شلة / ياذيب
HTML-код
- Опубликовано: 16 сен 2024
- كلمات الشاعر / سعيد هلال الكعبي(ابو احمد)
اداء / خلفان المعمري
مونتاج / 👻albyady
مع كل مطلع شمس والريف ذنان
نصبح ونفـرح بالحياه الـســعيده
نرسم أمانـي والأمـاني لــها اْلوان
كـل يـوم نتـمـنى حـياةٍ جــديــده
ماندري ان العمر تكـسير لغـصـان
مثل النخيل ايموت غصن الجريـده
عشـنا وشفـنا بيـن ربـحٍ وخـسـران
شـيٍ يـفيد ... وشـي مانستـفيـده
اقلـوبـنـا مـدخـل وللـنـاس ديـوان
ونتجاهـل اللي ماحسـبنا رصـيـده
من صد عنا يحفظه الرب سبحان
مايـوم عشـنا في الحـياه الزهيـده
يـفهـم مـعانيـها سـلايل كـحــيلان
اهـل العـقول الطيبـات الرشيـده
يـارب جنـبـنا ضعـيفـين اْلاْيــمــان
لي من فـزع مارام يفـزع عضيـده
كـلٍ يـقـول انا مـع الـناس مـيزان
انا عـقيد الـجـــــود وانا عـميـده
مايدري ان الجود كلمة وإحسـان
ابرك من شحوم الغنم مع فريده
ياذيب من سماك ياذيب سرحـان؟
تسري على طلع النجوم البعيده
تخاف من صيحتك ياذيب رعـيـان
يـوم اللـيالي موحشـات وشديـده
ودي اغني وأقضي أوقاتي ألحان
والفكر بعـد الـضيق أفـك قيـده
شاعرك عنده للشعر مارد وجان
إرث النبي سليمان واكبر عبيده
طرزت لك من خافي القلب تيجان
وكـتبــتـها من دم قـلبي ووريــده
ماهي قصيده بس شكلٍ وعنوان
نوعـت فـيـها والنوايـع عـديـده
اطـرب اذا صبـو مـن البن فـنـيان
واقول زيـد الهيل والـهيل زيـده
خلوني في جو المحبين سكــران
القلب .. خل القلب ياخذ بـديـده
خسارة الانسان في صرف لـزمان
ان مات فيه الحب!! اكبر فـقيـده
وانا عطـاني الرب حبٍ وايـمـان
وايـمـانا بالله اكــبر عـــــقيــده
سعيد هلال الكـعبي
(ابواحمد)
صح اللسان الشاعر، كلمات جزلة ومعانيها عميقة ولا هان المؤدي
في ذمتيه ما فيه حيله الشاعر و صح الله منطوقه يعل الله يحفظه و يبارج فيه
اسلم...
بارك الله فيك اخوي..
😘😘😘😎😎