Моломын Чимэдрагчаа Алтангадас одонгийн найр 2023

Моломын ЧИМЭДРАГЧАА
1956.01.05-нд Наран суманд Моломын 4 дэх хүүхэд, 2 дахь охин нь болж мэндэлсэн. 1 эрэгтэй, 3 эмэгтэй нийт 4 дүүгийн халамжит эгч. Тахиа жилтэй.
1964 онд 8 настай Наран сумын бага сургуульд элсэн суралцаж 1968 онд төгссөн. Сурагч байхдаа маш цэвэрч, цэмцгэр сурагч байсан тул 2-р ангиасаа эхэлж ангийн ариун цэврийн даргын үүрэг гүйцэтгэж байсан. Энэ чанарыг ээжээсээ өвөлсөн бөгөөд ээж Цэен-Ойдов нь айлын ганц охин, маш цэвэрч хүн байжээ.
Хүүхэд байхаас ажилсаг хөдөлмөрч зантай байсан бөгөөд эцэг эхийн хуваарилсан ажлын дагуу гэр орондоо тусалж юмны тоос авах, айраг бүлэх ажлыг хариуцдаг. Жаахан том болоод сүү хөөрүүлдэг болсон. Хагас бүтэн сайнд ах дүү нарын хамт аргалд явах, тэмээн тэрэгтэй усанд явах зэрэг ажлыг гүйцэтгэж өссөн.
1968 онд Дарьганга сумын дунд сургуульд элсэн 1 улирал суралцсан боловч том эгчийнхээ санаачилгаар хүргэн ах Даваажавынд сууж Дорнод аймгийн төвийн 10 жилийн 8-р ангийг дүүргэсэн. Том эгч М.Адъяагийн дурссанаар М.Чимэдрагчаа нь даруу төлөв зантай. Хөдөө сумаас Дорнод аймгийн төв рүү сургуулийн автобусаар явж сургуульдаа ирж очдог байсан хэдий ч урлагийн үзлэгт их ордог хүүхэд байсан. Хоол хийнэ. Гэр орон цэвэрлэнэ, дүү нарынхаа хувцсыг угаана. Оройтоод ирэхэд хоолоо хийчихсэн сууж байдаг. Жаахан дүүгээ авч тусалдаг, эзгүй үед нь арын албыг маш сайн хаадаг байжээ.
Бага наснаасаа цэцэрлэгийн багш болохыг хүсдэг байсан боловч тухайн мэргэжлийн хуваарь ирээгүй учир тухайн үедээ Багшийн сургуулийн Номын санч гэсэн хуваарийг авахаар сонготол ангийнх нь ар гэрийн амьдрал тааруу, өнчин хүүхдэд тус хуваарийг өгөхийг багш нарын хурлаар шийдвэрлэсэн тул НАҮ-ний ТМС-ийн Үсчин, фото зургийн ангийн хуваарийг сонгон авсан. Улмаар УБ хотод ирээд нагац ах Цэнэнгийн БААТАР-ынд сууж байсан бөгөөд Тус ангид орж 5 хоног явж байтал Нагац ахын эхнэр А.Пэлжээ эгчийн зөвлөснөөр Европ хувцасны эсгүүрчин, оёдолчины ангид суралцахаар болсон.
1972-1974 онд УБ хотын Нийтийн ахуйн үйлчилгээний техник мэргэжлийн сургуулийн Европ хувцасны анги төгссөн.
1974.07.01-нээс Сүхбаатар аймгийн НАҮ-ний захиалгат хувцасны тасагт “Эсгүүрчин, оёдолчин” мэргэжлээр 1990 он хүртэл ажилласан.
1976.03.08-нд хуримаа хийж байсан. 1976.12.22-нд анхныхаа хүүхдийг өлгийдөн авч “Ээж” хэмээх эрхэм алдрыг хүртжээ.
1990 оноос хойш ахуйн үйлчилгээнд хамт ажиллаж байсан хэсэг нөхдийн хамт “Буянт” хоршоо нээж 5, 6 жилийн турш иргэдийн захиалгыг авч хувиараа үйлчилгээ эрхэлж байсан.
Үйлдвэрт орсон цагаасаа эхлэн төлөвлөгөө нормоо биелүүлж амжилттай ажиллаж байсан.
1979 онд Бүх ард түмний язгуур урлагийн их наадамд аймгаас шалгарч 9 хүний бүрэлдэхүүнтэй багт сонгогдон оролцож Алтан медаль хүртсэн.
Аймгийн 50 жилийн ойн баярын тоглолтод шалгарч оролцож тусгай шагнал хүртэж байсан.
2 жил тутам мэргэжил дээшлүүлэх курст суралцан
2000 онд УБ хотод нүүж ирсэн цагаас Өнөр хороололд оршин сууршиж анх СХД-ийн 12-р хороонд харьяалагдаж ахмад гишүүн нь болсон. Улмаар 31-р хороо болж тусгаарласан. Нийтдээ 20 гаруй жил тус хороонд харьяалагдан.
2022 оноос СХД-ийн 31-р хорооны Ахмадын даргын туслахын ажил үүргийг гүйцэтгэж байна.
2010 онд охиныхоо байгуулсан Индиго хүүхдийн хөгжлийн төвд тогоочоор ажиллаж “Тогооч багш” алдрыг хүртэж байсан.
Гавьяа шагнал:
1979 онд Эвлэлийн төв хорооны “Тэргүүний ажилчин залуу” алтан медаль
1980 онд Бүх ард түмний урлагийн их наадамд Алтан медаль
1985 онд Алдарт эх - II одон хүртсэн.
Эвлэлийн төв хорооны тэргүүний ажилтан залуу алтан медаль
НАҮ-ий төвийн “Гавшгайч бригад” -ын гишүүн
VIII таван жилийн гавшгайч
2014 онд СХД-ийн ХҮНДЭТ ӨРГӨМЖЛӨЛ
2016 онд Наран сумын 60 жилийн ойн баярын тоглолтод оролцож Ойн медаль
2018 онд Нийслэлийн ахмадуудын дунд зохион байгуулагдсан ТУНАМАЛ АВЬЯАСТАН их наадмын ӨРГӨМЖЛӨЛ
2022 онд СХД-ийн 31-р хорооны “Есөн эрдэнэ ээж” Өргөмжлөл
2022 онд СХД-ийн 30 жилийн ойг угтсан 3 үе шаттай зохион байгуулагдсан урлагийн үзлэгт Монгол ардын дуугаар Хүрэл медаль
СХД-ийн 30 жилийн ойн ТАЛАРХАЛ
2022 онд СХД-ийн 31-р хорооны “Эв эе” спортын клубийн “Оны шилдэг гишүүн” -ээр тодорч ЦОМ, ХҮНДЭТ ӨРГӨМЖЛӨЛ,