الخطوة الخطوة الخامسة

الخطوة الخطوة الخامسة
اليوم غادي نتعرف على الأفكار السلبية اللي كتخلينا كنتاخرو للوراء عوض من نزيدو للقدام.
عرفتوهم دوك الوساوس اللي كيبقاو يدورو فريوسكم وكنحدركم انه بزاف ماغاديش يعجبهم هادشي اللي غادي نكول ولكن غادي نحط الإصبع على البعض منهم ويقدر ما يروقوش ليكم.
اول حاجة كيبانو لي بعض العضوات هما نيت سلبيات لدرجة أنني بعض المرات كنفكر نبلوكيهم ونتهنا
لي كتقول مانا حنا نهلكو صحتنا
وعلاش وكيفاش
ومالنا مع الحوض
ماعجبكش الحال تكمشي فالمانطة ظيالك وهنينا
وخلي لي بغات تزيد القدام هي حرة كيف نتي حرة
كاين داك الفكرة ديال انا عمرني مانولي بحال دوك العيالات المتولات حيت انا ماتعلمتش ملي كنت صغيرة . خرجت من المدرسة لداري وما كانعرفش .
الآلة حتى وحدة ماتزادت معلمة وايلى بقيتي كتسناي الخدمة تدار لوحدها تما بقيتي.
كاين عاودت اللي كتكولك انا عيانة حيت عندي نقص فيتامين د ونقص الحد يد.
خودي الدوا وخرجي للشمس شبعي فيتامين د فابور واخا غير فالسطاح.
واللي كنكول انا حاملة مانقدرش. واللي خدامة واللي عندي الدراري واللي ماشي داري.
كنكوليكم تخلصو من هاد الأفكار كاملة ووضعوا برنامج وغيرو حياتكم للافضل.
كاينة اللي خدامة وحاملة وعندها الدراري وساكنة مع ناسها وقايمة بشغلها.
كيف كانو كيديرو ماواتنا وجداواتنا؟
نفضو ودنيكم من هاد الأفكار كاملة وشوفو الأشياء من منضور ايجابي.
نديرو الهدف ديالكم قدام عنيكم
اي وحدة فيكم رآها قادة تكون لالة ومولاتي بشكلها وفدارها.
كانكولها ونعيدها.
العمل عبادة وانتوما ماجورين على العمل ديالكم
والشغل فيك فيك اللهم تديريه وانتي مرتاحة ومسيطرة على الوضع
مرحبا بيكم فقطار الايجابية