Sayxunobod tumanida "Olam nurga to‘lsin, Navro‘zi olam” shiori ostida bayram tadbiri bo'lib o'tdi.

Bugun jonajon yurtimizga go‘zallik va nafosat, yasharish va yangilanish, mehr va oqibat bayrami - Navro‘z kirib kelar ekan, dala va bog‘larimizda ko‘klam yomg‘irlari - obirahmatdan bahramand bo‘lib, bo‘lg‘usi mo‘l hosil, qut va barakadan darak bermoqda. Har bir inson o‘zining tabiat farzandi ekanini yana-da chuqur anglayotgan mana shunday munavvar ayyomga el-yurtimiz bilan sog‘-omon yetganimiz uchun, avvalo, Yaratganimizga behad shukronalar aytamiz.
Tadbirda tumandagi 19 ta mahallalardan 19 nafar ijtimoiy himoyaga muhtoj oila farzadlarining "Sunnat" to'ylari nishonlardi. Ilohim, mana shunday hursandchilik bilan boshlanayotgan milliy urf-odatlarimizni o‘zida aks etgan Yangi yilimiz “Olam nurga to‘lsin, Navro‘zi olam” shiori ostida o‘tayotgan eng ulug‘ bayramimizda qilinayotgan ezgu niyatlar Vatanimizga tinchlik, baxtu saodat, obodlik va farovonlik olib kelsin.