نصيحه من طالب معيد عوف شي اسمه مرشحات (لان اذا اجتي الاستاذ حيصعد براسك وذا متجي انته راح تدمر مو هوه) مو هسه تضهر لمشرحات تجيكم قبل كم يوم من لامتحان ودوخكم +هلشاب يستحق دعم ديتعب بفديواته هواي احسن من هواي ناس طاشين وتافهين
اخوان مبدئياً الله يوفقكم يارب ويسهّل عليكم،اني توني انعفيت عام وصرت سادس،وأحس هواي ضايعة فـ ممكن تكولون الي شنو الأشياء اللي فادتكم او ملاحظات وأشياء اخذتوا وقت حتى تعرفون حلها او أخطاء..؟
@@10n.17 شوفي ليش يجيبوها سهله لان العام جابوا الاسئلة كلش صعبه ف هل سنه يجبوها سهله لان انتم راح تمحننون الكتاب كله ولأ سدوا تعيين المركزي لطبيها وح ينزلون المعدلات.
أذكر خطأين سويتهن طيرن المعدل والدرجات الي طموحي أحصلهن السهر ++ التوتر طالبة سادس محاولات لمادة وحدة بس. بحق ليلة القدر السنة التجي اني ناجحة ما أنسى اهمشي أفرح بابا. واو 14 لايك خلال 5 ساعات شكراً حطمت الرقم القياسي. واو 370 لايك نوب قرب العيد أحلى شي لازم يدخلوني موسوعه غينيس للأرقام القياسية شكراً جعل كل من خلالي لايك ينجح من السادس وبأعلى معدل
@@sajaf06 تره هذا مستقبل مو لعبه يعني حياتج الباقيه رح تحدديها انتي شلون تقضيها وبيا تخصص وبيا لقب وكتلج تعتمد على المعدل اللي تريدي يعني كل ما كان المعدل اقل كل ما كانت نسبه الحريه اكثر بهاي الفتره
صح اتفق يعني اغلب الي طلع من اوائل يدرسون على استاذه وحتى لو ماطلعو من الاوائل لكن معدلاتهم عالية ويكولون على يااستاذ نعتمد وبالنهاية، انته تريد وانا اريد والله يفعل مايريد المعدل المكتوبه النا راح يكون النا
المدارس الحكومية اسوء المدارس بالعراق يعني ليش الاهلية مكملين مواد كاملة بحيث الطلاب 4/1 تبدي تراجع و احنا طلاب الحكومي باقيلنا 5 افصل فيزياء و 3 فصول من الكيمياء و الرياضيات💔 شوكت نكمل شوكت نراجع .. بسبب العطل الزايدة و نقص الكوادر التدريسية صارت المدارس الحكومية فاشلة و غصبا عليك تعال ادخل اهلي زين الفقير منين يجيب!!!
مو كل الاهليات مخلصين انا واحد منهم بعدنا بحيث الكيمياء بعدنا ب4 والفيزياء تركنا ال7 وال8 رحنا على ال9 والقواعد بعدنا بالمدح والذم والانكليزي بعدنا بيونت ال6 والاحياء بعد فصل ونص والاسلامية وحدة ونص ، وانا تركت الدوام وكعدت اكملهن بالبيت لان صار ضغط كلش جبير على الطالب ، ف عادي حتى احنة ما امكملين وان شاء الله نتوفق بإذن الله .
@@Ko_111-cy1iw_هـوه اني ڪلشي مقاريه بـالانڪليزي (صفر اني بالانڪليزي) ونعمه اذا اجت 85 اذبح طلي،، والله العظيم صار ڪم سنه اني ادرس انڪليزي ولا مره عبرت درجاتي من خمسينات😂_
فكره انو لا تراجع وانت ما امكمل منهج هي متنطبق علينا احنه دفعه 2024 لان اذا ننتضر الحد متكمل هي للخامس وماتوقع الوقت يسعنه انراجع بيه منهج كامل ومكثف تطبيقي واحيائي
الرياضيات يحتاجلهة محاضرات لان هية مو حفضم او قواعد تقدر اتراجعهة خصم الحجي الرياضيات حتلو فاهمة اذا مو واحد يحل كدامك وتحل وراة ماراح تذكرة فالمادة الوحيدة الي مراجعتهة اتكون محاضرات هية الرياضيات. واني اذكر جان عندي امتحان شهري الفصل الثالث 38 فديو خلصتهن من 6 الصبح لحد 6 المغرب هاذ الحجي بس اباوع شرح وحل بس مسئلة من الفديو وخلصتة
باع اكو خطأ سويته ببداية السنة انو قريت ع مدرسين بداية السنة وبنص السنة لمن اجيت اقره لكيت نفسي كلشي ماذكر ولا افتهم شنو الحل شكد حاولت رغم اني اكتب كلشي فما رحت وره نصف السنة كلت اقره ع غير مدرسين وجبت ملازمهم وهس اني ملحكت اقره الفصول الاولى وهس اني شسوي؟ يعني داقره الكورس الثاني مثلا رياضيات بس ارل فصلين فاهمتهن بس مو مضبوط وهس بعدني بالثالث ببدايته
حسب خبرتي القليلة من طلاب اعرفهم اذا خلصت اسلامية عربي أو انكليزي و بعد عندك العلميات ما مكملهن اتسوكي تكدر تقسم جدولك و تراجعهن بس بشرط ما يأثرن على تقدمك بالمواد و انطي لكل مادة استحقاقها لا أكثر و لا أقل و لا تستهينون بالاسلامية و الأدب و الانشاء تره هذني هم عليهن درجات بالوزاري و لا كلش ادمر نفسك و تترك النوم و الراحة بكل بساطة تكدر ترتب جدولك و تنام و تكمل حياتك طبيعي و الأصدقاء حاول تبتعد عنهم لان راح تصير مقارنات و لا تعتمدون عالمرشحات و أيضا مايصير تعوفون الكتاب و تقرون بس وزاري و مايصير تعوفون الوزاري و تقرون بس الكتاب بس اولشي تكملون الكتاب يله تعبرون عالوزاريات و لا تهملون بأكلكم و عبادتكم و واجبكم تجاه رب العالمين و بركم بوالديكم و لا تخلون الف مصدر هو مصدر واحد كلش يكفي و تفاءلوا ان شاءالله تجي الأسئلة زينة و الله لا يضيع اجر من احسن عملاً دمتم سالمين ( ＾ω＾ )
من هل اللحظه راح ابلش وبهمه مو من أجل واحد من أجل نفسي اني الي تعبتتت هاي ال١١ سنه مهما كان مستواي بيه بس هذي ال٧٠ يوم راح اخليه مثاليه وهذا وعد لنفسي راح احقق كلشي كلولي متكدرين تحققي بأسمك الهم نخوض دروبنا النهائيه آملين ان لا نتعثر💪🏻🩺٢٠٢٤/٣/٢٩ بدايه النهايه تعديل: رغم هل المعانات والظروف الي مريت بيه هل ال١٠ ايام رجعت احاول من جديد ونكول يا الله
احسن نصيحة ممكن اقدمها الكم ابتعدو ؏ـن التليفون لان بهل فترة سبحان لله كل الناس تصير سادس وتتأثر بكلشي يعني مثلاً اني اشوف صديقتي دا تدرس مادة واني ممضبطتها اتوتر كلش ! او شو شخص خلص ٣ افصل واني بعدني ب لاول كلش اتوتر هم . " قد تتاخر فتسبق الجميع "
اعععععععع شكرآ الج والله جنت محتاجة هيجي نصيحة والله شكرآ تعرفي ليش لأن بت خالي هية تقرة يومي او شاطرة او مسوية جدول تقريبآ كملت ٥ او ٤ مواد انة مكملة بس ثنين رغم مسوية جدول لأن هية تقرة مادة مادة او انة مدام مال الحك بعد باقي ١٤ يوم اقرة مادتين باليوم او همين جاي املن من اقرة مادة وحدة وشكرآ ودعليلي بالتوفيق طالبة ثالث + ليوم عيد ميلادي😂😂❤
شكراً على الفيديو لطيف و جميل و المونتاج صاير يخبل و طاقة الايجابية دتزداد . 🤝✨ - كُل انسانٍ رَقِيبٌ عَلَىَ نَفسهَ . يعني مو الة واحد يسحلكم تكومون تقرون و اذا بيكم سكري مثلاً مو الة واحد ينبهكم متأكلون سكريات و اذا عدكم حساسية او جي تمنعكم من أكلة و علاقتكم وية ربنا ف.. محد مااكو ينبهكم و يكللكم جي ف.. اي انتو على نفسكم رقيبين فكونوا خوش رقيبين و تذكروا انو ربنا يحبكم و لكل منكم مكانة كبيرة عندة و حتكونون شخصيات عظيمة بالمستقبل .
مادري بس بالنسبة الي ما اضبطهم قبل لا افوت للمراجعة اضبطهم من اوصلهم حتى لو يرادلهم وقت والهندسة غالبا اقسمها على ايام المراجعة لان صعب هيج مره وحده نفهمها ونضبطها
@@atyafy هوه داحاول بس المواد من نقراهم نعيدهم وبالمراجعه نفتحهم اكيد مانضبط هسه بس انو مرت علينه وشفته فيديوهات بس حسين يكول لازم مضبطهه يلا وهواي مواد ميصير نجلب بماده وحده عن نفسي مادتين بليوم بس أقره بالماده الوحده أكثر من موضوع لان ماكدر أكثر من ماده.
طالبه خامس مبقى قليل واطلع إعفاء وابدي سادس ومن هسه دا اشوف نصائح حتى ما اوكع بخطأ توتر وخوف شوي بس ان شاء الله خير و أسأل الله التوفيق والنجاح للجميع✨✨
ليش تنقهرين حبيبتي يعني احسن تقرين ماده ركض ركض أو كلشي ما تفتهمين منه تره اني بعدلي الفيزياء 4 افصل الكمياء فصلين عربي موضوعين انكليزي بعدلي وحده خلصي مواد او بلشي مراجعة
كطالبه معيدة: راجعت اكثر من ماده مثلا جنت اخصص ٤ ساعات رياضيات وهيج وهذا اكبر خطا من تراجع راجع بس ماده وحده ____________________ هذا الشي دمرررررني وخلانيييي اعيد مع العلم قريت المواد كلها وماجنت مقرره اجل بس شنو شفت ينزلون مرشحات وعقلي لا اراديا صار يزوم بس المرشحات. والله لاتصدكون باي شخص يكول مرشحات الوزاريات ماحليت هواي كل سوال بي فكره اكتبو يمه لا تغيرون مصدركم ياجماعه لاتغيرون مصدركم ياناس لاتغيرون مصادركم. واول مادخلت بفتره المراجعه بكل قوتي وحماسي ومن وصلت لقبل النهايه تعبت ماضل واهس يعني وزعو طاقتكم بالتساوي اطلعو من كل كروب يدز ملخصات مرشحات كروبات الطلاب ابتعدو. اختارو الاصدقاء الصح ماعليكم بفلان خلص ماده وفلان بدا مراجعه هملت مواضيع كلت يلا اراجع عليها مره ثانيه ولكيت عقلي مايستقبل اي معلومه وشي طبيعي من تخلص ماده تروح للثانيه تحس نفسك ناسي جدا عادي امتحنو انفسكم بكل فصل.
اهم نصيحة تسمعها هي ثقتك بنفسك وبرب العالمين وصحتك لا تخاف ولا تتوتر اسعى اركض باحلامك وادرس هو مجرد امتحان ومجرد ورقة احتوي نفسك وارشدها وانصحها كلش راح يمر ويعدي كلها فترة مؤقتة صدكوني مو مهم النتيجة المهم السعي انشاء الله نرجع لهذا الفديو واحنة خالصين من السادس ❤
صراحة كل واحد و وضعه اني دخلت المراجعة عندي تراكمات قيامة الله لكن سويت لنفسي جدول و فصلت المواد الي قاريها من الي ما قاريها و خلال شهر و نص قدرت اخلص مراجعة و تراكمات و زاد عندي ١٠ ايام كعدت اكتب بيها و احل وزاري و الحمد لله معدلي ٩٧ و رحت طب بابل و لنصيحة لاي شخص لا تخاف و توكل على ربك و التزم و حتى إذا مطلعت معدل عادي الدنيا موقفت كمل حياتك و ربك راح يجيب لك رزقك ( و عسى أن تكرهوا شيئا و هو خير لكم و عسى ان تحبوا شيئا و هو شر لكم و الله يعلم و انتم لا تعلمون )
اني بالضبط نفس الشي وليهسه بالمادة الثانية واحس مرح الحك لا تراكمات ولا اكمل مراجعة المواد كلها وماريد ااجل دور ثاني بس اكتشفت المواد ضخمه وتحتاج كل مادة ١٠ ايام شنو تنصحني اسوي لان تعبت رغم اقرة ١٢ ساعه باليوم ومدا الحك
@@Phnon66قبل كل شئ شكد ما تقدر تقرب من رب العالمين لأن صدقني شكد ما اقلك ربك يسهلك جذب و الله كل ما تخلي ايمانك بربك قوي و أنه مراح يضيع تعبك ترتاح نفسيتك أما بالنسبة للنصيحة فاول شي لا تقول احس و ما تحس مال تفكر بشي بعده مصاير هذا بس أذية الك و حاول تعوف تلفونك قفله و ذبه لأن بدال ما تخلص المادة بساعتين راح تخلصها ب٥ ساعات بسبب التلفون فتركه ثاني شي الزم ورقة و قلم و اكتب كل التراكمات الي عندك و سويلك جدول بحيث تقسمهن على الايام منا للامتحانات شوف روحك شنو مسيطر عليه و شنو الي اله الأولوية بالقراية و كنصيحة اذا تريد معدل أجل دور ثاني لأن الوقت ميكفي كل المواد ثالث شي اقرة و ركز على الشغلات المهمة فاللهم مثلا الفيزيا اهم شي بيها هم أول ٣ أو ٤ فصول فركز عليهن و ضبطهن و الباقي حتى لو بس تضبط اسئلة الفصل و الكلاميات زين و انصحك تشوف فديو لواحد اسمه سينسي كلش يفتهم و مسوي جدول يفيد بحالتك هاي رابعا و اخيرا حتى لو لا سامح الله ما حصلت المعدل الي تريده خلي ثقتك بربك جبيرة و اعرف انه حياتك متوقف على ورقة امتحان الحياة اكبر و اعمق من شهادة و معدل و الله يوفقك و يسعدك يارب و ينطيك على كد تعبك و أن شاء الله اي شي تريد اني حاضر
الخطأ الثامن: لا تجبر نفسك عالنوم بالليل في سبيل تگعُد الصبح من وقت وتدرس ترى مو شرط ندرس الصبح وبالليل ما نسهر مثل ما دا يحذرونا كل الي يقدمون نصائح واكوو هوااااي مثلي يفهمون بالليل وميأثر عليه من يقرأ بالليل ويسهر.. وبالنهار ما يفهممم حرررف بس شنو بسبب النصيحة الي بكل مكان موجودة "لا تدرس بالليل، لا تسهر" يروح يطبقها وميستفاد ابداً❤
بس موشرط مراجعة تغير مصدر ءاني اكولكم شلون الي يريد يجيب مراجعة ف يقرا مصدره يضبطه نفترض فصل اول اجي اراجعة بلمراجعة المركزة نوب احل وزاريات ليكول لاا مدري ايش بنت خالتي هم جابت مراجعات وهسة هية طب عام كلامي الي يريد يجيب مراجعة مركزة 🌝💜 الغلط موبيها الغلط اذا اعتمدت عليها بس بس اذا من تضبط لفصل بمصدرك اساسي وتراجعة بلمراجعة مراح تنضر وهلكلام عن تجربة
اني عندي مشكله اني بديت بالسادس بحماس يعني ذبيت كل طاقتي بالبدايه ومن قرب يخلص السادس بديت اتراجع ماصار عندي واهس بعد ادرس واني هس لازم ابدي وهواي عندي تراكمات الفصل 1 ,2 ,3 من كل ماده ضابطته والباقي بس فهم شدكولون الحك اكمل
تره ولله الوزاره خطأت بحقنا اني من الطلاب الي ما يطالبون بالمحذوفات واصلا ابتعد عن شي اسمه حذوفات بس مرات تكنون مضطرين يعني شنو يصير إذا خلو الامتحانات بشهر السابع تره محد يلحك 80 % من المدارس تقفل المنهج بشهر الخامس وهم بهذين الشهرين المدرسين يشربتون تشربت ولله اني اهليه وكلشي ممستفاده كله على إليوت الوزاره خطأت بحقنااا ولحد يجي يريد يهدي الوضع تره الطالب ما ماره عليه الماده هاي اول دراسه اله قابل يردون الطلاب يعيدون غصبا ما عليه
@@Phnon66 اني وياك ترة و حجيي وياكم بس دا اكوله ان حتى الدفع الي جانت الظروف بيها طبيعية 2018 جانت امتحاناتهم بنهاية السادس و جان منهج اقل لان جانوا فروع و احنه هسه مدري شمتسلط علينه عبالك يهود
بعد ما حسبت تراكماتي وتكميل المنهج طلع بعدلي ٣٤٤ تقريباً محاضرة تراكم ومنهج ما شايفتة بعدني بكل المواد السبعة فد ١٣٣ بيهن الوقت مال المحاظرة الوحدة ساعة ونص و٢٠ محاضرة مدة كل وحدة ١ ساعة ضبط والباقي بال٥٠ دقيقة او ٤٨ دقيقة هذا كلة واني ما مأيسة لحمد لله متوكلة على الله ومنا لوكت المراجعة الله كريم بلكي احصل مراجعة كافية اذا كانت حالك افضل مني احمد ربك وكوم اقرة احسن الك
صح اني مو طالبه سادس لاكَن هم مريت بمرحله وزاريه اكُبر خطأ توكعون بيه السهر بفتره الامتحان مثل باجر امتحان وزاري كمياء والنت. ينقطع بالاربعه الصُبح انت تنزل مقاطع قبل لا ينقطع تنام ب 2 ليل وتكعد ب الاربعه الصبح وهاا وانتَ من خليت راسك ع المخده بـ 2بليل مانمت ضليت تفكر ومايجيك النوم وهنااا انتَ او انتي كفرتوا واعتبر نفسك مجاوبت حاول تخلص الماده من وقت علمود عقلك يرتاااح نصيحه جداً جداً جداً جداً مُهمه😕 (عن تجربه)
@@z_ahr44ليش ليش هل تعظيم وتضخيم للبنية وتخوفين بيها ياختي لو تنغرضون چان الطلاب بخير يعني انتي داخل للفيدو والفيدو جاي يحجي على هذا الشي ويكول مو مهم شوكت تبدي المهم تكمل منهج وتراكمات وفوك هذا كلة سمعتية وكملتية وعندچ تناقض بيه ياختي ما الچ علاقة البنية مامكملة مواد انتي ليش تخوفينهة وتخربين معنوياتهة عجيب ياختي ارجع واكول معليچ بناس عليچ بنفسچ ظروف الطلاب تختلف من طالب الطالب زين واتمنى تفهمين كلامي بوعي وعقلانية
بما انُ بعدج ما مراجعة ومفكرة تأجلين عندي حل الج بعد 30 يوم للوزاري امتحني 4 مواد وقسمي الايام على 3 مواد والاسلامية وزعيها على كل الايام وأجلي 3 مواد ولازم يكون ببالج انُ بس تخلصين الامتحانات لا تملين او تضوجين لان هذا قرارج وانتِ تعرفين نفسج ليش أجلتي وهاي فكرة بس اذا عجبج طبقيها واذا لا ف براحتج ووالله يفقنا ونجاوب ونحصل الشي الي نريده لان اكيد الله ما راح يتخلى عنا❤
ماكو أحد مكمل المنهج، ماكو داعي لهل قلق فقط كملي قراية حطيلج خطة وامشي عليها وتجاهلي كل مشاعر الخوف وقلق لأنها ماراح توصلج لنتيجة اتمنى تركزين على الدراسة بدل الخوف، وبالتوفيق يارب.
اكو شي أسمه تدرس تنجح مو شرط تخلص المادة كلها لازم يبقى فصل او فصلين او مواضيع تكدر تضبطهم ويه المراجعة أبدو مراجعة أبدوو مراجعة والي ماخلص المواد او نسبة كبيرة من المواد لازم يراجع ويسد نقوصات
التوتر شيء طبيعي مو بس انتِ كُل الطلاب هيج اقري وادرسي من تروحين للامتحان صدگي كُلشي تتذكرين شكو شيء قريتي تجاوبي بس هذا الشيء طبيعي احساسج انو ناسية المادة انسي انتِ ناسية المادة لأن هسة ماكو طالب ميحس هذا الإحساس من يجيج هذا الإحساس لتهتمين كَملي دراستج وراجعي هواي ومن تروحين إن شاء الله كُلشي تتذكرين
@@بࢪلين-ث1ي الصراحه اجاني هذا الشعور من الخامس اعدادي يعني حيل ماثر عليه بالرابع صح بيه بس طلعت معدل ٩٧ وبس بالخامس ماكدرت اسيطر على نفسي مثلا علم الارض ماعرف شلون جبت ٧٧ بس بعدين قريت كلشي وقنعت نفسي اني ماراح انسى وجبت ٩٨ وثاني شهر ٩٧ الحمد لله بس هسه بالسادس اثر عليه هم وكلش اكتئبت منه ويوم الاحد امتحاني وحيل خايفه يجيني بس مثل ما كلتي راح اصدك نفسي اني كلشي اذكر
@@Aliali-de9teلتخافين ترا هوَ مجرد امتحان ع شنو الخوف أنتِ درستي وسويتي الي عليج الله ميضيع تعبج وكلشي تتذكرين وإذا ع المراجعة للوزاري بعدلج هواي وكُل مرة تراجعين ف بعد متنسين إن شاء الله + حسيتج شاطرة ما شاء الله مدري ليش 😂
@@بࢪلين-ث1ي والله صحيح بس بالخامس طلعت اعفاء فردي ب٩ مواد من اصل ١١ هم جان بسبب الخوف والله فجاء اجاني والمشكله اهلي ينتظرون مني نتيجه ان شاء الله الوعد بليله القدر ادعي نهار كامل
كلامك صحيح لان انه اريد اخلص التركيات المواد بشهر الرابع وراجع بشهر الخامس مو شرط الابشهر رابع مراجعه وانصح طلاب دفعتي انو يستغلون هاي الفتره أبشع استغلال صدكو اكو طلاب فقط خلال هاي الفتره طلعو معدلات و توكلو على الله ورضه بالنتيجة مالتك بالنهايه ماطول تعبت وحاولت وتوفيق الجميع ان شاءالله
حذفت كل برامج التواصل التلفون مدا اشوفه بس ساعه او ساعتين باليوم، مدا اطلع بس طلعت مرتين لحد الان من 26/3 لليوم ، بس النوم والصفنات علتي بحيث اذا اكعد ادرس 4 ساعات اطلع 2ساعتين فقط درست بترككيز يعني داضيع وقت هواي ماعرف شلون اعالجه عجزت فعليا، صارلي 3ايام بالكيمياء بفصل السادس يادوب ورقتين 💔💔💔
اذا تعرف بعد اخطاء الطلاب يوقعون بيها اذكرها حتى نستفاد ✨
صحيح لو لا يكولون الوزاريات اساس المعدل
@@Zahra313malakاي اساس المعدل
اذا جنت قاري كل الكتاب ومقاري وزاريات ما اضمن لك تجيب 100
اني اريد ابدي4/1 بالمراجعة بس ضلي وراثة لازمة الكتروني بس هذا ضل والتركمات راح اخلصها ماضل شي وكلت اخلي ساعتين للوراثة
@@jungkook_dano ححلو ابدي اذا هيج
انت مابادي بامراجعة؟.... ليش انتَ يا صف؟
منو مثلي واصل مرحله كام حتى النصيحه يسوي السرعه بيها 2x
اني ورب
اني حتة المسلسل
واتمنى لو ينزلون تحديث يخلون 4x
متت😂😂
😂😂😂😂😂 والله حته اني جنت اكول لخوي هيج@@cx1sz
احنا في اليمن اختباراتنا بعد شهر تماما وعايشة حاليا في تراكمات وزنقة كلاب رهيبة 💀💔.
ادعوا لي أجيب 99 😭.
تسموها زنقة *
احنة نسميها حصرة الجلب😂
@@MieralRF 😂😂
@@MieralRF زنقه كلاب😂😂
حصره چلب كلها محصورة،
زنقه جلاب 😂
نصيحه من طالب معيد
عوف شي اسمه مرشحات (لان اذا اجتي الاستاذ حيصعد براسك وذا متجي انته راح تدمر مو هوه)
مو هسه تضهر لمشرحات تجيكم قبل كم يوم من لامتحان ودوخكم
+هلشاب يستحق دعم ديتعب بفديواته هواي احسن من هواي ناس طاشين وتافهين
زين عندي نقوصات بكل ماده عدا العربي
اني اريد معدل ب 75_80 يعني اقرا فقط الوازاريات واجيب مراجعات شتنصحني
@@il0_c الوزاريات من وين اقدر اجيبها ؟
يارب ارجع بعد سنة واني ناجحة منل سادس ومحققة المعدل لبالي وكل طالب تعب على نفسة 🤲🏻🤲🏻
آمين يارب بسهلنا جميعاً.
ان شاء الله اطلع المعدل الي يرضيني ويرضى اهلي ❤ مابقى شي ان شاء الله ❤
يارب كون 70معدلي😔💔
اخوان مبدئياً الله يوفقكم يارب ويسهّل عليكم،اني توني انعفيت عام وصرت سادس،وأحس هواي ضايعة فـ ممكن تكولون الي شنو الأشياء اللي فادتكم او ملاحظات وأشياء اخذتوا وقت حتى تعرفون حلها او أخطاء..؟
بارك الله فيك ❤
اكدر اعتمد ع الثوابت الوزارية بكم مادة اذا متأخرة بيها؟
لتنسه دفعه 2025
الخطأ الثامن ابد لتسهر ونام نوم كافي وتوكل على الله ولتخاف وابتعد عن التوتر
😂😂صارن 14
@@user-Jabberلا صارن 13
استفاد من اقره بالسهر اكثر
بالعكس اكو يستفادون من دراسة الليل لان البيوت هدوء وبس السوادس كاعدين
@@zoz7 حبيبتي اقصد يعني تسهر وتقرة بدون متنام او تنام ساعة او ساعتين وهلشي غلط
هاي سنه ااحس حيجبوها سهله الكم لاتخافون
بلا شوفيلي احساسج للثالث
حتى اني احسها هيچ
تعليق يفتح النفس❤
لا حيجيبوها صعبه
صح اني دفعه 24 وهاي اول سنه الي بس راح يجيبوها صعبه
@@10n.17 شوفي ليش يجيبوها سهله لان العام جابوا الاسئلة كلش صعبه ف هل سنه يجبوها سهله لان انتم راح تمحننون الكتاب كله ولأ سدوا تعيين المركزي لطبيها وح ينزلون المعدلات.
ومن صدك الخطأ الثاني اقارن نفسي دائماً واحسهم كلهم راح يخلصون واني لا..اسوء شعور🦭💔
++++
يدمرررر لشعور خصوصا ويه واحد يريد معدل ويريد يسخت💔💔🥹
@@tamatama677 احس نفسي فاشله من اسوي هيج بس حرفيا مدكدر وكلما افكر كلما اسخت اكثر
داخله اكتئاب من وره هل شي احس روحي مدا انجز شي
@@lemn9 +++
أذكر خطأين سويتهن طيرن المعدل والدرجات الي طموحي أحصلهن
السهر ++ التوتر
طالبة سادس محاولات لمادة وحدة بس.
بحق ليلة القدر السنة التجي اني ناجحة ما أنسى اهمشي أفرح بابا.
واو 14 لايك خلال 5 ساعات شكراً حطمت الرقم القياسي.
واو 370 لايك نوب قرب العيد أحلى شي لازم يدخلوني موسوعه غينيس للأرقام القياسية شكراً جعل كل من خلالي لايك ينجح من السادس وبأعلى معدل
امين
اللهم امين انشاء الله نطلع من السادس بمعدل عالي بجاه ليله القدر
يعني چنتي تقرين و انتِ سهرانة ؟ لأن أنا جاي اسوي هيچ يعني خطأ يارت توضحين لي حتى الحگ نفسي من هسة
اسأل الله بهذا الشهر العظيم ان يفرحج فرحة تسجدين وتبجين من الفرح ويفرح ابوج ويخليه الج يارببب 💗💗
@@N00r-h.nكلمن و ظروفه مو تشوف الولد يكلك بل فيديو لا تقارن نفسك بل اخرين
عمي يا مراجعتين! زين إذا لحكنا نكمل المنهج
ادعولي اجيب ٩٣ شلون ما چان كون اجيبها
تكدر او تكدرين تجيبي 100
@@زهِࢪة-ب9ق منين يحظي؟
بس شنكول غير انشاءلله
@@zozox2 الله يستر عليج شكد متفائله😂😂😂😂💔متت
@@زهِࢪة-ب9ق بس نخلص امتحانات رجعيني خل أبشركم او يعني شسمه اختفي حسب الاوضاع بعد
@@zozox2 خوش
مابقه غير 55 يوم اني لسه ممكمله ولا مراجعه.
ولكن • عـَنـدʊ̤ ثقه برب كريم 💙 ادعولي عساكم بالخير
اني هم بعدني ما مكمل المواد
ان شاء الله الحگ اقره واراجع قبل الامتحانات
العد التنازلي
46
أيام
21
ساعة
30
دقيقة
43
ثانية
+++
الخطأ الثامن بهاي الفتره لاتظل تطلع وي اصدقائك او تروح لجمعات العائله يااخي هي شهرين انعزل بيهن واطلع بنجاح عظيم ❤
هذا اكبر خطا اذا ما طلعت لان يصير لاود ب عقلك
جمعات العائلة شدخل مو لهل درجه واحد يعزل نفسه
@@sajaf06 اليريد شي يعوف شي
وعلى فكره نصيحتي هذه تعتمد على المعدل والتخصص اللي الشخص يريده
@@RawanOmar-sc7gi ادري عيني بس مو لهل درجه يريد شي يعوف شي تحسسيني قضيه حياة او موت
@@sajaf06 تره هذا مستقبل مو لعبه يعني حياتج الباقيه رح تحدديها انتي شلون تقضيها وبيا تخصص وبيا لقب وكتلج تعتمد على المعدل اللي تريدي يعني كل ما كان المعدل اقل كل ما كانت نسبه الحريه اكثر بهاي الفتره
كم هائل من الضغط يروح ب 10 دقايق ، شكراً بكل معنى الكلمة 🤍✨.
حرفياً
حجي حقيقي بس احنا برمضان وانت صورة غلافج يعني مو تماما فخاف تجيبلج سيئات انت بغنة عنها فبس حبيت انبة وانت حرة🫡
اختي صورة حسابج اثم جاري اتمنى لو تغيريها ❤️
اي والله جنت حايرة
ما اتفق بنقطة معينة انو ما نشوف محاضرات برأي عادي نشوف محاضرات مراجعة مركزة شرح الاستاذ يخلينا نتذكر المادة وهي المراجعات تكون قليلة ف تفيد اهواي
اتفق
صح آنـي ماأگدر بدون محاضرات احس نفسي كلة ناسيتة 😢😢
هو قصده ع محاضرات كامله يعني يشرح من جديد مو ع مرجعات مالافصل
صح اتفق يعني اغلب الي طلع من اوائل يدرسون على استاذه وحتى لو ماطلعو من الاوائل لكن معدلاتهم عالية ويكولون على يااستاذ نعتمد وبالنهاية، انته تريد وانا اريد والله يفعل مايريد المعدل المكتوبه النا راح يكون النا
حتى لو جانت محاضرات مال فصل ترا عادي لاتنسون احنه انكبسنا بالموعد و المنهج فمو مال واحد يكعد يدور مثاليات
الايجابية ⬆️⬆️
وانتَ هم ادرس لتنشغل باليوت ومحتوى مبقى شي 🤍✨
ليش هو ب سادس
@@c5er اي دفعة 24
@@شهزوعلمي
@@Zahraa-ou9hd
اكيد لانة عندة فيد شون ندرس الاحياء
@@شهزو زين
ياربي باقي 70 يوم فقط يالله سهل علينة بحق هذهِ ليالي شهر رمضان الكريم وفقنا واخرجنا من السادس من اول دور
٦٠
يمه😮
هواي بعد خنسخت
@@حسنيناليساري-ي9ذكل عقلج ما ضل وكت اصلا
62
تعجبني جودة 2160p الي تصور بيهه ❤
الكتب الي وراك:
مفاتيح الجنان ، سيكولوجية المال، الأب الغني والأب الفقير. الباقي ما كدرتبه😂
أعتقد العادات الذرية الكتاب الي لونه ابيض
فكر و ازدد ثراءا
العادات الذرية ما عندي مع الأسف 🫠
@@isal_mjrb
لازم تقراه كتاب عظيم
سلام عليكم 🙋 اني طالب 💔ثالث دفعة ٢٠٢٥💞 اتمنى❤️🔥 منكم ان تدعولي انجح للرابع علمي وشكو واحد💓 يدعيلي إنشاءالله ينجح 🎉ويتوفق طول حياته ✅
المدارس الحكومية اسوء المدارس بالعراق يعني ليش الاهلية مكملين مواد كاملة بحيث الطلاب 4/1 تبدي تراجع و احنا طلاب الحكومي باقيلنا 5 افصل فيزياء و 3 فصول من الكيمياء و الرياضيات💔 شوكت نكمل شوكت نراجع .. بسبب العطل الزايدة و نقص الكوادر التدريسية صارت المدارس الحكومية فاشلة و غصبا عليك تعال ادخل اهلي زين الفقير منين يجيب!!!
مو كل الاهليات مخلصين انا واحد منهم بعدنا بحيث الكيمياء بعدنا ب4 والفيزياء تركنا ال7 وال8 رحنا على ال9 والقواعد بعدنا بالمدح والذم والانكليزي بعدنا بيونت ال6 والاحياء بعد فصل ونص والاسلامية وحدة ونص ، وانا تركت الدوام وكعدت اكملهن بالبيت لان صار ضغط كلش جبير على الطالب ، ف عادي حتى احنة ما امكملين وان شاء الله نتوفق بإذن الله .
كلاوات
اصلا نص المدارس الأهلية ميلحكون يخلصون ويبقون يجرجرون بالطلاب لنص الرابع
واغلب طلاب الاهلية بالنهاية يعوفون مدارسهم ويرجعون لليوتيوب
مو شرط
مدرستي اهلية وراح نخلص يوم
25/4
علما ما عطلنا ودك اضافيات
والمناهج بعدها
مدرسين الخصوصي هم هيج ممخلصين منهج
لن الاهلي بلعطل يداومون الحكومي بلعطله ميداومن واضافي مياخذن وغير غياب المدرسات واهمالهن
باقي ٦٣يوم والعد التنازلي بسرعة فائقة ديمشي نسئل الله انو يسهل النا ويوفقنا يارب ماعدنا غيرك 😞✨
راح اكتب هاي تعليق وان شاء الله اجيب معدل عالي ادعولي ورجعوني بعدين يارب 🤲🏻🤲🏻❤️
اول خطأ سويته استسلمت💔…
بس هسة رجعت وبقوة💪
كفووو ضحى + أحلى آرمي 😭🤏🏻
يارب اكتب الي المعدل 99.85 ادعولي❤
يارب العالمين اسمي وأسمج بقائمه الاوائل على العراق
بحق الامام علي انشاء الله اني وانتي وانشاء الله طلاب السادس المعدل الي بالهم
يارب العالمين اسمي واسمج بقائمة الاوائل ع عراق
ادعو لي ابلش 4/20 ولحك اكمل بعد من رول لاخر الكتاب
ولفيزياء فصل 7*8*9*10 😢+ قررت اجل نكليزي وكيمياء.
اني هم 20
آني راح ابدي شهر 5 🦦💥
اتأجل ؟
انها المرة الاولى التي اكتب فيها تذكارة ,لم يبق سوى القليل اامل ان اعود بعد هذه ال70 يوم وانا اصبحت صيدلانية لطيفة
بشري
@@IRQ099 عيناي معدلي طلع 91.43 ومحيقبلني صيدلة القبولات بعد ما نزلت لكن اكو امل جدا جدا قليل انو اكون صيدلانية
مراجعه مركزه لا تجيب لاتجيب مراجعه مركزه مراجعه لا تجيب مركزه ابوس ا يديكم اعتمدوا بس على مصادركم كافي تجاره براس سادس واحنا الطايحين بيها
مو كلهه سوه
_يا يا يا توچ يله حجيتي واني اليوم دخلت ويه علاء السعداوي بـ 60 الف مراجعه مركزه_
@@boq90حبيبتي تره المراجعه هايه اذا انت ما قاريه ولا شي من تقريها تجيبين من ٨٥ وفوك يعني مضمونه حيل
@@Ko_111-cy1iw_هـوه اني ڪلشي مقاريه بـالانڪليزي (صفر اني بالانڪليزي) ونعمه اذا اجت 85 اذبح طلي،، والله العظيم صار ڪم سنه اني ادرس انڪليزي ولا مره عبرت درجاتي من خمسينات😂_
_رتب الڪلمات الاتيه ههههههه😂_
فكره انو لا تراجع وانت ما امكمل منهج هي متنطبق علينا احنه دفعه 2024 لان اذا ننتضر الحد متكمل هي للخامس وماتوقع الوقت يسعنه انراجع بيه منهج كامل ومكثف تطبيقي واحيائي
اني ڪلشي مافاهمة بالفيزياء والڪيمياء واريد احفظ التراڪمات مو قصة مراجعَة🙈🎀.
هاي انا
صيري سباعية وبلشي من اليوم عندج بس اول ٣ فصول طوال شويه والباقي كلة سهل
اني بعدني ما بلشت فتره المراجعه ولا داسوي تراكماتي ولا دادرس بس من هذي اللحظه راح ارجع ادرس واحاول واهمشي اعتمد على رب العالمين اي شخص يشوف تعليقي يدعيلي اخلص سادس بخير وسلامه واكون راضيه احبكم ❤️
مثلج والله وان شاء الله باجر راح ابدي أراجع اقصد ابدي اقرة من جديد وان شاء الله الحك 😢😢
@@ايلافحيدر-ر9زبديتي؟؟؟
الرياضيات يحتاجلهة محاضرات لان هية مو حفضم او قواعد تقدر اتراجعهة خصم الحجي الرياضيات حتلو فاهمة اذا مو واحد يحل كدامك وتحل وراة ماراح تذكرة فالمادة الوحيدة الي مراجعتهة اتكون محاضرات هية الرياضيات. واني اذكر جان عندي امتحان شهري الفصل الثالث 38 فديو خلصتهن من 6 الصبح لحد 6 المغرب هاذ الحجي بس اباوع شرح وحل بس مسئلة من الفديو وخلصتة
لا خطأ اذا رجعت على المحاضرات وناسي شون تحل يعني ما فاهم
باع اكو خطأ سويته ببداية السنة انو قريت ع مدرسين بداية السنة وبنص السنة لمن اجيت اقره لكيت نفسي كلشي ماذكر ولا افتهم شنو الحل شكد حاولت رغم اني اكتب كلشي فما رحت وره نصف السنة كلت اقره ع غير مدرسين وجبت ملازمهم وهس اني ملحكت اقره الفصول الاولى وهس اني شسوي؟ يعني داقره الكورس الثاني مثلا رياضيات بس ارل فصلين فاهمتهن بس مو مضبوط وهس بعدني بالثالث ببدايته
اني كذلك درست على مدرسين موزينين وبعدين ورا نصف السنه غيرت وحالياً حاير شلون اكمل المواد الفصول البقت وشلون ارجع عالفصول الاوله
@@drAlaa اتمنى يساعدنا هلولد مدامه عنده خبره شوي
نفس وضعي ولحكت اكمل العربي ادب وقواعد رغم مدرس الدورة سيء جدا بس اليوتيوب موجود
اني سويت الخطأ الاول وحيييل اتندمتت
اتخيلوا بديت مراجعه من شهر الثاني واني ولا ماده مكملتها وعندي دوام بالمعهد وتحاضير وتراكمات واحس ضيعت وقتي بالمراجعه الي مالها فائدة. شباب لحد يراجع الا يكمل منهج ويراجع بالصورة الصحيحه وهنا مراح يكون عندك تحاضير ولا تراكمات بالتالي تكدر تراجع وتركز بالماده الي جاي تراجعها وتضبطها واهم شي مايسيطر عليك الخوف بوقت الامتحان يعني اتخيلي سنة كامل تتعب وتقره واخر شي تخاف ومتجاوب صح! حرامات والله
اخوان لحد يتوتر شسالفه ترة هو امتحان اتس اوك🙂ادعولي اخوان ادعولي فدوة اروحلكم✨❤❤
نشاءالله تنجحين ونجح وياج تراكمات بكد شعر راسج عندي ☹️🥲💔
جاوبوني بس فدوة بدون مجاملة اذا بلشت اراجع 25 بالشهر ومراجعة وحدة اطلع معدل 99 ؟!! لان التفكير موتني
اني ابلش يوم ٢٠وهم بعد منهج ممخلصته
يس تجيبين
@@عسل-ح2ن اي حيل خايفة رغم اني من بداية السنة ادرس وما كملت
@@Bdoor-i6k عادي اني من ٢٠٢٣/٦/١ ولهسه مخاتمه منهج بقت يم الله
اي تكدرين بس لازم متضيعين اي دقيقه تدرسين اقل شي ١٢ ساعه
حسب خبرتي القليلة من طلاب اعرفهم اذا خلصت اسلامية عربي أو انكليزي و بعد عندك العلميات ما مكملهن اتسوكي تكدر تقسم جدولك و تراجعهن بس بشرط ما يأثرن على تقدمك بالمواد و انطي لكل مادة استحقاقها لا أكثر و لا أقل و لا تستهينون بالاسلامية و الأدب و الانشاء تره هذني هم عليهن درجات بالوزاري و لا كلش ادمر نفسك و تترك النوم و الراحة بكل بساطة تكدر ترتب جدولك و تنام و تكمل حياتك طبيعي و الأصدقاء حاول تبتعد عنهم لان راح تصير مقارنات و لا تعتمدون عالمرشحات و أيضا مايصير تعوفون الكتاب و تقرون بس وزاري و مايصير تعوفون الوزاري و تقرون بس الكتاب بس اولشي تكملون الكتاب يله تعبرون عالوزاريات و لا تهملون بأكلكم و عبادتكم و واجبكم تجاه رب العالمين و بركم بوالديكم و لا تخلون الف مصدر هو مصدر واحد كلش يكفي و تفاءلوا ان شاءالله تجي الأسئلة زينة و الله لا يضيع اجر من احسن عملاً
دمتم سالمين ( ＾ω＾ )
الوزاريات من وين اقدر اجيبها ؟
من هل اللحظه راح ابلش وبهمه مو من أجل واحد من أجل نفسي اني الي تعبتتت هاي ال١١ سنه مهما كان مستواي بيه
بس هذي ال٧٠ يوم راح اخليه مثاليه وهذا وعد لنفسي راح احقق كلشي كلولي متكدرين تحققي
بأسمك الهم نخوض دروبنا النهائيه آملين ان لا نتعثر💪🏻🩺٢٠٢٤/٣/٢٩ بدايه النهايه
تعديل: رغم هل المعانات والظروف الي مريت بيه هل ال١٠ ايام رجعت احاول من جديد ونكول يا الله
طلاب 2024 اثبتو وجودكم
بديت مراجعه بإذن الله التسهيل من رب العالمين ادعولي ولكم بلمثل.....❤
اني بس مادتين راح اقرا عليهن محاضرات اللي هي الكيمياء والرياضيات
اني هم
لازم ضروري تقرا رياضيات محاضرات ترا تبعرها اذا متقرا محاضرات بس سوي x2
@@-alightmotion4484محاضرات شنو مراجعة لو دراسة
والفيزياء ع منو؟+مفهمت قصدك بالمراجعة تراجع محاضرات؟لو شلون
@@ماتيلدا-ج7خ والله اني كلهن اقره محاضرات بس اسرع لان اني، بدون يوتيوب فاشل
يا الله نرجع لهتعليق بعد 3 اشهر انشالله المعدل فوك 80 ❤ التوفيق للجيمع يارب
احس الولد راح ينقبل طب عام
طلع معدلة ٩٨.٧١ مع الإضافة الله يوفقة❤
احسن نصيحة ممكن اقدمها الكم ابتعدو ؏ـن التليفون لان بهل فترة سبحان لله كل الناس تصير سادس وتتأثر بكلشي يعني مثلاً اني اشوف صديقتي دا تدرس مادة واني ممضبطتها اتوتر كلش ! او شو شخص خلص ٣ افصل واني بعدني ب لاول كلش اتوتر هم .
" قد تتاخر فتسبق الجميع "
اعععععععع شكرآ الج والله جنت محتاجة
هيجي نصيحة والله شكرآ تعرفي ليش لأن بت خالي هية تقرة يومي او شاطرة او مسوية جدول تقريبآ كملت ٥ او ٤ مواد انة مكملة بس ثنين رغم مسوية جدول لأن هية تقرة مادة مادة او انة مدام مال الحك بعد باقي ١٤ يوم اقرة مادتين باليوم او همين جاي املن من اقرة مادة وحدة وشكرآ ودعليلي بالتوفيق طالبة ثالث + ليوم عيد ميلادي😂😂❤
11/ 4
رجعوني اخلص المنهج واراجع
اني 15/4😢
طبعا ااني وحده من الناس بديت بكل طاقه وحماس واصلا اني جنت شاطره بقيه لمراحل وبلخامس انعفيت عام بس وره وجنت التزم وامتحن ولااعوف فد شي يتراكم عليه وحيل ضغطت ع نفسي بالبدايه وجنت حابسه نفسي عن العالم وبس اقرا بس ورا نص السنه نهايه الشهر الثاني كمت مالي خلك اقره ومالي واهس حته امتحن بالمعهد فصار عندي تراكمات وقررت ابلش مراجعه 4/15 بس خايفه انو اتأخر وبنفس الوقت ماخاله بالي اي ماده اجلها صح عندي تراكمات بس اكدر اكملهم واراجع منا 4/15 بس خايفه اكو اخاف اتأخر لأن اعرف صديقاتي بلشوا 4/1 وبنفس الوقت احنه كمعهد قبل ثلاث ايام كملنه
@@r90me لا الوراثه قاريته ع سالم وكذلك لعضويه
زعاطيطنا جماعة الثالث اثبتوا وجودكم
شكراً على الفيديو لطيف و جميل و المونتاج صاير يخبل و طاقة الايجابية دتزداد . 🤝✨
- كُل انسانٍ رَقِيبٌ عَلَىَ نَفسهَ .
يعني مو الة واحد يسحلكم تكومون تقرون و اذا بيكم سكري مثلاً مو الة واحد ينبهكم متأكلون سكريات و اذا عدكم حساسية او جي تمنعكم من أكلة و علاقتكم وية ربنا ف.. محد مااكو ينبهكم و يكللكم جي ف.. اي انتو على نفسكم رقيبين فكونوا خوش رقيبين و تذكروا انو ربنا يحبكم و لكل منكم مكانة كبيرة عندة و حتكونون شخصيات عظيمة بالمستقبل .
مثلا اذا نقص بسيط الهندسه رياضيات عادي اقراهه بلمراجعه
كلاميات الوراثه؟
التطبيقات مال رياضيات قاريتهه بس احس مامضبطه اكملهن يلا ابدي لو عادي بلمراجعه.
مادري بس بالنسبة الي ما اضبطهم قبل لا افوت للمراجعة اضبطهم من اوصلهم حتى لو يرادلهم وقت والهندسة غالبا اقسمها على ايام المراجعة لان صعب هيج مره وحده نفهمها ونضبطها
@@atyafy هوه داحاول بس المواد من نقراهم نعيدهم وبالمراجعه نفتحهم اكيد مانضبط هسه بس انو مرت علينه وشفته فيديوهات بس حسين يكول لازم مضبطهه يلا
وهواي مواد ميصير نجلب بماده وحده
عن نفسي مادتين بليوم بس أقره بالماده الوحده أكثر من موضوع لان ماكدر أكثر من ماده.
شلون اقرة بدون محاضرات؟؟
مااعرف اقرة وحدي.+ ممظبطة الفصول الاولى فلازم اقرة عالمحاضرات
شكم نفر راح يبلش يراجع ٥/١ 🫡؟
اني
🫡🫡🫡
يمته تبدون تراجعون
هم من الاخطاء تسألين هذه السؤال لان راح تتشتتين 🩵
@@cullve اي ادري لان متاخره وحايره بوضعي
طالبه خامس مبقى قليل واطلع إعفاء وابدي سادس ومن هسه دا اشوف نصائح حتى ما اوكع بخطأ توتر وخوف شوي بس ان شاء الله خير
و أسأل الله التوفيق والنجاح للجميع✨✨
++
بالعكس سالفة المحاظرات عاديه مو خطأ انتَ تدري المحاظره تفيد اكثر حتى من الذاكره الصوريه ؟ حرفياً تتذكر كلشي منها
اي صح
@@i55xi 🙈🤎
كلشش خايفة بعدني ممكملة مادة وتراكمات ، حذفت كلشي صاࢪ فترة حتئ ماانقهر من اشوف العالم كملت واني بعدني 💔.
ليش تنقهرين حبيبتي يعني احسن تقرين ماده ركض ركض أو كلشي ما تفتهمين منه تره اني بعدلي الفيزياء 4 افصل الكمياء فصلين عربي موضوعين انكليزي بعدلي وحده خلصي مواد او بلشي مراجعة
@@الوردهالحمراء-ف8ع حَبيبتي أنتِ ، يلا ندرس ونكول الله كريم 🤌🏿✨، أستمري
هذا الفيديو راح يخرب واهس كل طالب لان كل طالب ودراستة الي يفهم عليها يقره كتاب او يكتب او يشاهد محاضرات بل اخير هوه راح يجاوب
كطالبه معيدة:
راجعت اكثر من ماده مثلا جنت اخصص ٤ ساعات رياضيات وهيج
وهذا اكبر خطا من تراجع راجع بس ماده وحده
____________________
هذا الشي دمرررررني وخلانيييي اعيد مع العلم قريت المواد كلها وماجنت مقرره اجل
بس شنو شفت ينزلون مرشحات وعقلي لا اراديا صار يزوم بس المرشحات. والله لاتصدكون باي شخص يكول مرشحات
الوزاريات ماحليت هواي كل سوال بي فكره اكتبو يمه
لا تغيرون مصدركم ياجماعه لاتغيرون مصدركم ياناس لاتغيرون مصادركم.
واول مادخلت بفتره المراجعه بكل قوتي وحماسي ومن وصلت لقبل النهايه تعبت ماضل واهس
يعني وزعو طاقتكم بالتساوي
اطلعو من كل كروب يدز ملخصات مرشحات كروبات الطلاب ابتعدو. اختارو الاصدقاء الصح
ماعليكم بفلان خلص ماده وفلان بدا مراجعه
هملت مواضيع كلت يلا اراجع عليها مره ثانيه ولكيت عقلي مايستقبل اي معلومه
وشي طبيعي من تخلص ماده تروح للثانيه تحس نفسك ناسي جدا عادي
امتحنو انفسكم بكل فصل.
زين ممكن سوال اني كاعد ارجع نقوصات بس اسلاميه وادب كاعد ارجع وياهم عادي
@@هاديمحمد-ط8ذ اي هاي المواد عادي
اني مداعرف شوون انظم وقتي وماعرف شلون المراجعة وشنو فتره مراجعة ولا واحد من اهلي سادس أكدر أسئلة ممكن ساعديني وهذي اول سنه الي حبابه كلش متأخره وتراكم عدي هوايه مداكدر انظم وقتي ابد
@@Sos_2004. حياتي انتي اني اختج هسه اجيج على ماده ماده اسليني ماده ماده واجاوبج عليها بتعليق علمود ماتدوخين
@@hh_17_a فيزياء بعدلي ٥ فصول مادري شسوي بهذي الحاله مشكلتي احفظ منا انسى منا
والله عظيم كلامك ذهب صح لسانك
100٪ احنا نسوي هذا حالياً انا جاء ادرس بل مدرسة بعدها ما مخلصين
سويت جدوال مراجعة وإني علي تراكمات
واني لا أدرس المراجعة ولا التراكمات
اهم نصيحة تسمعها هي ثقتك بنفسك وبرب العالمين وصحتك لا تخاف ولا تتوتر اسعى اركض باحلامك وادرس هو مجرد امتحان ومجرد ورقة احتوي نفسك وارشدها وانصحها كلش راح يمر ويعدي كلها فترة مؤقتة صدكوني مو مهم النتيجة المهم السعي انشاء الله نرجع لهذا الفديو واحنة خالصين من السادس ❤
صراحة كل واحد و وضعه اني دخلت المراجعة عندي تراكمات قيامة الله لكن سويت لنفسي جدول و فصلت المواد الي قاريها من الي ما قاريها و خلال شهر و نص قدرت اخلص مراجعة و تراكمات و زاد عندي ١٠ ايام كعدت اكتب بيها و احل وزاري و الحمد لله معدلي ٩٧ و رحت طب بابل
و لنصيحة لاي شخص لا تخاف و توكل على ربك و التزم و حتى إذا مطلعت معدل عادي الدنيا موقفت كمل حياتك و ربك راح يجيب لك رزقك ( و عسى أن تكرهوا شيئا و هو خير لكم و عسى ان تحبوا شيئا و هو شر لكم و الله يعلم و انتم لا تعلمون )
اني بالضبط نفس الشي وليهسه بالمادة الثانية واحس مرح الحك لا تراكمات ولا اكمل مراجعة المواد كلها وماريد ااجل دور ثاني بس اكتشفت المواد ضخمه وتحتاج كل مادة ١٠ ايام شنو تنصحني اسوي لان تعبت رغم اقرة ١٢ ساعه باليوم ومدا الحك
@@Phnon66قبل كل شئ شكد ما تقدر تقرب من رب العالمين لأن صدقني شكد ما اقلك ربك يسهلك جذب و الله كل ما تخلي ايمانك بربك قوي و أنه مراح يضيع تعبك ترتاح نفسيتك أما بالنسبة للنصيحة فاول شي لا تقول احس و ما تحس مال تفكر بشي بعده مصاير هذا بس أذية الك و حاول تعوف تلفونك قفله و ذبه لأن بدال ما تخلص المادة بساعتين راح تخلصها ب٥ ساعات بسبب التلفون فتركه ثاني شي الزم ورقة و قلم و اكتب كل التراكمات الي عندك و سويلك جدول بحيث تقسمهن على الايام منا للامتحانات شوف روحك شنو مسيطر عليه و شنو الي اله الأولوية بالقراية و كنصيحة اذا تريد معدل أجل دور ثاني لأن الوقت ميكفي كل المواد ثالث شي اقرة و ركز على الشغلات المهمة فاللهم مثلا الفيزيا اهم شي بيها هم أول ٣ أو ٤ فصول فركز عليهن و ضبطهن و الباقي حتى لو بس تضبط اسئلة الفصل و الكلاميات زين و انصحك تشوف فديو لواحد اسمه سينسي كلش يفتهم و مسوي جدول يفيد بحالتك هاي رابعا و اخيرا حتى لو لا سامح الله ما حصلت المعدل الي تريده خلي ثقتك بربك جبيرة و اعرف انه حياتك متوقف على ورقة امتحان الحياة اكبر و اعمق من شهادة و معدل و الله يوفقك و يسعدك يارب و ينطيك على كد تعبك و أن شاء الله اي شي تريد اني حاضر
زين اشلون جان جدولج اني هم عندي تراكمات هواي وحايره
الخطأ الثامن:
لا تجبر نفسك عالنوم بالليل في سبيل تگعُد الصبح من وقت وتدرس ترى مو شرط ندرس الصبح وبالليل ما نسهر مثل ما دا يحذرونا كل الي يقدمون نصائح واكوو هوااااي مثلي يفهمون بالليل وميأثر عليه من يقرأ بالليل ويسهر.. وبالنهار ما يفهممم حرررف بس شنو بسبب النصيحة الي بكل مكان موجودة "لا تدرس بالليل، لا تسهر" يروح يطبقها وميستفاد ابداً❤
اهتمّ ثم اهتمّ بهذي الأيام يا طالب السادس مستقبلك يعتمد عليها❤
بس موشرط مراجعة تغير مصدر ءاني اكولكم شلون الي يريد يجيب مراجعة ف يقرا مصدره يضبطه نفترض فصل اول اجي اراجعة بلمراجعة المركزة نوب احل وزاريات ليكول لاا مدري ايش
بنت خالتي هم جابت مراجعات وهسة هية طب عام
كلامي الي يريد يجيب مراجعة مركزة 🌝💜
الغلط موبيها الغلط اذا اعتمدت عليها بس بس اذا من تضبط لفصل بمصدرك اساسي وتراجعة بلمراجعة مراح تنضر وهلكلام عن تجربة
زين شوفي
هسة الفيزياء اني قريت الفصل الاول وجبت مراجعة مركزة حسين محمد
@@حوراءحسين-ص2طاهمشي،تضبط للفصل ب مصدرك تضبطةة مية بلميةة ونوب اراجع لفصل بلمراجعة المركزة وحل وزاريات. بس اهمشي تضبط ب مصدرك اساسي
باع عيني ما اعرف لله منين دزك بـَسہ انتَ طمنتني ؏ اشياء هواي جنت خايفة منها ❤
اني من الطلاب الي يادوب الحك اكمل المنهج يعني ماكو مراجعة ✨🗿🤍
عادي قسمي مواد الى نصفين
الاسلاميه والعربي والاحياء والفيزياء دور اول
والبقيه دور ثاني
@@Abbass2005 هو هم هيج السالفة
اني عندي مشكله اني بديت بالسادس بحماس يعني ذبيت كل طاقتي بالبدايه ومن قرب يخلص السادس بديت اتراجع ماصار عندي واهس
بعد ادرس واني هس لازم ابدي وهواي عندي تراكمات
الفصل 1 ,2 ,3 من كل ماده ضابطته والباقي بس فهم شدكولون الحك اكمل
تره ولله الوزاره خطأت بحقنا اني من الطلاب الي ما يطالبون بالمحذوفات واصلا ابتعد عن شي اسمه حذوفات
بس مرات تكنون مضطرين يعني شنو يصير إذا خلو الامتحانات بشهر السابع تره محد يلحك 80 % من المدارس تقفل المنهج بشهر الخامس وهم بهذين الشهرين المدرسين يشربتون تشربت ولله اني اهليه وكلشي ممستفاده كله على إليوت
الوزاره خطأت بحقنااا ولحد يجي يريد يهدي الوضع
تره الطالب ما ماره عليه الماده هاي اول دراسه اله قابل يردون الطلاب يعيدون غصبا ما عليه
حبيبي هم دفعة 2018 حالهم حالك امتحاناتهم بنهاية السادس
احب اذكرك انت منهجك أكبر منهم ب3 فصول هندسة و فصلين فيزياء و مواضيع فرعية
@@Verbatim7ليش هاي هينة كلش تفرق اصلا احنه حيل انظلمنة دا نمر بضغط كلش جبير ماتوقع وصلت اله كل الدفع حتلو اكو جانوا متأخرين كدرتوا يلمون تراكماتهم وراجع ا بشهر وطلعوا معدلات احنه منهجنه صعب ومطول كلش وكل مادة متكفي تخلص ب ١٠ واني جربت وشفت مدا يكفي الوقت حتلو اقرة ١٢ ساعه
@@Phnon66 اني وياك ترة و حجيي وياكم بس دا اكوله ان حتى الدفع الي جانت الظروف بيها طبيعية 2018 جانت امتحاناتهم بنهاية السادس و جان منهج اقل لان جانوا فروع و احنه هسه مدري شمتسلط علينه عبالك يهود
ماكو حبي احنه اهليات وهم مامكملين
احنه حكومي خلصنه كيميه ورياضيات اسلاميه واحياء بقه شوي عربي بقه كم موضوع انكليزي قبل رمضان خلصناه كله
@@Rosella_2 الكيميا شلون خلصتوه احنه بعدلنا العضويه
هسه غير عندي وقت اكمل المنهججججج
+++++++
أشكرك أخي،
بَس شلون اكدر مثلًا اضبطُ المادة بس مِن خلال مُراجعة وحدة؟
بعد ما حسبت تراكماتي وتكميل المنهج طلع بعدلي ٣٤٤ تقريباً محاضرة تراكم ومنهج ما شايفتة بعدني بكل المواد السبعة فد ١٣٣ بيهن الوقت مال المحاظرة الوحدة ساعة ونص و٢٠ محاضرة مدة كل وحدة ١ ساعة ضبط والباقي بال٥٠ دقيقة او ٤٨ دقيقة
هذا كلة واني ما مأيسة لحمد لله متوكلة على الله ومنا لوكت المراجعة الله كريم بلكي احصل مراجعة كافية اذا كانت حالك افضل مني احمد ربك وكوم اقرة احسن الك
صح اني مو طالبه سادس لاكَن هم مريت بمرحله وزاريه
اكُبر خطأ توكعون بيه السهر بفتره الامتحان مثل باجر امتحان وزاري كمياء والنت. ينقطع بالاربعه الصُبح انت تنزل مقاطع قبل لا ينقطع تنام ب 2 ليل وتكعد ب الاربعه الصبح وهاا وانتَ من خليت راسك ع المخده بـ 2بليل مانمت ضليت تفكر ومايجيك النوم وهنااا انتَ او انتي كفرتوا واعتبر نفسك مجاوبت حاول تخلص الماده من وقت علمود عقلك يرتاااح نصيحه جداً جداً جداً جداً مُهمه😕
(عن تجربه)
ادعولي اطلع الصيدله
بس اريد اعرف انته بعدك دفعة ٢٤ بديت تتفيك هسة دخلص اكعد اقرة حير بروحك
الفيديو بوقته لانو مقرره اراجع بشهر 5 و خايفه
لا يابه متلحگين اذا بشهر الخامس راجعي بالرابع علمود تسيطرين وبراحتج تراجعين وتكملين ان شاء الله
@@z_ahr44 مو بعدني ما مكمله المواد جاي احاول اخلص التراكمات لان عندي تراكمات فضيعه
يا رب يصير خير
@@z_ahr44ليش ليش هل تعظيم وتضخيم للبنية وتخوفين بيها ياختي لو تنغرضون چان الطلاب بخير يعني انتي داخل للفيدو والفيدو جاي يحجي على هذا الشي ويكول مو مهم شوكت تبدي المهم تكمل منهج وتراكمات وفوك هذا كلة سمعتية وكملتية وعندچ تناقض بيه ياختي ما الچ علاقة البنية مامكملة مواد انتي ليش تخوفينهة وتخربين معنوياتهة عجيب ياختي ارجع واكول معليچ بناس عليچ بنفسچ ظروف الطلاب تختلف من طالب الطالب زين واتمنى تفهمين كلامي بوعي وعقلانية
@@mariam_2005.ستمري اختي كملي تراكماتج وعلى راحتج صدكيني شكد طلاب طلعت معدلات وحقق احلامهة وچان عدها تراكمات ومواد هوااااي مافاهمتهة شدت حيلة وكملت تراكماتها وراجعت وحتى لو المراجعة تبدي من 1-5 كلش طبيعي اهم شي ماعدچ تراكمات ومراجعة وحدة ومفهومة ومضبطة احسن من اربع مراجعات وخمسة وكلهن تشربت معليج بحچي ها متلحكين ها ماطلعين معدل معليچ اهم شي تراكمات كملهين وراجعي وكسري عيون الناس وان شاء الله تحققين حلمج
@@Mo_ohmd والله كلام يطمئن النفسية شكرا على كلامك 🤍🌸
إن شاء الله 🤲🏻
بعدني ما بادية بالقراية اذا ابدي من هسه وأجل مادتين الحك لو لا
بما انُ بعدج ما مراجعة ومفكرة تأجلين
عندي حل الج بعد 30 يوم للوزاري
امتحني 4 مواد وقسمي الايام على 3 مواد والاسلامية وزعيها على كل الايام
وأجلي 3 مواد
ولازم يكون ببالج انُ بس تخلصين الامتحانات لا تملين او تضوجين لان هذا قرارج وانتِ تعرفين نفسج ليش أجلتي
وهاي فكرة بس اذا عجبج طبقيها واذا لا ف براحتج
ووالله يفقنا ونجاوب ونحصل الشي الي نريده لان اكيد الله ما راح يتخلى عنا❤
بس سوال شلون امتحن نفسي واني ادرس يوتيوب
بوتات على تليكرام
اكثر خطاء يسوي طالب يسهر بليلة متحان وينام كا ساعه او ساعتين هذا شي خطاء اذا تسهر ابقئ كاعد وروح المتحان مو نايم اني صح سهر بليلة متحان وروح منايم شي عادي عندي ودرجاتي ٩٩ و٩٨ وخطاء ثاني ميصير تراجع ورا متحان وخطاء ثالث من تقره اقره بفهم حتا لو متئخر مهم ضابط موضوع بلتوفيق
بس سؤال اني بالكورس الاول جنت اقرا وزاريات بس بالكورس الثاني ما لحگت
الحگ بالمراجعه اقرا وزاريات؟ علما انو اني راح ابلش مراجعه 5/1
اي تكدر
اخوان سوال اني كلت اراجع الإسلاميه يوم سته واحد يعني ما اراجعهه هسه قبل الامتحان ب٨ ايام هذا الشي صح؟؟؟
اذا حافظتها وضابطتها مو مشكلة
اني جاي اكمل مادة ب شهر المراجعة 😂
++
++
جاي أنهار 🌹✨️✨️
شنو ممخلص منهج منو يلحك يخلص
حته اذا المنهج مكامل المادة البادين بيه راجعوهة حيضيع الوقت عليكم راجعوا اللي مخلصين واللي ممخلصي عوفوا اخر مادة
دخيلك يا ربي فيديواته ولا تنمل طالبه رحت للخامس وجاي اشوف هواي نصائح مالت سادس 😅وهم مو بس للسادس حطبقهن انشالله بالخامس رجعوني اكللكم شطلعت احبدي بشهر 8اقره للخامس وأسأل الله توفيق والحمد لله طبعا هل انسان هواي تعب بل سادس خصوصا بل عطله الله يوفقه ويسعده ❤
وياك طالب مقبل عل سادس بلخامس طلعت عفاء بدون ماقرة بلعطلة مجرد تحضير يومي
@@IRQ099 ها تمام هوه اني مو هواي اقره بس مجرد اطلع
كنت مثلج من اني بالمتوسطة واباوع نصائح وفيديوهات عن السادس ، وصار الموضوع حقيقة وصرت سادس 😂 بالتوفيق حبيبتي 💜
طالبه من الاردن ضايل 80 يوم يااارب معدل فوق 95 عشان امي يااارب 😔😔
احنا ضل 65يوم فقط وانبلش امتحانات
االمقطع طلع الي .
ذيج سنة هيج ايام بشهر الرابع اقرة وماملحك عل مراجعة ونقوصات ومحصور حصرة الچلب كلش بس الحمدالله اتلاحگت عل روحي وضليت اقره ماتوقفت وصار السادس سوالف بعد ماچان حلم ❤😢
بعدني ممكمله مواد وعندي كومه تراكمات وكلش خايفه
قد تصل متأخرا ولكنك تسبق الجمبع ❤.
@@حوراءحسين-ص2ط أن شاء الله
ماكو أحد مكمل المنهج، ماكو داعي لهل قلق فقط كملي قراية حطيلج خطة وامشي عليها وتجاهلي كل مشاعر الخوف وقلق لأنها ماراح توصلج لنتيجة اتمنى تركزين على الدراسة بدل الخوف، وبالتوفيق يارب.
@@emaix09 اي ولله من ورا الخوف كلشي مكعد اعرف اقرا أو أرتب وضعي بس هسه الحمد لله صليت وخليتلي جدول وحمشي علي ادعيلي
@@Ranajj574
حبيبي الله يوفقج
اكو شي أسمه تدرس تنجح
مو شرط تخلص المادة كلها لازم يبقى فصل او فصلين او مواضيع تكدر تضبطهم ويه المراجعة أبدو مراجعة أبدوو مراجعة
والي ماخلص المواد او نسبة كبيرة من المواد لازم يراجع ويسد نقوصات
شكرا ريحتني لان بلشت مراجعه ليوم واني عندي تراكمات 🥹افصل
@@AttRo-hh3bu
مثلج اني هم بلشت وعندي تراكمات شوية هوا كله بسبب الوزارة كلش وقت مُبكر بس شنسوي ندرس والله كريم
باجر يلا ابدي مراجعه عن انو عندي تراكمات بس ماكو خيار ثاني لازم اراجع و أجل مادتين الله ينتقم من الوزارة
اني هم راح أجل مادتين
حرفياا كلش ارتاحيت بهالفيد همزين طلعلي كلهم نصايحهم تافهه الا انت تختلف ربي يوفقك ويوفقنا يارب 🤍
للذكرى 2024/4/3
7:17ص
الاء
24 رمضان
يارب نسألك توفيقك وتسهيلك طلاب خل ندعي لبعض كلنا محتاجين
اسأل الله ان يوفقكم جميعاً ويحقق كل احلامكم🤍
هههههه هوه انت بعدك مطالع سادس وتنطي نصائح
ادعولي اطلع قانون ان شاء لله يتحقق الي تريدو. وتعدي هالسنه ع خير دعوه 40غريب مستجابه❤
شكد اخاف عليك خاف سوالفك هاي تعم عليك مثل مصار بية ركز بدراستك وعوف الفيديوات وكلشي ولاتحاجي احد مستقبلك اهم خلي هلسوالف للسنة الي تجي لاتغلط غلطتي
مفهمت عفوًا شنو غلطتج
اريد بس اي شي يخلصني من الوتر قصدي البارحه رحت امتحان فيزياء جان التوتر يقره الف اكول هسه كلشي انسى وراجعت الي كلت انساه مانسيت الحمد لله كلشي اذكرت بس اكو سؤال عفته ماقريته بالملزمه كلت بس اقره هسه انساه واني بالامتحان كلشي تذكرت شلون اتخلص من هذا الشي اتمنى تنصحوني
التوتر شيء طبيعي مو بس انتِ كُل الطلاب هيج اقري وادرسي من تروحين للامتحان صدگي كُلشي تتذكرين شكو شيء قريتي تجاوبي بس هذا الشيء طبيعي احساسج انو ناسية المادة انسي انتِ ناسية المادة لأن هسة ماكو طالب ميحس هذا الإحساس من يجيج هذا الإحساس لتهتمين كَملي دراستج وراجعي هواي ومن تروحين إن شاء الله كُلشي تتذكرين
@@بࢪلين-ث1ي الصراحه اجاني هذا الشعور من الخامس اعدادي يعني حيل ماثر عليه بالرابع صح بيه بس طلعت معدل ٩٧ وبس بالخامس ماكدرت اسيطر على نفسي مثلا علم الارض ماعرف شلون جبت ٧٧ بس بعدين قريت كلشي وقنعت نفسي اني ماراح انسى وجبت ٩٨ وثاني شهر ٩٧ الحمد لله بس هسه بالسادس اثر عليه هم وكلش اكتئبت منه ويوم الاحد امتحاني وحيل خايفه يجيني بس مثل ما كلتي راح اصدك نفسي اني كلشي اذكر
@@Aliali-de9teلتخافين ترا هوَ مجرد امتحان ع شنو الخوف أنتِ درستي وسويتي الي عليج الله ميضيع تعبج وكلشي تتذكرين وإذا ع المراجعة للوزاري بعدلج هواي وكُل مرة تراجعين ف بعد متنسين إن شاء الله + حسيتج شاطرة ما شاء الله مدري ليش 😂
@@بࢪلين-ث1ي والله صحيح بس بالخامس طلعت اعفاء فردي ب٩ مواد من اصل ١١ هم جان بسبب الخوف والله فجاء اجاني والمشكله اهلي ينتظرون مني نتيجه ان شاء الله الوعد بليله القدر ادعي نهار كامل
كلامك صحيح لان انه اريد اخلص التركيات المواد بشهر الرابع وراجع بشهر الخامس مو شرط الابشهر رابع مراجعه وانصح طلاب دفعتي انو يستغلون هاي الفتره أبشع استغلال صدكو اكو طلاب فقط خلال هاي الفتره طلعو معدلات و توكلو على الله ورضه بالنتيجة مالتك بالنهايه ماطول تعبت وحاولت وتوفيق الجميع ان شاءالله
الفيديو انقاذ لحياتي
حذفت كل برامج التواصل التلفون مدا اشوفه بس ساعه او ساعتين باليوم،
مدا اطلع بس طلعت مرتين لحد الان من 26/3 لليوم ،
بس النوم والصفنات علتي بحيث اذا اكعد ادرس 4 ساعات اطلع 2ساعتين فقط درست بترككيز يعني داضيع وقت هواي ماعرف شلون اعالجه عجزت فعليا،
صارلي 3ايام بالكيمياء بفصل السادس يادوب ورقتين 💔💔💔
6:54
احب اطمنج زين انتي متقدمة بالكيمياء اني بعدني فصل رابع😂😂
هو اصلا فصل السادس كوه يدخل لدماغ
@@heyam_18 😭 تره اني طفرت يادوب هسه درست فصل الاول والرابع والسادس وهسه اجيت ادرس انكليزي