De Hamsteraar (Lockdownsong 4)

De Hamsteraar
(Wim Claeys)
In de winkel op den hoek
bennekik nerveus op zoek
want ik doe het in mijn broek
en ’t is schijtpapier da ‘k zoek
In de colruyt luup ik rond
Gelijk ne snuffelenden hond
Ik vul guul mijne kaba
Le déluge après moi
Moat gij lacht moar ’t es gien lolle
Ik kochte mier of zestig rollen
Mee mijn koarte te betoale
Ik goa d’er straks nog wat goan hoalen
Want een stuk gazettenblad
wrijvekik niet aan mijn gat
Ik zit uuk niet op de pot
Mee een washandje of een vod
daarmee kunde gij wel spotten
gij loat nu nog droge protten
moar op een dag is uw broekske vol
kom toens niet schooien voor een rol
want Ik ben kik Alexander
Al veur mij niets veur een ander
Ge zegt da’k niet moet overdrijven
doar goa ‘k uuk mijn gat aan wrijven