CFAR ME OFRON QAFSHTAM _ SEZONI 2 _ HD

Pothuajse 25 kilometra në verilindje të qytetit të Krujës përmes një rruge alpine të ndërtuar nga Fondi Shqiptar i Zhvillimit, duke kaluar në fshatin Cudhi, stafi i emisionit “Çfarë më ofron” testoi mikpritjen e banorëve të këtij fshati dhe të Kroit të Madh, - zona të përfshira brenda hapësirës së mbrojtur të Parkut Kombëtar të Qafështamës. Portat na u hapën nga banorët e këtyre zonave, duke na ofruar të futemi në shtëpitë e tyre. Takuam kovaçin virtuoz që luante në organo, provuam të ngjiteshim në një “rrugë të parrugë” e të pjerrët plot gurë e ujë, ku çdo ditë kalonin banorët e shtëpive qindra vjeçare në kodrën e fshatit Kroi i madh, befas “qëlluam” në një ditëlindje, provuam ushqimet karakteristike të këtyre zonave të ofruara nga banorët aq bujarë, si dhe kenduam se bashku me turistet... Përpos këtyre, shkuam deri në stanet e sipërme të Qafështamës, përballë Malit të Skënderbeut, duke iu ofruar teleshikuesve njeherazi një guidë turistike të Parkut Kombëtar të Qafështamës. Për këto dhe surpriza të tjera, na ndiqni si çdo të diel në emisionin e transmetuar në TVSH, datë 20 shtator, në orën 21.30 dhe ritransmetim, ditën e mërkurë në orën 23.00. Emisionin mund ta ndiqni direkt në oraret e sipërpërmendura edhe në internet në adresën: rtsh.al/tvsh_live.php
Pak histori
Me një sipërfaqe prej 2000 hektarësh, Qafështama, si Park Kombëtar i shpallur në 1966, mbetet një perlë malore, kaq pranë kryeqytetit. Kjo zonë shërben edhe si urë lidhëse midis zonës së Krujës dhe luginës së Matit në veri. Zona kufizohet me pellgun e Bovillës nga jugu i saj, dhe është ekologjikisht e lidhur ngushtë me të. Gjithashtu, burimet e saj me ujë janë të njohura për vlerat kuruese, i varfër në kripëra por i pasur me magnez, ku dallohet “Kroi i Nanës Mbretneshë’, pranë Qafë-Shtamës, rreth 1.100 metra mbi nivelin e detit, midis pyllit të pishave të Parkut Kombëtar.

[@leonorajbili2469]

Mikprites dashamires suksese KLM

[@tonyleskaj1409]

Edi je njeshi vertet artist i lindur

[@AlAl-cm7xq]

Mjerim shqiperia

[@leonorajbili2469]

Edi Urime per emisionin shum bukur nje kerkese po patet mundesi ta plotesoni te realizoni nje emision ne vreshtas zvirine Jane fshatra

[@ALal-yu4re]

KU E KENI GJERGJIN AI I JEP LEZET EMISJONIT