Размер видео: 1280 X 720853 X 480640 X 360
Показать панель управления
Автовоспроизведение
Автоповтор
Good happy see actor sing.
情滿桃花渡彭慶華 馮嘉儀演唱蔡衍棻撰曲 丁玉書: (漁村夕照)一江春湧,襯碧天夕陽紅,遠山翠袖誰塗染,丹青手亦嘆出眾,山水寄情,憐落拓青衫一領,余心暗自痛,枉京師遠去,嗟今科落第,便還故里,我未退愁容,自抱才情,書空咄咄恨命窮,情難自控 (反線中板)我父老艄公,佢勸我且釋懷,莫自困自嗟,宜到渡頭走動;代他作擺渡人,把眾生來往渡,養心怡性展心胸。且放黃卷青燈,來駕一葉篷船, (滾花)任教功名成幻夢 (尺); 桃花: (醉頭陀)身懷小姐信一封,長路兼程趕遞送,眼前昏暗心驚恐,又況寒夜山頭霜露凍,到江邊,水濛濛,過渡前邊路幾重,我高聲,叫渡船, (白)艄公哪裡!艄公哪裡 (接唱)悄寂無聲急煞玉容 (沉腔滾花)唉吔吔,眼前一片煙水迷濛 (合)。 (白)艄公哪裡! 玉書: (白)來了, (西皮)五更天,我夢正濃入天宮,忽聽到有人,頻呼喚艄公, 桃花: (接唱)有勞艄公,驚你好夢, 玉書: (白)噯!冇相干 桃花: (接唱)這廂下禮忙, 玉書: (接唱)你何須禮重 桃花: (口白)哦老… (另場) 唔見咗嗰個老艄公,卻只見翩翩佳公子呀,(對生) 喂,嚸解唔見咗個老艄公嘅? 玉書: (口白)哦!小生丁玉書,喺老艄公之子,家父偶感風寒,由我暫為擺渡,姑娘你喺唔喺要渡河呀? 桃花: (口白)喺呀喺呀,快啲將船撐過來啦, 玉書: (白)遵命!好,今晚悶悶哋,同你開嗄玩笑至得 (血淚花)我嘅艔船、我嘅艔船可以歸你用,不過快交錢,畀我小艄公,因為船錢不到就船不動,哪怕你是宰相公 桃花: (口白)哦!幾多錢呀? 玉書: (口白)噯…咁啦,上大人,孔乙己,少一分好少理, 桃花: (嗔白)咁究竟幾多錢唧! 玉書: (口白)孔乙己,化三千,七十士吖嘛,咁即喺七十文錢囉, 桃花: (氣白)嗄!你…你搶錢咩? 玉書: (白)哈哈… 桃花: (陳世美不認妻)太大口氣,太大口氣,乘勢要錢小艄公, 玉書: (接唱)你單身把路趕,專程搭渡,我多收幾文錢,乃係公道個公 (白)唔算貴㗎嚹! 桃花: (白)冇辦法啦! (長句二王)想到小姐倚樓望風,心又急來心又痛,急的是蘇州過後再難逢,痛的是大好姻緣將斷送,命我傳書連夜,猶似急驚風。艄公把竹槓來敲, (合尺花)唉吔,七十文錢真肉痛 (上); (氣白)嗱,七十就七十啦,正衰人嚟嘅, 玉書: (口白)唉吔,乜你咁易嬲㗎,我同你開嗄玩笑啫嘛,三下五落二,我只收三十文錢而已, 桃花: (口白)咦咿?乜…乜咁快就減價㗎嚹, 玉書: (口白)噯…非也、非也!姑娘呀, (孟姜女)我這小艄公,非見錢便眼紅,敲竹槓黑心,天地難容,我同你講笑輕作弄,絕非妄來勒索,我甘願受窮 (口白)上船啦姑娘,小心呀! 桃花: (口白)多謝相公, 玉書: (口白)嗄!艄公變相公,我多謝你至啱, 桃花: (口白)唉吔,休要見笑, 玉書: (口白)嗱姑娘,你坐穩嚹、開船, (朱買臣)槳一動,槳一動,船兒離岸也,帆趁風, 桃花: (接唱)小艄公,船載奴家把音書遠遠送 玉書: (口白)啊…姑娘,我今晚第一次擺渡,又遇啱你趕路,都算有緣嚹,能否賜告芳名呀? 桃花: (口白)咁呀? 玉書: (口白)喺囉! 桃花: (滾花)好呀,你且猜來你且估, 玉書: (接唱)唉吔,恰似撈針大海中 (上)。 桃花: (和尚思妻楔白)估唔到呢,嗱,我嘅名字屬花,喺正月開嘅, 玉書: (白)哦,你嘅名字屬花、喺正月開嘅?哦!詩曰,桃之夭夭,灼灼其華 (讀花),你梗喺桃花嚹, 桃花: (白)嗄,乜我個名重有子曰詩云嘅?相公,你梗喺讀過好多書嘅嚹? 玉書: (白)當然啦,我讀書破萬卷,開口似有神, 桃花: (白)啊 (金線吊芙蓉板面)未與男兒同相處,卻在這孤篷寒夜時,與書生相聚,咫尺船頭話語間,融融意態,好教我內心樂怡怡, (白)唉吔,這、這是何道理 玉書: (接唱)且看小小船兒,盪碧水滿載奇遇, 桃花: (接唱)相公快渡一女子, 玉書: (接唱)兩家來面對卻無詞 (白)啊!桃花姐貌美如花,坦率可愛,我丁玉書今日,真喺艷福不淺呀 (河調慢板)慢說書中自有顏如玉,怎及活色生香在眼前,不枉代父操勞,夜渡美人誠巧事; 桃花: (接唱)偷眼望才郎,心頭如鹿撞,他似臨風玉樹,教奴心動神馳。 玉書: (接唱)她以桃花為雅號,人比桃花十倍嬌,我今夜如坐春風,洗盡愁懷晦氣; 桃花: (接唱)我為小姐來遞柬,有誰為我解春思,情歸何處,嫁杏無期。 玉書: (接唱)君子莫欺心,須按意馬心猿,我要不亂坐懷,當效前賢柳下惠; (白)喺呢桃花姐呀 (滾花)敢問家居何處? 桃花: (接唱)潮陽南浦是吾居 (合)。 玉書: (口白)啊,原來你住喺南浦嘅, 桃花: (口白)喺呀, 玉書: (口白)喺呢桃花姐呀,你連夜渡江,喺唔喺要去探親呢? 桃花: (口白)非親, 玉書: (口白)訪友? 桃花: (口白)亦非友, 玉書: (口白)非親非友,你要去揾邊個唧? 桃花: (口白)我要揾官 玉書: (口白)嗄!連夜告官,你要打官司呀? 桃花: (口白)唔喺官府個官,喺官人個官, 玉書: (口白)嗄!你要去揾官人? 桃花: (口白)喺呀, 玉書: (春風得意)桃花已經有官人,枉我幻想鴻鵠至,孤舟野渡起春思,她乘夜急急趕去,不為情郎更複有伊誰, (楔白)玉書呀玉書,你何其自作多情呀 桃花: (接唱)看他喃喃自語,頓鎖雙眉,滿腹似是有憂思,十分怪,這舟子,喜怒間違常理, (白)相公! (接唱)奴奴未開罪,卻為何事,突然對我不瞅不理! 玉書: (接唱)信是庸人自擾時,與人無涉苦自知,早送你去會“官人”,用力搖船決不拖遲 桃花: (嘆白)唉吔!我邊度有官人吖,喺送信畀小姐嘅官人啫嘛, 玉書: (喜白)啊!原來喺你家小姐嘅官人!唉吔桃花姐, (反線海棠春)你急急去,為主人之事奔馳,卻不急為你桃花姐姐,何所歸依,還須來三思, 桃花: (接唱)急也白費心機,我自知,身作侍婢位居卑微,摽梅早過後,逢春嘆無期 玉書: (白)嚸會呢桃花姐,你聽我一言呀 (長句滾花)嘆無期,會有期,春蘭秋菊不同時,你縱無心人有意,不須嗟嘆位卑微,孤舟夜渡緣天賜,桃花人面早成詩, (白)桃花姐呀 (接唱)敢問意中人有未?能否坦懷答一詞, 桃花: (接唱)含羞低告渡船人, 玉書: (白)嚸呀,有冇呀 桃花: (接唱)唉吔桃花都未有人中意 (上); 玉書: (白)唉吔!咁就太好嚹 (反線步步嬌)大喜,正是桃花春三二月時,書生充舟子,花嬌美,同船共舟何幸事 (滾花)桃花未有人中意,我愛桃花有嬌姿 (上)。天為月老地為媒,還願佳人休見棄 (尺); 桃花: (口白)相公! (哪個不多情)心感君一片護花真意,身雖作婢僕純潔自持,但願你今生也當莫變心, 玉書: (接唱)誠心當呵護弱質嬌女兒,與共結糟糠,也共富貴,船在江心,盟堅可誓矣! (口白)在下丁玉書,他日若有負桃花,當為天地… 桃花: (口白)唉吔,相公你休要發誓,快些渡河送信要緊, 玉書: (口白)啊!喺啵, (快中板下句)對岸官人,苦候時。加槳速傳,佳音至;船如急箭,快如飛。 (滾花)嗰個官人與我共情癡,你速去速回休阻滯; 桃花: (口白)得嚹得嚹小艄公, (滾花下句)去時急急桃花渡,回頭還要靠你這小船兒。(曲終)
Good happy see actor sing.
情滿桃花渡
彭慶華 馮嘉儀演唱
蔡衍棻撰曲
丁玉書: (漁村夕照)
一江春湧,
襯碧天夕陽紅,
遠山翠袖誰塗染,
丹青手亦嘆出眾,
山水寄情,
憐落拓青衫一領,
余心暗自痛,
枉京師遠去,
嗟今科落第,
便還故里,
我未退愁容,
自抱才情,
書空咄咄恨命窮,
情難自控
(反線中板)
我父老艄公,
佢勸我且釋懷,
莫自困自嗟,
宜到渡頭走動;
代他作擺渡人,
把眾生來往渡,
養心怡性展心胸。
且放黃卷青燈,
來駕一葉篷船,
(滾花)
任教功名成幻夢 (尺);
桃花: (醉頭陀)
身懷小姐信一封,
長路兼程趕遞送,
眼前昏暗心驚恐,
又況寒夜山頭霜露凍,
到江邊,水濛濛,
過渡前邊路幾重,
我高聲,叫渡船,
(白)
艄公哪裡!艄公哪裡
(接唱)
悄寂無聲急煞玉容
(沉腔滾花)
唉吔吔,
眼前一片煙水迷濛 (合)。
(白)
艄公哪裡!
玉書: (白)
來了,
(西皮)
五更天,
我夢正濃入天宮,
忽聽到有人,
頻呼喚艄公,
桃花: (接唱)
有勞艄公,
驚你好夢,
玉書: (白)
噯!冇相干
桃花: (接唱)
這廂下禮忙,
玉書: (接唱)
你何須禮重
桃花: (口白)
哦老… (另場) 唔見咗嗰個老艄公,卻只見翩翩佳公子呀,(對生) 喂,嚸解唔見咗個老艄公嘅?
玉書: (口白)
哦!小生丁玉書,喺老艄公之子,家父偶感風寒,由我暫為擺渡,姑娘你喺唔喺要渡河呀?
桃花: (口白)
喺呀喺呀,快啲將船撐過來啦,
玉書: (白)
遵命!好,今晚悶悶哋,同你開嗄玩笑至得
(血淚花)
我嘅艔船、我嘅艔船可以歸你用,
不過快交錢,
畀我小艄公,
因為船錢不到就船不動,
哪怕你是宰相公
桃花: (口白)
哦!幾多錢呀?
玉書: (口白)
噯…咁啦,上大人,孔乙己,少一分好少理,
桃花: (嗔白)
咁究竟幾多錢唧!
玉書: (口白)
孔乙己,化三千,七十士吖嘛,咁即喺七十文錢囉,
桃花: (氣白)
嗄!你…你搶錢咩?
玉書: (白)
哈哈…
桃花: (陳世美不認妻)
太大口氣,
太大口氣,
乘勢要錢小艄公,
玉書: (接唱)
你單身把路趕,
專程搭渡,
我多收幾文錢,
乃係公道個公
(白)
唔算貴㗎嚹!
桃花: (白)
冇辦法啦!
(長句二王)
想到小姐倚樓望風,
心又急來心又痛,
急的是蘇州過後再難逢,
痛的是大好姻緣將斷送,
命我傳書連夜,
猶似急驚風。
艄公把竹槓來敲,
(合尺花)
唉吔,七十文錢真肉痛 (上);
(氣白)
嗱,七十就七十啦,正衰人嚟嘅,
玉書: (口白)
唉吔,乜你咁易嬲㗎,我同你開嗄玩笑啫嘛,三下五落二,我只收三十文錢而已,
桃花: (口白)
咦咿?乜…乜咁快就減價㗎嚹,
玉書: (口白)
噯…非也、非也!姑娘呀,
(孟姜女)
我這小艄公,
非見錢便眼紅,
敲竹槓黑心,
天地難容,
我同你講笑輕作弄,
絕非妄來勒索,
我甘願受窮
(口白)
上船啦姑娘,小心呀!
桃花: (口白)
多謝相公,
玉書: (口白)
嗄!艄公變相公,我多謝你至啱,
桃花: (口白)
唉吔,休要見笑,
玉書: (口白)
嗱姑娘,你坐穩嚹、開船,
(朱買臣)
槳一動,
槳一動,
船兒離岸也,
帆趁風,
桃花: (接唱)
小艄公,
船載奴家把音書遠遠送
玉書: (口白)
啊…姑娘,我今晚第一次擺渡,又遇啱你趕路,都算有緣嚹,能否賜告芳名呀?
桃花: (口白)
咁呀?
玉書: (口白)
喺囉!
桃花: (滾花)
好呀,你且猜來你且估,
玉書: (接唱)
唉吔,恰似撈針大海中 (上)。
桃花: (和尚思妻楔白)
估唔到呢,嗱,我嘅名字屬花,喺正月開嘅,
玉書: (白)
哦,你嘅名字屬花、喺正月開嘅?哦!詩曰,桃之夭夭,灼灼其華 (讀花),你梗喺桃花嚹,
桃花: (白)
嗄,乜我個名重有子曰詩云嘅?相公,你梗喺讀過好多書嘅嚹?
玉書: (白)
當然啦,我讀書破萬卷,開口似有神,
桃花: (白)
啊
(金線吊芙蓉板面)
未與男兒同相處,
卻在這孤篷寒夜時,
與書生相聚,
咫尺船頭話語間,
融融意態,
好教我內心樂怡怡,
(白)
唉吔,這、這是何道理
玉書: (接唱)
且看小小船兒,
盪碧水滿載奇遇,
桃花: (接唱)
相公快渡一女子,
玉書: (接唱)
兩家來面對卻無詞
(白)
啊!桃花姐貌美如花,坦率可愛,我丁玉書今日,真喺艷福不淺呀
(河調慢板)
慢說書中自有顏如玉,
怎及活色生香在眼前,
不枉代父操勞,
夜渡美人誠巧事;
桃花: (接唱)
偷眼望才郎,
心頭如鹿撞,
他似臨風玉樹,
教奴心動神馳。
玉書: (接唱)
她以桃花為雅號,
人比桃花十倍嬌,
我今夜如坐春風,
洗盡愁懷晦氣;
桃花: (接唱)
我為小姐來遞柬,
有誰為我解春思,
情歸何處,
嫁杏無期。
玉書: (接唱)
君子莫欺心,
須按意馬心猿,
我要不亂坐懷,
當效前賢柳下惠;
(白)
喺呢桃花姐呀
(滾花)
敢問家居何處?
桃花: (接唱)
潮陽南浦是吾居 (合)。
玉書: (口白)
啊,原來你住喺南浦嘅,
桃花: (口白)
喺呀,
玉書: (口白)
喺呢桃花姐呀,你連夜渡江,喺唔喺要去探親呢?
桃花: (口白)
非親,
玉書: (口白)
訪友?
桃花: (口白)
亦非友,
玉書: (口白)
非親非友,你要去揾邊個唧?
桃花: (口白)
我要揾官
玉書: (口白)
嗄!連夜告官,你要打官司呀?
桃花: (口白)
唔喺官府個官,喺官人個官,
玉書: (口白)
嗄!你要去揾官人?
桃花: (口白)
喺呀,
玉書: (春風得意)
桃花已經有官人,
枉我幻想鴻鵠至,
孤舟野渡起春思,
她乘夜急急趕去,
不為情郎更複有伊誰,
(楔白)
玉書呀玉書,你何其自作多情呀
桃花: (接唱)
看他喃喃自語,
頓鎖雙眉,
滿腹似是有憂思,
十分怪,
這舟子,
喜怒間違常理,
(白)
相公!
(接唱)
奴奴未開罪,
卻為何事,
突然對我不瞅不理!
玉書: (接唱)
信是庸人自擾時,
與人無涉苦自知,
早送你去會“官人”,
用力搖船決不拖遲
桃花: (嘆白)
唉吔!我邊度有官人吖,喺送信畀小姐嘅官人啫嘛,
玉書: (喜白)
啊!原來喺你家小姐嘅官人!唉吔桃花姐,
(反線海棠春)
你急急去,
為主人之事奔馳,
卻不急為你桃花姐姐,
何所歸依,
還須來三思,
桃花: (接唱)
急也白費心機,
我自知,
身作侍婢位居卑微,
摽梅早過後,
逢春嘆無期
玉書: (白)
嚸會呢桃花姐,你聽我一言呀
(長句滾花)
嘆無期,
會有期,
春蘭秋菊不同時,
你縱無心人有意,
不須嗟嘆位卑微,
孤舟夜渡緣天賜,
桃花人面早成詩,
(白)
桃花姐呀
(接唱)
敢問意中人有未?
能否坦懷答一詞,
桃花: (接唱)
含羞低告渡船人,
玉書: (白)
嚸呀,有冇呀
桃花: (接唱)
唉吔桃花都未有人中意 (上);
玉書: (白)
唉吔!咁就太好嚹
(反線步步嬌)
大喜,
正是桃花春三二月時,
書生充舟子,
花嬌美,
同船共舟何幸事
(滾花)
桃花未有人中意,我愛桃花有嬌姿 (上)。
天為月老地為媒,還願佳人休見棄 (尺);
桃花: (口白)
相公!
(哪個不多情)
心感君一片護花真意,
身雖作婢僕純潔自持,
但願你今生也當莫變心,
玉書: (接唱)
誠心當呵護弱質嬌女兒,
與共結糟糠,
也共富貴,
船在江心,
盟堅可誓矣!
(口白)
在下丁玉書,他日若有負桃花,當為天地…
桃花: (口白)
唉吔,相公你休要發誓,快些渡河送信要緊,
玉書: (口白)
啊!喺啵,
(快中板下句)
對岸官人,苦候時。
加槳速傳,佳音至;
船如急箭,快如飛。
(滾花)
嗰個官人與我共情癡,你速去速回休阻滯;
桃花: (口白)
得嚹得嚹小艄公,
(滾花下句)
去時急急桃花渡,回頭還要靠你這小船兒。
(曲終)