Maɛlic Tant-pis

Maɛlic Tant-pis
Texte & mélodie zimu
Gar-aneɣ kan asentel yecna-t yakan Renaud, ad s-iqqar "ma chanson leur a pas plu ..." Tacnutt-agi xedmeɣ-tt 1997-1999, seddaɣ deg-s snat n tseddarin kksaɣ-tent. Yiwet ɣeg Lounes tayeḍ ɣef Lewnis. Tinna n Lewnis yesla-yas yebɣa alukan i d-teddan imeslayen nniɣ fell-as, tinna n Lewnas uddraɣ-d deg-s imi yettwanɣa dɣa ur bɣiɣ ara ad ḍsaɣ s temsalt-agi ... kksaɣ-tt.
Tacnutt-agi udraɣ-d deg-s icennayen d tajmilt, ḥemmelleɣ-ten akk ... hemmelleɣ cna-nsen. Tehwa-yas i Si Moh, i Yidir d Meǧahed Hamid ... Ferragi waqila ur s-tehwi yara ɣef akken yenna di radyu tis snat ... Nek seg wul yeṣfan d nniya ... ur ɛmideɣ ara ad iqsiḥaɣ yid-sen ...
Maεlic tant-pis
Ig-gellan deg Cennayen
Ccna d tibḥirt ur tefrig
Wa d azegḍuf i teqqsen
Wa yecbeḥ zun d ajeǧǧig
Niɣ-as ula d nek wissen
Ahat isem-iw ad d-yifrir
Ad tt-id-awig ger-asen
Wi yeẓran, U Ṛebbi kbir !!
Iḍ-nni suliɣ-d ṣbeḥ
Ḥfan ifassen-iw f uganbar
Ẓgeɣ-d asefru n lfeṛḥ
Semmaɣ-as : “yendeh wurar”
Sufɣeɣ-t-id d tizlitt n cḍeḥ
Ad d-ssačaṛ inurar
Aḍebbal ad yeqlileḥ
Ma huzeɣ akk timesdurar
Bbwiɣ-tt ass-en i Ferragui
Nniɣ-as d acu tenniḍ
Ssel-as i tezlitt-agi
Kečči tesneḍ ad tɣenniḍ !
Inna-d ad k-weṣṣiɣ ḥeṣṣen,
Awi awal s lmeεna-s
Cḍeḥ-agi mačči d lfen
Ad tgerzeḍ ma twexreḍ-as
Ccnu tayri s imeṭṭawen
Ad teskuliḍ akk tullas
Tizlitt-iw ur as-tehwi
Ur yebɣi ara ad t-id-yini
Nniɣ-as maεlic tant-pis
Am akken acemma ur yeḍri !
Mazal-iyi sarameɣ
Iḍ-nni rriɣ-tt i ugitaṛ
Yuli wass nek ur faqeɣ
Xedmeɣ tizlitt d axessaṛ
Bbwiɣ-tt ɣef yiwen yettwaɣ
Ɣef tayri yekcem sbiteṛ
Ar ass-a yugi ad d-yeffeɣ
Ziɣ d tafremlit ig-gubeṛ
Bbwiɣ-as-tt ass-en i Si Muḥ
Nniɣ-as d acu tenniḍ
Ssel-as i tezlitt ciṭuḥ
Kečči tesneḍ ad tlaliḍ, laylay
Inna-d a k-iniɣ muqel
Tizlitt-a yehwa-yak kan
Tayri ma terriḍ-tt d ccɣel
Ad k-id-segwri yir ussan
Ma tzewreḍ ɣas beddel
Weqbel ad teffɣeḍ iberdan
Mazal-d deg-i ifadden
Σawzeɣ almi d tafrara
Xedmeɣ tizlitt nniḍen
Semmaɣ-as “Tagrawla”
Ad d-cennu f Imaziɣen
D imezwura ar tmurt-a
Wi d-yusan ad ten-yeḥkem
Ar ass-a ur tbeddel ara
Bbwiɣ-as-tt ass-en i Feṛḥat
Nniɣ-as d acu tenniḍ
Ssel-as mmel-iyi-dtafat
Kečči i tefsut-nni i tebdiḍ !
Inna-d a k-iniɣ awal
A L’ancien xas eǧǧ-itt
Tagrawla tuɣal d cwal
Ula d gma-k as-a yugi-tt
Ma tzewṛeḍ tettaɣeḍ awal
Tizlitt di tefsut ɣenni-tt
Qleɣ cennuɣ am yiḍ am ass
Imdukal ur iyi-ẓeṛṛen
Uɣaleɣ am Takfaṛinas
Amundul s sin ifassen !!
Xedmeɣ tizlitt d ameqyas
Am akken ur tt-xdimen
Medjahed Hamid yesla-yas
Inna-d c’est bien ulah a tewzen
Bbwiɣ-as ass-en i Yidir
Nniɣ-as ini-d amek ?
Tizlitt-iw wis ma ad d-ifrir
Ini-yi-d rray-inek ?
Inna-d tezmer ad telhu
Ɣurek k’a d wanwa a tt-tecnuḍ
Ma tettnadiḍ un duo
A k-d-mmleɣ w’ara teεnuḍ
Dagi kana di Fransa ad telḥu
D acu ilaq-ak ad teṛǧuḍ
Uɣaleɣ-d s axxam fecleɣ
Ddmeɣ-d snitra-nni
Kra yekka yiḍ a sdendineɣ
Yuli-d lǧaṛ-iw ɣur-i
Nniɣ-as akken kan fukeɣ
Yya-d yebbwi-k-id Ṛebbi
Ssel-d i tezlitt xedmeɣ
Amek !? telha neɣ xaṭi !?
Lǧaṛ-iw ur d-ini kra
Yekkes-iyi snitra g-gfassen
Itekka-yas ɣer lḥiḍ
Tufeg d iceqlalen
Jemεeɣ-ten-id yiwen yiwen
Uɣeɣ-d super glue
Lesqeɣ-ten akken iwulem
Iḥdeṛ ula d Renaud
Smeckukleɣ-d imeslayen
Kecmeɣ s studio
Xedmeɣ tizlitt i d-ḥessem
D acu tura wissen ma wen-tehwu !?
Tizlitt-iw ur awen-tehwi
Sliɣ-awen-in mi t-id-tennam
Semmaɣ-as maεlic tant-pis
Iḍ-agi ad εawzeɣ tezṛam !!