V Uma Pido 2018 - Esä taivan

Muusiga ja sääde’ Mari Amor
Sõna’ Artur Adson
Juhatas Signe Rõõmus
Laulva’ latsikoori’
Esä taivan, tii’ nii,
et latsil, kiä hummuku kuuli rühkvä’,
takan abitu’ patsi’,
iin sinitse’ nõnaksõ’,
huulil poolõlõ opitu’ sõnaksõ’,
et latsil, kiä hummuku läävä’ kuuli,
vähämb puhus näkku tuisku ja tuuli.
Tii’ ka nii, et vihma nii pall´o ei satas,
tii’ ka nii, et lummõ nii rohkõst ei satas,
ent kui siski sa-i saa’ ilma suurõmba saota,
sõs suurilõ rohkõmb, vähämb latsilõ jaota’!