عشت يابوي | فهد بن فصلا | 2022

__________________
الحسابات الرسمية لـ قناة ابو يعقوب
‏ Whatsapp :
api.whatsapp.c...
____________________
____________
_______
عشت يابوي
فهد بن فصلا
كلمات الشاعر
عبدالرحمن بندر بن رضي الخضيري السلمي
بمناسبة زواج والده
_____________________
وين ابا اروح والميقاف ميقافي
لوّ دونه حياتي جيت بايعها
دقّت الساعه وغنّيت محرافي
والبيوت الجزيله ويش يمنعها
ارم يابوي همّك عنّك اخلافي
كل صعبه لاجل عينك نطوّعها
صيتك وسمعتك خلتني سنافي
اقتدي في دروبك زين واتبعها
من حلالك وخيرك لحمة اكتافي
جعلني فدوة رجولك وموضعها
انت ذرّيتنا في بشتك الضافي
ولو تذرّي جبال البشت ياسعها
كل ماجيت ديرة قوم خطّافي
قالوا ابوك صيته في مرابعها
لا قلط وسط مجلس فيه عرّافي
قيمة المجلس اللي جاه يرفعها
موقعه فالصدر ماهو فالاطرافي
والبقيّه تروح تشوف موقعها
وان هرج مايجيب الاّ ذهب صافي
عقِّب اللي سواليفه يجمّعها
كلمته ماتجي وتروح خفّافي
كلمته كل خلق الله تسمعها
اعتلى منزله في راس مشرافي
والعرب كلهم تحته يطالعها
ماهو بـ كبِر هذا قسمه الوافي
والمراجل تبا مثله يسنّعها
نفسه امن التواضع دايم توافي
الكبِر مايجيها من تواضعها
خايف اطرّي اسمه ينكسر قافي
اسمه اثقل من ابياتي وانا معها
عشت يابوي ياخيّال الاطرافي
عشت ياسيد الاسياد واشجعها
انت ناسبت قوم(ن) تكرِم اللافي
الكرامه طبيعه من طبايعها
دارهم فالجنوب وسدّهم خافي
من بني شهر منسبها ومرجعها
ياحزامي ماباقي شي ينضافي
غير فرحه من الاعماق مطلعها
فرحتي كيف اوصّفها بالاوصافي
يعجز الوصف والابيات اضيّعها
الوكاد ان راسي يشعِف اشعافي
والصعاطير ماتطفي ولايعها
والله اني حزامك والقدم حافي
لو اذوق المراراه واتجرّعها
دامك بخير انا ماحولي اخلافي
اقدر اقوّم الدنيا واصارعها