حيدري زينبي | الرادود علي العصفور
HTML-код
- Опубликовано: 6 окт 2024
- حيدري زينبي
الليلة السابعة من المحرم الحرام ١٤٤٦
كلمات الشاعر
عباس صلاح - عبدالله العسيف
تصوير
مهدي ال عمران
سعيد ال عمران
المكساج
هاني ال عمران
انتاج
الموكب الزينبي بتاروت ١٤٤٦
مسجد الامام المنتظر عجل الله تعالى فرجه الشريف بتاروت
حيدري زينبي .. من يسل فقاره
ومن ترف رايته .. يقلب المعاره
گمر ماكو مثيله .. كفيل اخته العقيله
يقلب المعاره
من الباري عنده مَنزله .. مُصحف حُسيني امنزله
بيمينه نار الحاطمه .. وبيساره يوم الزلزله
لو شد لثامه بالحرب .. ياهو اليجيه ويوصله
حامي اللوه ، كافل ، گمر .. ساقي عطاشى كربله
فارس الحرايب .. مرعب الكتايب
سيفه بالعساكر .. مُظهر العجايب
كاشف المُعضله .. بكربله لعضيده
يانِعم مَسنده .. من فده وريده
صفاته اشگد جليله .. كفيل اخته العقيله
يقلب المعاره
من صول وشال اللوه .. وبزوده عالعسكر نوى
سبعين الف ماتوا رعب .. سبعين الف شردوا سوه
صار القتل ويه النفس .. وكل شي وقف حتى الهوه
شتحسب جماجم لو دمه .. وبسيفه دمدم نينوى
محضر الجلاله .. رجفوا بخياله
يضحك اعله مهره .. بهيبته وقتاله
والنده من الخيم .. والجماجم تصب
هالله هالله وكفو .. ياخو زينب اضرب
اسد يسعر غليله .. كفيل اخته العقيله
يقلب المعاره
يطحنها چن طحن الرحه .. اْو رفعت الاعادي النايحه
يمينه جثث متگطعه .. يساره تون امجرحه
واليدنه ليه وگت الحرب .. يقره اعله روحه الفاتحه
حسين اليسمي للذبح .. اْو عباس الي يذبحه
خَله الاعده تركع .. وآل أميه تخضع
هالمنيه عرشه .. اْو عالعرش تربع
يمشي بين الجثث .. بمشيته ايتبختر
زلزل المعركه .. بصوته لما زمجر
جثثهم مو قليله .. كفيل اخته العقيله
يقلب المعاره
لمن وصل للمشرعه .. الجيش بخزرته ضعضعه
ذلاهم وطب للنهر .. بكل خطوه تطلع زوبعه
يتحدى ويشيل العذب .. وتالي يرد يرجعه
لو وده يشرب يا ترى .. ياهو الي يقدر يمنعه
واثق بحسامه .. محشر وقيامه
العلگمي لون راد .. وصله الخيامه
مستعد والشمر .. بجيشه ما يوقفه
هذا ليث الوغى .. بنظرته يرجفه
اذا قرر يشيله .. كفيل اخته العقيله
يقلب المعاره
لما العساكر غدرته .. اْو گطعوا يساره اْو يمنته
ماكو وصف منه اختلف .. ظلوا ابرعب من خزرته
اْو كل گطره من دمه انزفت .. نزفت (حُسين) اْو كتبته
وبخده هَلت دمعته.. اْو كتبت ( يزينب ) دمعته
حاله ماتغير .. اْو عالكفر تجبر
حامه عن عضيده..هذا فوزه الاكبر
رغم انف هالعده .. ماخسر ولا انذل
انتصر وعالبشر ..اعله رتبه حصل
اخو ماكو بديله .. كفيل اخته العقيله
يقلب المعاره
عباس صلاح
عبدالله العسيف
في احد ادمنها مثلي ؟؟؟❤️❤️❤️
حصنتك باللي عينه ما تنام ، صوت من ذهب 🤍🤍🖤، مأجورين.
طابت والله هالانفاس
احسنت ملا اخوكم من سوريا ❤
طابت الأنفاس ملا علي ❤
طابت الأنفاس ملا علي
طابت انفاسك ملا علي 🖤🖤
احسنت ملا طيب الله انفاسك
ابداع الزينبي 👍🏼
مأجورين
❤❤❤