然答我"I don't fucking care", ok冇問題我同業主講，業主都係唔理。過多一個月約滿同女朋友搬左去土瓜灣獨立單位。個一年覺得錢反而唔係最大問題，最大問題係好多嘢住劏房根本控制唔到。但我興幸有劏房個一年體驗令我成長左唔小，亦都唔會比自己以後再別無他選之下再住劏房。
39歲 自己住160呎大概一個月$7000 ，月入22000，住左啲到而家2年，香港租金太貴，希望之後可以更好既居住環境，各位都加油👏🏻
Hey Dada, 只要對未來保持希望，就一定會有搬走嘅一日，我哋一齊加油！！🔥🔥
39歲先月入2萬2, 都幾撚廢
@@tonychan940 用收入定義一個人嘅價值 都幾膚淺
2萬2我覺得唔錯同我差唔多我個人洗費比較少一個月月3千
@@tonychan940 你係唔係首富啊？唔係既話，你都幾L廢
多謝你咁有勇氣1住住左1個月香港擋房拍片比我地睇。
我覺得屋企要係1個安樂窩，要有基本生活需要（衛生，衣食，空間）而唔係淨係1個床位。
自從2x歲嘅我黎左澳洲working holiday之後再決定喺度生活，試過住share house, backpacker覺得1個人真係好需要me time.
所以我會揀搬出黎自己住，但唔會係呢間😂
我今年38， 上年開始一個人住套房，唔返屋企住係因為想有私人空間。一個人住約150呎勉強足夠， 有洗衣機，廁所，小廚房，租金$8200，唔使共用真係會好好多。有時都會想落街行唔想成日對住四面牆，住咗半年最近開始真正習慣呢間屋而唔再怕空間細。我呢到一間屋劏5間，我住中間，係岩岩新搬入嚟時俾右邊間房嘈交嘈到瞓唔到，7月14個晚我仲要半夜3點報警，最終佢地滿約唔再續租我先有教好瞓。 諗住一切順利後，點知左邊個間韓國鄰居超DIRTY，有好多小強仔由由佢間房走出嚟， 每日一開門都要望門上有無小強，更慘小強仔都入咗我房，幸好最後果連韓國人都唔租了，而家真係住得安心好多
好鐘意你呢個系列，呢30日辛苦喇❤
希望你拍自己鐘意嘅片，做自己鐘意嘅事，唔需要為滿足別人而勉強自己！
因為欣賞你嘅人，就係欣賞你獨特嘅想法同埋忠於自己👍
Mario 加油呀！😊💪
係台灣讀左書之後有機會可以住到差不多300幾呎的地方自己一個人自理 生活品質高好多 咁啱比演算法推左過黎睇到呢條片真係好有感觸 呢幾代人係香港生活艱難 真係會想揾其他岀路改善生活 但又有太多牽掛同因素令自己猶豫迷惘 睇完你今次的劏房體驗 真係好心酸好有感觸 願大家嘅生活愈黎愈好 加油 希望你可以拍更多更好嘅片
Hello!!! 多謝你嘅SuperChat！ 唔好意思呀， 我而家先睇到你留言， 遲咗覆你！ 我而家喺東京旅居緊， 啱啱租咗間屋， 大概200尺 都係張床喺上邊， 喺日本嘅呢啲屋真係設計好好多， 好人性化， 同你講嘅一樣， 生活品質高咗好多！！！ 你喺台灣讀書要加油， 我都會繼續努力拍多啲片， 希望遲啲喺台灣旅居嘅時候， 可以出嚟食餐飯！！！
旅居體驗的確可以放眼世界，不一樣的體會，了解不同國家不同人的生活態度，無論生活富與貧，辛苦與否，一切盡於心態。我也住在馬來西亞已半年，每天都用學習心態去改變生活，期待你分享這一個月在大馬的生活，看看你面對的是不是和我一樣。
Hi,你好啊。
我来自马来西亚唐人啦。
今年30岁，吉隆坡人。
之前在我19岁开始就搬出去住，那时候住着双层排屋。空间大概1500方尺左右，是很大的空间，两个人住。
之后在我26岁搬返同我父母一起住，就屋企好细。
加埋我兄弟姐妹同父母，都有8个人一间屋，都系排屋。
大概1000方尺左右。
但系至少我都有自己一间房。
因为之前住习惯左1500方尺，就酱一些电器家具都搬回来我房。
导致感觉像劏房咁现在.... 感觉真的好压抑这样。
所以我的状况就同影片中咁讲啦，大部分的时间都系在外面度过做嗮所有嘢。
唔累都唔回家瞓咯....
真的对身心好无健康。
无归属感嘅感觉。
想买屋，买个公寓，马来西亚大概最便宜都要500k，还没包括拉线安装灯，电器等等.... 家私.... 打底马币都需要1百万。
一百万打工仔好难可以买得起，除非公务员，银行职员，专业人士，生意人之外。
所以出去租屋住大一点，每个月都要3k马币。
房租等于打工仔的一个月薪资。
所以到现在住在父母家，好像租着不到36尺的劏房咁。兄弟姐妹就像邻居咁。
最近有諗過搬入去住，諗住淨係需要一個位瞓覺，應該冇問題，但係睇完呢條片即刻打消念頭，唔該孝仔😂
Mario 好自然、可愛，節奏明快，流暢!想不到留言這麽多，明白到香港的住屋問題及良好家庭關係的重要
我記得我月入$17000 時，我租了一個$4500 三百多尺－房單位，住得好舒服，那時未到2000年。香港人很不幸，之後這麽多年，基本的民生需求住屋市場成為了投資炒賣市場，無奈地政府沒有好好管制。到現在，有能力住香港的人，只剩下有錢人。有能力又未𠕇錢的人，只能選擇別的地方。一個好的政府，應該使當地人安居樂業，發輝所長，而不是使富人愈富，窮人愈生活困難。
我34歲 搵2萬9 一個月，屋租$6000 劏120呎，還債$16000，自己仲要幾大使亂花錢，生活係過得緊張啲，但有自己空間真係差好遠，起碼有自己鍾意既設計，香味，瞓覺都係自己一個都幾舒服😂 除左漏水問題，成間房其實幾好，運氣都唔錯，自己一個人搬出黎終於正視到自身問題，終於想為自己增值同為前途著想，雖然（蝸房），但有好有唔好啦
我一直都同屋企人一齊住，空間都可以講還可以，直至上年自己買左樓，其實我月入都只係25000，住係香港既大家加油 16:59
Thanks so much
You made my day 🫰🏻
Thanks very much for the super chat, I’ll keep it up!! I just launched a new video about my life in Tokyo, I hope you would like it too!!!
29歲澳門人，17歲從內地移民到澳門。從一到澳門目標就係買樓上車，還好澳門同香港唔一樣，二百兩萬就可以上到好多唐樓，如今2個唐樓在手，貸款300。壓力唔算好大。香港人的毅力我一直都好佩服！加油，各位捱緊世界ge人！
劲啊
多謝！
呢間係蘋果宿舍，（深水埗區）大大話話都住咗兩年幾（當時18歲)我係住雙人房$3800（每月）住一樓開窗就望正西九龍中心，識到好多外國人😂不過入邊嘅衛生環境真係好差，晚上放工返去都有啲曱甴仔係啲床隙爬上去鏡嗰度。二間嘢都有人走去其他樓層（有啲樓層係男女分開但係個門框上面係有寫嗰一層嘅密碼）上去偷人食物。
而當其時我都曾經試過發生其他外國嘅男人走咗嚟我個層，跟住我返屋企想強姦我，冇記錯嗰個係韓國男人！
對面有個大商場其實已經好好附近又可以有洗衫舖，商場價錢平又可以買到生活日常用品又可以平價食飯又飽肚：唔需要求啲乜嘢啊。
影片入邊，上格床下格係書枱，我嗰年依間房要俾$4000 ，有菲律賓姐姐會洗廁所嗰啲嘅但係一過咗某個時間浴室就會冇熱水，Wi-Fi就有免費嘅廿四小時冷氣！
就算點樣評論都好佢哋都會刪留言，自從上一次有一間房着火之後上咗新聞，我嘅留言就俾人公開咗出嚟放喺影片，我只係想講返公道同埋真實嘅事實
業主都系同對面蘋果商場一樣
我係你鄰居，我住近基隆街果邊樓梯，果邊係比較新淨啲，同埋因為換左新冷氣所以好夠凍，我差唔多住左三年，依度真係交通方便消費平，我四千蚊個月上層床，包晒水電wifi無雜費，仲試過兩次續約免一個月租，講真一個人住無咩要求好過出面劏房俾人劏你電費水費！
@@simoncheng6459試過兩次續租都有送幾百蚊超市禮券 算幾好啦 出面住唐樓割房仲衰又雜又污糟 呢度又平又乾淨企理 雖然係房好細但一個人冇所謂啦都係瞓覺姐
謝謝你分享這個體驗！這個年代，年輕人真係要加陪努力才可能有機會跨階層，共勉之💪🏻💪🏻💪🏻期待看你這個系列❤
好真實同貼地既分享，即使係香港人都唔係個個有呢種能耐接受呢種體驗，多謝實測分享所感所想，高質👍🏻
今年43，一直好少係香港住，出邊住得比較舒服工作也習慣了，23後投資失敗回流香港，有少許物業還要月供，現在居住兩百尺，太太不願意回流因為居住環境，馬死落地行做人要感恩有瓦遮頭有地方坐吃飯有床休息已經不錯，對我來說沒有高低起伏也沒有一蹶不振，嚮前跑有信心這就是人生
好鍾意呢種生活體驗嘅片，當年就係「沉迷」睇你同Momo喺英國充滿生活感同生命力嘅片❤
多謝你成日拍啲好高質嘅片俾觀眾，亦希望你享受一連串旅居生活，期待分享！
被公司調職，初嘗東京生活嘅我，一齊喺異地拼搏啦💪🏼
Omg, I was not prepared for how good this video would be 😭👏🏼 This felt so right, like the Mario that took us on a sardine-packed Lunar New Year train. But a better, more mature, dedicated version that asked some interesting, deep questions.
You really did that. You stayed 30 days, in a 44ft2 room, for a 16 min video. Damn. I honestly would watch a 30 minute cut. I can't get enough. The Malaysia videos are going to be EPIC!!
超中意依個系列🎉，我以前旅行都不斷窮遊，enjoy窮遊完，返屋企沖個熱水涼既感覺，係重拾久違的幸福感
多謝你！我會繼續努力🔥🔥🔥🔥
謝謝！
多謝你支持Tam，我剛剛出了一條新影片，是講我在東京的旅居生活，希望你也會喜歡啦！
感恩 你們沒有怨恨 反而自強不息
希望富商有良知 不要賺到盡
會反思惠及他人
更希望政府能善待年青一代和
弱小的基層💞
我是大陆西安90后，孝仔，最近看了你的每一期视频，真的很真实，很用心去做。6月初在香港旅行了一周，澳门旅行了一周。真的感触很多，通过你的视频了解到了很多资讯，谢谢。you are kind man,nice.
其實一週了解不了什麼
@@newlau835 还好
多謝，確實想知唔同地方嘅人過這樣的生活體驗，希望高官們睇吓，多返啲同理心，認真做吓嘢！
睇咗YT成四年，第一次知道呢个频道，觉得个价值观好正，做法同条片嘅内容都好正。加油！
成日都話做人最緊要知道自己既位置，知道自己點解咁做，不用交待太多。自己人生自己負責。正所謂道不同，不相為謀。我明白你經歷緊人生一個艱難時期，想清楚才出發，只要日後回望，不後悔，就無悔於當初既自己，足矣！人生有很多可能性，加上世界變化太快太多，好好活在當下。共勉之！
多謝！加油～下次唔好咁辛苦🤣
多謝Michael Superchat，我會繼續努力！🔥🔥
@@mariohau 等你下條片😁
我快30歲，在香港，我是一個人搬出來了不到一年，現在已經在租第二間房子，就是已經搬了一次，之前的房子很老舊了，到期了就搬走了，現在是更貴的房子，佔我收入的50%(400呎 很足夠)再加上水電煤啊日常消費，根本存不到錢，就很緊，但是我還是無法想象去租民宿，或者合租或者劏房的生活。家就是一個可以讓你有安全感的地方，一個女孩子回到家應該是安全的，如果住在一個很髒亂差、治安不好的地方，你回到家依舊要面臨諸多問題，那麼別的問題你根本就無暇顧及，例如你的工作，你的人際關係，久而久之真的無法感受到幸福，我現在雖然說比較吃力，但是能花錢就解決到的，我覺得就很好。
請問可以加你的ig嗎
比较起来，我觉得自己身为新加坡人真的很幸福。我快50岁的人，可以拥有一间属于自己的三房式政府组屋，其中是一个客厅，有厨房，还有两间卧室（2015年买入是价值310K）。明年三月就供完了（零负债）！目前房子还出租给房客，每个月有千多块租金可以拿。我很知足了。
第一次睇這類現實而又真實的片,真係值得比like,跟著即訂閱了.
我都好開心你鍾意呢條片，我會繼續努力！！
香港人，台灣讀書，出面自己住左3年
講真，對於一個由細到大廿年嚟都無自己房嘅後生(當年)嚟講，有自己嘅房真係夢想嚟，去到台灣有得揀自己住真係好開心，甚至而家返到香港無曬私人空間真係好唔掂🫠🫠
講返轉頭，第一年自己租係year 2嘅時候，唔識租更加唔清楚自己需要d咩嘅時候又唔識問人，最後租左一間無對窗嘅房，未至於唔想留係房嘅，不過日頭夜晚有時真係會亂少少，好彩我夠宅，同埋房東真係幾nice，間房亦都無乜問題，係廁所舊左d~不過，一年夠皮啦，果陣4800NT一個月，水電另計。
後尾搵到另外一個房東，我想睇果間問左先知已經租左出去，但仲有其他可以去睇，又帶左我去睇，又係無對外窗，即刻say no la。好在房東手上牌夠多，又另一間，果邊雖然對住隔離幢嘅牆唔係對正出面，但斜斜地都望到出面，有光入到房，日出日落時分d光反射入嚟仲幾靚，有D驚喜係除夕望出去睇到煙花❤自己倒數都有返少少儀式感，有大床有雪櫃有枱有大衣櫃廁所乾濕分離👍🏼係花灑果水壓真係唔掂，後尾自己換左個先得，重點係5500NT，包水電，姐係我淨係需要交租，最後住左2年。
過左果幾年，返到嚟香港一樣無間房嘅屋企，一樣塊布隔開左房同廳嘅空間，訓返碌架床，屋企人仲會扯鼻寒，自己嘅生活品質真係差左好多，最終選擇出廳訓梳化算數，夜晚無人當係自己嘅私人空間，一訓就3年...
但係自從自己住過，再返翻嚟，真係一d空間都無辦法自己支配嘅時候，真係好想搬出去。
28歲香港人，我都係會選擇同屋企人，因為大家互相照顧同可以有人傾偈，只能說慶幸我同屋企人相處到，同埋teamwork有synergy，大家可以負責不同範疇 (我相信同呢度大部分人諗法唔一樣)
視乎你家裏有多少空間吧，有沒有自己的房間已經是兩個世界。
想講一下，可以係淘寶買USB小風扇，買把大size嘅，有啲仲有插頭兼風扇可以擰頭
係狹小的空間，對於自己吹，冇冷氣都頂到下
好過3 400買把鴻運扇，搬屋帶住走又麻煩
唔貴，幾十蚊，生活指數up up
前年20歲 都係租深水埗劏房住 好彩租到有電梯彩光好！ 有獨立廁所同埋細細個廚房仔 100呎🤣 租$5300 第一次搬出嚟住 住得都幾開心！！！！！
2018年前，係呢度住左兩年。直到之後移民！而家睇番呢條片，感觸好深，我究竟係點樣捱過個兩年。最開心嘅時間就係西九龍洗衫，個地方好大，舒服過間房。
間房真係可一不可再…21-27歲時自己一個人LA往360-600呎覺得okay，現在差不多40比較宅所以要夠空間先得。見到你頂咁耐，勁！年輕人加油👏
兩年前住黃大仙劏房$5300有110呎
無任何電器家俬唔包水電
今年住大西北工廠，$3800120呎
同樣咩都唔包，但有嚴重煙味
睇完呢段片，真心感慨，多謝我老公
13年前同阿媽關係好差，想咁搬出黎，但冇能力，當時男朋友叫我俾半年時間佢，半年後我地就結婚搬出嚟再買樓
Respect自己一個勇敢搬出黎既人，自由無價❤
其實我好好彩，上年4月因為covid周圍租金都相對上平d，比我係鴨寮街穩到$5900/200呎。都叫有一房一廳，自己toilet同open kitchen。住左一年之後我而家搬咗入粉嶺村屋$6000/400呎，2房1廳。其實雖然好遠搭車所需時間長一倍，但係我都覺得值得。屋企真係要舒服。以前放假返到屋企都覺得好辛苦，好逼。
條片真心好好睇 佩服你既勇氣 🤪 你同momo要繼續加油
特別鍾意睇你拍呢類既片
同春運片一樣令人難忘
會有令人反思自己既空間
期待你下段片💪💪
有樣嘢和你相似，我洗手若要按到水喉開關，我也會左手兜着水洗沖ㄧ下右手手指，洗澡也是穿着拖鞋，雖然自己家我清潔得很乾淨，但仍受不了赤腳企入去，所以我不去泳池游水😂😂 已訂閱，開鐘仔了😁😁✌✌
睇呢條片好有感觸 因為我回想到一段令我成長嘅經歷
2021年10月左右啦 22歲時final year 啱啱好有比較多zoom有時間 搵左份工響深水埗區18k左右 冇乜工作量 我可以用返工時間睇Zoom上堂 本身自己做球類活動教練 但因為疫情下好難頂 左封右封打死體育行業 兩樣加埋先得3萬中左右 又要兼顧讀書 慳時間 無返大西北 就係深水埗租劏房 好好彩我遇到個好業主 而且居住空間係你嘅三倍 係個大劏房 見我學生佢比我4100$ 本來係4400$ 後來適逢22年中 冇再封體育館 我同業主傾可唔可以俾我甩約 佢亦都容許我咁做 都住左七個月 好深刻咁明白到原來以前屋企人幫自己做晒啲家務洗衫煮飯 真唔係容易嘅事 所以唔住之後我當然係搬咗返屋企啦 但對比之前我會開始多謝屋企人嘅付出 亦都係一個好好嘅經驗教俾學生 幸福唔係必然嘅道理 亦都覺得即使搵三萬幾蚊 呢個數唔係多 但都俾社會上大部份嘅人多 依然覺得好難生存 好難有好嘅生活質素 所以奉勸各位一係要簡單地滿足 一係要更加努力追尋自己想要嘅生活 留喺度嘅人冇辦法 一係就離開 點都好， 大家加油 希望喺香港搵到屬於你自己嘅空間
我係一位退休老人家，共用洗手間是最不能忍受（細菌感染），香港磅洗衣物都係用凍水，若別人有皮膚病，就慘啦！地方細其實唔係大問題，私隱和隔聲會影響睡眠質素！香港的石屎森林，租金貴，是人間煉獄😮
我係60幾嘅老豆,剛好有2子女,屋企太細,女已搬出去住,仔剛畢業未來亦會離開香港,多謝你拍段片等我知實况,期待其他國家影片。
好敬佩😿 真係完全想像唔到點樣係尼度生活 好真實同有實驗精神！！！
我一生人都算幸運，同父母住三房六百幾呎的居屋直至26歲移民雪梨，買自己五房的屋，現在已經62 歲，辛勞－世亦算可以吧。每次回港亦可在母親處小住。
多謝你付出 呢段片比年青人看 可以成為人生學習教材，多謝你!
我係18歲個年同屋企人發生衝突所以決定自己搬出嚟住，每個年比4300租金住120平方呢劏房。雖然⋯⋯起居飲食都係自己解決，但係⋯⋯慶幸嘅係搬咗出嚟住之後我改變咗好多，令到我自己成長左好多堅強好多，最慶幸嘅係，因為我冇再同屋企人住，我同屋企人關係好咗
24歲香港人，18歲開始一個人住，以家系日本住緊300呎左右，第一次睇你啲片，睇完覺得自己真係好幸運，番到屋企真係想好好休息。系香港真係唔係個個都得，呢條片可以重新認識到香港既空間壓迫感帶黎既心理壓力真係好大，好真實。我估我⼀日都搞唔掂😂
在新加坡组屋也有给低收入群体租房，如果你是单身要找一位朋友和你一起租下整间单位。一房半厅，有厨房和卫生间，共两人用。（有附代条件才能申请）
我本身在市场购买二手房，三房一厅，两间卧房，一间主卧；厨房和两间卫生间（一间在主卧内）
（附代条件要35岁以上，才能购买二手房）
我在1991年中租咗間山林道唐7樓的70尺套房，月租$2800, 住咗半年就捱唔住，因為隔離房間的租客好複雜。於是搬去上環有𨋢舊樓200尺獨立單位，月租$5000這才似樣生活。
睇返以前租金嘅數字，而家真係唔敢想像，不過上兩個月有觀眾話$8000租到高街嘅唐樓，不過香港租金係的確平過前幾年少少，但係依然貴🥲🥲🥲
@@mariohau 認同, 我都係租屋一族, 50有+, 聲音對我而言, 非常困擾, 租劏房會瞓吾到; 現居村屋(~320尺, 有露台), 月租都近8K。
2年前搬咗出去住，搵到一間120呎喺大角咀6K嘅長方形套房。當時我要喺cwb返工，而我本身係住大東北，嗰陣東鐵仲未直達金鐘站，所以未夠20K都決定搬出黎住。
如果一個人住，份糧同120呎其實係好夠生活，仲可以儲到少少錢。
頭幾個月好開心，仲好勤力做家務又學煮飯，好似好充實，但慢慢就覺得好攰，乜都唔想做，日日淨係望住四面牆，放工返到屋企就乜都唔想做，淨係想瞓覺⋯當時係同男朋友一齊住，我地最大嘅娛樂就係食完飯落街周圍行下同埋鬧交😂
而家諗返都好感恩有嗰一年嘅套房生活，先可以體驗到咩叫貧賤夫妻百事哀，都好好彩仲同同一個男朋友繼續行到落去，始終柴米油鹽嘅枯燥刻板生活真係可以睇清楚一個人。so far我地而家搬大咗，但生活無特別變好咗，但我相信呢一切都會係變好嘅開始❤
真實香港生活体驗😂。努力拍多點影片！期待你在馬來西亞的體驗
支持你，加油 💪🏻
多謝你，我會繼續努力🔥🔥
Share 下自己係大陸同埋加拿大兩邊嘅居住體驗，其實冇乜唔同😂
年25
廣東佛山👉🏻加拿大Edmonton
兩地都有share rent 之後自己住1bed room。兩邊成本分別係1100CNY，1200CAD。放工或者落堂之後都係返自己間屋度煮飯，邊讀都唔想去。
看見那麼多人受過苦！真的很佩服大家👏🏻我只有覺得小時候讀書辛苦😅影片拍得很好，讓我明白到真的很感恩家人❤