نظرة على سيارة جيلي توجيلا وحمايتها l Geely Tugella

في هذا الفيديو ألقينا نظرة سريعة على الجيلي توجيلا الوحش الصيني الاوروبي الجديد, اثبتت نفسها وعليها طلب بالسوق الخليجي وكان لازم نعطيها نظرة ونلقي عليها الضوء, ايضا عملنا حماية مطفيه للسيارة و من مميزات هذي الحماية انها تحمي جسم السياره من الخدوش وتضيف لون مميز للسياره ومدمجة بتقنية المعالجة الذاتية وركبنا عازل حراري على الزجاج وعملنا بلاك آوت وركبنا كاربون فايبر على مناظر السياره الي عطها حس رياضي جميل وطبعا جميع الاعمال كانت داخل مركزنا مركز فل اوبشن للعناية بالسيارات
Instagram : full_option_q8?...
Instagram: full_option.car...
Google Map: goo.gl/maps/kqQYhd4xQ7ZvZaZ27
Tiktok: vt.tiktok.com/ZSR81swWq/
Snap: www.snapchat.com/add/q8fullop...

[@hnj_kw]

ماشاءالله الفيديو حلو والسياره حلوه والتقديم احلى ❤️ بالتوفيق والله يهني صاحبتها (bella)🙏🏻

[@fulloption1577]

الله يجزاك خير وان شاءالله القادم افضل …. اللهم امين ويهنيك في حلالك

[@alialsb3an489]

الله يعطيك العافيه يا بو كارم عسى الله يباركلك في حلالك مجهود طيب وتستاهل الدعم

[@fulloption1577]

الله يعافيك يا حبيبي وانت اطيب من يدعمنا 💙💐

[@salo7amod]

يعطيك العافيه يا خوي ما شاء الله و عسى الله يبارك لك بحلالك و يكتب لك التوفيق
جم تسوون حماية كاملة ( سيارتي توجيلا 😊 )

[@lilahalkhubaizi9832]

يعطيكم الف عافية على. الشغل🔥🔥

[@fulloption1577]

الله يعافيك

[@w1yii]

رهيب

[@hmadaalobadi3756]

مقطع ومونتاح ولا اروع كيفففف ؟ 😲

[@fulloption1577]

شكرا

[@user-zr4up2lu7t]

وش سويت لها عوازل ولا شنو ابي موقع المحل

[@NasserHussain-km6jl]

تشرب بانزين عندي وحده نفسها

[@lawyerdeheima]

بصراحه انا مفكره اشتري هالسياره لان مثل ماقلت المحرك والجير ممتاز بس الي مخوفني قطع الغيار الداخليه والشاشه مادري شنو
جودتها وصلاحيتها بحكم خبرتك شنو رايك في التكنلوجيا الي فيها

[@fulloption1577]

التكنلوجيا الي فيها جباره و جميع وسائل التوفيه الي تحتاجها متواجده بهذي السياره و اختيار موفق الاستخدام ومن ناحية توفير قطع الغيار يعتمد على الوكيل الي بالبلد الي انت فيه

[@abdulmoizalhazmi5222]

يعطيكم العافيه وتعديلات جميله ورايقه الله يبارك لصاحبها.... وانا اشتريتها الحمد لله نفس هذا اللون الجميل والمميز ...وافكر اسوي بعض التعديلات مثل الي سويتوها للسياره ، لو بامكانكم ارسال بعض الصور الواضحه للسياره بعد التعديلات اكون شاكر ومقدر وافيدكم برقم تلفوني

[@belalhussain99]

تنصحني فيها يا حبيبي؟ هل واجهت فيها مشاكل؟

[@abdulmoizalhazmi5222]

@@belalhussain99 حبدأ ببعض الملاحظات السلبيه وبعدها أعطيك النقاط الإيجابيه ولك حرية الإختيار.
السلبيات:
1- رساوة السياره فوق سرعة 120 كم ما عجبتني كثير ، لكن تحت سرعة 120 سواقتها ناعمه وجميله مع اهتزاز بسيط في الدركسون.
2- عزل الصوت عادي ويوجد تنسيم هواء خفيف جدا في شباك باب السائق ، وممكن يتحسن بتغيير الربلات حسب نصيحة ملاك السياره.
3- صرفية البنزين عاليه بالنسبة ل 4 سلندر.
4- لو يهمك النظام الصوتي ، الصوت عالي بدرجة كافيه جدا ، لكن جودة الصوت وتوازن الإيقاعات يختلف من أغنيه لأغنية ، بعض الأغاني الإيقاعات جيده ومتوازنه ، وبعضها غير متوازن نوعا ما حتى مع تزبيط الإعدادات. لكن النظام مقبول مو سيء وصوته عالي بشكل كافي جدا.
5- ربط الجوال بالبلوتوث يوجد فرق وتأخير 2 الى 3 ثواني تقريبا في الصوت بين الجوال والسياره.
الإيجابيات:
1- الشكل الخارجي فخم وجذاب جدا ، والمواصفات عاليه بالنسبة للفئة السعرية.
2- المقاعد مريحة وفيها خاصية تبريد وتسخين.
3- المكيف بارد جدا.
4- جودة المواد والجلود المستخدمه داخليا جيده.
5- نظام الشاشه رائع ومبتكر واستجابته سلسه وسريعه وذكي في الاستخدام.
هذي مميزات وعيوب السياره حسب تجربتي ، والحمد لله مافي مشاكل ميكانيكية وكهربائيه.
لو سألتني أنا راضي وسعيد بالسياره ، نعم الحمد لله أنا راضي وسعيد بحسناتها وعيوبها ، أتمنيت يكون فيها بعض المواصفات الاضافيه مثل النقاط العمياء واندرويد اوتو لكن الزين ما يكمل وما تعتبر عيوب كبيره ومؤثرة وأشوف إنها خيار ممتاز بالنسبة لسعرها.

[@raiq3985]

بكم ؟

[@sabhoooo]

مطول الغيبات جاب الغنايم

[@ahmedalhomaidhan1019]

جنها X6 تقليد 😅 بس حلوه حق الي على قده 👍

[@azizaljarallah845]

٣ سلندر تيربو اخوي هذي

[@anas7z182]

4 سلندر تيربو كيف 3 سلندر