SHVEYTSARIYADAGI SHOHIMARDON QISHLOG’I 🏔️

19.06.2024 sanasida Do’dajonim bizani Farg’ona shahridan 50-55 km uzoqlikda joylashgan o’zini go’zal manzarasiga, salqin va toza havosiga ega bo’lgan Shohimardon nomli qishlog’iga aylantirgani olib bordila.
Ma’lumot uchun: SHOHIMARDON -
Qariyb 10 ming aholiga ega Shohimardon O'zbekistonning uzoqdagi go'zal bir parchasi. So'x eksklavi singari u ham Qirg'iziston bilan o'ralgan, tog'lar bag'ridagi so'lim go'sha.”
Safarimiz juda mazmunli o’tdi desam adashmagan bo’laman. Tabiatga ham, tog’larga ham gap yo’q. Lekin bizni yo’lda charchatgan narsa bu - chegaralar. Xorijiy davlat (Qirg’iziston) ichida bo'lgani bois unga kirib-chiqish qiyin. Shohimardon va So'x Markaziy Osiyoning dunyoga ochilmagan tabiiy xazinalari hisoblanadi. O'zbekiston yoki Qirg'iziston fuqarosi bo'lsangiz, bora olasiz. Sizni u yerga ID kartangizsiz kiritishmaydi. Va Qurbon ko’liga borgunimizgacha 4ta postdan o’tdik, ya’ni birinchi o’zimiznikidan keyin qirg’izlarnikidan keyin yana o’zimiznikidan va ko’l uchun oxirgi postdan o’tdik. Hammasidan o’tgungacha tahminan 2 soat vaqtimiz ketib qoldi. Odamlar ko’p, navbatlar talaygina, mashina bilan o’tadiganlargayam juda qiyin ekan. Uzooq qolib ketishadi, yo’lovchilar ancha kutib qoladi. Shunday qilib qaytishda ham shu ahvol, jami 8ta postdan o’tdik 🥲. U yerda yashaydigan oddiy aholiga ham juda qiyin ekan, shunchaki Farg’onaga borib kelish uchun ham soatlab vaqtlari chegarada kunlarining 3dan 1 qismi o’sha yerda o’tib ketar ekan…
Lekin kirib chiqish qanchalik qiyin bo’lmasin - man shu yerga borganimdan hech ham afsuslanmadim. Agar imkonim bo’lganda o’sha yerda eng kamida 1-2 haftaga qolgan bo’lardim…Ishoning, bu manzaralarni ko’rib, havosida to’yib nafas olganingizdan keyin, havosi zaharli, gavjum va shovqinli Toshkentimizga qaytgingiz kemaydi, never.
Tepada ikkita ko’l bor. Nomi - Qurbon ko’li. Uyoqqa kanatkada (chelak) da boriladi. Narxi adashmasam 45.000 so’m. Pasdan qayoqqadir shoshib ketayotgan suvlar, atrofingizda baland tog’lar, oldingizdagi xarsang toshlar, qushlarning sayrashlari va tinch va sokin tabiat… - bular umuman boshqa narsa! men avval tuyib qilib ko’rmagan hissiyotlar..
Qani endi u yerda o’tkizgan har bir daqiqamni videoga tushirolganimda edi…Sizlar uchun telefonim o’chib qolmagungacham, qo’ldan kelgancha videolar olishga harakat qildim))
Hullas mayli, ortiqcha ta’rifga hojat yo’q. Marhamat, ko’lga sayohatimizni bemalol tomosha qilishingiz mumkuun :))