هل الأفضل شراء سيارة فخمة كاش ام اقساط ام تأجير، مميزات وعيوب
HTML-код
- Опубликовано: 28 авг 2024
- تطرقت لموضوع مهم بخصوص افضلية الحصول على سيارة فخمة جديدة. هل الأفضل الشراء كاش ام اقساط ام تأجير طبعا ليس تأجير منتهي بالتمليك مع ذكر المميزات والعيوب
للانتساب بالقناة والحصول على معلومات حصرية Join this channel to get access to perks:
/ @yousefshow
للحصول على منتجات تحمل شعار القناة
/ @yousefshow
لدعم القناة والمشاركة بمحتواها وللابتعاد عن الاعلانات المزعجة اضغط على الروابط
/ yousefshows
www.paypal.me/...
Facebook: / yousefshows
Twitter: / yousefٍshows
Linkedin: / yousefalgahtani
Instagram: / yousefshows
الموقع | Website
www.yousefshow....
الحل ان الشركات الأم تجي تفتح مكاتبها عندنا وتفكنا من وكلاءها اللي اكلو الأخضر واليابس
والله ياجماعة انا ركبت اللكزس وركبت الآكنست والله ما تحس بالرفاهيه الا لما يكون جيبك مليان ومرتاح مادياً ومثل ما قيل السيارة وسيلة وليست غاية وميزات السيارات الصغيرة الفعلية مثل توفيرها بالبانزين وقل تكلفة صيانتها ورخص قطع غيارها وصغر حجمها بالتنقالات أثناء الزحمه اكثر من ميزات السيارات الغاليه اللي هي الرفاهيه والفخفخات الزائفه هذي وجهة نظري بالسيارات
افضل نظام هو نظام الاستبدال كل ثلاث سنوات تستبدل سيارتك من نفس الشركة بسيارة جديدة مع دفع قيمة الفرق ففي هذة الحالة انت ضمنت ان سيارتك جديدة لمدة ثلاث سنوات ولن تصرف عليك صيانة الا شئ بسيط وضمان المصنع يكفي
انا اشوف تشتري سيارة وكاله وريح راسك لكن مشكلة الضمان لمدة 4 او 5 سنوات يحدونك على تغيير كل شيء بالوكالة والسعر دبل او يقولك 3 سنوات او 100 الف ايهم اسبق خلال سنة ينتهي الضمان على كذا
فأفضل شيء تحافظ على سيارتك و تسوي صيانه خارج الوكالة بمبلغ رمزي راح تمشيك 10 سنوات وتبيعها وهي نظيفه ، كل شيء يعتمد على الاستخدام الشخصي اذا كنت غير مهتم فيها راح تطلع مشاكل خلال سنة
اخوي الغالي اتمنى تنزل فديوا عن حقوق المستهلك عند وكلاء السيارت عندما يشتري سيارة منهم وتبين عطل او وجود حادث في سيارة قبل الشراء ولم يتم اعلام الزبون عنه وكتشافه بعد مدة من استلام السيارة
بالنسبة لموضوع اليوم انا حليتها لفترة بعت سيارتي لان مشواري بيت عمل عمل بيت
طول. الاسبوع تعاملت مع سايق وسيارتة الشخصية
واذا في طلعه خاصة اكثر من سيارة في البيت موجوده الحمد الله ناخذها
وخلصت من تصليح وبانزين وسياقة
ومرتاااااح للاخر
واشكرك على مجهودك الرائع لخدمة الانسان وتثقيفة
وتوعيتة
ولكل مني اجمل تحية
اخيرا أحد فاهم السالفة هذي 👍🏻 صحيح موضوع ال leasing جميل ويريحك من الصيانة والحوادث وكل شي. بس في امريكا يشترطون عليك عدد كيلوات معينه ماتتجاوزه تقريبا السنتين ٤٥ الف مايل. تحياتي لك
كلامك واقعي وصحيح جداً
لكن المفترض للناس الي زعلانين من الفيديو يعرفون ان صاحب الفيديو يستهدف الاشخاص الي عندهم دخل قوي ما شاء الله (فوق الـ 45 الف شهرياً)
شكراً لك يوسف
اهنيك على الشرح مش فقط بهالفديو بالمجمل تصلني فكرتك وأنا مشغل 20% من الدماغ.
انت شخص رائع 👍
hard target
موضوعك ينفع مع السيارات الغاليه طيب السيارات الي تحت 100 الف متضبط معهن التاجير افضل الكاش
Bofahad ههههههههههههه تقدر تقول power save mode
Bofahad ههههههههههههه تقدر تقول power save mode
hard target الله يسعدك😂
مناسب
السعودية مدلعه التجار على الاخر لا ضرايب ولا توظيف ولا مساعدة في تنمية البلد ومع ذا كل شي غالي والاسعار عاليه
للاسف اغلب تجار المملكه لاخير فيهم ليس الكل لكن الاغلبيه لادعم للوطن وللمواطن
الضرايب جات
صكنا عين حسبي الله
Hioigimr sa 😂😂😂
MUIDH 07 جتنا ضرايب من عينك 😂
عندي سوْال : ليش الواحد يفاول على نفسه لو صار حادث لو صار ولو صار ما بيصير لك الا المكتوب 👌🏻 معنى كلامك تبي تكشخ بالسيارات كل سنه بسيارة ولا فكينا نفسنا بالنهاية من الاقساط ولا تمكنا اكشخ الله يوفقك ❤️🙏🏻
اخوي يوسف كلامك جميل بس فيه نقطه مهمه غفلت عنها ؛ شركات السيارات الفارهه بي ام اودي مرسيدس عندها عقود صيانه مجانيه مع السياره 200الف كيلو او خمس سنين وهذي محسوبه من قيمة السياره ؛ بعد خمس سنين صحيح اني ركبت 5 سيارات لكن ماستفدت شي كأني مأجر ودافع 600 راحت بلاش على كشخه زائفه
بختصار الكاش يقلل النقااااش ،
حسين علي صدقت
حسين علي مو كل الناس تقدر ع الكاش عشان كذا هذا من ضمن الحلول لهم
خوو وخ الي مو قادر على الكاش راح يقد يدفع ١٠ الاف ريال كل شهر
علي الحربي
وين التاهو الف والفالون الف و700
من وين جبت ال 10 الاف
علي الحربي
هذا اذا بتتكلم عن سيارات فارهه
لكن لو سيارات عاديه اكيد السعر بيكون اقل بكثير
بداية هذي أفشل سبع دقايق قضيتها في حياتي مع هالمقطع مع احترامي الشديد ياعزيزي
اولا اتفق معك في جشع التجار وغبنة نظام تاجير منتهي بالتمليك او الاقصاد المنهكه طوال خمس سنين واتفق معك في نظامنا العقيم في السعودية فيما يخص هذا الحانب.
لكن تبي تقنعني اني ادفع كل شهر عشر او خمسة الاف او الفين حتى على سيارة ليست لي !!!!! وش هالجنون يارجل والهدف من ذلك علشان اكشخ كل شهر بسيارة وانا في الواقع لا املك سيارة ، استنزاف اموااال والشركة ربحانه ١٠٠٪
لو فرضا انفصلت من الوظيفة او حصل دروب في وضعي الاقتصادي اجلس أشر في الشارع بعيالي اطلب توصيل !!
وارى ان الصيانه الدورية وتشييك السياره السنوي ليست ذات تكلفه عاليه ابدا وارى ان تكلفتها ١٪ سنويا من قيمة السياره اي انها لاتعادل عشرات الالاف المدفوعه لسيارة إيجار.
اخيرا الكلام هذا يعكس واقعك وعقليتك وانا احترم ذلك وهذه فئه من الناس اللي يعيش يومه ولايفكر في مستقبله ويمضي به العمر حتى يكتشف مع الايام انه لايملك سوى ذكريات الكشخه في ماضيه المليء بالفخامه والمتعه المتصنعه !!
الكاش مهما سار هو الافضل لو 100 نظام يجيبون يضل الكاش الافضل.
لان الشخص لمن يقدر يوفر مبلغ السيارة راح يقدر على صيانتها.
مثلا شخص قدر يوفر مبلغ كامري ودقها كاش فهو عنده القدرة انه يصونها.
لكن لو راعي الكامري هاذا نفسة راح بيشتري اقساط ماراح يشتري كامري. راح ياخذ لكزس ال اس اقل شي
ف لمن تخرب ماراح يقدر يصلحها. لانه اخذ شي اكثر من مستواه وقعد يضرب اخماس ف اسداس
دايم مد رجولك على قد لحافك. وارضى بقسمك ونصيبك. فالدنيا هاذي فيه اللي اقل منك وفيه اللي اعلى منك.
راعي اليخت يطالع فراعي الرولز رويس ويقول هاذي السيارات واللي اقل منه يطالع فسيارتة وتمشي الحياة
الكلام موجه لفئه vib اما انا بشتري اكسنت كاش واريح راسي
حافظ حدادي
vip**
احسنت
الدين سقم عين
شكرا على المعلومات اخوي يوسف وحبيت أضيف نقطة بخصوص الإيجار.
بعض محلات الإيجار تلزمك بمسافة معينة للسيارة خلال فترة التأجير. المحل اللي سألته اشترط مسافة ٤٨٠٠ كيلومتر في الشهر.
فهذا أيضا أمر ينبغي الانتباه له قبل التأجير
حاليا محد يظل على سيارته اكثر من خمس سنين لحد يخلص اقساطها وعلى طول يروح يغير وفي النهاية دافع نفس المبلغ ف لو يفتح نظام مثل كذا عندنا انا اول من يطبقه. راح زمن السيارة اللي تستخدمها ٨ و١٠ سنين للاسف السيارة لاتعدت ٥ سنين تبدأ تسير عاله يمكن بسنه تدفع قيمتها الحاليه بتصليحها فتصرفها احسن لك وتاخذ جديد يريحك.
الصناع وكبار المستثمرين نجحوا في ادخال سياسة الاستهلاك علينا من كل النواحي. في السيارات والاجهزة الكهربائية وكل شي تقريبا.
Abdulrahman Almutairi ابدا ماني معك سيارتي كامري اللهم لك الحمد لها معي الان عشر سنين ولله تمر اشهر اني ما اغير الى زيت ولا قد طلبت شي مني الى واغيرها اصلي وترجع جديده ومريحتني من الصيانه والله ناسي متى اخر صيانه مسويها لها معني والله ما ارحمنها اكرفها وصابره معي ما شاء الله لا ابشرك اعبي بنزيل فل تمشيني حوالي خمسئة وستين كيلو ههههه اشتر كامري وريح راسك تويوتا وبس
abduaziz qhtany خليفة الكامري شف تورس والله حلوه ما شاء لله تبارك الله القطع اخذه من الموزعين في الصناعيه ارخص من الكامري وعمليه التورس ما شاء لله تبارك الله
Abdulrahman Almutairi سلامات انا سيارتي متملكها من عام 2003 وهي موديلها 2000 وللحين ماشيه معي ولله الحمد وكل ماخرب فيها شي صلحته
كلامك غير صحيح اخي السياره الجيده
عمرها الافتراضي من 10 الي 12سنه وبعد هذا العمر تبدأ بالخرابات وتصلحها
وطبعا بعد الاقساط تستخدمها 5 سنوات اضافيه وعذا الشي جيد
Abdulrahman Almutairi حمدلله ان سياراتي قديمه تدفع قيمه خراباتها افضل من اشتري سيارة غالية جدا
يارجال انا اقولك من الاخر وببساطه مد لحافك على قد رجليك و أرضى بما قسم الله لك تكن أغنى الناس .... وانتهينا
انا شريت مستعمله صني 2010 اوتماتيك مصدومه بكل جهة 😂بس ب3500ريال
😂😂😂😂بالونتها طالعها
بس مرتاح فيه وعندي دراهم😂
في ذا امسك دراهمك ولاتنذل عند الايجار تمليك او تقسيط
اخ يوسف عندنا في السعودية علاقة حب بين صاحب السيارة والسيارة عنده ذكريات فيها صبرت عليه وصبر عليها واذا انتهت العلاقة البيع (الطلاق)هو الحل
يا أخي لا تقعد تلعب بالكلام وتتلاعب بالعواطف والافتراضات. انت تتكلم عن ايجار سيارة وليس عن امتلاك سيارة، وقاعد اتقارن امبين امتلاك السيارة اذا بتدفع وبتشتريها وامتلاك منفعة السيارة اذا بتدفع ومابتشتريها، الفرق انه فلوسك في الحالة الأولى خلتك تمتلك سيارة في الأخير أما في الحالة الثانية فأنت دفعت فلوسك في منفعة مدتها سنة أو سنتين واذا خلصت هالمدة بتلقى نفسك لا انك راعي الفلوس ولا انك راعي السيارة وبالواضح ضيعت فلوسك في متعة نفس محدودة وأصلا مبلغ إيجار السيارة الشهري أعلى من قسط شراء السيارة الشهري وفي النهايتين مثل ماقلت لك الايجار مابيخليك تمتلك سيارة عكس الشراء. انت قاعد اتبرر فكرتك بأن التأمين غالي والصيانة الخ.. مهو مقارنتك اصلا غير عادلة هل لازم آخذ سيارة وكالة كاش؟ باخذ مستعملة كاش موديل سنتها او قبلها بسنة يا أخي كاش أو أقساط مافي مشكلة دام فلوسي بتروح على سيارتي. أما فلوسي اتروح على سيارة غيري ومتى ما خلصت فلوسي لقيت نفسي من غير سيارة لا،، هذا اذا افترضنا اصلا ان السائق مثقف وملتزم بقانون السير وما عليه ولا غلطة. أخالفك في الرأي تماما واستغرب من اللي عاجبتنهم فكرتك
في نقطة إضافية على الموضوع
بالنسبة للإيجار اللي تتكلم عنه تاخذ السيارة سنتين وبإمكانك تاخذ موديل جديد بعد السنتين او (( تقدر تشتري السيارة اللي كنت مستأجرها وبيعطونك هي بسعر حلو اذا فكرت تشتريها)) اكيد لأنهم مايبغوا السيارة توقف عندهم وهم باقي يدورون لها على مشتري
والله انكم في نعيم لستم حاسين فيه
بالله تعالو شوفو نظام شراء السيارات عندنا في السودان كيف !
وكيف ان الحكومه السودانيه تأحذ سعر السياره مضروب في 4 كجمارك لها
وليس هناك اي نظام للبيع بالاقصاد في السودان نظرا لان سعر الدولار ليس بثابت فكل يوم ب سعر
فاذا باع لك سياره اقصاد وارتفعت قيمه الدولار مقابل الجنيه السوداني يصبح التاجر خسران
بالله عليكم احمدو ربكم على نظام الاقصاد المريح هذه نعمه من الكريم
اعتقد الناس في التعليقات ما تقبلت الفكرة لان المثال ما كان جيد يعني سالفة اس ٥٠٠ و ادفع شهريا ٥ الى ١٠ آلاف هذي مافيه عاقل بيسويها لا شخص راتبه فوق ٧٠ الف و ذولا ما يجون عددهم أربعة بكل مدينة
لكن الفكرة بحد ذاتها جيدة والأغلب ما فهم اعتقد ، بشكل اوضح : لو النظام هذا موجود عند وكيل هوندا وجا شخص طلع اكورد جديدة فهو بيصير يدفع تقريبا ١٥٠٠ ريال مثلا شهريا شاملة كل شي ماغير تعبي بنزين وتمشي ، السنة الجاية حبيت تاخذ شي ثاني على طول تغير وخذ موديل السنة ولا تشيل هم إصلاحات وصيانة ولا اي شي
انا ما اخذ الا كاش من الوكاله لاني ما ابيهم يكسبون على ظهري اكثر من قيمتها الي فيها و لوو صار علي حادث ماتهمني اما لوو انها فارهه يمكن اكون مهتم .
ولا اهتم في السيارات الفارهه لان سعرها ينزل ثلاث اضعاف اما اذا انا مهتم افكر ايش اسوي لاني خسران سواء كاش او اقصاد او اجار منتهي با التمليك فانا ما ايد.
في الاخير
( كلها توفي في الغرض وكلها من الكماليات )
أبو فراس هههههههههههههههههههه
اخس يالكاش ياوحش
طرح مميز ، حقيقهً انك لامست جروح كثير ممن يستأجرون عندنا ،
الحقيقه ان الوكالات والبنوك غاصين بالسيارات اللي عندهم فااسلم حل انهم ينشبون المستأجر بالسياره سواءاً يرضى ولا بكيفه
انا شخصياً افضل شرائها كااش وتكون جديدة على يدي
ماني من النوع اللي يغير سيارة كل سنه او سنتين وغير كذا الكاش اريح بكثير مافيه استقطاع من الراتب والسيارة تكون ملكي وانا حر التصرف فيها عكس الاقساط تكون مرهونه باسم البنك وبعد مرور ثلاث سنوات اشوف انه نزلت موديلات جديدة احسن من اللي عندي وانا لسى جالس اسدد اقساط شهرياً + الدفعه الاخيرة اللي تقص الظهر. طريقة التأجير تصلح للناس الاغنياء اللي كل سنه سنتين يغير ويحب المظاهر. اما عامة الشعب اشوف ان الكاش اريح لهم
الله يعطيك العافيه على الشرح نورتنا الله ينور دربك
فيصل الحوار واللي ماعنده كاش وش يسوي ؟!
فيصل الحوار بس مانقدر نشتري كاش ياصاح
Habrook Danger اذا انك موظف جمع لك مبلغ وخذ لك قرض خفيف وكيّشها اريح لراسك
نفس القسط بتدفعه للبنك راح تدفعه لشركات التأجير + البنك ما يطلب دفعة اخيرة مثل شركات التأجير، والسيارة تكون بأسمك مباشر وانت حر التصرف فيها وفوايد البنك اقل بكثير من شركات التأجير. وانا سويت كذا والحمدلله مرتاح
Habrook Danger
واخيراً نصيحة لوجه الله، مد رجولك على قد لحافك
لا تشطح بالسعر وتاخذ شي غالي وتتوهق فيه. كلنا ودنا نركب لكازس ومرسدسات وغيره لكن العين بصيرة واليد قصيرة الحمدلله على كل حال
فيصل الحوار 👍
السلام عليكم اخوي يوسف ي رجل خلها على الله انا تخيل طلعت سياره من وكالة هوندا عن طريق بنك الاهلي ويوم رحت اشيك تشييك الالف كيلو كان فيها صوت طقه ب الجهه اليمنى كل ما اخذ مطب، قلت لهم عليه وقالو بنصلحه وسكت المصيبه انهم دقو علي بعدها ب ساعه و جيت لقيتهم صادمين بسيارتي رفرف يسار و صدام امامي و جنطين و مقصات و اذرعه المهم انهم داخلين ب رصيف قلت لهم ما ابيها و من هالكلام قالو مالك حق هذي تبع البنك رحت للبنك قالو مالك حق انت وقعت عقد و اذا ما تبيها الله لا يهينك تدفع غرامه سته الاف اسمها كسر عقد وبعدين نتفاهم معك هههههههه ي خي السعوديه مع كل الاحترام دوله معاقه خلها ع ربك ي رجل
ياساتر هذا شكله فحط فيها الله يعوضك وفعلاً فيه أنظمه عندنا ياشيخ ولا يهودي يفكر فيها ويقولون تبي ولا توكل على الله
عبدالمجيد بن حمد اوافقك الراي 100%
عبدالمجيد بن حمد
مافيه انظمه واضحه للمستهلك وبصراحه المملكه جنه التجار يرفعون هوامش الربح على كيفهم ولا ضرائب ولا شيء على انشطتهم وبالعكس الكل بصفهم
عبدالمجيد بن حمد ابا حمد والله صدقت صدقت جنه التجار المملكة. طلع كل شي ظهورهم واحنا موافقين ولا نصحا الا بعد سنه سنتين. ونزعل. ليش انضحك عليك ومع دلك غصب تكمل معهم الاقساط
رايق 😠👎
والله كلام ممتاز .. خلنا نقول تاخذ فورد او كامري وتدفع شهريا الف ريال وتفتك من الصناعية والتأمين والحوادث وتبدل كل سنة سيارة جديده وطز بالتمليك ..السيارة اذا قسطتها ٥ سنوات وصارت ملكك تبدا خراباتها وتبلش بها
قرض من البنك فلوسك بيدك وتشتري سيارتك الي تبغي وانت مالكها وتأمنها على طريقتك او حتى لاتأمنها عادي حلالك وعلى راحتك
مشكلتك انك تشرح على سيارات غالية جداً اصحابها أغنياء فلا تفرق معهم بينما المواطن العادي يركب سيارات رخيصة جدا بالمقارنة وهنا القسط الزيادة يفرق معه في معيشته فلو اخذ اقساط والقسط الف ريال ربع راتبه مثلاً فلن يقدر على شراءها بنظام الإيجار الامريكي حيث سيكون القسط 2000 ريال يوازي نصف راتبه. هذا النظام للاغنياء الذين يحبون التغيير
النظام اللي اتكلمت عليه نظام قوي جدا ومايعرف قوته الا شخص اتعامل فيه وجربه انا شخصيا اذا اتوفر بالسعر المعقول اول واحد بشترك فيه
كنت اعمل بشركه متعاقده مع شركه تاجير العقد فيه 600 سياره مختلفه من صغيرة الى متوسطه الى فخمه الزبده كل انواع السيارات موجوده في العقد على حسب طلب ادارة الشركه المهم الشركة كانت صارفه لي اكسنت موديل 2012 سعر التاجير لها شهريا 900 ريال
اليوم اللي توقف فيه سيارتك يجون لين عندك يعطونك سياره بديله واذا عندك مشكله بسيطه يمكن حلها يرسلون سيارة الصيانه والكفرات كل 5000 كلم يتم تغيرها وكل المراجعات للسيارة عندهم وابدا لاتشيل هم واذا ماعجبتك السياره البديله تقدر ترفع ايميل ويغيرونها لكن مشكلتهم احيانا يصرفون سيارات مكروفه بحكم انهم ماعندهم بديل حاليا وتضطر تمشي حالك فيها لين تتصلح سيارتك المهم شاء الله اني استقلت من الشركة وسلمت السياره طبعا واستخدمت سيارتي الشخصية اللي نفس الشي اكسنت بس فل كامل حسيت فعلا بانه في فرق من ناحية التامين والصيانه وكل شي وطبعا العقد حق الشركه السياره تتغير كل 3 سنوات وسيارتي الشخصية لها معي الان 5 سنوات وانا من النوع اللي يحب يركب سيارات جديده
يعني كلامك سليم وياريت يتوفر الشي هذا في المستقبل لكل انواع السيارات وكل واحد ومقدرته الماليه
شكرا على الفيديو يعطيك العافيه حبيت اوضح تجربتي لا اكثر ولا اقل
Yousef Algahtani العفو وبالتوفيق لك ان شاء الله
500 الف اللي تتكلم عنها
اشتري بها ارض وغنم وبقر وابل وشاص والباقي في الجيب
وليش تتكلم وتحط مثالك عن واحد بيشتري ب٥٠٠ الف ريال وش شايف الشعب الله يهديك المشكله انك وامثالك تعطون صورة ان الشعب يكح فلوس ويشتري سيارات على ٥٠٠ و٧٠٠ الف ترى كلهم ٣٠ ولا ٤٠ من الشعب الي يشترون هالنوعيه من السيارات بقية الشعب يشترون اكسنت او تويوتا واذا مره كشخ اشترى تاهو او جيب او لكزس
كلام غير منطقي ابداً
اجلس طول عمري ادفع ايجار ليه ؟ بحجه اني اركب ٥ سيارات في ٥ سنوات !!! طيب بعد الخمس سنين الاولى وش استفدت ؟
بينما لو اشتريت سياره كاش او تقسيط بعد ٥ سنوات تصير ملكي وليس شرط اني كل ٥ سنوات سياره جديده وبإمكاني بعدها اني ابيعها واستفيد من قيمتها كمقدم في سياره ثانيه
واذا صار مشكله لا قدر الله التامين يعوضني او يعوض البنك اللي مطلعها منه وفي هذه الحاله اصبحت كاني مستاجر السياره والاقساط اللي دفعتها هي لفتره استخدامي فقط
واذا تقاعدت من العمل والا ماعندي سيارة راحت الخمس سيارات بالخمس سنين وجلست بها الصراحة كلام غير منطقي وغير اقتصادي ولا يوجد فية نظرة مستقبلية
محمد الأحمري احسنت والله ردك احسن من ردي .. لايك👍
كلامك نظري حلو .. تطبيقياً الفكرة غير عملية مثل ماذكرت الكلتشر هههههههه حلوه الكلتشر قول ثقافه
ثقافة بعض المجتمع السعودي ما تسمح له ياخذ مميزات تخدمه وتنفعه لأنه ماينوثق
فيه ناس يستغلون هالشيء ممكن تستأجر سيارة لمدة شهر ويكون النظام تمشي عليها 10 الآف كيلو مثلا يرجعها لك السعودي ماشيه 9999 كم كممشى حقيقي
لكن لما تشوف السيارة من برا تقول هذي ماشيه مليون كيلو من قوة ما أكل المطبات ومو حاس بقيمة الشي اللي يسوقه
وتصير كثير هالمشاكل وعشان كذا يطلبون تأمين إضافي بالفنادق والشاليهات لأنهم مايضمنون هالناس الفله الزاحفين اللي ما يؤتمنون على أملاك الآخرين سواء تجار ولا أملاك البلدية ولا أملاك أهله
كلها يزق عليها ويخون الأمانة وطبعاً بالأخير هو مسلم مسالم هههههههه
ولو شركة وحده تسوي هالشي بتحصل أسوأ عينات المجتمع يستغلونها استغلال لين ماتفلس
ولك عبرة بموقع أمازون يوم درا الشعب السعودي عن سياسته في خدمة العملاء صار يستغلها استغلال بشع
ندري إنها من حقوق الزبون لكن الشركة سوت هالسياسة لخدمة الزبون اللي منجد متضرر وتسهله خدمته بدون قروشه بس ربعنا صاروا يستغلونها حرفيا بكل طلب مثلا!
أنا بأمريكا استأجرت سيارة بدون مبلغ تأمين وانبسطت شهر كامل وبدلت سيارتي كذا مره ويتعامل معي التاجر بثقه وأنا قد الثقة لأني مقدر ثقته اللي اعطاني إياها
وما قد دعست ضغط السيارة فوق الـ 4 الآف دورة ولا حتى سويت تسارع ورجعتها له زي ما كانت قبل بدون حكات ماعدا الجنط انحك حكه يوم جيت أوقف وعلمته عنها وقلت له كم تحاسبني عليها قالي عادي مو مشكله اصلا مع الوقت بينحك أكثر
عموماً هنا لو خويك عطيته سيارتك يمكن يستخدمها استخدام خاطئ فما بالك بشركة تأجير كبيرة ورسمية والكل يدري عنها الصالح والطالح ولا فيه نظام قضائي إجراءاته سريعه يحكم لك بسرعه فائقه ويحصل التاجر من المستأجر قيمة خسائر السيارة في حال الاستغلال
مشكلتنا ثقافة بعض العيال اللي يستأجر أكسنت ولا كامري ويفحط عليها
ولو تسأله تقوله لو شريت اكسنت ولا كامري بتسوي زي كذا بيقولك لا حرام! طيب حبيبي وأملاك أخوك المسلم اللي أعطاك سيارة تستأجرها ليه تسوي فيها كذا مو حرام؟
لازم تنزل جزء ثاني .اللي معي لايك
صباح الخير :-
كلامك صحيح الوضع عندنا.. للاسف الشديد ،يعتبرون المواطن فريسة بس يبغالها وشق ،، بعدها شف من يخليك من ايديهم..
انا واحد اخذت سيارة من مصرف الراجحي فورد اكبدشن ٢٠١٤ نظام تاجير..
حصل الاتي :- بعد مامشيت ٢٩ الف ك تقريبا: وانا في طريق العودة من المدينة المنورة متجه جده وبرفقتي العائلة.. السيارة طلعت صوت فضيع وتبين انه في المكينة..
١- بغيت سطحة اتصلت اكثر من مره بدون فائدة حتى الله فزعلي يامن الطرق ماقصروا ، كلموا راعي سطحة تخيل الموقف انا والعائلة والسيارة اللي ماتمت الفرحة بها.. وكان باقي تقريبا اكثر من نصف الطريق..
١- اليوم الثاني دخلتها صيانة الوكالة.. اللي فعلا.. كشفوا عليها واثبت الكشف انه خلل مصنعي..
٢- طلب مني على شان يصلحونها تكلفة المكينه قلت السيارة لها ضمان.. قالوا المشكلة انت ماسويت الصيانات المطلوبة.. علما واكيد انتوا عارفين الكلام ذا ان وزارة التجارة منعتهم من الزام زبائنهم بمثل هالطلب.. قالوا مافيه.. قلت السيارة سيارتكم والراجحي يراجعكم او بكيفه.. قلت اكيد الوزارة بتنصفني لكن حصل اللي ماكنت متوقعة..
٣- الراجحي ياخذ القسط الشهري ولا همه يقول هو مأمن عليها ماله علاقة في الضمان..
٤- وزارة التجارة فرع جدة في البداية شفت ان الموظف بصفي وقلتله بتصريحات الوزير بخصوص الصيانة وعلمته ان كشف الوكالة يثبت انه مصنعي.. وقال لا ولا يهمك بنستدعي المندوب ويصير خير ان شاء الله.. فعلا حدد لنا يوم.. اللي صار في الاجتماع الموظف يقول لمندوبهم واحد الله بس يهديه لاذمة ولا ضمير قلت الاخ سعودي اكيد بيوقف بصفي! لو كان امريكي كان ارحم بكثير..
المندوب ايش يقول للموظف مافيه هذا ماسوى صيانة قلت يتولد انت عارف نظام الوزارة قال نظام الوكالة يلزمك.. المهم اللي تستغرب منه ان الموظف قال خلاص جب لنا فواتير من المحل اللي تغير عنده زيت قلت هو نظاما قال ايه.. جبت لهم المطلوب .. بعد اسابيع يجينا المندوب يقول مرفوضة السبب قال خط اليد ومتسلسلة.. قلت انا جبتها على طلب الموظف ماكانت معي يعني ازور التواريخ او ايش قال مرفوضة..
اخينا الموظف اخذ يواعدني والوله تراني اجيك من اقصى الجنوب على شان السيارة ولا بديل ولا شي عندي..
اقيم بالله قال ايش اسوي ياحي روح اطلبهم في اي جهه قلت 😀 والتجارة قال اللي عندنا سويناه.. قال ايش قدم عليهم في المحكمة..
المهم لا لك ولا عليك بعد ثمانية اشهر وكم يوم وبعد وصاطات يصلحون السيارة توضيب.. شفت كل شي ضدي..
مؤسسة النقد ؛ يقولون مانقدر نوقف القسط الا اذا وافق المستفيد.😂
الوكالة كاني هندي بعد والهيلمة اللي جيتهم في اول الوقت ماحفلوا لا بوزارة ولا يحزنون..
الواسطة ماقصر قال يصلحونها وبيعطونك بديل لمدة الاصلاح عطوني سيارة لمدة اسبوعين .. يقول بس ترى يقولون بطريقة ودية بين الوزارة والوكالة يعني مالك حق تطالب باي شي.. طلعت السيارة كفرات مضروبة من الشمس.. وقلت الله اللي بياخذ حقي منهم كلهم..
المهم اخي الكريم اعتذر على ازعاجك بموضعي ولكن المقطع ذكرني بمعاناة التاجير وكثير اللي لقيتهم يعانون..
ولا همني خلاص نسيت.وكلت الله . لكن يهمني ، اذا استطعت ان تخلص متضررين ويقضى على المفسدين..
اتمنى انك تركز مواضيعك على هالفساد وتحاول تقضي على فسادهم.. .. قلت اكيد يستفيدون ناس يمرون بمثل هالحالة اذا وصل صوتك.. ولك الاجر والثواب..
اكبر مشكلة عندنا نشوف غير المسلمين يتراحمون بينهم البين وينفذون اللي يفيد مجتمعاتهم..
حنا اولى في تطبيق الانظمة..
وولي الامر حفظة الله.. يهمة القضاء على المفسدين..
وفقك الله لكل خير..
الله الشاهد على ما كتبت..
نظام جميل .. لكن يجب الاطلاع على العقد ومعرفة الالتزامات .. لإنه من غير المعقول اخذ سيارة جديدة وارجعها بعد سنة دون ان اكون دافع قيمة تأجير + الفرق بين الجديد وسعرها الحالي + قيمة التأمين + مكسب الشركة
الاقصاد ف النهايه بتكون ملك لك
والكاش بعد بتكون ملك لك
اما الاجار تخسر فلوسك واخر شي ماتملك السياره
وبعدين مافي احد يروح ياخذ سياره غاليه الا وعندها فلوس وأمور طيبه اما واحد دخله محدود اصلن مايفكر بغير كرلا ولا تيدأ يمشي حاله بها
كلامك في من صح بس مفروض تحط نقطتين مهميين للمشاهد اذا كانت في عروض للسيارات الجديده كفاله و صيانه خمس سنوات عندنا بالكويت في جذي و هذا يكون عارف ان ما راح يقط شي غير بس الاقساط و البنزين و التواير لمدة خمس سنوات هني ملكت السيارة باقل قيمه و بدون تكلفة الصيانه خمس سنوات 😉😉 و بعض العروض بدون صيانه بس اول خمس سنوات للسيارة بس صيانة دورية للاستهلاك و يعرف جم قيمتها قبل شراء السيارة عشان يعرف الي له و الي عليه و شكرا
يالحبيب لو باخذ اكسنت ايجار بتطلع علي ب1500 ريال شهرياً خلال خمس سنين اصير دافع 90 ألف بينما لو اشتريت كاش ب45 الف تأمينها شامل مايكلفك 7 الاف والصيانه ماتحتاج خمس سنين ماراح تغير شيء الا فحمات فقط يعني بتوفر مايقارب 35 الف هذا والسياره ملكك اقل شيء بتبيعها ب20 الفرق 55 الف ( مثال بسيط على اكسنت وكل ماطلعنا فئة الفرق اكبر )
في نظام شبيه في كاديلاك الجميح اسمه ضمان السعر
تغير سيارتكً كل سنه بفرق بسيط وكل سنه موتر جديد وبكجً صيانه وضمان وتامين
Abdulrahman Almutairi 🤔
Abdulrahman Almutairi كيف
كلام جميل بس مشكلة عدم تطبيق الشركة لهذا النوع من تظام التأجير بسبب عدم كفاية النظام الصارم من سؤ الاستخدام ياحبيبي انا سفري كثير داخل السعودية واستأجر سيارت القاها دمار المشكلة ادفع سعر غالي عشان يعطوني سيارة جديده ونظيفه والله اني احيان ما اقدر اركبها وهي موديل السنه المقاعد وسخة
وفي كثير من الدول الخارجية بدون ذكر اسماء عشان ربعنا شوي حساسين
لو سلمت السيارة وفيها بس ريحة دخان سجاير تدفع غرامة مايقارب الف ريال سعودي
لازم من وجود نظام صارم يضمن للتجار ان تستخدم السيارة زي الاوادم ياحبيبي عندك ناس يفرم الفولاذ لو دبابة يجيب اجلها ف ساعة 🤣🤣🤣🤣
الكاش احسن طبعا
اجمل شئ بموضوع التأجير ان يكون فيه سيوله وتتمتع بنفس الوقت بدون شروط ولا يحزنون.. اخ يوسف طلب بس عن فرق الفوائد بين امريكا في السيارات والنصب الي قاعدين نشوفه هنا
الافضل ان يتعبد الانسان عن الحرام ان كان بالكاش قرض من البنك او التاجير المنتهي بالافلاس او الاقساط
لاخير ولابركه بغرض اتى بحرااام الله يبعدنا عن الحرام ويكرهنا فيه ويحببنا بالحلال
نظام التأجير جداً ممتاز ولاكن لازم يكون معك سيارة احتياط عشان لو لاسمح الله الشركة تقفلت او شي يكون عندك احتياط
المشكله من يقدر يدفع على قولك عشرة آلاف ريال شهريا انا يالله أقدر ادفع دفعه أولى واقسط كل شهر الف ولا الفين وفي النهايه سيارتي اتملكها مثل إيجار البيت اقعد مستأجر عشرين سنه واخرها اطلع بدون بيت ولا ادفع تقسيط وفي النهايه ملك لي ولعيالي هذا نفس نظام السياره يعني ماهو كل شخص يقدر يدفع كل شوي مبلغ وتأمين شركات التأجير السيارت الفارهه أكثر من 20 الف وفيزا بعد سلم لي على ابو جميل دفعه 10 آلاف وكل شهر 1500 وتأمين شامل من الصدام للصدام لكن كلامك اللي انت تقوله ينطبق على الناس اللي رواتبهم عاليه وعندهم خير وسلامتكم
هذا اذا بتاخذ مرسيدس لاكن لو تاخذ كامري ؟ والسنه الجايه كابرس؟. والي بعده اوبتيما ؟ قصده راح يكون بسيط وبتكون كل شوي نوعّت لاكن اذا بغيت ترسي لك على موتري عائلي وبتسكن في بيت وتتزوج وخلاص ذيك الساعه خذ لك ملك واستقر لاكن هو يمكن قصده لشباب الي يحبون ينوعون
للاسف هناك شركات تلزمك اذا اردت التأجير منهم كالتالي:
1- دفع مقدم
2- عدد كيلوات محدوده
3- الزام المستاجر بمدة محددة
وجهة نظر .. كل سنه سياره تدفع اقساط واخر شي سياره ماتملكه ... اما اذا طلعت تمويل شخصي واخذت لك سياره .. الاقساط تخصم من راتب .. وسياره باسمك .. اذا راح تحافظ على سياره راح تكمل ٥ سنوات ماتطلب منك صيانه ..
......
بالكويت وامريكا نسبه قليله يملكون سيارات باسمهم اكثره باسم شركات ... اما بالسعودية نسبه كبيره من شعب يملكون سيارات باسمهم شخصين ...
صحيح بالكويت سيارات جديده موديل حديث بس وش الفائده اذا النسبة تملك ضعيفه ..
بالسعودية شاب يشتري سياره حديث تجلس معاه ٨ الى ١٠ سنوات وهي باسمه .. اذا بيكشخ بسياره مرسيدس يعدل وجهية الكامري مرسيدس وتنتهي المشكله الكشخه .. فيه مثل مد رجولك قد لحافك ..
ان شاء الله اني ماطولة عليك بالحديث والى هنا تنتهي سهرتنا .. تصبحون على خير ...
.
هههههههههههههههههه ليتهم رقدو
اهنييييييك على الشرح ووصول الفكره مرغم اكنت افكر نضام التاجير اخر نضام خساره جداً والحين اشوفه ماخذ النضام الاول معئ مرتبة الشرف
كلامك ينطبق على مكاتب تأجير السيارات
روح لهم واستاجر منهم السيارة الي تعجبك واطلب تامين شامل
وهم يتحملوا كل شي من ... إلى
اما ان كنت تبغى تتملك فعليك بالكاش او التأجير المنتهي بالتمليك
وسلامتك
في نقطة سلببية ثانية لم تذكرها يا اخ عبدالرحمن هي ان لك عدد كيلوهات محدد في السنة
قبل لا اتابع الفديو التئجير المنتهي بالتمليك حرام للي ماعنده علم اما الي عنده علم ويتعامل فيه فنقول الحمد لله على العافيه ونعوذ بالله ان نتهاون في محارم الله.
بالنسبه لنظام ( التأجير ) هل يعطونك السياره اصفااار ولا لا لانه اذا لا صراحه حرام ادفع على شي رايح فيها
الناس الصادقين الى امثال هذا الرجل في الفديو ... نادر
الكل الآن يبحث عن الشهرة الدعايات
جزاك الله خير
اشتراك + نشر
الرجال هذا يحسسك ان الشعب يشتري السياره عشان يتلفها
شركة الوفاق للتأجير تعطيك سياره أصفاااار على ثلاث سنوات مع الصيانه وكل شيء وتوفير بديله وبعد الثلاث سنوات تقدر تشتريها وارخص من سعر السوق ماعليك الا تعبي البنزين فقط أعرف شباب كثير جداً ماخذين منهم بصراحه شركه رائده في مجال التأجير وشركه من تطور الى تطور
طيب ما استفدنا شي
يشرح عن نظام امريكا
طيب والسعودية وش الافضل ؟؟
بالنسبه للتأجير طويل الامد .. اخذوا النصيحه عن تجربه يا اخوان
سنة 2015 اخذت باترول تاجير والعقد كان فترة سنتين القسط 220 دينار 2500 تقريبا ريال المهم كل شي عليهم اللهم ابدل زيت واحط بانزين ويوم خلصت رجعته ( كاني ماخذه من الوكاله وبايعه على اقساطه )
وواحد من الربع شرا جيب اقساط وسياره مطلوبه وبعد سنه يوم يبي يبيعه والله ما قدر مع العلم ان كان نفس فيمة قسطي يدفع يوم حط فوقه فلوس باعه غصب.. الزبده ان التاجير افضل كانك ماخذ سياره اقساط لكن ما عليك دين وبعد سنتين او سنه تردها للشركه اذا انتهى العقد ولا طالب ولا مطلوب
الحين جالس تبربر ولا عرفنا وش تآيد الكاش ولا الاقساط او الاجار ههههههههه احذف مقطعك الداج
التعليقات وتجارب الناس اكثر فايدة من الفيديو... لايك للشباب اللي بالتعليقات!! ههههههههه
تحليل ممتاز
أستمر في فيديوهاتك وفقك الله
بأمريكا يعانون من سطوة الرأس مالية وانت تتمناها ‼️
والله أعلم نظام تأجير السيارات الفاخرة السنوي موجود في المملكة ولكن غير معروف لدى غالبية الناس و السبب هذا النظام غالبية زبائنه من مدراء الشركات الكبرى و اللي غالبيتهم أجانب .. يستأجرون سيارات سنة أو سنتين و ممكن تغيير السيارة او نوعها خلال هذه الفترة .. موجوده بعقود ووإشتراطات معينة بين الطرفين .. الشركة المؤجرة للسيارة و الشركة المستأجرة للسيارة .. والله أعلم
خير الكلام ما قل ودل
احتفظ بسيارتك افضلك الناس ما معها فلوس وانتبه من الديون
واذا معك فلوس شد حيلك والله يقويك 700000 بسياره
ياليت تاخذ لفه على مكاتب تأجير السيارات اجار سنه يعادل نص قيمه السياره اتوقع حسبتك لاتناسب السعوديه
الناس مشت عالمثال اللي طرحه صاحب الفيديو وقاموا يقولون غالي ومدري ايش. و و و و
ترا مهوب شرط اس كلاس ، عادي تقدر تطلع مازدا او فولكس وأجن بنفس الطريقة و انت ريحان
الرجال أعطى مثال بس
أساسًا السيارة ما صنعت لتمتلكها وتورثها لمن بعدك، لأنها لن تعيش
أخوي يعطيك العافية على المعلومات ونحب نشكرك لتفاعلك لكن ودي أنبهك على أمور التأجير في أمريكا لأن اللي قلت له غير الواقع
أنا مبتعث ورحت كل الشركات الصغيرة والفخمة وللأسف الكلام اللي تقوله هذا موصحيح
التأجير عندهم عقد لمدة 3 سنوات أقل شي وفيه بعض الأحيان سنتين وبعدها ترجع السيارة مثل ما أخذتها والا بيحاسبونك على أقل خدش
ثاني شي لما توقع معهم تدفع مالايقل عن 2000 الى 4000 دولار بحسب نوع وفخامة السيارة عند توقيع العقد لمدة محددة
ثالثا التأمين الشامل وهذي الطامة الكبرى أنت تدفع له فوق قيمة الأجار وهو مايقارب 100 دولار شهريا اقل شي وممكن يرتفع الى 150 دولار
رابعا أنت مسؤول عن تغيير الكفرات والبريكات وهذي الامور لأنها استهلاكية اللي عليهم فقط الامور الاساسية مثل الحساسات والمكينة والغير والاعطال اللي تخلي السيارة ماتمشي وهدية منهم يغيرون الزيت لك مو لعيونك بس حتى يضمنون سيارتهم
خامسا انت ملزوم بالعقد لو وقعت مع مرسيدس ماهو بكيفك تطلع وتاخذ BMW او غيرها ولو جيت بعد سنة تبي تاخذ موديل أجدد تدفع الفرق
للعلم فقط هذي المعلومات من مرسيدس كلها وكل الشركات تطبقها
شوف نظام التأجير هنا مثل ماشرحت كويس لكن تظل الطامة الكبرى هي التأمين لأن الزيادة هذي مكلفة كثير والدفعة المقدمة اللي حول 4000 دولار
أنا رحت باخذ E200 قالوا لي كل اللي كتبته + بدون دفعة اولى لكن السعر الشهري 900 دولار وأنا ادفع زيادة التأمين ومشروط 3 سنوات لو رجعت السيارة قبل يدفعونك اياها
صديق لي ألماني قالي هذي الطريقة واستغربت منها وبعدين استوعبت انها الأفضل. واتفق معاك
كلامك ينفع للمرسيدس والسيارات الفخمه اما زي الكامري والسوناتا والنترا وطقتها كاش واذا ماعندي اخذ قرض من البنك واطقها كاش واقسط للبنك لانه صيانه هالمواتر غالبا كثير ناس مايدخلونها صيانه في السعوديه
تعقيباً على الاستتاذ الفاضل بالنسبه لنظام التأجير اللي هوا فيه شروط على حسب موديل السياره يعني لمن تجي تطلع السياره الشركة تشترط عليك انو تمشيها مثلاً ٥٠ الف كلومتر في السنه واي زيادة تنحسب عليك الكيلومتر الواحد ب ٦٠ ريال يعني مشاويرك محسوبه خلال السنه هذا العيب في نظام التأجير هذا من خلال معرفتي وخلال تجربة سابقه ليا في كندا بالعكس اشوف نظام ال finanice اللي هوا الاقساط والكاش افضل بكثير لان الكيلو مترات غير محسوبه عليك وشكراً( كنت انتظره يذكر هالنقطه بس ماذكرها فقلت اضيفها عشان الناس تستفيد )
كلامك جميل وسليم 👌🏻👍🏻
الكاش يزيل عنك وجع الرأس حتى ولو تتعب معاه على عكس الخياران الاخران
لاكن مايقدر على الكاش الا القليل 😥😅
تشتري كاش اذا عندك فلوس كثير وماتضرك .. تشتري اقساط او تاجير اذا كنت تشتغل ع السياره وتطلع اكثر من قسطها و اجارها ..
نفس نظام الأقساط
نظام التأجير الي تتكلم عنه راح تدفع عليها زيادة عشان الصيانة وراح يكون مبلغ القسط الشهري مرتفع جدا لأنه صيانتها بتكون بالوكالة ومبلغ الصيانة في الوكالة مرتفع معروف الشي هذا
أما الأقساط انت بتدفع قسط والصيانة على كيفك في الوكالة أو خارج الوكالة وعند تأمين شامل للحوادث وهذا أهم شي
نظام التأجير ممتاز جداً للسيارات الأوربية الغالية
يشيل عنك قيمة السيرفس والتأمين وحتى لو ملكتها لو تبي تبيعها يطيح ثلاث أرباع سعرها لو ماجاها مخش ومامشت 50 الف
غير ان السيارات الفخمة لو عدى عليها 5 سنوات تحس أنها زي أي سيارة ثانية
أما لليابانية والأمريكية وغيرها ما ينفع معها نظام التأجير من وجهة نظري أفضل شيء كاش
للي عندهم $$ لو يصير عنده سيارتين وحده فخمة تأجير ووحدة عادية كاش أحسن شيء
سؤال وجواب مهم جداً
واشكرك على طرحك للموضوع
للأسف موضوع للمهايطية .. يارجل اشتر بفلوسك شىء على قدك حتى لو مايبخ بس بفلوس من عرق جبينك حلال حلو والله ورب العزة والجلالة انه لتحصل بركة من الله سبحانه وتعالى على مالك ويكفيك شره (تراك تتكلم عن سيارة وحديد يأخذ اعمار ) ..ياجماعة والله أننا تهاونا في موضوع الرزق وهو صلب الحياة وجالسين نفكر كيف نهايط على غيرنا .. الله يهدينا جميع انشالله.
شوف انت شرحك كويس بس بلله لو سمحت شيل المصطلاحات الانقلش لنو ترى مره مخرب ام الشرح
كلام سليم، وهناك نقطة مهمة جدا لم تذكرها، ألا وهي تكلفة الفرصة البديلة.. شكرا لك
ياخوي مالقينا حق كفرات صيني لهايلكس تقولي اس 500
الله يرزقنا الجنه
بخصوص بنك الراجحي برضو نصاب لو قدر الله صار حادث التامين حقهم بيلهفك رايح جاي اللي يسمونه تكافل انتبهو يااخوان
انا موظف باالراجحي نصب في نصب اذا السياره معك وماشيه تمام من اول حادث لا سمح الله بتبدأ باالمرمطه اذا السياره تالف لاسمح الله التأمين يعوّض البنك وانت راح تدفع نسبة تحمل + قيمة اقفال عقد
انت جيت على الجرح يا باشمهندس..ليا فتره ابغى اشتري سياره.. ان قلت كاش قالوا انت مجنون اصبر الاسعار بتنزل ومحد يشتري كاش هالايام.. وان قلت اقصاد فعلا الاقصاد مبلغ الفائده مبالغ فيه وكل شي عليك..افضل شفته اني اطلعها عن طريق بنك زي الاهلي مثلا بحيث ادفع قسط التأجير المنتهي بالتمليك.. و التأمين عليهم اي شي لا سمح الله يتكفلون فيه.. ولو نزل مديل جديد ارجعها لهم ويحسبون الفرق واخذ الموديل الاجدد.. صحيح مو زي نظام التأجير الي حكيت عنه بس هذا افضل السيئين من الخيارات بالسعوديه.. تحياتي لك..
نظام التأجير اللي تحدثت عنه هو الاستنزاف يدفع الزبون التأمين والصيانة مقدما لكن سيارتك الكاش او التقسيط لن تصل صيانتها وتامينها لمبالغ التأجير مع مرور السنوات انت كسبان
المشكلة بشروط التاجير صعبة موفرينها لاصحاب الدخل العالي
وشروط الاقساط مسهلينها لانهم ضامنين عميلهم.
وعندنا هنا اذا السياراة مو له مأجرها " يرجعها تشليح "
عشان كذا صار كذا ^
أفضل كاش ملك أهم شي المحافظه وبعد الله سبحان ولو بغيت أشتري غيرها بعد سنتين أو ثلاث أقدر أبيعها وأزيد على سعرها وأكوش جديد..
الفيديو أعلاه مخصص فقط لمن راتبه الشهري خمسون ألف ريال فما فوق ..
انت صاحي مريض اس ٥٠٠ كدمرسيدس
حنا نبي كامري شكلك شبعان حنا نبي الستر
كلامك صحيح اخ يوسف بس انا اقول لك ليش مايطبق عندنا لأن عندنا ناس ماتعرف تستخدم اقسم بالله بعد سنه تحصل السيارة زباله وانت بكرامه معد تسوى ريالين ثاني شي بيكثر الاستهتار في استخدام السيارة وبتكثر الحوادث المرورية الله يكفينا وياكم شرها. فالشركات لو تجلس تصين السيارت وتستبدل التالف منها كل شوي بتطلع خسرانه 100 %
كلامه منطقي جداً جداً ... وقس على كلامه باقي شركات السيارات هونداي وتويوتا ونيسان ومازدا وباقي الشركات ... افك لي سياره ازيرا والا مازدا أو ألتيما آخر موديل ب 1000 ريال شهرياً وهم يتحملون كل خرابيطها ويضمنوني زبون دايم لهم ... هههه والله حلوه ... ياخي جيبو هالنظام
كلامك صح 50 بالمية ولكن خذ سيارتك كاش و تامين ضد الغير واعمل الصيانة الدورية ماتكلف الكلفة اللي بتدفعها لهم كنظام التاجير والتقسيط تدفع دبل ولكن سوي صيانة دورية لسيارتك فلاتر و حساسات وزيوت بتمشيك الى مالا نهاية.
الله يجزاك خير انت تشرح النظام برا
عطني نصيحه بالموجود هنا
الثلاث انظمه موجوده عندنا فالبحرين
بس التأجير غالي ماينفع مع اصحاب الدخل المحدود
يعني يارس ارخص شي فاليوم تقريبا مئة ريال
بين انك تاخذ يارس جديده قصطها سبعمائة ريال فالشهر
نقول سيرفس وتأمين وتسجيل تكلفك 200فالشهر تطلع انت كسبان وبالاخر السيارة ملكك تسافر تروح وتجي مثل ماتبي
كلامه صحيح في الكويت
بس عندهم شركات وبنوك
اسلوبهم وعروضهم افضل من المجود بالسعودية
كلامك سليم ١٠٠% هذا السؤال كان محيرني شكراااا لك بالتوفيق و التقدم
اخذ سيارتين وحده فخمه للرزه ووحده رخيصه للمشاوير والاسواق
السيارة الفخمه بتكون حركتها قليله وبتجلس ٣ الى ٤ سنين وممكن اكثر ما تركب مسمار فيها
سيارة الكرف بتكون من النوع اللي قطعه رخيصه مثل ريو اكسنت اي شيء صغير وبهذا الطريقه ما راح تستنزفك السيارات شيء كبير من مصروفك
هذه تجربتي وسلامتكم .🙂
أنت تتكلم عن الطبقة المخملية الي مالك بيت ومزرعة او استراحة الدليل ضربك لمثال اجار السيارة شهري عشرة آلاف!! لكن الي راتبه على قد الحال لا يتجاوز العشرة آلاف بيدفع دفعة أولى قدر ما يقدر من شان يطيح عنه جزء من القسط يستخدم في مجال آخر مثلا كامري قسطها 1900 ريال يدفع دفعه اولى عشرة آلاف او عشرين بالكثير وينزل القسط على سبيل المثال إلى 1500 ريال يعني وفر 400 ريال هذه تروح لمجال آخر شهري مثل فاتورة الكهرباء او الجوال أو خط انترنت البيت .. إلخ. ولما يكمل الاقساط بعد خمس سنوات تكون معه سيارة ملك وموفر 24000 الف ريال (400 ريال في 60 شهر) وموفر التأمين ويتفرغ لقسط بيت وهكذا. ثم لا احد يشتري سيارة او بيت أقساط او تاجير منتهي بالتمليك وهو عنده كاش، صحيح السيارة ليست برأس مال لكن لو املك الكاش ماراح اخذها اقساط واتحمل فوائد.