Erdenebat | Altan urag - Дөрвөн улирал / Dorvon uliral

Music / Lyric - Erdenebat Baatar | Altan urag
Singrers - Oyunzaya.Ts, Azbayar.J, MisheelM, Dulguuntamir.Sh
Video by Temuulen.D - LEBU Media
Spotify:
open.spotify.c...
Itunes:
/ us /album/urs/1672744022
🌐Social Media :
✦Facebook: / altanuragerka
✦Instagram: / erka_altanurag
✦RUclips: www.youtube.com /erkaau
​​ ✦И-мэйл : [e-mail]
1.
Эртээ урьдын цагт л гэнэ ээ
Энэ ертөнц задгай байхад
Тэнгэр гэдэг аавтай
Дэлхий гэдэг ээжтэй
Өвөл гэдэг ахтай
Хавар гэдэг эгчтэй
Зун Намар гэдэг дүүстэй
Ах дүү дөрөв байж л гэнэ ээ
Нэгэн өдөр Тэнгэр аав нь
Ах дүү дөрвөөс асуув гэнэ ээ
Та дөрвийн мөрөөдөл нь
Юу юм болдоо гэж л гэнэ ээ
Ах дүү дөрөв нэгэн зэрэг
Бид дэлхий ижийгээ лээ
Насан туршдаа асарч тойлохыг
Хүсдэг билээ гэж л гэнэ ээ
2.
Үүнийг сонсоод Тэнгэр эцэг нь
Үргэлжлүүлэн асуув гэнэ ээ
Хүүхдүүдийн минь мөрөөдөл нь
Үнэхээр сайхан хүсэл юм аа
Аав нь та нарын хүслийг нээ
Анхаарч сайн сонсмоор байна аа
Та дөрөв нэг нэгээр
Аавдаа хүслээ хэлээч гэж ээ
3.
За би ижийгээ лээ
Сэрүүн цагаан дээлтэй болгоод
Халууцах зовлонгоос
Холдуулна гэж Өвөл хэлэв
Тэгвэл би ижийгээ лээ
Бор зөөлөн дээлтэй болгоод
Бүлээцүүлэн тэврэхийг л
Хүсдэг гэж л Хавар хэлэв
За би ижийгээ лээ
Өнгө өнгөөр гоёхыг хүсдэг
Цангах зовлон үгүй байхыг
Хүсдэг гэж л Зун хэлэв
Тэгвэл би ижийгээ лээ
Шар улаан дээлтэй болгоод
Амтны сайханд умбуулахыг
Хүсдэг гэж л Намар хэлэв
4.
Хүүхдүүдийнхээ хэлэхийг сонсоод
Тэнгэр аав нь ингэж хэлэв
Миний хүсэл та нарынхтай
Ав адилхан юм байна гэж ээ
Аав нь ч гэсэн ижийг нь ээ
Гоё сайхнаар харахыг хүсдэг
Элдэв муухай зовлонгоос нь
Хамгаалж явахыг хүсдэг гэж ээ
5.
Тэр цагаас хойш дөрвөн хүүхэд нь дөрвөн улирал болон Тэнгэр аав нь алсаас тэдэнд тусалж Дэлхий ээж ээ асарч тойлдог болж ээ.
Том хүү нь Өвлийн улирал болон Тэнгэр аав нь цас илгээж Дэлхий ээжийгээ сэрүүн сайхан цагаан дээлээр гоёдог болж ээ.
Ганц охин нь Хаврын улирал болон Тэнгэр аавын илгээсэн уриар цасыг хайлуулан Дэлхий ээжийгээ Бор дээлээр гоён дулаацуулдаг болж ээ.
Удаах хүү Зуны улирал болж Тэнгэр эцгээс илгээсэн бороогоор Дэлхий ижийгээ ундаалан өнгө өнгийн ургамал, ан амьтадын олон сайхан зүсээр дээл хийн гоёдог болж ээ.
Отгон хүү нь Намрын улирал болон Тэнгэр эцэг болон ахан дүүсийнхээ тусаар Дэлхий ижийнхээ шим мандлыг тэтгэн жимс ,ногоо, сүү цагаа гээд амттан бүрийг дэлгэрүүлэн нүд сэргэн сэтгэл уярам улаан шаргал дээлээр гоёдог болсон юм гэнэ ээ.
6.
Үлгэр домгоо ингээд дуусгаад
Үргэлжлүүлэн захиас хэлье
Хүүхдүүд та нар өөрийн чадлаар
Хөвчин дэлхийгээ хайрлаарай даа
Ургамал, амьтадаа гамнаж яваа
Уул усаа хүндэлж яваа
Амьтай бүхнийг тэтгэгч ижий
Алтан дэлхийгээ хайрлаж яваарай
© 2023 Zun production
Erdenebat Baatar l Altan urag