ДУО БАРОИ ЗИЁД ШУДАНИ ИЛМ. БАРОДАРИ МУСЛИМ

Имрӯз Ин шаа Аллоҳ оиди як дуои кӯтоҳ сӯҳбат мекунем, ки он барои зиёд шудани илм аст. Ин дуо дар ояти 114-уми сураи Тоҳо омадааст:
رَّبّ ِ زِدْنِى علْمًا "Рабби зидни ъилма"
«Эй Парвардигори ман, маро донише биафзо».
Яъне, Худоё илми маро зиёд кун.
Хусусияти асосии ин дуо он аст, ки Худованд ба худи Паёмбар саллаллоҳу алайҳи ва саллам амр мекунад то ин дуоро бихонанд.
Пас, Баландқадр аст Худо - Подшоҳи Барҳақ. Ва ба хондани Қуръон - пеш аз он, ки ваҳйи он ба сӯи ту ба анҷом расонида шавад, шитоб макун; ва бигӯ: «Эй Парвардигори ман, маро донише биафзо».
Худованд ин дуоеро ки ҳамагӣ аз се калима иборат аст, ба Расулуллоҳ саллаллоҳу алайҳи ва саллам ва ба воситаи он ҳазрат ба мо омӯзонид.
Агар дар дунё нафаре мебуд, ки дигар ба дониши иловагӣ ниёз надорад, ин Муҳаммад саллаллоҳу алайҳи ва саллам мебошад. Зеро Худованд ба ҳазрат Қуръонро омӯзонид. Лекин ингуна одам вуҷуд надорад ва мо ҳамеша дар талош ҳастем, ки боз ҳам бештар илм пайдо намоем. Ва ҳамин аст яке аз хусусиятҳои мо ки Худованд бо раҳмати худ ба мо додааст.
Агар ба ҳайвонҳо нигаред ва фарқияти моро аз онҳо бикобед, мебинед, ки дар бисёр ҳолатҳо онҳо аз мо беҳтаранд. Баъзе аз ҳайвонҳо аз мо дида калонтаранд, баъзе аз онҳо аз мо дида тезтаранд, паррандаҳо парвоз мекунанд вале мо ин корҳо карда наметавонем.
Вақте, ки Худованд одам алайҳиссаломро офарид, Вай ба ҳазрат номҳои ашеҳоро омӯзонид ва аввал аз фариштагон пурсон шуд. Вақте фариштагон номҳои он ашеҳоро гуфта натавонистанд баъдан Одам алайҳиссалом онҳоро номбар карданд. Пас аз ин фариштагон фаҳмиданд, ки Худованд Одамро аз онҳо болотар кардааст, яъне дараҷаи одам болотар аст. Лекин дар асл фариштагон аз мо калонанд ва онҳо қувваи зиёд доранду парвоз карда метавонанд. Аз ин ҷо маълум мешавад, ки одамро қувваи ҷисмонӣ неву маҳз доштани шуур, ақл аз дигарон дида дар дараҷаи боло гузоштааст.
Акнун савол. Вақте ки мо ин дуоро зикр кунем, зери он танҳо илми динни дар назар дошта шудааст ё ин ки илми дуняви ҳам он ҷо ҳаст. Ҷавоби ин савол чунин аст. Вақте банда мегӯяд:
رَّبّ ِ زِدْنِى علْمًا "Рабби зидни ъилма"
«Эй Парвардигори ман, маро донише биафзо».
Зери он ҳам илми динӣ ва ҳам илми дуняви дар назар аст. Лекин бояд қайд кард, ки ғолибият ин ҷо ҷониби илми динӣ аст. Зеро бисёр одамонеро дидем, ки дар донишкадаҳои бузург илм омӯхтанд лекин аз Аллоҳ дуранд ва ҳамчунин онҳоеро дидем, ки аз химияву физика ҳеҷ чиз намедонанд, лекин онҳо илми зиёди динни доранд. Ҳаёти Паёмбар саллаллоҳу алайҳи ва салламро меомӯзанд, Қуръон ва суннатро меомӯзанду аз Аллоҳи худ бохабаранд.
Ин маънои онро надорад, ки илми дунявиро набояд омӯхт. Ҳаргиз ингуна нест, зеро илми дуняви низ ба мо хело кӯмак мекунад. Тавассути он мо бисёр корҳои худро осон мекунем ва маблағи зиёд метавонем ба даст биоварем. Хулоса илме дар назар аст, ки бар фоидаи мост.
Имрӯз аллакай чандин таҷрибаҳои олимон нишон додааст, ки майнаи сари инсон ба монанди мушакҳои бадан аст. Ҳар қадаре, ки шумо он ҷо зиёд илм ворид намоед майнаи сар ҳамон қадар бузург шудан мегирад. Ва ҳар қадаре, ки илми шумо зиёд шудан гирад, омӯхтан барои шумо осон мешавад.
Паёмбар саллаллоҳу алайҳи ва саллам гуфтанд, ки ду нафар ҳеҷ гоҳ ором намешавад. Ва ки ин ду нафар? Яке онест, ки думболи дарёфти моли дунё, ва дигаре ҷӯяндаи илм.
Агар шумо аз паси ин дунё рафтед, пас донед, ки дилҳои шумо ҳеҷ гоҳ ором нахоҳанд шуд. Мисол вақте шумо аз нол оғоз мекунед ва мегӯед, ки ман даҳ ҳазор доллар кор мекунам тамом. Ман ба шумо бо сад фоиз мегӯям ки агар даҳ ҳазор доллар кор кунед, он бароятон кам менамояд ва мегӯед ки не бист ҳазор, си ҳазор ва ҳамин тавр рафтан мегирад. Шумо ҳеҷ гоҳ аз пулҳое ки доред рози шуда наметавонед.
Дигар оне аст ки дар ҷустуҷӯи илм аст. Ин нафар низ ҳеҷ гоҳ ором нахоҳад шуд ва ҳамеша аз он илме ки дорад қонеъ нашуда боз аз паи омӯзиши илм аст.
Агар шумо натавонистед ҳаётро барои омӯзиши илм сарф кунед, ин дуо оғози кори шумо аст. Шарт нест, ки аз саҳар то шом пурра аз паи омӯзиш шавед. Барои худ вақти муайян ҷудо ва ҳар рӯз кам кам омӯзед ва баъдан бо илми омухтаатон амал кунед. Рози шавед, ки ҳар рӯз мо чиқадар видеоҳои нодаркор тамошо мекунем. Аҷоиб лекин барои онҳо мо вақт дорем. Беҳтар ба ҷои онҳо ягон мавъиза аз ҳаёти Паёмбар саллаллоҳу алайҳи ва саллам гӯш кунед. Кӯшиш кунед то вақте, ки Худованд бо Раҳмати Худ ба шумо додааст, бо корҳои беҳуда сарф нашавад.
Инҷо силсилаи навбатӣ ба охир расид.
Худованд нигаҳбони ҳар яки шумо.
Ассалому алайкум ва раҳматуллоҳ.
ДУО БАРОИ ЗИЁД ШУДАНИ ИЛМ. БАРОДАРИ МУСЛИМ
📰Обуна шудан ба канал: / @tajreyting
📲Мо дар шабакахои ичтимои:
📌Facebook: m.facebook.com...
#ба_канал_ва_гуруххои_мо_обуна_шавед
#бародари_муслим #мухаммадпаёмбар #расули_Худо #паёмбар #як_лахза #як_кисса #Бародари_муслим #хадисхо #хадисхои_пайгамбар #хадисхои_бехтарин #хадисхо_бо_забони_форси #хадисхои_пайгамбар_бо_забони_точики