Pa Gjurme-Ëndrra për t’u bërë prindër, çifti nga Durrësi: Mjekët na zhytën në borxhe, nuk dorëzohemi

Dëshira për t’u bërë nënë ekziston tek çdo femër dhe normalisht në momentin kur kupton se kjo gjë është e vështirë për t’u realizuar gjithkush do të trishtohej. Një gjë e tillë i ka ndodhur 43-vjeçares Anila Menallaj me origjinë nga Librazhdi.
Ajo u martua me shkuesi në vitin 2004 me Bujar Menallën po nga Librazhdi, me të cilin u zhvendos për të jetuar në qytetin e Durrësit. Pas 4 vitesh martesë ata prisnin të bëheshin prindër, gëzim ky që nuk zgjati pasi në muajin e 6-të të shtatzënisë Anila humbi foshnjen.
Dëshira për të sjellë në jetë një fëmijë ishte shumë e madhe për çiftin Menalla, të cilët edhe pas shum viteve luftë nëpër dyert e spitaleve, nuk kanë mundur ta realizojnë dot. Në shumë analiza të bëra brënda dhe jashtë Shqipërisë rezulton se të dy nuk kanë asnjë problem shëndetësorë.
43-vjeçarja gjithashtu ka provuar edhe me metodën Invitro, ku herën e parë nuk pati asnjë rezultat ndërsa herën e dytë mori lajmin e mirë se ishte në pritje të një fëmije, por historia do të përsëritej edhe me shtatzëninë e dytë. Ishte disa javëshe kur Anila sërish dështoi duke sjellë kështu një trishtim tek çifti Menalla, të cilët edhe pas shumë vitesh nuk i kanë humbur shpresat.
Anila dhe Bujari ëndërrojnë që në krahë të mbajnë fëmijën e tyre dhe të krijojnë një familje ndërsa këtë ëndërr shpresojnë ta realizojnë sa më parë.

[@RudinaRoci-pw8ql]

Sa gjyna zoti ju dimofte qe tu gezojn zoti me nje femi. Une ne moshe 40 ja arrita te behem nene dhurat me e bukure qe zoti ben zoti ben mrekulli

[@jorgjetanace7779]

Ne belgjike para 6 vitesh kam bere IVF dhe me te paren ngela shtatzene dhe cmimi ishte 4000€ per seance.Shqiperia shume shtrenje 15mije€ ca behet keshtu.Inshallah zoti ju ben prinder sa me shpejt❤🙏