Жалпақтал - Рәміздер күні 2022

Жалпақтал ауылдық окургі әкімдігі мен Жалпақтал а.о жастармен жұмыс жөніндегі ресурстық орталығының ұйымдастыруымен және мекеме ұжымдары/ерікті жастардың қатысуымен Қазақстан Республикасының рәміздер күні аталып өтілді.
Қазақстан Республикасының рәміздер күні белгіленген 1992 жылдың 4 маусымы - ел тарихындағы ерекше мәртебелі күн. Ертеңгі жарқын болашағымыз үшін қабылданған қыран бейнелі көк туымыз , өзгеге ұқсамайтын шаңырақ шырайлы дара елтаңбамыз бен рухты әуенді әнұранымыздың әдемі мәтіні дүниеге келген күн. Айбыны асқақ осынау үлкен шараға тыңғылықты әзірлікпен келген жалпақталдық ағайындар, ауылдың орталық көшелерімен мерекелік шеру ұйымдастырып, Мәдениет Үйі алдындағы орталық алаңда сап түзеп, мемлекеттік әнұранды жанды дауыста шырқап, ауыл әкімі Әлия Жақсыбаева жергілікті тұрғындарды мерекемен құттықтады.
Ат салысып, белсене қатысқандары үшін мекеме ұжымдарына және ерікті жастарға өз алғысымызды жеткіземіз!