將軍澳慧安園商場被稱為死場？街坊阿一否認：呢度係個有人情味嘅商場！| 城市遊走 將軍澳 慧安園
HTML-код
- Опубликовано: 13 сен 2024
- 【影片由清漉白玉烏龍茶贊助】本地牌子，真正香港製造，堅持每日新鮮人手沖茶。茶味清爽、解油膩，啖啖回甘。阿布泰、何車、美樂士多等地市均有代售！
詳情了解：www.purelifehk...
由細到大，不論居住定讀書都係將軍澳嘅阿一，對慧安園瞭如指掌。阿一稱將軍澳街坊好有人情味，近年更創立「將軍澳外賣專線」，與街坊共同進退。
［PAYME支持此頻道］：payme.hsbc/heb...
香港不是一個製作者追夢的地方，如果你認為我的製作值得你支持，
可以選擇成為頻道會員，彌補製作上的開支：
/ @hebeface
BGM：Lo-fi Type Beat - I can feel you...
• (FREE) Lo-fi Type Beat...
1. CC字幕未做好
2. 多謝清漉白玉烏龍茶贊助，支持本地牌子！有關清漉嘅飲品：www.purelifehk.com/
3. 支持埋「將軍澳外賣專線」，街坊可下載手機APP -
Android: bit.ly/3qmw3Mh
IOS: apple.co/3w1ND9T
個保安姐姐掂行掂過，冇話見人拍片就趕人，唔錯唔錯，抵赞 👍👍👍
支持真實反映社會生活現狀! 👍👍👍👍👍👍
同意
慧安園好多良心小店，又好多game店，以前ddr大熱果陣都有擺roadshow，好多人黎玩，食野又係好平，陪伴我中小學年代😎
當年我有玩過
以前仲會去樓上嗰間卡舖係咁買
現家無game店吧😂
之前小學個個都去現 陀螺四驅車 瑤瑤
仲有卡將軍 抽卡買卡
以前有老翻game舖
我好多ps同ss game都係呢度買
支持阿一，支持hebe，社區需要呢類人，咁先能夠令個地方有人情味
呢集拍得好好睇，有機會過嚟將軍澳都想去睇下
懷念香港仲有人情味既商場！支持HEBE做多D呢類型既記錄片！
噤啱係將軍澳 留返係屋企叫專線安全啲 haha
有心幫香港架人材，真係唔多要珍惜下。 支持2位
魚木，瀧茶🤤👍呢個慧安園真係陪我長大，連楚強醫生我全家都幫襯過😹而家惠康個位以前係太興，懷念以前2樓仲有肥肥屋嘅時光😹35年將軍澳人參上🫡😹
肥肥屋係回憶~
😂😂連楚強 我有病就搵佢架啦
肥肥屋買ps1， 好難忘
肥肥屋 東港城都有間 🥲
以前好多商場都好有特色好興旺兼有人情味，最後都係被租金逼死咗，所以變死場都係租金太貴既錯
慧安園商場好多有心小店，值得要支持。仲有將軍澳外賣專線，有人情味，服務又有互動彈性，支持支持。好開心Hebe到訪介紹。
以前後生時都起慧安園租店開過小店，當年舖位好平，以前後生唔識諗，無買到舖位😅
但都好多回憶。
支持，因為佢真係為咗自己個區嘅街坊方便，又幫到好多小店生存，雙贏生態模式。
以前有間敦煌酒樓，果時真係好旺好多人！好開心好多回憶
扶手梯上二樓轉左再轉左之後右手邊間食肆以前係賣車仔麵同飯,我由揹書包時$1x 3餸食到前年嘅$2x 2餸,一直都生意好好,之後無啦啦轉賣煲仔飯之後就冇幫襯,疫情之後間嘢都面對現實整返2餸飯,但已經唔係果回事
另外超市後面條巷轉角個鋪位以前賣小食又係超抵,$5有件大薯餅,淨撈麵$4一個麵,$7 2個,$10 3個,個份量係一個普通飯盒咁大,之後再去正門間士多買罐$5雀x牌檸茶,咁已經好滿足。可惜間小食店疫情前摺咗,臨摺之前個撈麵都分別只係$5/$9/$12,絕對係糧尾恩物。
大商場係好，但係社會都好需要呢啲街坊商場嘅
特別係好似將軍澳呢啲新區，有一個企理嘅街坊商場其實真係好難得，真係要珍惜
慧安第一名物 良記餃子
印象慧安最風光應該係二樓美容鋪位開權發，晚巿可以坐滿人要等位兼做到兩輪客
劏場前身係嘉年華酒樓，甩左比洗米華
二樓日年華小食，做左廿幾年，近一年執
二樓以前有間專做飛碟，做起搬左去新都
90年代尾，有老翻game有租機打
我都係住將軍澳，之前都有睇過佢訪問，有加佢專線。 佢地真係好有人情味。 說到慧安園，自己未去過，之前睇過好多人拍， 都是拍飲食片，無你影得咁全面。 讚。 令我有興趣去行下。
恭喜HEBE接到其他贊助
以前點會冇老翻，個商場剛開業嗰陣，間酒樓仲係敦煌，個場大把老翻賣，PS1 game，電影VCD。我好記得，因為嗰時讀小學幾乎日日去飲茶，一定會問老豆攞廿蚊買PS1 game，有次入左間舖有兩個著黑背心嘅男人叫我「出番去丫，哩度唔做生意」，之後我先知原來係海關掃場。
酒樓個位好似而家慧星會果個位, PS1 GAME好似係正門行入去右邊條巷...
記唔記得有一間店後面有部恐龍快打租比人打XD~~
自從睇生蕃哥, 生蕃哥個名又正, 人又正, 訪問又正, 一洗社會敗類之名, 愛上生蕃哥🤭
死塲系列又正......
而家有嘉賓, 又有sponsored, 恭喜！
💪
樓上以前有間漫畫鋪 一味 可惜租漫畫夕陽，結果執左，地下果層 心香 煎餃公公婆婆好正 公公有腦退化婆婆佢地做生意過下日晨等等公公病情無咁嚴重，樓上祥華雜貨鋪逢星期四休息，劏場果位以前係嘉年華，由於附近大型商場開有酒樓影響下結業 講下講下細個回憶返晒黎
以前呢到有老翻嫁，天將果個位以前賣老翻GAME，
最正係最入個間餃子店，可以話係呢個商場既地標。
樓上以前間車仔麵鋪都好有回憶~
寶琳居民表示好鍾意慧安園，做facial又平過出面，啲舖頭又有人情味，尤其瀧茶老闆娘超好人，有次我咁啱幫襯買杯咖啡，而嗰排好興400次咖啡，老闆娘問我趕唔趕時間，原來係想沖杯400次咖啡俾我😮
魚木又係正嘢，大盒抵食！
完全唔似死場，感覺係一個街坊商場
我2000年左右開始係慧安園住咗成十年，打開個youtube見到係介紹慧安園商場即刻所以回億返晒嚟！多謝Hebe!
我記得當年二樓都有兩三間玩具舖，都放咗唔少Figure/扭蛋公仔係度我成日去睇。同埋都有賣模型嘅舖頭。
如果我無攪錯，當年好似仲有紋身舖（Google証實係有嘅，係麥以馬開嘅嗰名叫「神藝刺青」，而麥以馬係一位紋身師以外同時都係電影演員）！
仲有仲有，當年仲有一間酒樓！但係其實我竟然係無幫襯過嘅😅。
良心大業主，藉得俾個讚👍🏻
我都係將軍澳長大，廿幾年前就係喺慧安園對面返學，基本上由返學前食早餐到放學後四圍hae都係喺慧安園。
當年我記得係有幾間賣老翻（我第一部PS就係喺度買）有兩、三間賣明星相，仲有除咗食嘢之外幫襯得最多嘅租漫畫舖，所有嘢都好懷念。
搬離開將軍澳之後都冇機會再去，好多謝你帶我去睇下我成長中留唔少腳毛喺地方宜家變成點🙏🏽
雖然啲舖頭變咗，但個商場嘅格局同感覺都冇乜點變😊
慧安園😏
最懷念以前...
敦煌人山人海攞位飲茶；
崎興茶餐廳嘅炸菜肉絲米、沙爹牛肉麵；
某小食店嘅碗仔翅、黑糯米加花奶；
game舖肥肥屋、另一間喺酒樓隔離可以上閣仔打機😏
我住調景嶺都帶個仔係慧安園學畫畫、補習日日去，好方便，有時坐係慧星匯入面食日本丼飯，順便玻璃睇到個仔學畫，隔離補埋習好快2個鐘一日
其實宜d場真係有存在價值，平平地租，咁d野食又平d,學生哥福音😂就算係出面d劏場其實都係，不過鬧市中既劏場就會難d有學生哥幫襯，加埋租又無咁平，所以自自然然變左死場
我仲好記得樓下伯伯婆婆,細細個已經響度賣燒賣,魚蛋,呢家都仲有響度,又平又抵食
開心睇到呢啲民生商場無邊到死場，呢啲係平民普通人嘅消費，同埋真係想推動經濟，真係要靠呢啲真正嘅small businesses!
慧安商場係學生恩物呀！我廿年前去嗰度補習完就落去買嘢食
多謝希比, 阿一, 瀧媽咁愛香港~
慧安園商場早年其實好多Game舖，又有漫畫店，真係旺過一時，不過之後冇晒，加上當年新都城開所以變死場，幾年前番過去真係死場，上層唔開燈乜濟，估唔到而家好番。
多謝拍撞分享🙏🏻
好溫暖的一集
恭喜哂Hebe有廣告！ 慧安園哩
呢個地方最記得喺觀塘裕民坊有小巴可以搭到去呢個地方，但一直以來未去過，睇完影片了解多左，因為之前通常都去將軍澳嘅大型商場行街
我係將軍澳住10幾年，知道有慧安園，外圍冷清，以為死埸，通常係外圍舖頭幫趁，唔拍片都唔知原來都算多舖，會過嚟行下，多謝Hebeface
身為一個由細到大都係將軍澳生活嘅人嚟講，慧安園完全唔係死場🤣 中學全班最中意一齊去均彩印刷print notes🤣 好似片中所講，佢係好難得將軍澳全小店主導嘅商場，尤其學生黨最愛嘅小食、salon、補習、改衫、印刷、洗衫，你諗到嘅民生鋪頭都有，所以我覺得相對嚟講比較少受到疫情影響
thank you 阿一 and Hebe!
超讚！我咁啱住喺附近，估唔到有人會關心呢個商場，多謝你！👍🏻👍🏻👍🏻
慧安園最初既時候, 地下有間茶餐廳,好多時拿拿臨食完早餐就過對面靚次伯返學, 宜家一切已經成為回憶lu☺☺
多謝你同阿一介紹，將軍澳係小店沙漠，我上網係好難搵到有特色小色，今日經過慧安園專登去試咖啡店，佢沖嘅手沖好好飲，老闆好有heart 。
🙏🏼🙏🏼🙏🏼
呢個阿一 少有感覺到 為香港社區做事 雖然都係要食飯 但至少佢個份親切同関懐讓人覺得人間溫暖 敬佩他…. 努力呀！這是會有福報
最愛專線❤
記得中學時喺慧安商場二樓某間補習社補習，位置大約喺168髮廊隔離，當時對面有間賣遊戲機舖頭叫super game shop, 有次見到有三個警察行咗入去，起初以為係海關，點知原來果三位警察喺度買老翻game😂，之後補習阿sir話：咩話，警察都黎買老翻😂
加油年輕人👍👍, 永遠支持有人情味的商場，有著昔日的舊風情，希望盡量保留這份情懷，更要珍惜年輕人的純真，他們是社會的希望，心痛現時的景象，扼殺很多未來的主人翁😓😓, 幾年前發生的事歷歷在目，更令人心痛 😭
慧安有段時間有老翻賣，係PS年代有幾間Game鋪有老翻賣，當時仲有2至3間租漫畫鋪，賣TCG卡鋪有2至3間，有幾間模型鋪出現過，慧星匯前身係酒樓，我學生時間仲有間賣飛碟(多士)好好食，但搬左去新都就麻麻
印象出現過嘅鋪頭名
肥肥屋
一味漫畫
卡將軍
可惜全部已過去了
荃灣荃豐、華都、昌安、昌寧、豪輝一直排商場差唔多feel
其實慧安都曾經有過老翻店，不過唔係VCD，而係PS碟。2000年左右，慧安好多賣遊戲機店，所以同時都有好多老翻PS碟店。
初中03-05年左右記得有5蚊16粒細魚蛋，通常一上唔到297,又要等25分鐘就去慧安園買完野食再去等車，有多餘錢會樓上食_年華，食下麵
樓下餃子就而家間中入tko都會去幫襯下
將軍澳仲有個係山上的翠林商場, 由80年代街坊商場被迫裝修轉型翠林新城, 變左死場, 現在好返DD, 得閒可以黎!
以前我住係呢度十年，最多係補習跌打理髮小食同美容，我仍然記得商場入面邊啲舖係由邊度搬去邊度(當年嗰度有翻版game碟舖)，因為佢太有生化壽屍嗰場嘅feel🤣🤣 Btw其實將軍澳仲有好多有特色或者特別嘅商場/死場，可能我記憶力OK😂，仲記得未改建圖則/規劃之前嘅南豐廣場，新都城，東港城同將軍澳廣場/將軍澳中心嗰啲。
我都記得,但呢幾個場地方,好多都比大集團收購哂,得翻呢個仲係保留到
奇實將軍澳冇咩死場。始終佢係食正90年代新市鎮之一好有活力。只不過你拎全盛期比佢地緊係比大集團地鐵上面果幾個商場搶左生意就真。
支持hebeface
之前拍過慧安嘅片，單純想記錄2019年仲係頻死狀況，一直無返過去睇，原來而家變旺返，可喜可賀。
將軍澳街坊👋🏻🙋🏻♂
多謝你呢條片，我都好鐘意呢啲人情味小店，得閒真係會過嚟行下買下食下
自從轉左工，就好耐無黎惠安園
原來好多舖都唔同九
真係好鍾意呢度,
啲野算平，而且好有人情味
唔止講街坊，啲店主都好好感情
慧安園都真係開左好多年....最早期真係超級旺場, 地下有幾間遊戲機舖 (仲係SONY PS1好多老翻既年代), 我第一部PLAYSTATON就係慧安園度買, 上面又有模型舖, 仲有卡舖明星舖, 漫畫租書店, 果陣食飯/放學時間真係好似旺中咁旺....
老街坊，當年是翻版天堂~學生的據點~
@@pandada8147 果陣仲係學生, 成日去睇game(老翻), 買攻略(影印本),抄save
當年個隻蒜容撈面已經搵唔返(唔係印尼撈
Great commercial shopping centre. Very well organised.
好暖心嘅一集
支持HEBE !!!
支持hebe
無🉐️頂！ Hebe
Hebe而家好出名㗎👍🏼
好懷念......以前放學成日過來, 轉眼已經二十多年
下次去可以試下地下間螢火蟲同良記
螢火蟲既撈麵好味，姨姨好人
良記餃子超好食
依家係咪仲係$4細撈？ 我太耐冇去
@@james-tp5ui 果間執左幾年了
香港各區都有呢種小商場，確係唔靚，但勝在夠實用！
聽日會買支試下!
🎉🎉太好啦有廣告
Hebe 拍住街坊 "阿一"導賞
👫👬👭🧑🤝🧑大家都識得！
有人情味的細場暖暖和諧
講真…😵💫😮💨港人已經厭倦了
霸淩欺弱的千篇一律連鎖式大場
新開果時商場有1蚊拍賣場，老番GAME鋪可以比錢企門口打機，咭將軍睇卡，重有一間零食鋪以前有好多唔同地方既零食
重有間幾出名既肥肥屋
九幾年嗰陣個場都ok，有小食零食翻版game同卡舖，呢度都唔算係太死既場，到後來有新都城開晒三期就開始可能有影響
但對於新都城3期現時情況係無咩野行,得食,對比翻慧安園呢家,咁多小店食,仲平,我會簡慧安園
以前成日走上去同FD去打機,幾蚊一回,真幾正,仲會有卡GAME
佢知自己定位，早十年前開始多髮型屋。近年就多良心小店。
慧安園正門右邊有間將軍澳勁專業單車舖…將軍澳區重要踏單車維修站…條片好正👍🏻👏🏻👏🏻👏🏻
好記得大門口入去間小食店，10蚊2個撈麵，伯伯重會送3粒魚蛋，真係好正
初代將軍澳人, 學生時代最鍾意呢個商場. 平民嘢多, 二樓零食鋪, 小食鋪, hobby. 行一圈睇下有冇新嘢.
以前一上電梯二樓權發餐廳, 大件抵食.
呢啲先係做香港人生意的商場
無錯，呢個商場真的帶給我中學時期美好的回憶。因我讀的學校唔俾全校放lunch,只可以放學後才去呢個商場。我讀中一時落成，嗰時的酒樓位置(未裝修)擺放佛教攤位。我中一嗰時，班上有同學攞咗嗰"南嘸阿彌陀佛"機帶返學校並且放部機上課室裡燈具上面播放。教EPA兼家政科Miss發現後，問全班同學誰放上去及邊啲同學有呢部機，在哪裡攞等問題。放上去嗰位同學當然最後俾老師罰咗😂同埋部機沒收
呀一世一🎉！支持希比！🎉
Hebe, 有機會可以嚟大埔睇吓啲商場吖（大埔廣場、翠屏商場、大日子商場）
以前慧安園的燈光好多
有2間模型舖
其中一間可以放四驅車
仲有隱形段鐘計既遊戲機舖
點隱形法，就係佢set左個閣樓仔
有PS同SS你玩
有個電子倒數鐘
俾幾多就可以玩幾耐
間野仲有的賭博機
可能係咁，玩過一次之後就好似收左皮
食野就有間舖專賣小食
成個場都係果陣滷水味
當然，最好食既我都係覺得係佢既滷水雞髀
印象係5,6蚊就有
好嘢，終於有廣告喇
好多人分唔清死場同嗡耷場
支持小店
地下最入果檔煎餃子 由中學食到宜家 😋
E個場真心唔錯，剪髮平，有良心小店，有淘寶野拎，補習社，2樓個祥華食品大家真係要行下，比出面會平D。唯一係中間大堂個茶餐廳，永遠做唔起😩
最有記憶寶林伯伯餃子鋪🤟
無錯！餃子鋪真係最經典！好食，多人排隊但都唔夠佢個餐牌正，個餐牌寫住（數字唔一定啱）：餃子5蚊3隻，10蚊6隻，20蚊12隻！嘩大佬，乘數表呀？次次見到我都好開心！
我細個住附近，中學放學就係個度租漫畫，食飛碟，買老翻 game 同補習。80 後以前係個頭返學既相信有哂回憶😢
WAHAHA 食飛碟, ...勾起番呢個詞..腦海中無左呢個詞好耐~~
肥肥屋 人氣皇 卡將軍
樓上士多買洪大媽
樓下買煎餃或者報紙檔買壽司
好似車仔麵舖開到好夜 以前做完part time成日去宵夜
洪大媽唔係門口報灘就有架咩?@@
介紹小商場 小店 都幾好睇💪🏻
個嘉賓好正
慧安苑又唔算死場，係靜d, 因為樓上多數補習，下層有間茶記，好多小食店，放學時間都ok多人，洗衫鋪幾平，好多人幫親，最緊要幫親下包餃子既夫婦，佢先生身體狀況不佳，靠太太一個獨力支撐一間小店，我經過都會買番盒餃，平靚正煮麵狂隊
我經過都會停下幫襯，韮菜餃超好味。正門入口正面望就見到😉
最記得細入去買digimon world 1 翻版碟，大過之後主要入去都係攞速遞。依家生活圈子集中喺新都城
微觀香港民生商場導賞團~ 👍
細個喺度補習（而家果個補習呀Sir變咗補習天王），補習前會去買定碗碗仔翅邊食邊上堂。仲有肥肥屋買老翻PS game、整遊戲機。仲有間聲稱係全香港首間麵包飛碟店（炒麵飛碟堅好食），睇住佢由慧安園做到發咗達，搬去新都城開地鋪，然後幾年就執咗。。。好多回憶。
肥肥屋係咪地下正門行右邊條巷? 定係上電梯中間天井位果間?
@@asaduo66 無錯，後來搬咗去新都城三期，幾年前執咗。
恭喜有業配
♥♥♥
睇晒片同廣告
仲睇兩次添
慧安園喺細個的時候係影印天堂，印notes平靚正，又即刻帶得拎！
依家都仲係,擺低要影嘅嘢食完串魚蛋返嚟都有得拎啦
好嘢，有廣告贊助！
BuBu有罐罐食啦😂
支持