The ordinary peeling solution & Isis glyco-A تجربة المقشر الكيميائي من ذا أوردينري و إيزيس
HTML-код
- Опубликовано: 13 сен 2024
- Isis glyco-A 03:05
نسيت اذكر ان كريم إيزيس مش مذكور عليه ال
PH
الفيديو السابق عن التقشير الكيميائي
• chemical peel التقشير ...
توصيات استخدام ال
Alpha hydroxy acids
www.healthline...
#exfoliate #AHA #peel #acids #Theordinary
كنتِ بتلاحظي أن جلدك بيقشر بعد ما تستخدمي كريم إيزيس ؟ و هل بترطبي بشرتك بعد ما تغسليه ولا الترطيب بيمنع التقشير ؟
- لأ الجلد مش بيقشر لو إلتزمتي بعدد المرات في الإسبوع اللي متحدد بيهم الإستخدام
مرة في تقشير الكوع قعدت فترة بستخدمه كل يوم على أساس قلت جلد الكوع سميك و مش هيأثر بسهولة و مكنتش برطب فالجلد قشر و إحمر جدا و اضطريت اوقفه فتره
انما لو مشيتي زيي ما قايلين ٣ مرات في الإسبوع كحد اقصى مع الترطيب تاني يوم مش هتحصل المشكلة دي
- اه لازم ترطبي دة شيء مهم
تاني يوم بعد ما تغسلي وشك رطبي علشان الأحماض بتنشف الجلد، و لو فضلتي مش بترطبي الجلد هيلتهب
و مش شايفة ان الترطيب بيمنع التقشير، بالعكس
بتشوفي تأثيره عادي مع التكرار، و الترطيب بيخلي الجلد يستحمل و تقدري تمشي على التقشير و تكملي
بدل ما تضطري كل شوية توقفي او كمان الإلتهاب يعمل إسمرار و تضطري تعيدي من الأول
انا هعمل سؤالك pin علشان مهم
@@riviews 0:51
انا بحبه جدا بس لازم الطبقة تبقا خفيفة جدا متخليش الطبقة تقيلة لدرجة لونها يبقا احمر لا تبقا خفيفة جدا يعني لونها بينك فاتح كدا ومش هيحصل اي حرقان
معلش مجاليش نوتفيكيشن عن تعليقك، لسه شايفاه بالصدفة
المرة اللي استخدمته فيها مقشر ذا اوردنيري حطيت طبقة خفيفة و برضو تحسست منه
مش عارفة اختي كانت بتستخدمه ازاي
عموما هو حسب تحمل بشرة كل واحد و ظروف تعرضه للشمس و روتينه بس هو حرمني افكر في التركيزات العالية تاني
شكرا انك شاركتي تجربتك ، يفضل اللي هيجربه يعمل زيي ما بتقولي فعلا و يستخدم كمية خفيفة
وحشتيني❤️
كنت عايزه اجرب the ordinaryالبلهاليرونيك اسيد ايه رايك؟
انتي كمان ❤️، كنت بصيت عليكي من قبل اذا منزلة فيديو لاقيتك متأخرة زيي 😄
انا كمان عايزة اجربه على فكرة!
هو اكتر منتج من عندهم واخد مدح و احسن تقييمات
و بشوفه دايما في مقالات ال top 10 هيالرونيك أسيد سيروم
سمعت بس شكوى من البعض ان قوامه تقيل مقارنة بغيره
لو جربتيه تبقي اعمليله فيديو و قوليلنا رأيك، انا ممكن اجربه برضو بس لسه قدام شوية
انتي قلتي انك مش هتشتري ايزيس ده تاني، طيب قوليلي ايه اللي وصلتيله من خلال تجاربك ولقيتيه هو الأحسن وبيجيب من الآخر لأني كنت ناوية أشتري ايزيس وحاطة أملي عليه.
هو للأسف في تجربتي مفيش حاجة جايبة من الأخر و بنخلص للأبد، التعرض للحرارة و الشمس حتى بعد ما بوصل لنتيجة كويسة جدا، بيخلي التصبغ يبدأ يظهر تاني
و كمان انا جربت جلسات إزالة شعر الوجه بالليزر و هي سبب التصبغات عندي اصلا
اكتر حاجة فعالة في تجربتي هي التريتنوين زيي كريم الأكرتين في مصر
المواظبة عليه حتى مرتين في الأسبوع بتعمل فرق كبير مقارنة بمنتجات حمض الجليكوليك في رأيي
ممكن لو معاه كمان كريم تفتيح يكون فيه مكونات زيي - فيتامين سي، جذور العرقسوس، نياسيناميد ... الخ مكونات اللي بتثبت إفراز الملانين الزيادة - يبقى كويس
غيره جربت السيروم الكوري اللي اسمه Yuja Niacin
شغالة على الريفيو بتاعه
عموما شايفاه فعال في تفتيح مجمل الأسمرار بعد التعرض للشمس، انما مالوش تأثير على التصبغات و استخدامه مع التقشير اللي بتنشف الجلد صعب علشان بيبقى بيحرق
و مؤخرا جالي هدية تونر بيكسي بحمض الجليكوليك، هو بينور الوش فعلا انا لسه بدأه عموما معرفش هيفرق في التصبغات و لا لا
مش متفائلة اوي بس انا بواظب ٣ شهور على الأقل و بعدين بحدد
وصفولي ياه عشان مسامات انفي وخدودي ايه رأيك فيه للموضوع دا؟ او اذا تعرفي كريم فعال للمسامات ياريت
انا هفترض انك بتقصدي بتاع إيزيس لأنك محددتيش مين فيهم
حمض الجليكوليك الكلام عليه للمشكلة دي أقل، دة غير ان دة مش للإستخدام اليومي علشان نسبة الحمض ال ١٠٪ هما قايلين على العبوة انه ٣ مرات بالكتير في الإسبوع،
هو بيقلل إفراز الدهون و دة ممكن يفرق
بس اكتر بسمع الدكاترة بينصحوا بحمض السلسيليك هو ألطف و تقدري تستخدميه كل يوم
ممكن تستخدمي غسول فيه حمض السلسيليك و فيه كريمات موجود فيها برضو
غسول فيشي نورماديرم vichy normaderm phytosolution و المرطب بتاعه الإتنين فيهم حمض السلسيليك
فيه سيروم من لاروش بوزيه بتاع إيفاكلار فيه حمض الجليكوليك و السلسيليك
Effaclar pore minimizer face serum
و المرطب من نفس المجموعة Effaclar mattifying moisturizer
ذا أوردينري عندهم سيروم حمض السلسيليك برضو
بيكسي عندهم تونر منه برضو
Pixi Clarity Tonic with Salicylic Acid
الريتنول كمان ممكن تجربي سيروم ريتنول ، منتجات اللي بمستخرجات الشاي الأخضر برضو بتقلل إفراز الدهون الزيادة
شوفي ريفيوز على الحاجات دي و إختاري منها، و حمض السلسيليك و الريتنول لا يناسبوا الحوامل
مقشر ذا اوردرني ينفع للركبه ؟ وينفع نستخدمو بدون استشاره دكتور للوجه ال في حبوب ( اثار حبوب + حبوب + تصبغات +حفر بسيطه مكان الجدري المائي ) هيشيل الحبوب واثارها والتصبغات ؟ وشكرآ ❤
بينفع للركب عادي بس لازم تجيبي مرطب يوريا خالي من العطور، تستخدميه بعده، بس في الأخر هيناسبك و لا لأ دة حسب درجة حساسية بشرتك. تكرار التقشير بيضيع أثار الحبوب و التصبغات اه بس لازم تعرفي تعملي روتين كويس ميزودش تهيج و تحسس البشرة و تستخدمي ترطيب كمان
@@riviews يعني كدا يفضل اسئل الدكتور الجلديه عشان اكون في الامان 🫢
لا مش ضروري، ممكن تجيبي منتج تقشير بتركيز أقل في حدود ١٠٪ مثلا تبدأي به، او تجربي تقشري بالأكرتين تسبيه لمدة ساعة واحدة و تشطفيه بالماية و بعدها ترطبي كل يوم و تكرري الموضوع مرة كل ٣ ايام مثلا و تشوفي النتيجة لو تحسستي يبقى توقفي و لما الجلد يخف تستخدمي تاني بنفس الطريقة على فترات متباعدة لحد ما الجلد يتعود@@SQUAD_
معلومات قيمة شكرا
العفو 🌹
اي منتج فاد معاك في تقشير الاكواع والركب ؟
استخدمت اللي باقي من كريم إيزيس مرتين - تلاتة في الأسبوع مع الترطيب بكريم يوريا من إيزيس في باقي الأيام
لما خلص كملت تقشير بالأكرتين مرتين في الأسبوع قوي و فعال اكتر
و الأيام الباقية كنت برطب بلوشن أفينو الكحلي اللي عملتله ريفيو سابق
لازم الترطيب و منع احتكاك الأكواع بأي مسطحات او اقمشة خشنة علشان ميعملش احمرار و يزيد الغمقان
بالله عليكى
تجاوبينى
عنجى غمقان ف منطقه الشنب كانى عندي شنب زى الرجاله ماثر ع نفسيتى جدا جداااااا
كريمات التفتيح اما بوقفها بيرحع الغمقان تانى
كريم ايزيس دا ينفع استخدمه؟؟ هيقلل التصبغات دى 😟 😟
انا عرضت نتيجته معايا في أخر الفيديو، انتي ايه رأيك فيها؟ حسيتي انها تستحق الفلوس و المدة الشهور بتاعت الإستخدام؟
انا شايفة ان النتيجة معايا لا شيء متخلنيش اقدر ارشحه لحد علشان تصبغات الوجه
انا جربت acm depiwhite advanced
مشيت عليه اكتر من ٣ شهور و لسه مكملة و جايب نتيجة حلوة صورتها و هعمل الفيديو بعد العيد لو حابة تستني و تشوفيه
في نقطة كمان هنا انتي بتقولي ان الغمقان بيرجع تاني بعد ما بتوقفي إستخدام الكريمات
لو مش بتستخدمي واقي شمس، ضروري لازم تستخدميه
و خلي بالك لو في احتكاك بأقمشة خشنة او أكلات بتوابل و بهارات او مشروبات سخنة بتعمل إلتهاب حول الفم و كل شوية يرجع الغمقان معاه
و لازم ترطبيها على طول
@@riviews ايوه
شكرا
🌹🌹
هو مقشر ذ ا اوردينارى بيقشر طبقة كده ويشيلها من الجلد ولا لأ ؟
زيي ما قولت في الفيديو انا إستخدمته مرة واحدة بس و انه يعمل القشر الأبيض دة على الجلد محصلش معايا
النتيجة هتختلف حسب كل واحد استخدمه كام مرة و كل قد ايه
حمض اورديناري ممكن نستخدمه للجسم مثل الركب والاكواع؟
حسب حساسية بشرتك
ممكن تجربيه مرة و ترطبي باقي الأيام بلوشن مهديء
لو مش بيسبب إحمرار تمام ممكن تكملي عليه
عموما من خلال تجربتي شايفة الأكرتين افضل شيء
اورديناري جربته لي شهرين ما يعالج البقع واثار الحبوب اما ايزيس جربته ممتاز بس عيبه غالي
معقول ؟! مع ان أوردينري هو اللي تركيزه اعلى
لو ممكن تقوليلنا استخدمتي ايزيس تركيز كام للمهتم يجربه
و شكرا انك شاركتي تجربتك 🌷
@@riviews ايزيس فارما جلايكو 10٪ فيه تركيز 25٪ بس مش متوفر بالسعوديه
@@bandar9572 زيي عندنا برضو
شكرا انك اضافتي التركيز
من فضلك انا هبتدي استعمل مقشر اورديناري الاحمر ممكن تقوليلي افضل مرطب استخدمه بعدها ايه بليز
إختاري حاجة فيها نياسينمايد بيهدي الجلد، بستخدمه عموما بعد الأحماض
لاروش بوزيه عندهم كذا مرطب به منهم
Toleriane sensitive creme
دة اللي انا بستخدمه، مناسب للبشرة العادية و الدهنية لو بشرتك جافة اختاري حاجة تانية من عندهم
@@riviews.
ممكن اختي استعمل isis للتقشير في العنق
حسب حساسية جلد الرقبة عندك، في ناس رقبتهم حساسة و مش بتستحمل
انا بالنسبة لي عادي بقدر استخدم منتجات التقشير على الرقبة مبيحصليش إحمرار و لا حاجة
ممكن تجربي مرة في الأسبوع و تزودي بالتدريج
و لو اول مرة حسيتي الحرقان زيادة و مستمر خفيفي بمرطب
لو منفعش تبقي شوفي تونر بنسبة احماض اقل من كريم إيزيس او مقشرات بأحماض اخف من الجليكوليك زيي حمض اللاكتيك و المندليك
فارماسيرز و ذا أوردنيري و بيكسي عندهم حاجات تانية أخف المفروض
حسيت كريم ازيس قلل شوية من التصبغات ممكن تكملي استخدامه لو لسة فاضل فيه .. وممكن تجربي نياسيناميد من ذا اورديناري بيقولوا بيفتح التصبغات بس هو مش موجود في مصر بيتجاب اونلاين.. والريفيو حلو اوي بجد كالعادة ❤
كنت بقول لماما كدة في الأول تقولي لأ زيي ما انتي 😄
هو لسه فاضل فيه اه بس انا قمت محولاه للكوع قولت طالما مفيد هناك اكتر أستنفع ببقيته بقى
من كام يوم كنت سهرانة شفت فيديو د.عصام شومان بتاع كريم جارنيه كان قايل فيه على فايدة النياسنمايد للتفتيح و عرض بتاع ذا اوردنيري دة
موجود على سوق و جوميا بس سعره غالي للأسف 😅
مشكلة الحاجات المتوفرة بس اون لاين ان كل واحد بيبيع بالسعر اللي على مزاجه و تعبوني من أسعارهم 😄
ان شاء الله بحطه في الإعتبار للمستقبل
و شكرا منوش لإهتمامك ❤
@@riviews ممكن لو التصبغ مش بيروح بسهولة تستخدمي كريم فيه هيدروكينون مع كريم تفتيح طبيعي بس مع متابعة دكتور .. واه النياسيناميد غالي اوي وكل شوية سعره بيتغير 😂😂
العفو يا قلبي ❤❤
@@mennamahmoud8102 هو يظهر كدة من تجارب ناس على اليوتيوب ان الموضوع بياخد وقت طويل
هجرب من المنتجات المتاحة في الصيدليات عندنا اشوف في ايه تاني
لو مش كدة ممكن في شهور الصيف اسأل ايه نظام جلسات العيادات و اسعارها
كله من عدم استخدام كريمات الشمس 😄
هعملهم playlist
و اقفلهم إحترام بعد كدة
@@riviews ياما انقذوني فعلا 😂😂❤ يا رب ان شاء الله حتروح هي مش باينة اوي وانتي اكيد قمر بردو ❤❤
هو ايزيس ده لانهي نوع بشرة عشان مش مكتوب عليه
منتجات أحماض الفواكه المفروض تناسب الكل عادي
Which one do you think is more effective?
I used the ordinary peel only once, my skin was sensitive to it and it caused my sister a chemical burn
the 10% glycolic acid from ISIS I used it for more than 4 month it didn't help with sunspot but it was useful in exfoliating dark elbows
its better for sensitive skin and easier to use
I don't think I'll repurchase either of them
may be I'll try the ordinary glycolic 7% or the inkey list 10% glycolic in the future
@@riviews thank you!
ينفع استخدم اسيز فارما لتقشير الايدين؟
وسعره كام
اه انا بستخدم اللي باقي معايا للإيد و الركبة عاجبني اكتر تأثيره للجسم
متنسيش بس تستخدمي كريم الحماية من الشمس لو مضطرة تخرجي في الشمس بعد إستخدامه
على موقع صيدلية مصر سعره ١٨٩ جنية مصري
@@riviews😂
كريم isis استعملته لشهر ولحد الان مشفت نتيجة تقليص مسامات او تفتيح شنو الحل ؟💔
التفتيح لو تصبغات و بقع شمس زيي ما عندي
انا رأيي اسمعي فيديو د.وليد إبراهيم عن الأكرتين، لما بستخدمه مرتين في الإسبوع بيعمل فرق معايا و أوفر مؤخرا بقيت مقتنعة انه هو احسن حاجة
المفروض انهم بيقولوا انه بيقلص المسام بس انا معنديش المشكلة دي فمعرفش
اما بالنسبة لكريم إيزيس نفسه، لو لسه باقي معاكي فممكن تستخدميه لأماكن تانية في الجسم
انا استخدمته شوية لتقشير الكوع مع استخدام كريم يوريا و كان جايب معايا نتيجة كويسة في تفتيح الكوع احسن من تصبغات الوجه
ينفع استخدمة مع laroche posy duo ? او حيسبب تهيج؟
مش عارفة تقصدي مين فيهم
بتاع ذا اوردنيري، ف اكيد لا هما مستخدمين اعلى نسبة BHA كدة كدة و تركيزه عالي في أحماض الفواكهة و هو فعلا حاد و صعب
اما بتاع إيزيس، فدة حسب حساسية بشرتك انتي، انا شايفة بتاع لاروش بوزي فيه حمض السلسيليك في اخر المكونات خالص و مش كاتبين نسبة
يمكن ينفع مش عارفة
@@riviews ال isis
مش عارفة واللهي انا استخدمت ال isis كل يوم لمدة اسبوع لاحضت اثر الحباية الناشفة رجع التهب تاني كأنها لسة في حبة ويحرق كمان ف اعمل ايه في الحالة دي؟ اتركوا كام عشان ارجع استخدمو تاني؟ وكمان عندي حكة ف وجهي مش عارفة ليه
@@riviews وينفع احطوا ع حبة لسة طالعة ومحملة وفيها دهون ولا لازم استناها تنشف او تطيب؟
@@kholoodburhan7795ممكن لو تحددي المنتج اللي بتقصديه فيهم؟
اللي جربته على الحبوب من الأحماض هو حمض السلسيليك و كان بينشفها و بحبه و انا مش بتحسس منه و لا بيسببلي إحمرار
جربت حمض الجليكوليك تونر ٥٪ على حبوب صغيرة على الدقن غير ملتهبة و مشوفتش انه له تأثير
اما بتاع ايزيس دة فمجربتوش عن نفسي على حبوب و معرفش لو الحبة محمرة و منشفهاش ممكن يزيد الإلتهاب فيها و لا عادي
رأيي الحبوب الناس احسن تخليها في حمض السلسيليك و التريتنوين او الأدبالين انجز حاجة
مقولتلك ال isis
يعنى نبقى نجيبه ؟؟
مش عارفة يا أميرة قصدك على انهي فيهم
- لو تقصدي بتاع أوردينري، لا أرشحه بصراحة انا شايفاه زيادة عن اللازم و عن نفسي مستحملتش استخدمه غير مرة
- لو تقصدي بتاع إيزيس، انا شايفاه فعال مع مجمل إسمرار الوجه و انا بستخدمه في تقشير الكوع و جايب نتيجة
انما لبقع الشمس sunspot بالذات مش شايفاه مؤثر
تقريبا حسب ما فاهمة هما بيحتاجوا حاجة توقف انتاج الملانين كمان مش بس تقشير
فحسب المشكلة بقى
بعد ما شوفت الفيديو خفت اشترى اوردينرى ..
مع انى كنت متشجعه جدااا وخاصه ان فى ريفيوهات كتير بتشكر فيه ..
بس صورة اختك خوفتنى جدااا
اما التانى مش عارفه مش شددنى اوووى
عموما هنتظر ريفيوهات اخرى عن مقشرات فعاله ولا تسبب حروق
@@amiramohammedenglish5505 دة رأيي برضو انه استني انا مش متحمسه لأي واحد فيهم اني أرشحه
انا شفت كذا حد اون لاين من اللي عندهم بلوجز اتحرقوا من بتاع ذا أوردنيري
بتاع إيزيس الميزة فيه يمكن سعره المتوسط بالنسبة لشركات تانية و ان إيزيس بتعمل عروض
ذا أوردنري عندهم حمض الجليكوليك ٧٪ المفروض اخف
انا يمكن أجربه قدام لو عرفت ألاقيه بسعر كويس
عموما فكري كويس في منتج التقشير بالذات
علشان اعتقد انتي بحكم عملك بتنزلي كتير و بتتعرضي للشمس
فدة عامل برضو بيفرق
و منصحش حد يبدأ يستخدمهم في الصيف كدة كدة
تسلميلى يا قلبي..
ممكن ريفيوهات عن صن بلوك فارماسيرز للبشرة الدهنية .. العادى مش التنت
@@amiramohammedenglish5505 ❤️ حاضر
ان شاء الله اجربه قريب و أعمله الفيديو
يعني Isis لا ينفع لتصبغات الوجه
انا شايفة كدة في تجربتي
على الأقل بقع الشمس ال sun spots مش بيأثر فيها
ينفع مع المداومة انا عندي تصبغات غليظة واستعمله من شهر وابتدات تتقشر وتخف
السلام عليكم،، أختي ممكن أستفسر منك ولك جزيل الشكر ، انا إشتريت مقشر الأحماض إيزيس بنسبة 25 بالمئة ، لكن أريد ان أعرف أكثر عن الطريقة الصحيحة، هل يستعمل فقط 3 مرات في الأسبوع كل يوم وقت النوم، أو قبل النوم مثلاً بنص ساعة أو ساعة؟وماهي المدة التي يجيب أن أتوقف عن الإستعمال المنتج هل شهر؟؟ وأخر سؤال أختي ولك الأجر هل المنتج يقشر فعلاً البشرة ويترك قشور بشكل واضح أم لا ؟؟ لأن لي تجربة سيئة مع التقشير ، و أعتذر عن الإطالة وشكراً
تستخدمية بحد اقصى هو عدد المرات المذكور على العلبة يعني لو هما قايلين ٣ مرات في الإسبوع يبقى هو ٣ أقصى حاجة و متزوديش خصوصا لو بشرتك تحسست او عارفة ان بشرتك حساسة علشان متعرضيش نفسك للإلتهابات و الحروق الكيميائية
ضعيه قبل النوم بساعة و استخدميه في الأول بالتدريج مرة كل ٣ ايام شوفي ردة فعل وشك لأن ٢٥٪ نسبة عالية
و في الأيام اللي مش بتستخدميه لازم ترطبي و حاولي تستخدمي مرطب كويس مهديء للبشرة و خالي من الكحول و العطور
لو إلتزمتي بعدد مرات محددة و استخدمتي المرطب في الأيام اللي مش بتستخدميه و إلتزمتي بواقي الشمس ان شاء الله مش هتحصل مشكلة و مش هيسيب قشور واضحة
و مش لازم توقفيه بعد مدة محددة، عادي براحتك لو بتستخدميه لمشكلة معينة تصبغات و خلصت وقفيه بعد ما يروح التصبغ او لو عايزة تستمري عليه كتجديد للجلد عادي كملي حسب احساسك انتي بجلدك و درجة إحتماله
@@riviews شكرا من القلب على النصائح ،وعلى لطافتك واسلوبك الجميل في الشرح ، اخذت مرطب من لاروش بوزيه
Toleriane Sensitive Riche
هل ينفع مع المقشر ؟
@@user-xj2bh8rq9p اه مناسب جدا لأنه فيه نياسيناميد و خالي من الكحول و العطور، كويس إختارتي حاجة من المجموعة دي
انا كنت جربت منها Toleriane sensitive creme و عجبني جدا
و شكرا ليكي على كلامك ❤️ يارب القناة تكون بتفيد
@@riviews العفو حبيبتي ، تستاهلي كل خير الله يوفقك،واعتذذر عن اسئلتي المتكررة ، ممكن اعرف الفرق لاروش بوزيه
Toleriane sensitive creme
و
Toleriane Sensitive Riche
هل نفس الفعالية في الترطيب؟؟ ام اللي اخذت انا اقوى؟
@@user-xj2bh8rq9p اللي معاكي انتي اللي ترطيبه اقوى
المكونات فيها زبدة الشيا و سكولين زيادة عن التاني
التاني اللي جربته أخف للبشرة الدهنية