شيلة مهداه إلى أسرة النفج كلمات صبيح بن عوض الظاهر أداء عبدالعزيز بن عوده الظاهر
HTML-код
- Опубликовано: 11 июн 2024
- سلام ياهل الوفاء يامزبنين الدخيل
ياعزوة بالفعايل شاعت اذكارها
ربعي هل الطيب والنوماس مع كل جيل
على المراجل حريصه ماطفت نارها
ذولا النفج معتلين المجد وقتٍ طويل
ذولا النفج عزوةٍ معروف مقدارها
ذولا النفج كان شب الزند خشم الفتيل
ذولا النفج باللوازم ترخص اعمارها.
ذولا النفج مجدهم بالعز مجد ٍ جليل
ذولا النفج والجمايل دايم اشعارها
امتونهم ترتكي للحمل لوهو ثقيل
متوارثين الوفاء من سالف اكبارها
ا خوان عذبه زحولٍ تعدل لكل ميل
عز الخوي والرفيق وتحتمي جارها
اخوان عذبه فعايلهم عليها دليل
عن شامخ الطايله ماتقصر انظارها
ذولا سلايل رجالٍ تفعل المستحيل
عند اختلاف الهقاوي توخذ اشوارها
الخصم من فعلهم يرجع مهانن ذليل
وسيوفهم كسرها يتعب لجبارها
يفدى لروس النشاما كل راسٍ بخيل
اللي جهل فعلها مايجهل اوكارها
كرمتو عيال ظاهر دون سابق جميل
لان الكرم طبعكم وانتم من خيارها
وحنا نفاخر ونذكر كل صرح ظليل
على النقاء والمعزه نقطف اثمارها
ومن قدم الطيب يالقى طيب ماهو قليل
وزحول الابطال ماننقص لمقدارها
وختامها ريح مسك وزعفرانن وهيل
وفرايدن تدرج في وسط مظمارها 
Развлечения
صح لسانك ي الشاعر صبيح بن عوض الظاهر
صح لسان الشاعر صبيح عوض
ويستاهلون النفج
الطيب الي يستاهلك ونعم فيك وبربعك 🤍
َ صح لسانك