ديمًا نفكر في زراعة ما نستطيع تسويقه، في الفرافرة عندنا تسويقه أسهل ما يكون، على الصحراوي لو توفر معدات حصاد (محشة، ولمامة، ومكبس) ممكن حضرتك تبيعه بشكل مباشر لمزراع الإنتاج الحيواني أو مصانع علف الأرانب والحيوانات، يعني حضرتك هتسوقه بشكل مباشر للمستهلك النهائي، وبالتوفيق إن شاء الله.
بص حضرتك في الأول والآخر دا رزق، وربنا كريم من يأخذ بالأسباب لا كمن لا يأخذ بها، متوسط عدد الحشات في السنة من 8 إلى 10 حشات، عمر الحشة من 30 يوم إلى 45 يوم حسب درجات الحرارة، متوسط إنتاج الفدان من طن إلى طن ونصف وممكن أكثر حسب كثافة النبات والري المنتظم المعتدل دون تغريق أو تعطيش، والتسميد الجيد المناسب والكافي، ومكافحة الإصابات الحشرية والفطرية وخلافه، ... والبرسيم ممكن ربنا يكرمك ويكون ربحه كويس، وممكن ربحه لا يغطي مصروفات الأرض لو كانت هناك مشاكل في البنية التحتية (البير، الغاطس، الطلمبة، الطاقة، المولد، ...) وكذلك لو بتروي بالجاز وتكلفة الجاز عالية عندك، لو حضرتك مشترك في الجروب شوف منشور دراسة الجدوي: facebook.com/groups/902797921135119 ودا نص المنشور، وإن شاء الله هاعمل فديو يبين اقتصاديات البرسيم الحجازي: دراسة جدوى البرسيم الحجازي: دا ردي عن أخ كان بيسأل عن دراسة جدوى للبرسيم، أرجو لو فيه أي ملاحظات الناس تذكرها لعلي أن أجمعها ونخرج للناس بدراسة واقعية تفيد الناس: بص حضرتك، أولًا- الأرض تكون جاهزة على الزراعة (ودا أصل حضرتك بيكون للبرسيم وغيره) فمش هحسبه خالص وهعتبر إنك عند حضرتك أرض جاهزة للزراعة (سواء غمر (وإن كان الغمر مشكلة في الصحراء)، أو رش (ومش في كل مكان بينجح، أو رش بيفوت (عايز أرض رملة ورأس مال كبير عشان تشتغل صح)، أو غير ذلك المهم الأرض جاهزة للزراعة ببنيتها التحتية (بير، وطاقة، ومولد، وشبكة ري أو وسيلة ري، وتسوية لو الري غمر) وقبل الحديث عن الأرقام، عايز أؤكد على بعض الأمور: 1- حاول ما تزرعش برسيم إلا قدر المياه اللي عندك، وإلا البرسيم هيكون ضعيف معاك ومش هيجيب إنتاجية كويسة لو زرعت مساحة كبيرة على المياه ولم تعطها كفايتها من الري، وعشان تزرع نسبة كويسة من أرضك (ليس كل أرضك) محتاج بير أعماق وطاقة بقدرة عالية. 2- متزرعش برسيم في أرض بكر، الأفضل تكون زرعت من قبل سنة على الأقل، إلا في حالة واحدة أن تكون التربة رملية صرفة واتغسلت وحللت التربة واتأكدت إن مفيش مشكلة في الملوحة، والرملة بتتغسل بسرعة في التربة الرملية ممكن تزرع من أول زرعة برسيم بس تكون غسلت الأرض كويس وخدمت وسمدت كويس، وبالأخص التسميد العضوي. 3- لو تربة طفلية اتأكد إنك عملت مصارف قبل زراعة البرسيم عشان مع مرور الوقت ساعات بتطبل (تصرفها بيكون سيء) وبتخنق البرسيم وبيكون فيها مش كويس، البرسيم عايز أرض جيدة الصرف. فلازم: 1- تتأكد التربة عندك صالحة لزراعة البرسيم كما ذكرت في النقاط السابقة، 2- وتتأكد من موضوع كفاية المياه للأرض المزروعة، وديمًا تضبط نفسك على مياه الصيف وليس الشتاء عشان في الصيف بتحتاج مياه أكثر، فلو عملت حسابك على الشتاء ممكن يحصل مشكلة في الصيف والبرسيم يعطش منك ومتأخذش منه إنتاجية. تعالى بقى للأرقام اللي كتيير من الناس بتكون مهتمة بها: أولًا وآخرًا دا رزق، فربنا يوسع رزقك ويكون لك رزق واسع فيه، ثانيًّا ضع في حسبانك أنه مثل أي شيء في الدنيا ممكن يخسر لا قدر الله؛ لأي سبب من الأسباب. التكاليف معاك من 20000 جنيه إجمالي مصروفات الزراعة للفدان حتى الحشة الأولى (تسميد (جبس زراعي، كبريت زراعي، سوبر فوسفات أحادي، سماد عضوي، رش عناصر صغرى وكبرى، معالجات ملوحة، ...)، تقاوي، معدات، مكافحة، حصاد وبيع الحشة الأولى) لو هتزرع تقاوي مستوردة الرقم هيزيد 7000 تقريبًا، ولو هتسمد بكرم وهتضع سلفات بوتاسيوم وسلفات ماغنسيوم وسلفات نشادر في الخدمة ممكن تزود 3000 جنيه كمان، يعني حسب هتمشي إزي مع البرسيم. العائد: الموسم كله احسب له 25 حشة إلى 30 حشة (حسب رعايتك وحفاظك على البرسيم) ممكن يبقى أكثر من ذلك ولكن إنتاجيته بتقل فالأفضل تجديده في هذا الوقت أو زراعة سنة أو اتنين محاصيل وترجع ترد البرسيم. الحشة ممكن تكسب فيها للفدان صافي ربح من (1000 جنيه أو 2000 أو 4000 أو 5000) حسب سعر البرسيم وقت البيع (بيتغير طوال السنة، وحسب يوجد صيانات في البير أم لا، وحسب استهلاكك للجاز، وحسب يوجد إيجار أم لا، وحسب يوجد عمالة أم لا) التسميد: 1500 جنيه إلى 2000 جنيه لو هتسمد كويس للفدان الواحد، ومصروفات حصاد كل حشة: 500 جنيه للفدان على افتراض هتبيعه فرط أو شعر من غير كبس (حش ولم وتنظيف الأرض كل حشة)، ومصروفات نقل وبيع: 500 : 800 للطن حسب مكان الأرض والمساحة المزروعة، سعر البيع حوالي 7500 - 3300 مثلًا (تسميد، حصاد، ونقل وبيع) = 4200 خلينا نقول متوسط 4200 × 30 حشة = 126000 جنيه. صافي الربح: 126000 - مصروفات الزراعة 20000 = 106000 جنيه خلال الموسم كله (ثلاث سنوات ونصف) هذا الرقم 106000 هتخصم منه (الجاز أو العمالة أو الإيجار أو الصيانات) التي تحصل في هذه الفترة ثلاث سنوات ونصف، يعني هتلاقي في الآخر البرسيم لو الدنيا كويس يصفي معاك 20000 جنيه في السنة مثلًا ممكن يزيد وممكن يقل أنت ورزقك. وحاول تزرع البرسيم على بير أعماق عشان البير السطحي لما تيجي تروي بالجاز بيكون مكلف، وعشان صياناته كتيير وهتأكل من الربح، ومتزرعش إلا في أرض تكون ثبتت لو هتروي غمر، عشان الأرض لو نفخت هترجع تصرف ليزر وتقاوي وخلافه... ممكن ربنا يكرمك والفدان يجيب وزن أكثر من طن (1.2 طن إلى 1.5 مثلًا) مع الاهتمام (ري، وتسميد، ومكافحة)، والزيادة في الوزن دية هتكون كلها صافي ربح خارج الأرقام اللي ذكرتها. في الآخر هي أرزاق وربنا يوسع رزق الجميع، اللهم آمين. إضافة: 1- وفيه حاجة لازم نفكر فيها، وهي: إن ممكن تعمل حسابك في مبلغ يكون زي مخصص إهلاك للبنية التحتية من وسيلة ري، وغاطس وطلمبة، وإنفرتر، وطاقة، ومولد، ...) فالدنيا مش وردي خالص زي ما الناس بتحسبها للبرسيم، والنخيل والشجر أحسن منه في كل حاجة عدا إن البرسيم عائده أسرع فقط، فيكون هدفك على المدى البعيد إن تنخل أرض أو تشجرها (وتزرع تنقيط) أو تزرع محاصيل أكثر ربحية مثل البطاطس لو أرض تناسبها، وربنا ينور بصيرة الجميع، آمين. 2- لو حضرتك جاي تأجر أو تشتري أرض عشان تزرعها برسيم، اعلم أنه في الغالب لو كان الري غمر فعشان تروي البرسيم ولا يعطش منك في الصيف فاعلم أن البير السطحي آخره يشيل 25 فدان برسيم، وفي الشتاء ممكن تزرع معاهم 25 زيهم محاصيل شتوية، ودا هيكون مع الري بالجاز تكلمة للطاقة الشمسية، وبير الأعماق يكفي ضعفهم، فتكون عامل حسابك لو هتأجر 10 فدان مثلًا فمتزرعش أكثر من 2.5 فدان برسيم والباقي تزوده في الشتاء محاصيل شتوية على قدر المياه ولو الري غمر مش هتقدر تزرع المساحة كلها، فدا الواقع ومتتخيلش حاجة أكثر من كده، أصلًا الري بالبيفوت بير الأعماق بيكفي مثلًا 120 فدان برسيم بالعافية، فما بالك بالغمر.
الحمد مفيش ملوحة تذكر، المياه قد تتجاوز 700 جزء في المليون، لم أحللها ولكن هي في الغالب لا تتجاوز ذلك، والتربة زرعت من قبل وتخلصت من الملوحة التي تكون في الأرض البكر
الأفضل حضرتك خليه في الشتاء فقط كخدمة شتوية، ويكون قبل الري مباشرة، وبكميات معقولة، ويكون متحلل طبعًا، والأفضل بشكل عام أن يضاف في الخدمة قبل الزراعة، ويضاف كل سنة كخدمة شتوية للبرسيم، مع حضرتك شهر 12 وشهر 1
امين ربنا يبارك يباركلك
آمين، الله يرضى عنكم يا رب
مشاءالله
جزاك الله خيرا
الله يرضى عنكم يا أستاذ إبراهيم، جزاكم الله كل الخير.
اللهم آمين آمين .
آمين.
اللهم امين يارب العالمين
آمين
سؤال مهم جدا. ربنا يباركلك
تسويق البرسيم ازاي
يعني هتبيعه لمين
انا اشتريت ارض ع الصحراوي ولسه هزرع بالاستعانة بمهندس زراعي
مش عارفه بعد كده المحصول بيتباع ازاي
ديمًا نفكر في زراعة ما نستطيع تسويقه، في الفرافرة عندنا تسويقه أسهل ما يكون، على الصحراوي لو توفر معدات حصاد (محشة، ولمامة، ومكبس) ممكن حضرتك تبيعه بشكل مباشر لمزراع الإنتاج الحيواني أو مصانع علف الأرانب والحيوانات، يعني حضرتك هتسوقه بشكل مباشر للمستهلك النهائي، وبالتوفيق إن شاء الله.
تسويقه في الوادى الجديد مطلوب جدا
سلام عليكم مهندس أنا اشتريت 5 فدان فى الوادى الجديد في سهل قروين لو زرعتهم برسيم حجازي فيه مكسب كويس
بص حضرتك في الأول والآخر دا رزق، وربنا كريم من يأخذ بالأسباب لا كمن لا يأخذ بها، متوسط عدد الحشات في السنة من 8 إلى 10 حشات، عمر الحشة من 30 يوم إلى 45 يوم حسب درجات الحرارة، متوسط إنتاج الفدان من طن إلى طن ونصف وممكن أكثر حسب كثافة النبات والري المنتظم المعتدل دون تغريق أو تعطيش، والتسميد الجيد المناسب والكافي، ومكافحة الإصابات الحشرية والفطرية وخلافه، ... والبرسيم ممكن ربنا يكرمك ويكون ربحه كويس، وممكن ربحه لا يغطي مصروفات الأرض لو كانت هناك مشاكل في البنية التحتية (البير، الغاطس، الطلمبة، الطاقة، المولد، ...) وكذلك لو بتروي بالجاز وتكلفة الجاز عالية عندك، لو حضرتك مشترك في الجروب شوف منشور دراسة الجدوي:
facebook.com/groups/902797921135119
ودا نص المنشور، وإن شاء الله هاعمل فديو يبين اقتصاديات البرسيم الحجازي:
دراسة جدوى البرسيم الحجازي:
دا ردي عن أخ كان بيسأل عن دراسة جدوى للبرسيم، أرجو لو فيه أي ملاحظات الناس تذكرها لعلي أن أجمعها ونخرج للناس بدراسة واقعية تفيد الناس:
بص حضرتك،
أولًا- الأرض تكون جاهزة على الزراعة (ودا أصل حضرتك بيكون للبرسيم وغيره) فمش هحسبه خالص وهعتبر إنك عند حضرتك أرض جاهزة للزراعة (سواء غمر (وإن كان الغمر مشكلة في الصحراء)، أو رش (ومش في كل مكان بينجح، أو رش بيفوت (عايز أرض رملة ورأس مال كبير عشان تشتغل صح)، أو غير ذلك المهم الأرض جاهزة للزراعة ببنيتها التحتية (بير، وطاقة، ومولد، وشبكة ري أو وسيلة ري، وتسوية لو الري غمر)
وقبل الحديث عن الأرقام، عايز أؤكد على بعض الأمور:
1- حاول ما تزرعش برسيم إلا قدر المياه اللي عندك، وإلا البرسيم هيكون ضعيف معاك ومش هيجيب إنتاجية كويسة لو زرعت مساحة كبيرة على المياه ولم تعطها كفايتها من الري، وعشان تزرع نسبة كويسة من أرضك (ليس كل أرضك) محتاج بير أعماق وطاقة بقدرة عالية.
2- متزرعش برسيم في أرض بكر، الأفضل تكون زرعت من قبل سنة على الأقل، إلا في حالة واحدة أن تكون التربة رملية صرفة واتغسلت وحللت التربة واتأكدت إن مفيش مشكلة في الملوحة، والرملة بتتغسل بسرعة في التربة الرملية ممكن تزرع من أول زرعة برسيم بس تكون غسلت الأرض كويس وخدمت وسمدت كويس، وبالأخص التسميد العضوي.
3- لو تربة طفلية اتأكد إنك عملت مصارف قبل زراعة البرسيم عشان مع مرور الوقت ساعات بتطبل (تصرفها بيكون سيء) وبتخنق البرسيم وبيكون فيها مش كويس، البرسيم عايز أرض جيدة الصرف.
فلازم:
1- تتأكد التربة عندك صالحة لزراعة البرسيم كما ذكرت في النقاط السابقة،
2- وتتأكد من موضوع كفاية المياه للأرض المزروعة، وديمًا تضبط نفسك على مياه الصيف وليس الشتاء عشان في الصيف بتحتاج مياه أكثر، فلو عملت حسابك على الشتاء ممكن يحصل مشكلة في الصيف والبرسيم يعطش منك ومتأخذش منه إنتاجية.
تعالى بقى للأرقام اللي كتيير من الناس بتكون مهتمة بها:
أولًا وآخرًا دا رزق، فربنا يوسع رزقك ويكون لك رزق واسع فيه، ثانيًّا ضع في حسبانك أنه مثل أي شيء في الدنيا ممكن يخسر لا قدر الله؛ لأي سبب من الأسباب.
التكاليف معاك من 20000 جنيه إجمالي مصروفات الزراعة للفدان حتى الحشة الأولى (تسميد (جبس زراعي، كبريت زراعي، سوبر فوسفات أحادي، سماد عضوي، رش عناصر صغرى وكبرى، معالجات ملوحة، ...)، تقاوي، معدات، مكافحة، حصاد وبيع الحشة الأولى) لو هتزرع تقاوي مستوردة الرقم هيزيد 7000 تقريبًا، ولو هتسمد بكرم وهتضع سلفات بوتاسيوم وسلفات ماغنسيوم وسلفات نشادر في الخدمة ممكن تزود 3000 جنيه كمان، يعني حسب هتمشي إزي مع البرسيم.
العائد:
الموسم كله احسب له 25 حشة إلى 30 حشة (حسب رعايتك وحفاظك على البرسيم) ممكن يبقى أكثر من ذلك ولكن إنتاجيته بتقل فالأفضل تجديده في هذا الوقت أو زراعة سنة أو اتنين محاصيل وترجع ترد البرسيم.
الحشة ممكن تكسب فيها للفدان صافي ربح من (1000 جنيه أو 2000 أو 4000 أو 5000) حسب سعر البرسيم وقت البيع (بيتغير طوال السنة، وحسب يوجد صيانات في البير أم لا، وحسب استهلاكك للجاز، وحسب يوجد إيجار أم لا، وحسب يوجد عمالة أم لا)
التسميد: 1500 جنيه إلى 2000 جنيه لو هتسمد كويس للفدان الواحد،
ومصروفات حصاد كل حشة: 500 جنيه للفدان على افتراض هتبيعه فرط أو شعر من غير كبس (حش ولم وتنظيف الأرض كل حشة)،
ومصروفات نقل وبيع: 500 : 800 للطن حسب مكان الأرض والمساحة المزروعة،
سعر البيع حوالي 7500 - 3300 مثلًا (تسميد، حصاد، ونقل وبيع) = 4200
خلينا نقول متوسط 4200 × 30 حشة = 126000 جنيه.
صافي الربح:
126000 - مصروفات الزراعة 20000 = 106000 جنيه خلال الموسم كله (ثلاث سنوات ونصف)
هذا الرقم 106000 هتخصم منه (الجاز أو العمالة أو الإيجار أو الصيانات) التي تحصل في هذه الفترة ثلاث سنوات ونصف، يعني هتلاقي في الآخر البرسيم لو الدنيا كويس يصفي معاك 20000 جنيه في السنة مثلًا ممكن يزيد وممكن يقل أنت ورزقك.
وحاول تزرع البرسيم على بير أعماق عشان البير السطحي لما تيجي تروي بالجاز بيكون مكلف، وعشان صياناته كتيير وهتأكل من الربح، ومتزرعش إلا في أرض تكون ثبتت لو هتروي غمر، عشان الأرض لو نفخت هترجع تصرف ليزر وتقاوي وخلافه...
ممكن ربنا يكرمك والفدان يجيب وزن أكثر من طن (1.2 طن إلى 1.5 مثلًا) مع الاهتمام (ري، وتسميد، ومكافحة)، والزيادة في الوزن دية هتكون كلها صافي ربح خارج الأرقام اللي ذكرتها.
في الآخر هي أرزاق وربنا يوسع رزق الجميع، اللهم آمين.
إضافة:
1- وفيه حاجة لازم نفكر فيها، وهي: إن ممكن تعمل حسابك في مبلغ يكون زي مخصص إهلاك للبنية التحتية من وسيلة ري، وغاطس وطلمبة، وإنفرتر، وطاقة، ومولد، ...) فالدنيا مش وردي خالص زي ما الناس بتحسبها للبرسيم، والنخيل والشجر أحسن منه في كل حاجة عدا إن البرسيم عائده أسرع فقط، فيكون هدفك على المدى البعيد إن تنخل أرض أو تشجرها (وتزرع تنقيط) أو تزرع محاصيل أكثر ربحية مثل البطاطس لو أرض تناسبها، وربنا ينور بصيرة الجميع، آمين.
2- لو حضرتك جاي تأجر أو تشتري أرض عشان تزرعها برسيم، اعلم أنه في الغالب لو كان الري غمر فعشان تروي البرسيم ولا يعطش منك في الصيف فاعلم أن البير السطحي آخره يشيل 25 فدان برسيم، وفي الشتاء ممكن تزرع معاهم 25 زيهم محاصيل شتوية، ودا هيكون مع الري بالجاز تكلمة للطاقة الشمسية، وبير الأعماق يكفي ضعفهم، فتكون عامل حسابك لو هتأجر 10 فدان مثلًا فمتزرعش أكثر من 2.5 فدان برسيم والباقي تزوده في الشتاء محاصيل شتوية على قدر المياه ولو الري غمر مش هتقدر تزرع المساحة كلها، فدا الواقع ومتتخيلش حاجة أكثر من كده، أصلًا الري بالبيفوت بير الأعماق بيكفي مثلًا 120 فدان برسيم بالعافية، فما بالك بالغمر.
الارض دى فين يا هندسة وعمق المياة علي كام
الوادي الجديد، الفرافرة، قرية أبو هريرة، تربة مختلطة، البير سطحي وش المياه على 87 إلى 90 متر
لو سمحت الملوحة عندك كم
الحمد مفيش ملوحة تذكر، المياه قد تتجاوز 700 جزء في المليون، لم أحللها ولكن هي في الغالب لا تتجاوز ذلك، والتربة زرعت من قبل وتخلصت من الملوحة التي تكون في الأرض البكر
ينفع اضيف سباخ بلدي بين الوش والوش
الأفضل حضرتك خليه في الشتاء فقط كخدمة شتوية، ويكون قبل الري مباشرة، وبكميات معقولة، ويكون متحلل طبعًا، والأفضل بشكل عام أن يضاف في الخدمة قبل الزراعة، ويضاف كل سنة كخدمة شتوية للبرسيم، مع حضرتك شهر 12 وشهر 1
من فضلك رقم تليفونك ؟
تفضل 010029959561 - 01129153579
ونسعد بك في هذا الجروب:
facebook.com/groups/902797921135119