კიტაიოკა შინიჩი: იაპონიის უსაფრთხოების და საგარეო პოლიტიკის თანამედროვე ტენდენციები
HTML-код
- Опубликовано: 5 сен 2024
- 2023 წლის 28 თებერვალს კახა ბენდუქიძის კამპუსში იაპონიის საერთაშორისო თანამშრომლობის სააგენტოს (JICA) და თავისუფალი უნივერსიტეტის საერთაშორისო ურთიერთობების სკოლის ორგანიზებით გაიმართა ბატონი კიტაოკა შინიჩის საჯარო ლექცია თემაზე: „იაპონიის უსაფრთხოების და საგარეო პოლიტიკის თანამედროვე ტენდენციები“.
ბატონი კიტაოკა შინიჩი არის იაპონიის საერთაშორისო თანამშრომლობის სააგენტოს (JICA) ყოფილი პრეზიდენტი და ამჟამად პრეზიდენტის მრჩეველი.
იგი არის ტოკიოს და რიკიოს უნივერსიტეტების ემერიტუსი პროფესორი. კიტაოკა შინიჩის ბიოგრაფია მოიცავს მდიდარ დიპლომატიურ და აკადემიურ კარიერას.
2004-2006 წლებში ის იყო გაეროში იაპონიის მუდმივი წარმომადგენლის მოადგილე; 2012 წლიდან დღემდე არის პოლიტიკურ მეცნიერებათა ეროვნული ინსტიტუტის (GRIPS) პროფესორი; 2012-2015 წლებში იყო იაპონიის საერთაშორისო უნივერსიტეტის პრეზიდენტი; 1997-2004 და 2006-2012 წლებში იყო ტოკიოს უნივერსიტეტის სამართლისა და პოლიტიკის პროფესორი, 1985-1997 წლებში - სამართლისა და პოლიტიკის კოლეჯის პროფესორი რიკიოს უნივერსიტეტში.
ბატონი კიტაოკა შინიჩი ფლობს მაგისტრის და დოქტორის ხარისხებს იაპონიის პოლიტიკასა და დიპლომატიაში. ის არის მრავალი მონოგრაფიის და სტატიის ავტორი, რომელიც გამოქვეყნებულია როგორც იაპონურ, ასევე ინგლისურ ენებზე.
2011 წელს კიტაოკა შინიჩის აკადემიური მიღწევებისთვის მედალი მეწამული ლენტით გადაეცა.
ლექციაზე განხილული იყო იაპონიის უსაფრთხოების პოლიტიკა, რომელიც მეორე მსოფლიო ომის შემდგომ პერიოდში ფორმირდებოდა იაპონიის კონსტიტუციის მე-9 მუხლის საფუძველზე. განხილული იყო ასევე იაპონიის უსაფრთხოების პოლიტიკის ტრანსფორმაცია თანამედროვე მზარდი რისკების ფონზე. ლექციის დროს საუბარი შეეხო იაპონიის საგარეო პოლიტიკის ისეთ მნიშვნელოვან ასპექტებს, როგორიცაა "ღია და თავისუფალი ინდო-წყნარი ოკეანეს აუზი", იაპონიის საერთაშორისო დახმარების ახალი პრინციპები.