Suga - RielJohn

1st Verse:RielJohn
Himsog nga nag tubo,kay gepadako nga walay kulang,
Sa tambag wa mo liko,nagsubay sa tul-id nga dalan.
Dili gyud mahimong bayran ang gugma nimo ma,
Dili ka baratohon ma kay mahal kaayo tika.
Maski ge kontra nas problema,wa gihapon nag pakansi,
Murag gamanihog bike ra,kay imo mang gebalanse.
Sa byahe sa kinabuhi,nag amping nga di mabangga.
Kay maski kanus-a ma,waka kapoyi sa pag pangga.
Nag antos nag sakripisyo ka,angay pasalamatan.
Napa skwela sa tarong maski na lisud atong kahimtang.
Nagkanda utang-utang, inahan ngas akoa nag sabak.
Bahalag magka buang ug bayad maka kaon lang iyang anak.
Way katapusang pasalamat,sa matag hatag nimog pabor.
Di tuod ko computeran pero always kang ga MONITOR
Kay kung na isda pako ma, diko magpadalas taga.
Diko mapunta sa ka ngit² kay ikaw akong suga.
Chorus :
Ma salamat gyud kaayo sa imong pasensya nga taas.
Gutubod nimo nga pag bati,dili man gyud mo hubas
Ma salamat gyud kaayo permi ra tika nga masampit.
Kay imong gugma diri nako sangko man sa langit.
Verse :Mels
Di na angay pang pangutana, kay ikaw na ang tubag.
Sa klase-klase nga problema, permi nimong gisulbad.
Ang kinabuhe kay pait, mao nay tinuod nga lasa.
Pero wala mi sa kapait kay maayu ka mo templa ma.
Bisag gamay waka mapul-e, sa dako nga obligasyon
Ikaw ang mapa sakong kinabuhe, maong naa koy direksyon.
Sa imong kahago og sakripesyo, kulang ang pasalamat.
Dili mabayran og benepisyo ang tanan nimo gibuhat.
Sakto sa pagtambag, og sobra sa pag amping.
Diko mahimong mo tali-bag'2 kay grabe ka kalambing ma.
Gugma nimo diri nako di gyud masukod.
Wako pasagdi nimo ma tong mga panahong lisod.
Perming naa ka sa likod, diko mahutdan og gabay.
Naka supporta gikans sugod, ikaw akoang tulay.
Maong salamat kaayo ma, humanon gyud nako ning pag eskwela.
Og salamat sa imong kahayag, wala gyud tawn ko masaag.
Churos 2x :
Ma salamat gyud kaayo sa imong pasensya nga taas.
Gutubod nimo nga pag bati,dili man gyud mo hubas
Ma salamat gyud kaayo permi ra tika nga masampit.
Kay imong gugma diri nako sangko man sa langit.