مو معقول ، الاستاذ ذات نفسه!!🥺😆 شكراً من كل قلبي استاذ واتمنى ردة فعلي على الـ ٩٩ بالرياضيات تكون كافية حتى تعرف شكد اكو ناس تحبك و تدعيلك و معتمدة عليك الحمدالله ثقتي بتدريسك وانُ انت الصح طول السنة ما خابت ، وشكرراً♥️♥️
@@Haider_waleed استاذ الله يخليك احنه طلاب الرابع محتاجيك والله اني كلش ضعيفه بالرياضيات ولله فضل الله ثم فضلك طلعت ٩٤ هاي اني اعلى درجه عندي بالثالث كله اشكرك استاذ وهسه نتمنى منك تكمل منهج الرابع الله يحفظك استاذ 🙏🙏👑
احنه ب العراق6 سنوات ابتدائيه و3 متوسطه و3 اعداديه وبعدين تدخل جامعه او كليه وقصدهه الصفوف مال العراق ما نسميهه صف اول وثاني وثالث ورابع وخامس وسادس وسابع وثامن لا بس الابتدائيه يعني اول وثاني وثالث ورابع وخامس وسادس نسميهن هيج وبعد اول متوسط ما نمسي سابع وثاني متوسط مانسمي ثامن وثالث متوسط مانسمي تاسع والرابع علمي او ادبي ما نمسي عاشر والخامس علمي او ادبي مانسمي ١١ والسادس علمي او الادبي والاخير مانسمي رقم ١٢ هيج مثلا نسميهن صف رابع علمي او ادبي صف خامس علمي او ادبي وصف سادس علمي او ادبي وبعدين تدخل كليه او جامعه يارييتتت فهمتني او افتهمتيني لأن شرحي بل كوه يدخل للدماغ😂😂
الف مبروك الچ 🩵. ++ بقى فقط ١٥ يوم تفصلنا عن الأَمتحانات ، اتمنى ربي يبدل حالنا من حال الى حال أفضل واتمنى يرزقني هذه الفرحه على گد الصبر الي صبرته والآلم والتعب الي تحملته طوال هذه السنتين، اتمنى ارجع بيوم النتائج لهذا التعليق وأكون محصله المُعدل الي اريده بأذن الله تعالى ﴿إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ﴾ 🩵🩵✨.
والله يا يقين مادري شكلج حرفيا بس صارلي سنين اشوف هالفديو مالتج واحلم واليوم كلت خلي اعلق واخلي فد ذكرى او بصمة الي بهالفديو صار سنين اشوفه وبكل مرة اشغله بيها اتوتر نفس التوتر وياج واتحمس واتحفز كلش هواي واصفن واكول معقولة يجي يوم انه اصير بمكانج واجيب هيج معدل وافرح هيج فرحة ؟معقولة يجي يوم اشوف هالفديو وانه بكلية احلم بيها وفرحانة واجي اضحك واتذكر شلون جنت اشوفه وانه خايفة دائما اسأل نفسي هالسؤال الفديو مالتج هذا كلش عظيم بالنسبة الي هواي يفرحني ويحمسني ادرس وامتحن واجيب المعدل اللي جنت احلم بي من زمان يارب يتحقق هالشي بحق امير المؤمنين علي 🤍
ليس هناك مستحيل اياك ثم اياك ان تستسلمي النجاح هو مجموعة من محاولات فاشلة يا عزيزتي لا يدرك بالتمني إنما يدرك بالعمل والجهد والصبر ومقاومة النفس لن تصل إلى ما تحب حتى تفعل ماتكره وفقك الله حفظك الله من كل شر و بلية
حالياً طالبة سادس دفعه2024 دخلت على اليوتيوب علمود ادرس كيمياء بعد شهرين على امتحانات الوزاري وطلعلي هذا المقطع كلش شجعني اكمل يارب ترزقني هاي الفرحه وترزق كل طالب يارب❤
شفت الفيديو العام الماضي و كنت فاقدة الشغف كلش واليوم آني طالبة طب بعد ما طلعت معدل 100 مع درجة الدور الأول ++ اللي متأخرين و فاقدين الأمل ..أنصحكم قاتلوا لآخر لحظة مو مهم كم مراجعة آني راجعت 29 يوم بس و رحت لأمتحانات ما مخلصة المادة بس مقتنعة أنو ما قصرت والله مستحيل يضيع تعبي والحمدلله ما ضيعه ❤️
@@حسين-م8غ9س يروحي أهدي أول شيء ..ثانيا آني درست ع اليوتيوب ما دخلت ولا مادة خصوصي و عدت سنة ..أول سنة صارت عندي ظروف عائلية ومشاكل وما قريت ولا حرف لحد شهر الرابع العالم بلشت تراجع واني توني أفتح الكتب قريت اللي أگدرله وجبت 100 بالاسلامية والاحياء100 و 92 بالعربي وكله ع اليوتيوب بس ب3 أشهر و اضطريت أعيد لأن ما كملت باقي المواد ومن عدت هم واهس صفر لأن أول مرة أعيد بحياتي وأول مرة أرسب ..خلصت عمري الاولى ع مدرستي فحسيت بأحباط كلش قوي وما بديت قراية الا بشهر ال11 سويت أنتساب و گعدت أقرا واهس صفر اسوي عشرين جدول باليوم بلا فائدة ..تعبت نفسيا و كرهت حلمي و گلت بس خل أطلع حرفيا أبچي ليل نهار وأمي ادگلي بس أطلعي المهم مريت بأقسى الظروف اللي ممكن يمر بيها طالب السادس وتركت الدراسة شهر ونص يلا رجعت وبلشت مراجعة بشهر الخامس واني ما مخلصة الكيمياء و العربي والانگليزي چنت اذا مخصصة 9 ايام للكيمياء مراجعة يخلصن الايام وما أخلص المادة بحيث ضلوا 3 أفصل ما قريتهن و عانيت هواي بس چنت متيقنة انو الله ما راح يضيع هذا التعب و أرجع أكول لا المهم أطلع حتى حلمي ما أريده ...المهم وصلت الامتحانات واني ما مكملة مراجعة ..الإسلامية راجعتها بيوم ونص كلها قبل الامتحان و الفترة اللي بين الامتحانات مال عيد الأضحى ما قريت بيها ولا حرف ..حرفيا كرهت نفسي واهسي أنتهى و اضطريت اترك الفصل السابع كيمياء مع انو اني ضليت شهر بيه أريد أفهمه وكتبت كوم ملخصات عليه بس من وصلت بالمراجعة ما گدرت اقراه لكيت روحي ناسيته كله ..المهم رحت لأغلب الامتحانات واني ما مراجعة نص المادة مثلا الفيزياء رحت قارية كلاميات 6 أفصل و المسائل بس 3 أفصل وضليت ابچي أريد أجل بس أمي مقبلت جاوبت اللي قاريته لو حتى ما راجعته بس تذكرت نصه والنص الآخر عبرت من فهمي بس حرصت دائما ما اخلي شيء فارغ ... الكيمياء رحت تاركة كلاميات الفصل السادس و الفصل السابع والثامن ما لحگت اراجعهن فتركتهن أصلا و رجعت مأيسة ما أجيب 80 و نفس الشيء باقي المواد ...ردت أخلص وكافي ،،، بس چنت قبل لا أسلم كل دفتر أگول اللهم أستودعت الدفتر عندك وليس عندهم ...يارب لا تضيع تعبي و چنت أقرأ أذكار و سورة الفاتحة قبل كل أمتحان و أستغليت يوم عرفة أعظم أستغلال ضليت أدعي بيه وأگول اللهم الطب وأن عجزت الطرق .... تخيلي خلصت الامتحانات آخر يوم الانگليزي بس طلعت من القاعة حرفيا أعظم شعور ممكن تحسينه حتى أحلى من يوم المعدل ..تحسين طلعتي من السجن ...صعدت السيارة وما أريد أصل البيت أريد أبقى وحدي صدگ اني خلصت السادس ؟ وراها من وصلت بلشت أبچي وأگول لو مأجلة يجوز أطلع معدل ضليت الوم بنفسي ...مچنت متوقعة أطلع معدل 99 ...لأن الأخطاء عندي كارثية ...بس يوم 11/ 8 يوم ال99 علمني انو الله مستحيل يضيع تعب كل أنسان كافح وجاهد من كل گلبه ...ربنا كريم و رحيم لدرجة مستحيل نتصورها أو نعقلها ف يا روحي ما أعرف شلون أگلچ بس أستمري كافحي أهم شيء الأستمرار ...حتبقين تسوين جداول و تشگين حتبقين بحالة نفسية بس صدگي كله يهون بآخر أمتحان ..تعب هواي بالكتابة اتمنى گدرت أفيدچ ولو شوي
حبيبي شفت اسئلة المتميزين شكد صعبة؟ اسئلتكم انتم المنهج العربي الي تكولون صعبة نحله واحنا مغمضين بس حسبي الله ونعم الوكيل على وزير التربية ووزير التعليم العالي
@@mumalwaleed5278 كل شخص ومستوى مدارسه وكل شخص وظروفه فبطلو هالمقارنات لان انتو من المتوسطة يعودونكم على لفل عالي ومعدلات عالية ،اما احنة تدريس فاشل ووضعنا بالمدارس مزري إلى أبعد درجة وبالسادس نحير باليوتيوب والخصوصي
@@Retaghufedibrahim حبيبي كل الطلاب سووا انتساب من ور التدريس التعبان وبعدين اذا احنا لفلنا اعلى نثل ما انت تكول مو لازم ينطونا امتيازات حتى يستفادون منا؟
طبعا هذا الفيديو اني شايفتة من جنت رابع علمي وهسه اني سادس علمي دور ثاني ومثل يقين ممتحنه ب ٣ مواد والحمدلله راضية على درجاتي وجيت اعلق حتى اكول اتمنى ارجع لهل فيديو ولهل تعليق واني جايبة مثل معدلها او المعدل الي يرضيني حتى افرح وافرح اهلي وياي وبس رجعوني وره نتائج الدور الثاني اكتب معدلي🤍🤍🥹🥹
داكتب ودموعي تنزل متتخيلين شكد تأثرين بية وشكد داتنطيني امل انو اكمل اني معدلي ٩٠ وعدت لحد الآن مانسة اللحضه الي جتي بيها النتيجة عكس توقعاتي تماما أتمنى من رب العالمين يجبر بخاطري ويعوضني على كل لحضه عشتها ورة نتائج يارب يعوضني بل سنة الثانيه عوض ينسيني كلشي
معدلي 93 ونص ومأجله 2 وعدت سنه م̷ـــِْن اجل حلمي ادعولي "المجد لكل من نهضَ بقوّة كأنّه لم يعرف السقوطَ قط" ★تعديل باقي 10 يوم للامتحانات ان شاء الله ارجع اكتب معدلي 100.85 ادعولي
@@باقرعلي-ت6ه تلحك بس شد حيلك ولا تتراخة ابد وبدون تسخيت لأن أكثر الطلاب الي عادوا سنة وسنتين و ثلاثة هو يستهانون بالمادة انه هم سنة ثانية أن شاء الله هاي السنة ننجح بعون الله
ربي يوفقك اخي انت رجال عاشت ايد اهلك ؏ تربيتك المعدل الدراسي مو مقياس والله الشخص اذا يريد يكون ناجح بحياتة يبني نفسة من ابسط الاشياء ربي يوفقك ويسعدك♥️♥️♥️.
ردة الفعل هزتني وصرت ابجييييي بدون مااحس اني هسه طالبة طب عام مرحله ثالثه ومن طلع معدلي ١٠١،٢٩ وي الفرنسي والدور الاول مسويت ردة فعل قويه لان متاكده من نفسي بس هسه من شفتها انهرت كلششش كل التوفيق طلاببببب شدو حيلكم ولحد يجي ويكلكم صعب ومتكدرون لان كل شخص من يدخل هو الي يحكم من خلال جهده المبذول وإرادته ❤🦋
@@Seoll99llبفترة الدوررات جنت احل هواي خارجييات اما بفترة المدرسة ركزت ع امثلة واسئلة الكتاب فصارت عندي مرونه بالحل بكثرة الممارسة اهم نقطه تحلون هواي اما فترة المراجعه الفترة الذهبية جنت من الصبح للظهر او العصر اكمل فصل وابقى احل اسئله وزاريه مال حيدر وليد للعلم اني استاذي ابو المدرسه اعتمدت عليه لانو ماحب اليوتيوب بصراحه ومچان عندي جهاز بذاك الوقت لانو ياخذ وقت هواي من الطالب . كل التوفيق لطلابنا ان شاء الله🦋❤️
سبحان الله جنت قبل الامتحانات الوزارية واني اشاهد هالفديو حتى يطيني قوة وأمل وتشجيع للدراسة وجنت متأملة احصل نفس معدله لكن بفضل الله وأهل البيت ع حصلت معدل اعلى 99.29 ويه الاضافة الحمد لله والشكر ❤❤
لمن جنت خامس علمي شفت هل مقطع وبجيت وتحمست ادخل سادس حتى اوصل لهل لحظة وحاليا اني طالبة سادس ب فترة مراحعة والمنهج نص مرتاكم واي شي ما مضبطه ورجعت شفت فيديو ونقهرت على نفسي 😢 دعولي فدوة
@@aseelsalim6184 يرجع كلشي مثل قبل احسنن على الاقل تنفتح تخصصات اكثر مو اذا تروح احيائي اذا مطلع معدل متكدر تروح طب ولازم تلجأ لغير اقسام واغلب الاقسام تعبانه
شكد شكد شفت الفيديو و شكد عايدته من قبل لا اصير سادس و البارحة شفته و هسة شفته و لا ينمل الامتحانات بعدلها ١٠ ايام يا رب نعيش هالفرحة ... يا جماعة ادعولي مؤجلة ٣ مواد
ياروحي انتي الف الف مبروك تستاهلين والله كمت ابجي فدوة اهلج مثل اهلي ابوية هم يوديني محاضرات وبكلشي ممقصر وياية وامي اعجز عن وصفها يارب يوم الالي اني دفعة ٢٠٢٢
طالبة سادس دفعة ٢٠٢٤ حلمي طب عام انة بالدور الاول امتحنت ٤ مواد ومعدلي ٩٥.٧ وكلش نقهرت وفكرت اعيد سنة وبعد كل هذة الوقت الي مر وباقي ٢٨ يوم فجأة كلشي تغير وقررت اكمل.........يتبع ٢٠٢٤/٨/٥ ❤
طبعاً اني حالياً طالبة خامس احيائي العام بالرابع طلعت معدل 99.7 حرفياً ردة فعلي جانت مثلها ان شاء الله اكمل مشواري بالسادس واطلع نفس هالمعدل 🥺💕 2022/2/9 *التعليق للذكرى 🤍
بعد ١٧ يوم لامتحاناتي واني لحد الان ممكمله ولا ماده بس والله عندي احساس راح تجي الاسئلة سهله واكدر اطلع معدل واحقق حلمي رجعوني بعد ما تنزل النتائج تعديل أجلت ٣ مواد ونفسيتي متدمره جبولنا اسئلة كلش صعبه يارب نعوضها بالدور الثاني تعديل ثاني بعد النتائج معدلي ٩٤ ومأجله ٣ ادعولي اطلع ٩٦ وادخل موازي طب عام اني مأيسه بس اكول بلكت تصير معجزه وادخل طب واحقق حلمي
ربي يوفقج ويسهل عليج الامتحانات وتحققين حلمج استمري ولاتستسلمين وانتي كدها يا بطلة لاتخافين ولاتفكرين وتوكلي على رب العالمين استمري لاخر لحظة ب دراستج ويمكن صدك تجي الأسئلة من الي احنا قارينا ونحصل المعدلات الي نريدها وأكثر
الحمدلله الله يوفقج ويسعدج اني همين امتحنت دور اول ثلاث مواد هي انكليزي ٩٧ واحياء ١٠٠ ورياضيات ٩٩ وبالدور الثاني امتحنت عربي ٩٧ وكيميا ١٠٠ وفيزيا ١٠٠ وطلعت معدل ٩٨.٨٣ وانقبلت طب عام موازي الحمدلله من فضل رب العالمين واهل البيت واهلي الحمدلله
@@hasneenhadi5115 حيدر وليد رياضيات ومهند السوداني كيمياء و حسن عبدالكاظم فيزياء وعربي حمزه الجابري و انكليزي ست سائرة يوسف واحياء ملزمة ماهر نايف . بالتوفيق ان شاء الله .
@@يابابالحوائج-م4د جنت متوقعه الفيزيا فرع ع الاقل غلط بس كتبت الي اعرفه وماعفته فارغ وجنت خايفهزخاف رسم مو حلو او شي وينقصون وفرع جنت ممتاكده منه ابد اما الكيميا جان اول فرع بي غلط وهم حليته ع الي اعرفه وجوي هيج اصلا بيوم الفيزيا رجعت ابجي واكول ليش مااجلت ومقبلت امتحن فرنسي الي هي اخر ماده بس بعدين امتحنت وهاهيه
اني هم مثلج ماجلة 3 مواد جنت رياضيات وفيزياء وانكلش ورياضيات وفيزياء جبت بيهن 100و انكلش 96 وصار معدلي 96.83 زين وجنت داصلي قبل النتيجة وابجي بس سبحان الله جان كلبي مرتاح والله العظيم حلمت بانكلش قبل كم يوم اخذت درجة 69 وكعدت ابجي وسبحان الله طلعت بالعكس 96 الحمدلله والشكر وبالرياضيات خوب امي رادت تكتلني هلكد ما جنت معاندة واصيح ما مجاوبة وابويه هم😂😂وبالاخير اجت 100
جنت اشوف الفديو مالتج وابجي واتمنى الله يرزقني بالمعدل العالي اليوم رجعت اشوف الفديو مالتج واني مطلعه معدل ٩٧.٤٣ بالنهاية اكول (وان ليس للانسان الا ما سعى وان سعيه سوف يرى)
چنت داخلة أباوع يعني أجة ببالي أشوف الأوائل رغم مستحيل شيء يحفزني والله لا كلام ولا شخص بس شفت هذا الڤيديو أول واحد اجت عيني علي دخلت والله العظيم شيء بداخلي صحى خصوصاً من شفت أبوهة شلون حضنهة تذكرت أبوية حلمة أنو أطلع طب عام وعدت هالسنة ومالي واهس بكلشي وگلت شيطلعلي سنة لخ خل يطلع بس هسة أحس عندي طاقة ومو طاقة ام الـ 5 دقايق لا عندي واهس حتى أصير مثل ردة فعلهة وأفرح أبوية وأمي هيچ ومن هذا التعليق يوم 8شهر التاسع أگول أنو حبدي أدرس وأرجع رغد الشاطرة وأخلي هدفي گبالي يارب أحصل المُعدل 100💘.
چنت كلما اضوج اجي اشوف الفديو وابچي 🌚واتمنى اعيش هاللحظة والحمدلله نشرو النتائج وطلعت 98.71 وية درجة دور الاول صار 99.71 الف الحمدلله🙏🥺😍😍دفعة 2023...+مبروووك❤️❤️
@@user-aya.16__ تسلمين☺️...اهمشي بالسادس هو التحضير اليومي والاستمراية حتى اذا مليتي عادي اخذي ريست ورجعي اقري بس اهمشي تستمرين وما لج علاقة بالكلام السلبي ابداً وانو تبدين بداية صحيحة بدون ما تعددين مصادر هواي لان تصير لخبطة
الحمدلله بل سادس الإسلامية 100 عربي 99 الانكليزي 100 رياضيات 100 احياء 100 الفيزياء 100 كيمياء 100 الحمدلله كانت فرحه ما تنوصفففففف للجميع ان شاء الله ❤❤❤❤
جنت اشوف هذا الفيديو قبل السادس وكلما اشوف هذه الفيديو ابجي وخلصت السادس بمعدل ٩٦.٥٧ وبجيت هواي بذاك اليوم لأن خسرت حلمي وما انقبل طب عام بس الحمدلله تحقق حلمي وانقبلت طب عام بإيران ❤️🤞
اولاً ألف ألف مبروك تستأهل كل خير ثانياً سوال بلا زحمة شسوي بوكت التوتر والخوف اليسيطر عليه وما اكدر حتى اركز على دراستي وتراكمات هواي شلون اخلصهن وعادي ابلش بالمراجعة واني عندي شويه تراكمات وأنت شنو جان نظام تدريسك ومنو المدرسين والملازم الي قريت عليهم
طبعا اني ائجلت اسلاميه بحيث مصدومه لان مجنت متوقعه ائجلهه بسس خير والله كاتلبي هم بي خير وهم ائلجت نكليزي وعربي وفيزياء بقن ٣ واتمنى بل دور ثاني ان اطلع معدل بحيث اني انصدم منه وابجي من فرح واثقه برب العالمين انو راح ينطي معدل احلم بي واوصل لصيدله امنيتي نشاءلله احلم اطلع معدل ٩٤ اي شي بل ٩٠ رجعوني بل نتائج❤
كلبي الف مبروك أن شاءالله تجيبين بهالمادة درجة كاملة بليز اريد تنصحيني الكيميا شلون قريته بالدور الاول لأن كلش تعبتني شلون اوصل بيه لدرجة ماتقل عن ٩٦ حبابة على منو قريتي الكلاميات@@Bingo_jingo_ningo_7ingo
@@nono-yr8vy بديت ادرس وحدي ع يوتيوب ف درست نص القواعد ع حمزة الجابري ونص الرياضيات ع حيدر وليد وشوية من الفيزيه والكيميه هم درسته وبعدني في بدايتهه والاستاذ حسين الهاشمي كطع بعد مينشر ف عفته من بعدهه اجه الدوام وواصلت دروسي كل يوم بيومه طبعا الافصل البلبداية صارت عندي سهلة لين انعادت مرتين عليه . وجان استحقاقي اكثر بس الحمدلله ع كل حال
بعد 25 يوم عن امتحاناتي وهذا اليوم الي اشوف بيه نتيجتي وحلمي متحقق احلم بيه قبل لا اوصل للسادس ، هل راح يجي ارجع لتعليقي واني شايفة هذا اليوم وعايشة هاي اللحظة وهذا الشعور؟ 2024/5/13 .
العام جنت اشوف هذا الفيديو بالمراجعة و جان الضغط عليه كلش اكبر من طاقتي وكلما اشوف الفيديو ابجي و الحمد لله هسه تذكرت الفيديو ورجعت اشوفه و خلصت السادس من اول دور و اول سنة بمعدل 98.71 وهسه اني صيدلة م اولى بأفضل جامعة بالعراق عيشوا السادس صح ولتضغطون على نفسيتكم اقروا وخليكم ريلاكس و صدكوني الي مقدره رب العالمين هو افضل شي الكم
@@mariafirst4870 حبيبتي اني من الدوام لهسه يعني اقصد بعد نصف السنة مااخذت ريست ولا يوم واحد هسه كلش كلش ماطيق الكتاب كد ماتعبت حيل والوقت مو بصالحي حتى اخذ ريست يوم واحد شنو اسوي استمر حتلو تعبت !!! بس نفسيتي دتدمر والله تعبت 😔😔
@@fatimalaith2949 عادي حبيبتي اخذي ريست يوم سوي بيه كلشي بخاطرج و بعدين ارجعي اقري بحماس هاي اخر مرة تشوفين بيها الكتب اتعبي هسه بالدراسة و لا تتعبين بعدين من الندم و الله هسه اتمنى ارجع للمراجعة واصحح الاخطاء الي سويتها ضغطت على نفسيتي اكثر من تعبي بالدراسة لتخافين ابد ابد كلشي بيد رب العالمين هو الخوف الي يدمر كلشي و عادي ابدي اول يوم وره الريست اقري لحدما تتعبين بس مو يصير عندج ارهاق لا يكلف الله نفسا الا وسعها ربج يعرف شكد انت قوية و انطاج هذا المكان حتى تصنعين نفسج و تكونين بأفضل مكان اكاديمي المهم ابدي خطوة خطوة اول يوم كملي نصف ملزمة ثاني يوم زيدي شوية عليها و كل يوم زيدي شوية ع المادة وعندكم كلش هواية وقت ترا🤍✨
@@mariafirst4870 اعيوني فدوه جاوبي 🤍 رياضيات حليتي كل وزاريات حيدر وليد ؟ كيمياء هم قريتي وزاريات الها ؟ لان ما عندي وقت حقره كيمياء بس ع كتاب لان مدرسين يكولون اسئله تجي من كتاب ويتغير بس رقم او مطلب 🤍
ربي يوفقج 🌸🌸🌸🌸
مو معقول ، الاستاذ ذات نفسه!!🥺😆
شكراً من كل قلبي استاذ واتمنى ردة فعلي على الـ ٩٩ بالرياضيات تكون كافية حتى تعرف شكد اكو ناس تحبك و تدعيلك و معتمدة عليك
الحمدالله ثقتي بتدريسك وانُ انت الصح طول السنة ما خابت ، وشكرراً♥️♥️
@@YakeenJamal ربي يحفظكم ويوفقكم
دعاءكم كلش كافي
@@Haider_waleed والله لولاك من بعد رب العالمين جان ضعنه☹💔 ربي يوفقك ويحفضك من كل شر ومن كل مكروه بحق الحسين ع ووعد طلابك ترفع راسك وعد.
@@Haider_waleed استاذ الله يخليك احنه طلاب الرابع محتاجيك والله اني كلش ضعيفه بالرياضيات ولله فضل الله ثم فضلك طلعت ٩٤ هاي اني اعلى درجه عندي بالثالث كله اشكرك استاذ وهسه نتمنى منك تكمل منهج الرابع الله يحفظك استاذ 🙏🙏👑
شكرا شكرا منجد شكرا كلش تنقذنا بمواقف محرجه
يارب يجعلها بميزان حسناتك يارب امين
شكرا على مجهودك ويانه 💕💕💕
كل مااضوج وانقهر ع امتحان اشوف فرحتج ويرجعلي الامل ربي يوفقج 💞💞
ممكن تقوليلي. سو سادس اعدادي 😥😥 انا بسوريا مافي هيك شي وماني فهمان عل عراق. شو دور اول.
عنا بسوريا من الصف 1 ابتدائي لحد 11 اعدادي وتجي بكلوريا. وبعدها ندخل جامعة هيك النظام بسوريا
@@نوتيلا-ي3ح احنه متلكم بس ماعدنه رقام قصدي مانسميه رقم لا اول 6ارقام الابتدائيه و3الوراهن متوسطه وال 3الوراهن عداديه او بعد هي الارقام جامعه
احنه ب العراق6 سنوات ابتدائيه و3 متوسطه و3 اعداديه وبعدين تدخل جامعه او كليه
وقصدهه الصفوف مال العراق ما نسميهه صف اول وثاني وثالث ورابع وخامس وسادس وسابع وثامن لا بس الابتدائيه يعني اول وثاني وثالث ورابع وخامس وسادس نسميهن هيج وبعد اول متوسط ما نمسي سابع وثاني متوسط مانسمي ثامن وثالث متوسط مانسمي تاسع والرابع علمي او ادبي ما نمسي عاشر والخامس علمي او ادبي مانسمي ١١ والسادس علمي او الادبي والاخير مانسمي رقم ١٢ هيج مثلا نسميهن صف رابع علمي او ادبي صف خامس علمي او ادبي وصف سادس علمي او ادبي وبعدين تدخل كليه او جامعه
يارييتتت فهمتني او افتهمتيني لأن شرحي بل كوه يدخل للدماغ😂😂
قسم بالله جاي أقرا فيزياء وطلعلي الفيد وبجيت💔💔
اني ثالث متوسط يارب هيج افرح🫂🫂🫂
شلون أحب الدراسة مثلچ
@@Whyuwannacomein الشيء الي تحبين بي تبدعين بي.!+ليش ماحبها لان كُل مستقبلي معلق بيها.
جَنت ثالث واشوف الفديو كل فتره المراجعه وابجي من كل قلبي والحمدالله هسهه نا رابع عَِلمي😔🤎🤎🤎.
@@99_Shams شكد طلعتي معدل بالثالث؟
@@grzaov 82
الفرحه • ڪُلش උـَـلـو໑ة والله بجيت وياهة وعشت اللحضه تجنن ربي يوفثج ويحفضج الله جازج خير ع تعبج تستاهلين. 🥺😚❤️
عدت ح اعيش هاللحظه وان شاء الله يارب اعيشها❤❤🦋
طبعا شبعت بجي خصوصا من طلعتي درجاتج🥺🥺❤
الف مبروك الچ 🩵.
++ بقى فقط ١٥ يوم تفصلنا عن الأَمتحانات ، اتمنى ربي يبدل حالنا من حال الى حال أفضل واتمنى يرزقني هذه الفرحه على گد الصبر الي صبرته والآلم والتعب الي تحملته طوال هذه السنتين، اتمنى ارجع بيوم النتائج لهذا التعليق وأكون محصله المُعدل الي اريده بأذن الله تعالى ﴿إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ﴾ 🩵🩵✨.
١٤ يوم😢
١٣ يوم
١١ يوم يا رب سهل😭🙏🙏🙏
ربي يوفقكم يرزقكم المعدلات الي بالكم ومايضيع تعبكم ❤
من ينزلون نتاءج كليلي شكد طلعتب
@@HiHi-gk6fh ٨ايام
والله يا يقين مادري شكلج حرفيا بس صارلي سنين اشوف هالفديو مالتج واحلم واليوم كلت خلي اعلق واخلي فد ذكرى او بصمة الي بهالفديو صار سنين اشوفه وبكل مرة اشغله بيها اتوتر نفس التوتر وياج واتحمس واتحفز كلش هواي واصفن واكول معقولة يجي يوم انه اصير بمكانج واجيب هيج معدل وافرح هيج فرحة ؟معقولة يجي يوم اشوف هالفديو وانه بكلية احلم بيها وفرحانة واجي اضحك واتذكر شلون جنت اشوفه وانه خايفة دائما اسأل نفسي هالسؤال
الفديو مالتج هذا كلش عظيم بالنسبة الي هواي يفرحني ويحمسني ادرس وامتحن واجيب المعدل اللي جنت احلم بي من زمان يارب يتحقق هالشي بحق امير المؤمنين علي 🤍
شبعتينه بجي والله الف مبروك تستاهلون انتي واهلج الفرحه وإنشاء الله النجاح الدائم
يارب نفس معدلها يارب احنى هسه فتره مراجعه ودنكمل المواد بعدنه ان شاءالله وره النتائج اجي اكتب معدلي ويارب حلمي متحقق يارب واكون بالمكان الي اتمناه والي اريده 😭😭😭😭😭😭🤍😔🦷🎓
شكد جنت اتمنى اعيش هيج لحظه لكن بعد صعوبه الاسئله هاي السنه مستحيل بعد…
ليس هناك مستحيل اياك ثم اياك ان تستسلمي
النجاح هو مجموعة من محاولات فاشلة يا عزيزتي لا يدرك بالتمني إنما يدرك بالعمل والجهد والصبر ومقاومة النفس
لن تصل إلى ما تحب حتى تفعل ماتكره
وفقك الله حفظك الله من كل شر و بلية
بشرري
@@Zahraa-k1y راح اعيد
@@Athina-rp3id لا ليش تعيدين
@@Zahraa-k1y راح امتحن دور ثاني واشوف نفسي
يجي يوم واعيش هاي الحظه بمعدل عاالي؟
Noooo
اكيد اذا واثق/ة من نفسك/ج وبتعبك/ج
يارب لا تحرمني من هاي الفرحه كل مااحس روحي مابيه حيل اجي اشوف الفديو هذا ويصير عندي حافز يارب مثل ماكرمت يقين يكرمني❤
حالياً يقونة صارت طالبة طب أسنان مرحلة رابعة رسمي 🥺😂♥️♥️♥️
شلون مرحله رابعه والفيد قبل سنتين؟
@@3nos لا يا سنتين من 2021 والسنة 2024 كانت ثالثة البنية صارت رابعة يعني ع سنة 25 تداوم بالرابعة
يا رب لا تحرميني فرحة النجاح والمعدل يا رب اطلع معدل ❤ 🥺
الف الف مبروك
انت تحاول والله يرى وهذا يكفي❤️
لكل مجتهد نصيب♥️
اي والله ونعم بالله 🥺❤️
أستاذنا الغالي🌷
شكد احبك أستاذ
يوم الي ان شاء الله وارجع اشوف نفسي98.
استاذنا العضيييييم ♥️♥️.
متتت على ردة فعلج مثلي والله خلصته صراخ وبجي وحمدالله معدلي ويه الاضافه٩٩.٧
يوتيوب درستي؟
يا محافظة انتي
الف مبارك❤️
اليوم القبولات شنو طلع قبولج
الف مبروك عمري
بس سؤال قواعد ع منو درستي اذا يوت
الابنيه هسه يمكن حتتخرج واحنه والي بعدنا يدخل يتحفز بيها
قبل سنتين بعدها ممتخرجه
نجحت لمرحلة الثالث طب اسنان
معدلي 98.33 والنجاح الدائم أن شاء الله رياضيات 100 الفضل يعود للستاذ حيدر وتدريسه
فدوه الكلبج جكد درجاتج حته طلعتي هجي معدل فدوه جاوبيني
@@جنات-ر4ذ مو جود بقناتي كلشي
@@نفرعراقي-د8ض
من يا محافظة انته
@@دكتورهالمستقبل-ص4د بغداد
@@نفرعراقي-د8ض
ووك اهلاً وسهلاً
اطفالي نامو ردت انام لان تعبت من القراية وشفت الفديو راح اسهر اقرة ع كد ما اكدر ❤️ 2021/12/14
12:16
بطله
كفو
@@sanamahdi4947 تسلميلي يروحي ❤️ الله يوفق الجميع ويجعل امنياتكم من نصيبك يارب ياالله
@@al-sultan3151 شكرا
ربي يوفقج بحق محمد بطلة والله أم وجاي ادرسين بطللله
يمههه ردة الفعل تخبلل بحيث نستها كل التعب والسهر يارب يجبر بخاطري ومايضيع تعبي ويرزقني هل فرحة😭😭✨
فعلاً رد فعلها تخبل بحيث اندمجت وياها وعيوني دمعت يارب كون هيج فرحه لكل طلاب 🤍😢
امين وياج❤
ويرزقني يارب 😔🤲
والنبي بجيت 😭💔..
نتائج بعد 3 ايام ادعولي انجح 😭😭😭😭
نجحتي لا🙂
@@محمدكريم-و1ب ايي الحمدلله وبمعدل 88 💔😭😭😭💞.
@@فطومه-ر2ل مبروووك🤍🤍🤍
@@فطومه-ر2ل عفيه حـَبيبيہ مبروك
@@فطومه-ر2ل ما شاءالله ربي يوفقج
حمدلله اني واخويه طلعنه معدل 100 اني معدلي 50 وهو معدله 50 😂😂
بالتوفيق أن شاء الله
😂😂😂
متتت من ضحك 😂😂😂
🌚😂😂😂😂
😂😂😂😂😂
انقهرت ع نفسي احس مراح اعيش هل لحظة!! بس يمكن ربع العالمين يكرمني ويوصلني للي اريدة..
ماكو مستحيل عند رب العالمين انا رجعت ادرس بعد13سنة ترك طبعآ اعتبرها معجزة صح متأخرة بس جبرة الله ولو متأخرة تجي بوقت كللللش مناسب
ولا انا
بشري
لحضة ادراك اني جنت اباوع عليها وهذا الفيديوو كلش جان يشجعني اقره واستمرر وهسه اني مثلها طب اسنان، مرحلة اولى الحمد لله ♥
فدوا عليمن درستي ڪيميا🥺ادعيليي
@@أَثࢪ-.ا درستها ع هاشم الغرباوي كلش خوش استاذ اذا تردين درسي عليه او حسب الاستاذ لي تفهمين عليه، الله يوفقج ويحققلج لي تتمنيه
@@maryamtyuih6050 والڪلاميات🥺
حلمي 😢
@@doaa4298 لا ماكو
جنت اشوف الڤيديو مالتچ واني صف رابع علمي وحالياً اني صف سادس اعدادي وباصعب فترات حياتي مبلشه فتره مراجعه وبعدني احسس ما مضبطه ايشيء وكل خوف وراح ارجع بعد 3 أشهر واعيد التعليق من جديد واشوف نفسي وين صرت 😞💔👍🏻دعواتكم
اني هم هيچ والله 😭😭كلش خايفة بس أن شاء الله خييرر
الله يكون بعونچ وطلعين بمعدل عالي 🫣💗
بس انصحج نصيحه شيجي من رب العالمين نعمه فا شوفي شنو مكتوب ألج وهل مكتوب انتي لزم تكولين
الحمدلله❤
اني هم مثلج الله يرزقنا فرحة المعدل يارب 🥹💙
رجعوني عليكم الله
حالياً طالبة سادس دفعه2024 دخلت على اليوتيوب علمود ادرس كيمياء بعد شهرين على امتحانات الوزاري وطلعلي هذا المقطع كلش شجعني اكمل يارب ترزقني هاي الفرحه وترزق كل طالب يارب❤
امين اي والله احنه ال 2024
اللهم امين يارب العالمين
الله يرزقج ويرزقني درجات عاليه بحق محمد وآله محمد
امين والله يرزقني الدرجات العاليه
@@توميوكا_شينوبو شكد ضل على امتحان الوزاري 😢
شفت الفيديو العام الماضي و كنت فاقدة الشغف كلش
واليوم آني طالبة طب بعد ما طلعت معدل 100 مع درجة الدور الأول ++
اللي متأخرين و فاقدين الأمل ..أنصحكم قاتلوا لآخر لحظة مو مهم كم مراجعة
آني راجعت 29 يوم بس و رحت لأمتحانات ما مخلصة المادة بس مقتنعة أنو ما قصرت والله
مستحيل يضيع تعبي والحمدلله ما ضيعه ❤️
@@حسين-م8غ9س يروحي أهدي أول شيء ..ثانيا آني درست ع اليوتيوب ما دخلت ولا مادة خصوصي
و عدت سنة ..أول سنة صارت عندي ظروف عائلية ومشاكل وما قريت ولا حرف لحد شهر الرابع العالم بلشت تراجع واني توني أفتح الكتب قريت اللي أگدرله وجبت 100 بالاسلامية والاحياء100 و 92 بالعربي
وكله ع اليوتيوب بس ب3 أشهر و اضطريت أعيد لأن ما كملت باقي المواد ومن عدت هم واهس صفر لأن أول مرة أعيد بحياتي وأول مرة أرسب ..خلصت عمري الاولى ع مدرستي فحسيت بأحباط كلش قوي
وما بديت قراية الا بشهر ال11 سويت أنتساب و گعدت أقرا واهس صفر اسوي عشرين جدول باليوم بلا فائدة ..تعبت نفسيا و كرهت حلمي و گلت بس خل أطلع حرفيا أبچي ليل نهار وأمي ادگلي بس أطلعي المهم مريت بأقسى الظروف اللي ممكن يمر بيها طالب السادس وتركت الدراسة شهر ونص يلا رجعت وبلشت مراجعة بشهر الخامس واني ما مخلصة الكيمياء و العربي والانگليزي چنت اذا مخصصة 9 ايام للكيمياء مراجعة يخلصن الايام وما أخلص المادة بحيث ضلوا 3 أفصل ما قريتهن و عانيت هواي بس چنت متيقنة انو الله ما راح يضيع هذا التعب و أرجع أكول لا المهم أطلع حتى حلمي ما أريده ...المهم وصلت الامتحانات واني ما مكملة مراجعة ..الإسلامية راجعتها بيوم ونص كلها قبل الامتحان و الفترة اللي بين الامتحانات مال عيد الأضحى ما قريت بيها ولا حرف ..حرفيا كرهت نفسي واهسي أنتهى و اضطريت اترك الفصل السابع كيمياء مع انو اني ضليت شهر بيه أريد أفهمه وكتبت كوم ملخصات عليه بس من وصلت بالمراجعة ما گدرت اقراه لكيت روحي ناسيته كله ..المهم رحت لأغلب الامتحانات واني ما مراجعة نص المادة مثلا الفيزياء رحت قارية كلاميات 6 أفصل و المسائل بس 3 أفصل وضليت ابچي أريد أجل بس أمي مقبلت جاوبت اللي قاريته لو حتى ما راجعته بس تذكرت نصه والنص الآخر عبرت من فهمي بس حرصت دائما ما اخلي شيء فارغ ... الكيمياء رحت تاركة كلاميات الفصل السادس و الفصل السابع والثامن ما لحگت اراجعهن فتركتهن أصلا و رجعت مأيسة ما أجيب 80 و نفس الشيء باقي المواد ...ردت أخلص وكافي ،،، بس چنت قبل لا أسلم كل دفتر أگول اللهم أستودعت الدفتر عندك وليس عندهم ...يارب لا تضيع تعبي و چنت أقرأ أذكار و سورة الفاتحة قبل كل أمتحان و أستغليت يوم عرفة أعظم أستغلال ضليت أدعي بيه وأگول اللهم الطب وأن عجزت الطرق ....
تخيلي خلصت الامتحانات آخر يوم الانگليزي بس طلعت من القاعة حرفيا أعظم شعور ممكن تحسينه حتى أحلى من يوم المعدل ..تحسين طلعتي من السجن ...صعدت السيارة وما أريد أصل البيت أريد أبقى وحدي صدگ اني خلصت السادس ؟ وراها من وصلت بلشت أبچي وأگول لو مأجلة يجوز أطلع معدل ضليت الوم بنفسي ...مچنت متوقعة أطلع معدل 99 ...لأن الأخطاء عندي كارثية ...بس يوم 11/ 8 يوم ال99 علمني
انو الله مستحيل يضيع تعب كل أنسان كافح وجاهد من كل گلبه ...ربنا كريم و رحيم لدرجة مستحيل نتصورها أو نعقلها ف يا روحي ما أعرف شلون أگلچ بس أستمري كافحي أهم شيء الأستمرار ...حتبقين تسوين جداول و تشگين حتبقين بحالة نفسية بس صدگي كله يهون بآخر أمتحان ..تعب هواي بالكتابة اتمنى
گدرت أفيدچ ولو شوي
الله شكد فرحت وطمنتيني يارب اليوم الي واحقق حلمي ومايضيع تعبي ولا تعب اهلي 😔🙏💔
شكد تقرين باليوم
اني هم ممخلصه وبلشت مراجعه متاخره وحيييل خايفه ومخربطة اتمنى اراسلج ع برنامج 😢
الله يوفقج ان شاءلله
مثل فرحتي هم طلعت معدل ١٠٠ وجنت ما مصدگه. وجان الفضل إلى اساتذه اليوتيوب وتحديدا حيدر وليد ربي يوفقهم. وتستاهلين المعدل ربي يوفقج🌹
قريتي علئ اليوتيوب فقط زين جنتي تقرين تحاضيرر لو افصل لو شنو جدولج
عمري بلييز كولي شنو سويتي وكل ماده وشنو ملزمه ومدرسها
بلييييز بس ممكن رد
ممكن اسم اساتذه اليوتيوب؟ فدوه
@@bts_army7513 عمري هيه كالت حيدر وليد افضل مدرس رياضيات حرفياا
الشي الوحيد اللي مسويلي واهس هذا المقطع رغم صعوبه الاسئله هاي السنه🥺💜
الله يوفقك انشالله وميضيعلك تعب
حبيبي شفت اسئلة المتميزين شكد صعبة؟ اسئلتكم انتم المنهج العربي الي تكولون صعبة نحله واحنا مغمضين بس حسبي الله ونعم الوكيل على وزير التربية ووزير التعليم العالي
@@mumalwaleed5278 كل شخص ومستوى مدارسه وكل شخص وظروفه فبطلو هالمقارنات لان انتو من المتوسطة يعودونكم على لفل عالي ومعدلات عالية ،اما احنة تدريس فاشل ووضعنا بالمدارس مزري إلى أبعد درجة وبالسادس نحير باليوتيوب والخصوصي
@@Retaghufedibrahim حبيبي كل الطلاب سووا انتساب من ور التدريس التعبان وبعدين اذا احنا لفلنا اعلى نثل ما انت تكول مو لازم ينطونا امتيازات حتى يستفادون منا؟
@@mumalwaleed5278 زين احد كلكم روحو متميزين انتو ختاريتو هل طريق فبلا مقارنه
طالبة سادس بفترة المراجعة
وشفت الفيديو يارب مثل معدلها
أدعولي اطلع معدل وانقبل تخدير
رجعوني اكلكم معدلي 😞🤎✨
الله يوفقك يارب
شلونج ب الاسلامية هم أجلتيها؟؟
رجعوني من تطلع نتيجتهه
الله يوفقجج💗
بشرييي
مُجرد تخليّت الشعور بچيت😞🌟.
طالبة سادِس دُفعة 2024.
11:00صَ
2024/4/16 ،الثلاثاء.
﴿وَلَسَوْفَ يُعْطِيكَ رَبُّكَ فَتَرْضَى﴾.
ربي يوفقج بهيج وقت جاي تمتحنون هسه
❤
ها بشري يارب جاوبتي زين ب الامتحانات او الله مضيع تعب الج ❤😊
بشرييي؟؟
نجحت
شفت هالفيد وانآ بالرابع علمي أذكر وحاليا طالبة سادس دُفعه ٢٤♥️.
يارب اجي واكون محققه حلمي🤎
آمين🤍
انه هسه رابع واجاي اشوف الفيديو😭😭😭🤎
اني هم والله حالياً سادس كاعد اقرا كيمياء مراجعه قبل نصف السنه
اني هم رابع ودا أشوفه
@@HoraaSafaa اني هم 😭
الف الحمد لله والشكر لله
الاسلاميه 100
العربي 95
الانكليزي 100
الاحياء 100
الرياضيات 100
الكيمياء 100
الفيزياء 99
معدلي 99.14
ألف مبروك إن شاءالله احسن طبيب
تگدر تذكر المدرسين الدرست عليهم؟
@@baqer7622 العربي احمد النعيمي
احياء جعفر الحسني
الكيمياء مهند السوداني
فيزيا حسن عبد الكاظم
الرياضيات حيدر وليد
ربي يوفقك
وان شاء الله
الدرجة الكاملة للمجلهن
السلام عليكم اخويه رياضيات عليمن قريتها هيه والكيمياء لان اني دور ثاني وكلش متأخره ممكن ترد عليه
@@sbdhdv3647 عليكم السلام ياأهلا وسهلا
الرياضيات ع حيدر وليد مع وزاريات خالد الحيالي
والكيميا مهند السوداني وحليت الوزاريات مال خالد الحيالي كلها
طبعا هذا الفيديو اني شايفتة من جنت رابع علمي وهسه اني سادس علمي دور ثاني ومثل يقين ممتحنه ب ٣ مواد والحمدلله راضية على درجاتي وجيت اعلق حتى اكول اتمنى ارجع لهل فيديو ولهل تعليق واني جايبة مثل معدلها او المعدل الي يرضيني حتى افرح وافرح اهلي وياي وبس رجعوني وره نتائج الدور الثاني اكتب معدلي🤍🤍🥹🥹
داكتب ودموعي تنزل متتخيلين شكد تأثرين بية وشكد داتنطيني امل انو اكمل اني معدلي ٩٠ وعدت لحد الآن مانسة اللحضه الي جتي بيها النتيجة عكس توقعاتي تماما أتمنى من رب العالمين يجبر بخاطري ويعوضني على كل لحضه عشتها ورة نتائج يارب يعوضني بل سنة الثانيه عوض ينسيني كلشي
اللهم اجبر خاطرها وارزقها بالمعدل الذي تطمح اليه 💚
نفس وضعج بالضبط محد توقع كمية الخذلان والانكسار اللي تعرضتلها. وحسيت خلص بذاك الًيَوُمًِ كلشي انتهى والزمن توقف اياام وليالي مرت •اللّـہ̣̥ ليشوفها لطالب شكد تأذييت بس الحمدلله نهضت وعدت سنة وحاليا بقالنة شهرين وشوية للامتحانات رَبّـ❤ـيٌ يوفقنة ويجبر خواطرنا
@@طالبةسويدس-ف9ب امييييين يجبر بخاطرج ويعوض تعبج ❤️❤️❤️
@@طالبةسويدس-ف9ب نشالله نحقق حلمنه ما بقه الا القليل😭❤️
@@alialtmamealialtmame8242 شكرا 🥺🌸
اذكر شفت الفديو بدايه مدرسه وكلت هنيالها طلعت 96
ودلحين طلعت 100.57 🌝💜
وُآوُوُوُ يَوُمْ آلُيَ وُآځڊ مْعٌڊلُ عٌآلُيَ 😭
شلون طلعتي بوينت؟؟؟؟
@@T.01.m درجه دور اول او فرنسي
لحظه يخوف في معدل اعلى من ١٠٠؟؟!
@@Sandy.0 أي أكو تنضاف درجة الدور الأول ودرجة السنة الأولى + درجة الفرنسي أذا جنتِ متميزات..
معدلي بالدور الاول 96 ومأجلة احياء وفيزياء ان شاء الله احافظ عليه يارب 💕
نفسي بالضبط ومأجله رياضيات وفيزياء
🥺
معدلي 93 ونص ومأجله 2 وعدت سنه م̷ـــِْن اجل حلمي ادعولي
"المجد لكل من نهضَ بقوّة كأنّه لم يعرف السقوطَ قط"
★تعديل
باقي 10 يوم للامتحانات ان شاء الله ارجع اكتب معدلي 100.85 ادعولي
ان شاء الله خير
مثلي بالضبط وعدت وهسه دا ادرس لنصف السنه 💔
@@misflwoer1112اني عايد بس دفاترري وكع عليهن صبغ وهسة متئخر كلش الحك اكملهن شهر ال رابع بدايتة
@@باقرعلي-ت6ه تلحك بس شد حيلك ولا تتراخة ابد وبدون تسخيت لأن أكثر الطلاب الي عادوا سنة وسنتين و ثلاثة هو يستهانون بالمادة انه هم سنة ثانية أن شاء الله هاي السنة ننجح بعون الله
شسمه سؤال هم مخليه مدرسين خصوصي؟
ياهنيالج على اهلج وياج وساندينج على دراستج ابويه ميت وامي مو وياي وحدي وياه رحله السادس الادبي ادعولي أنجح أملي بالله 🥀🥀
ان شاء الله تنجحين ويطلع المعدل اللي تردي حبي انتي 🥺🤍
@@سيد-ف9ظ4ط تسلمين حبيبتي ربي يحفظج
حبيبي انتِ الله يسهلج ويعوضج ويوفقج بجاه الامير علي (؏) صدگيني هذا اختبار الج من العظيم ديختبر صبرج وحيعوضج بالنهاية لكن تذكري{ليس للأنسان الا ما سعى} شگد متتعبين ربنا يجازيج اضعاف التعب فرحة وشعور بالفخر ... "گلبي وياج" وراح ادعيلج دائماً امانة بيوم النتائج اذا الله خلانا سالمين تعالي بشريني وگوليلي معدلج♥️.
حياتي خلي ثقه بنفسج واسندي نفسج وكولي اني وحدي راح امشي بهاذه لشي وحدي وراح اكيد انجح حياتي
@@mll.fto8 تسلمين حبيبتي
معدلي ٦٠ وفرحت فرحه بحياتي مصايره بس كونت مشروعي الخاص وهسه الحمد الله اني صاحب معارض سيارات واستغليت هاذا المعدل باستلام تعيين موضف بالكهرباء والحمد الله اكو ناس مهدلاتها اكثر مني وكاعدين بالبيت هي مو بالمعدل بالخبره الشخصيه
ولله العضيم بطل انت وسبع عاشت ايدك
ربي يوفقك اخي انت رجال عاشت ايد اهلك ؏ تربيتك المعدل الدراسي مو مقياس والله الشخص اذا يريد يكون ناجح بحياتة يبني نفسة من ابسط الاشياء ربي يوفقك ويسعدك♥️♥️♥️.
لا بالمعدل ولا بالخبرة هذا توفيق من الله
ردة الفعل هزتني وصرت ابجييييي بدون مااحس
اني هسه طالبة طب عام مرحله ثالثه ومن طلع معدلي ١٠١،٢٩ وي الفرنسي والدور الاول مسويت ردة فعل قويه لان متاكده من نفسي بس هسه من شفتها انهرت كلششش
كل التوفيق طلاببببب شدو حيلكم ولحد يجي ويكلكم صعب ومتكدرون لان كل شخص من يدخل هو الي يحكم من خلال جهده المبذول وإرادته ❤🦋
عيوني شلون جبتي درجة عالية بالماث؟ 🥺
@@Seoll99llبفترة الدوررات جنت احل هواي خارجييات اما بفترة المدرسة ركزت ع امثلة واسئلة الكتاب فصارت عندي مرونه بالحل بكثرة الممارسة اهم نقطه تحلون هواي اما فترة المراجعه الفترة الذهبية جنت من الصبح للظهر او العصر اكمل فصل وابقى احل اسئله وزاريه مال حيدر وليد للعلم اني استاذي ابو المدرسه اعتمدت عليه لانو ماحب اليوتيوب بصراحه ومچان عندي جهاز بذاك الوقت لانو ياخذ وقت هواي من الطالب .
كل التوفيق لطلابنا ان شاء الله🦋❤️
@@Skekdmlssleps2839 تسلميييييييييييين
سبحان الله جنت قبل الامتحانات الوزارية واني اشاهد هالفديو حتى يطيني قوة وأمل وتشجيع للدراسة وجنت متأملة احصل نفس معدله لكن بفضل الله وأهل البيت ع حصلت معدل اعلى 99.29 ويه الاضافة الحمد لله والشكر ❤❤
الف مبروك 💗💗💗💗
@@rwlazy الله يبارك بيج حبيبتي ❤❤❤🥰
@@الطبيبةالمهدوية-م6مشكد جان معدلج بالخامس؟
بس سؤال بلا زحمة , شنو يعني الاضافات , يعني عندك شهيد لو شلون
ألي ما مأجلين ولا درس ينطوهم درجه ما أعرف شگد أضافيه و أكو ألي أبوه شهيد أو يتيم الأب أو الأم هم ينطو ما أعرف شكم درجه يمكن 5 أضافه @@tlsd_x
اني مثلج امتحنت ٣ واجلت ٣ ومعدلي ٩٦.٦٧
واليوم طلع قبولي معهد طبي المنصور
بلد مثل هذا مستحيل نفرح بي بأي انجاز نسويه راح نبقى محتقرين دائما 😊
ليش محتقرين العنده حلم ماراح توكفه ضروف يكدر يطلع من البلد اذا فد مره ماكدر
ليششش
باوعي شوفي روحي جا المعهد الطبي شبيه والله انا حلمي هذا شوفي حبيبتي روحي معهد صيدله وتعيين مركزي وراتب من500وفوك وراه تكدرين تكملين كلية صيدله بفلوسج انتي ويصير عندج شهادتين دبلو وبكالوريوس صيدله لو اذا طلعتي الاولى ع مرحلتج بالمرحله الاولى تتحولين حكومي صيدله اكو فرص هواي
@@نونهألاسديه-ذ1ن المعهد الي اضحكين عليه ترا معدله94 95 96 97هاي معدله المعهد خاف حسابالج كرايبي97ونص معهد طلع
@@نونهألاسديه-ذ1ن 😂
@@نونهألاسديه-ذ1ن شدتحسين؟
عاد فرحي غيرج بكلمة مو اضحكين؟
الحمدلله والشكر
لمن جنت خامس علمي شفت هل مقطع وبجيت وتحمست ادخل سادس حتى اوصل لهل لحظة وحاليا اني طالبة سادس ب فترة مراحعة والمنهج نص مرتاكم واي شي ما مضبطه ورجعت شفت فيديو ونقهرت على نفسي 😢 دعولي فدوة
بشري ؟؟؟؟
بشرييييي
عدت السادس علمود اعيش هاللحضه واتمنى هاللحظه ياربي اكتبها لكل طالب تعبان ع نفسه💔😔
اكيد خلي ثقتج بربج جبيرة و خلي بالج شغلع ماكو شي مستحيل اتعب تلعب اهم شي تقرين وتفهمسن وظبطين لمواد قبل امتحانات ابشهر
@@نۈنايۿہ-ف2ت ونعم بالله
حياتي شكرا لكلامج اللطيف مثلج ❤️
@@Ss-jt8xl حـبـيـبت ڪـلـبـي،🤭💗!َ''))
بالتوفيق انشاء اللة
@@عزاوي-ه3ث للجميع يارب ❤️❤️
شكد حلو الفيديو 😍💜 أنا معدلي 95.17 تطبيقي ونقبلت هندسة نفط الله يحقق حلم كل طالب مثل ما تحقق حلمي✌ :-)
اويلي عشقي الهندسه حته لو هندسه كهرباء +بس هسه لغوا التطبيقي 🥺💔
@@aseelsalim6184 اي تكدر من السادس هم موجوده الهندسه اساسا احسن بله تطبيقي واحيائي
لو رايحه معهد نفط أفضل
@@howraaabaas8396 😩💗ايب صحح بس راح يزيدون المواد
@@aseelsalim6184 يرجع كلشي مثل قبل احسنن على الاقل تنفتح تخصصات اكثر مو اذا تروح احيائي اذا مطلع معدل متكدر تروح طب ولازم تلجأ لغير اقسام واغلب الاقسام تعبانه
اني فتحت هذا الفديو ومتوتر جدا بسبب جدول الوزاري لسنه 2022 الي هو حرفيا ظالمينه بي ومن وره الجدول حأجل مادتين وادعولي اطلع معدل زين ولكم بلمثل
اني همَ راح أجل مادة 💔
++++++++++
@@0ll.9i هففف الله كريم
الله يرزقج بمعدل يفرحج مابقئ شي اهمشي الصبر 💗
@@sema-d6d اني ولد
شكد شكد شفت الفيديو و شكد عايدته من قبل لا اصير سادس و البارحة شفته و هسة شفته و لا ينمل
الامتحانات بعدلها ١٠ ايام يا رب نعيش هالفرحة ...
يا جماعة ادعولي مؤجلة ٣ مواد
بَشريني بالنتيجة .🎀
@@N._1. إن شاء الله ذكروني و اجي ابشركم ✨️😭❤️
ادعولي مؤجلة ٣ دروس
بشري@@jannatal-asady2398
نجحتي؟
@@زهورهه اي عمري نجحت باللي امتحنتهن و بقى ٣ دروس على الدور الثاني ادعولي الله يسهل علية ♥️✨️
اويلي والله محد يحس بهذا الشعور بس الجربة الحمدلله جربتة هاي السنة ومعدلي٩٧ يارب لا تحرم اي طالب من هاي الفرحة
الف مبروك يروحي + الاساتذة شنو القريتهم 🌹
@@الوردةالرقيقة-خ2ق حيدر وليد ومهند السوداني وحمزة الجابري وحسن عبد الكاظم وعلاء السعداوي
@@HM0DY مشكورة يروحي
@@الوردةالرقيقة-خ2ق يا مشكورة يمعودة ولد والله💔🤦🏻♂️
@@HM0DY يبوو باع الفشلة اسفة والنبي حتى مامنتبهة 😂 آثار السادس من هسة بدت اتبين علية 🤦♀️😂
الف مبررررررروك اني هم بس شفت عربي ٩٩ مصدكت وضليت ابجي واكمزززز من الفرحة ومعدلي ٩٨.٦٧ 😍❤❤❤😭
اللة عليج شلون قريتي قواعد
@@ياالله-ش8ض1ط على سجاد اللامي وكلش مهم تضبطين التمارين والوزاريات شكد متكدرين
@@مينامينا-ي4ش شكرا حبيبتي
حبيبتي هم يدرس صف خامس اعدادي لولا بليز جاوبي
@@ياالله-ش8ض1ط عفوا
الحمدلله چنت دائماً اتفرج عالهالفيديو وابچي
وخلصت سادس بمعدل 97 🤎✨
وهسة شفت الفيديو ودمعت 😂 اتذكرت ردة فعلي
الحمدلله 🤍
اندعيلنا وياك دفعة ٢٣ احنا 🥺🥺😔 خايفة بس عندي امل برب العالمين انو انجح
مبروك اني صح ثالث ابتدائي و نجحت و صارلي تلث سنوات اتعب و بلاخير انجح 😮❤
@@R_iraq2 ههههه فدوه ان شاء الله يارب يوم تخرجك وتحقق البالك اخوي هم نجح للثالث ابتدائي
@@llHll9 اي والله حلمي انجح و اطلع معدل 99.85 عادي تدعين الي 😶😭👍لان أريد اصير مثل خالتي طب عام😹😥
عُمري تسلمين الله يبارك بيج
انقبلت منحة مجانية طب اسنان الحمدلله 🤍✨
ياروحي انتي الف الف مبروك تستاهلين والله كمت ابجي فدوة اهلج مثل اهلي ابوية هم يوديني محاضرات وبكلشي ممقصر وياية وامي اعجز عن وصفها يارب يوم الالي اني دفعة ٢٠٢٢
يارب التوفيق
بشر😊
@@Lohan11Nov رح اصير مرحلة ثانية😔🧡
بشري 🥹💕
@@safa7833شكد طلعتي
شفت الفديو كامل واني دموعي ما توقف 😭😭واني هاي السنة سادس يا رب النجاح الي ولكل الطلاب يا رب المعدلات العالية والصحة والتوفيق الكم 💜💜
ان شاءالله معدل تعبان هههههههه
ان شاءالله معدل عالي او مايروح تعبج
@@عبداللهعمر-خ5د8ل ان شاء الله ♥
@@marclenandjk6926 يآرب المعدل العالي لگل طلاب السادس❤️
@@Zahr.739 امين يا رب 💗
طالبة سادس دفعة ٢٠٢٤ حلمي طب عام
انة بالدور الاول امتحنت ٤ مواد ومعدلي ٩٥.٧ وكلش نقهرت
وفكرت اعيد سنة
وبعد كل هذة الوقت الي مر وباقي ٢٨ يوم فجأة كلشي تغير وقررت اكمل.........يتبع
٢٠٢٤/٨/٥ ❤
كملي 🫶🏻🥺
شو صار🥺❤
طالب سادس دفعة 2023 يارب معدل 99.83 دعواتكم الي والكم بالمثل واليجي من الله نشكره ونحمده عليه 💗
امين
ان شاء الله نشوفك افضل دكتور
امين يارب
المعدله 99 شيصير تقريباً
@@كاظمالمالكي-ت9ك اذا انت دور اول وطلعت معدل ٩٩ وتجيك درجه مال الدور الاول يصير معدلك ١٠٠
ف يقبلك طب عام
يمهه بجيتتت يارب السنه التجي مطلعه معدل عالي 😭😭😭😭😥💙
اني هم يا رب يرزقني ويرزقج بهاي الفرحة امين يا رب
@@Angel-dd1lb امين يارب 🥺🙏💙💙💙
اني عمري 15 واريد ارجع سادس ابتدائي واكمل بس اهلي ميقبلون••انشاء الله تطلعين معدل99 وتفرحين
@@نورنورعامر-د8س ياعمري شكرا جزيلاً. ... حاولي ويا اهلج ابقي اصري على انو ترجعين وان شاء الله ربي يوفقج ويسهلج وتكدرين توصلين للي تردي 🥺🤍🤍🤍
@@نورنورعامر-د8س لاااا حرامات ليش ميقبلون ان شاء الله تحققين احلامج
طبعاً اني حالياً طالبة خامس احيائي العام بالرابع طلعت معدل 99.7 حرفياً ردة فعلي جانت مثلها ان شاء الله اكمل مشواري بالسادس واطلع نفس هالمعدل 🥺💕
2022/2/9
*التعليق للذكرى 🤍
اني حاليا رابع علمي بنصف السنة جبت معدل ٩٦ وان شاء الله أجيب بأخير السنة مثل معدلج ♥️⭐
انشالله 🤍
الله يسهل لج
انا حاليا سادس، اهم شي التحضير اليومي اول واخر نصيحة يقدمها الج طالب سادس ❤️❤️🇮🇶
ولله كتايب 😆
شكلي وني رابع ومهتتمه واريد بس انجح 🙂💔
معدلي 93.6 ومأجله 4 ادعولي ارفع معدلي ومانزله حلمي الصيدله
ربي يوفقج يارب ✨ اني هم الحمدلله جبت 98.67 بدون إضافة والشكر لأستاذ حيدر وليد 100 💯 بالرياضيات
ماشاء الله ممكن اعرف طريقة دراستج ؟؟💗
الف مبروك عيني بس بلا زحمة ممكن اعرف درستي ع محاضراته مال اليوتيوب لو دخلتي يمه الكتروني؟
ممكن تكليلي على يا مدرسين درستي
ممكن دخلت دورات لو عل يوتيوب قريت
الشكر لله أولا
خلكتب هاي الذكرى بلكي الله يرزقني مثل مارزقج هم كُل ماافكر بمعدل ٩٦ اذكر شسويت بالعربي والرياضيات بس عندي ثقة راح افرح واتفاجئ بدرجاتي مثل فرحتج بالرياضيات والعربي ثقتي بربي تغنيني💙
بشري ؟
بشري
بشري
رجعت بعد ٨ اشهر واني غاطة باامتحانات الفاينل مال طب الاسنان ف الحمدالله الثقة بالله والتوكل جعل مني طالبة طب اسنان المكان الي طول عمري احلم بي🧡
@@براقعلي-ع9ن الف الحمدالله يوم الالي وني عندي كل ثقه ربي يرزقني طب الاسنان 🦋🦋
الفديو كل مااشوفه ابجي!! كمية المشاعر الحقيقية بي تحرك الروح خصوصاً الانسان الي بباله هدف الله يكتب للجميع الخير واهداف محققه🤍.
اني كل مااشوفه 🥺🥺وهيه تصررخ وتصيح درجاتهه دموعي توكع لاراديا 🥺🙏يارررب يررزقنا هاي فررحه
@@كوثري-ي4ف اللهم آمين يارب العالمين
امين يارب العالمين
🥺🥺
امييين يااارب❤
بعد ١٧ يوم لامتحاناتي واني لحد الان ممكمله ولا ماده بس والله عندي احساس راح تجي الاسئلة سهله واكدر اطلع معدل واحقق حلمي رجعوني بعد ما تنزل النتائج
تعديل أجلت ٣ مواد ونفسيتي متدمره جبولنا اسئلة كلش صعبه يارب نعوضها بالدور الثاني
تعديل ثاني بعد النتائج معدلي ٩٤ ومأجله ٣ ادعولي اطلع ٩٦ وادخل موازي طب عام
اني مأيسه بس اكول بلكت تصير معجزه وادخل طب واحقق حلمي
ربي يوفقج ويسهل عليج الامتحانات وتحققين حلمج
استمري ولاتستسلمين وانتي كدها يا بطلة لاتخافين ولاتفكرين وتوكلي على رب العالمين
استمري لاخر لحظة ب دراستج
ويمكن صدك تجي الأسئلة من الي احنا قارينا
ونحصل المعدلات الي نريدها وأكثر
ان شاء الله بس هم لازم تقرين لان حتى لو اسئلة سهلة مراح تجاوبين اذا ما قارية شي والنجاح والموفقية لجميع الطلاب
اقري خيه ما بقى شي وكل التوفيق ان شاء الله بإذن الله تكدرين تجيبين المعدل ولا تشيلين هم اسعي وابذلي جهد وربج ما يضيعه
نفسج العام ممكمله ولا ماده
وشكد تركت مواضيع وحته فيزياء فصل ثالث تركته ورب العالمين سهلها عليه وجبت بيهه ١٠٠
ومعدلي صار ٩٦
@@QabasQabas-eq8mz الله يوفقج انطيتيني امل اطلع درجه كامله شكرا
عدت السادس ع مود هاي اللحضه 🥺🥺
معدلي طلع 88 انشالله" ؏ هاي السنه اجيب 99 يارب
☘️:قـــد
يؤخــر الله الجمــيــل ،ليمنحــنــا الأجمــل
؟؟؟
راح اخيلها ذكرى واول ماينطوني النتيجه اجي اكتبها ادعولي بمعدل يرضون بي اهلي وبنفس الوقت اني فدوة هاي لسنه سادس
دعوة اربعين شخص مستجابه ❤❤❤
روحي الله يجبر خاطرج ويطلع الج معدل فوك ممتخيلة ❤
@@يمانه-ر8ج امين يارب من حلكج لسما
يبعد روحي انتي الج اضعاف هلدعوة لتخبل مثلج 🤍🤲.
شخبارج بالامتحاناتتت
@@ياعليمدد-ف1ط والله شويه زينه وخايفه بنفس الوقت انو احس.روحي ممجاوبه بس ان شاء الله خير
@@افروز-ب7ن لتخافين حبيبي لخوف يأثر عليج تعبي نفسج وخليها ع الله
الحمدلله الله يوفقج ويسعدج
اني همين امتحنت دور اول ثلاث مواد هي انكليزي ٩٧ واحياء ١٠٠ ورياضيات ٩٩ وبالدور الثاني امتحنت عربي ٩٧ وكيميا ١٠٠ وفيزيا ١٠٠
وطلعت معدل ٩٨.٨٣ وانقبلت طب عام موازي الحمدلله من فضل رب العالمين واهل البيت واهلي الحمدلله
سوال شنو موازي
@@Batool_48 تدفعين فلوس كل سنه بل ملايين بس معرف شكددد
@@s99.75 اها عادي
يامدرسين قريت
@@hasneenhadi5115 حيدر وليد رياضيات
ومهند السوداني كيمياء و حسن عبدالكاظم فيزياء وعربي حمزه الجابري و انكليزي ست سائرة يوسف واحياء ملزمة ماهر نايف .
بالتوفيق ان شاء الله .
گلبي يرجف فدوة لدموعچ ولهالفرحة
اتمنىٰ أعيش هالفرحه وكل شخص محتاجها 🤎
يارب🤲🏻😔
حرفيا رجعتني لمود الارتباك من استملت النتيجة ب ٢٠١٩ ، الشعور جان جنوني ، و الان انا في مرحلة ٣ كلية الطب
الحمد لله و الشكر عاشت ايديج و الف مبروك 🥳
الف الف مبروك ،اول مره ابجي ع فيديو ،تستاهليننن ذكرتيني بيوم النتائج اني جنت يأسه من الكيمياء والفيزياء وكلت لو انجح لو ارسب كرم رب العالمين هوايه جتي الكيمياء ١٠٠ والفيزياء ٩٦جان اكبر طموحي اجيب معدل بكد تعبي اكبر طموحي اجيب ٩٥معدل وزين اذا وصلت ،بيوم 2/10معدلي 100.5من صدك رب العالمين ينطي كل انسان بكد تعبه واكثر ،هذا الفيديو اجمل فيديو ممكن تشوفوا فرحه الاهل تسوه كلشي بالاختصار هاي لحضه تسوه الدنيا وماتتكرر
الف مبروك ما شاء الله صدك عوض الله حلو.ياربي عوضنه☹❤
يوتيوب درستي فقط؟
@@user-yk7ji6zv1s خصوصي
@@MEM9d يعني انتي جنتي تتوقعين ترسبين بيهن لو مجيبين معدل وهيج اجن
@@يابابالحوائج-م4د جنت متوقعه الفيزيا فرع ع الاقل غلط بس كتبت الي اعرفه وماعفته فارغ وجنت خايفهزخاف رسم مو حلو او شي وينقصون وفرع جنت ممتاكده منه ابد اما الكيميا جان اول فرع بي غلط وهم حليته ع الي اعرفه وجوي هيج اصلا بيوم الفيزيا رجعت ابجي واكول ليش مااجلت ومقبلت امتحن فرنسي الي هي اخر ماده بس بعدين امتحنت وهاهيه
بجيت من الفرح وياجج الله يديم الفرحه ع وجهج 😭😭💖
انيهم ونبي
عليكم الله ادعولي ادرسب بالاسلاميه مسحت الدفتر ع نص وخايفه ينجحوني حبابين ادعولي ارسب بالاسلاميه والله اذا حطولي 50 اموت
ياعمࢪي الف مبࢪوك تستاهلين وياࢪب كل طالب ينࢪزق هااي الفرحه ❤
انشاءلله
امين 🤲
اني هم مثلج ماجلة 3 مواد جنت رياضيات وفيزياء وانكلش ورياضيات وفيزياء جبت بيهن 100و انكلش 96 وصار معدلي 96.83 زين وجنت داصلي قبل النتيجة وابجي بس سبحان الله جان كلبي مرتاح والله العظيم حلمت بانكلش قبل كم يوم اخذت درجة 69 وكعدت ابجي وسبحان الله طلعت بالعكس 96 الحمدلله والشكر وبالرياضيات خوب امي رادت تكتلني هلكد ما جنت معاندة واصيح ما مجاوبة وابويه هم😂😂وبالاخير اجت 100
وبشري شنو طلع قبولج؟ يا كلية.؟
بلضبط نفس معدلي انقبلت كلية تمريض
@@سأبقىلوحدي-س3ت شكد معدلچ
@@narjesali1757 96.83
اني معدلي 97.67 وجنت كلش فرحانه بي بس الله لا ينطيوهم خربو واهسي بالقبولات ونقبلت معهد طبي 😭😭
جنت اشوف الفديو مالتج وابجي واتمنى الله يرزقني بالمعدل العالي اليوم رجعت اشوف الفديو مالتج واني مطلعه معدل ٩٧.٤٣ بالنهاية اكول (وان ليس للانسان الا ما سعى وان سعيه سوف يرى)
سؤال، درستي ع يوتيوب؟
@@lltso اي
@@yosr5475 ع منو درستي الفيزياء؟
@@yosr5475عمري على منو قريتي وشنو الملازم الي اعتمدتي عليها
هل ح اكدر اجيب معدل98 ادعيلي حبابه ان شاء الله ايدي ب ايدج 😭💗
دعولي كون طلع معدل 98 دعوت غير ب40شخص مستجابه
بشري
@@بنتفاطم-ظ2ظ ستوني نجحت السادس
@@antdaar اها
@OH MU يعني بعدني دفعه 2023
@@antdaar عبالي دفعه 22
موفقة ❤️❤️🌷
نورت
والله من ورااج رجفت رجفه ماصايره بيه
انشالله ارجعلكم واني محقق شي بسيط يرضي عمتي لان هيه الي مربيتني ومتكفله بيه
فمحتاج دعواتكم انشالله❤️
دفعه2022💔🙏🏿#سادسيون
ان شـٰـاءاللّـه 💗
امين
بالتوفيق يعمري
والله كمت ابجي عبالك نتيجتي تخايلت نفسي بهيج موقف ادعولي اطلع معدل عالي عليكم الله 😭
@@ؤدقہآلصہبہآحہ ان شـٰـاءاللّـه ورده
چنت داخلة أباوع يعني أجة ببالي أشوف الأوائل رغم مستحيل شيء يحفزني والله لا كلام ولا شخص بس شفت هذا الڤيديو أول واحد اجت عيني علي دخلت والله العظيم شيء بداخلي صحى خصوصاً من شفت أبوهة شلون حضنهة تذكرت أبوية حلمة أنو أطلع طب عام وعدت هالسنة ومالي واهس بكلشي وگلت شيطلعلي سنة لخ خل يطلع بس هسة أحس عندي طاقة ومو طاقة ام الـ 5 دقايق لا عندي واهس حتى أصير مثل ردة فعلهة وأفرح أبوية وأمي هيچ ومن هذا التعليق يوم 8شهر التاسع أگول أنو حبدي أدرس وأرجع رغد الشاطرة وأخلي هدفي گبالي
يارب أحصل المُعدل 100💘.
هوايه تشمتوا بيه وكلولي متكدرين
امتحاني بعد يومين
ادعولي اطلع طبيه❤
موفقة
بشرييي
بشرييي شطلعتيي؟
شصار؟
بشري
چنت كلما اضوج اجي اشوف الفديو وابچي 🌚واتمنى اعيش هاللحظة والحمدلله نشرو النتائج وطلعت 98.71 وية درجة دور الاول صار 99.71 الف الحمدلله🙏🥺😍😍دفعة 2023...+مبروووك❤️❤️
الف الف مبروك حبيبتي ❤اعتمدي يوتيوب لو خصوصي اني دفعه 2024 يارب سنت الوخ هيج معدل
@@user-aya.16__ الله يبارك بيج گلبي يوم الچ🙏💕....دخلت خصوصي 3 مواد والباقي على اليوتيوب
@@ayashihab3578 شنو نصيحتج الي مع العلم انتي تجاوزتي السادس واني اخذت الدور😔😂🫶🏻💕++ان شاء الله تنقبلين بل كلية الي تحلمين بيها
@@user-aya.16__ تسلمين☺️...اهمشي بالسادس هو التحضير اليومي والاستمراية حتى اذا مليتي عادي اخذي ريست ورجعي اقري بس اهمشي تستمرين وما لج علاقة بالكلام السلبي ابداً وانو تبدين بداية صحيحة بدون ما تعددين مصادر هواي لان تصير لخبطة
مبرووووك اني معدل 62تطبيقي مأجل اثنين😅
كميهه المشاعرر رجعتني ليوم نتائج🥺💔
باقي 47يوم للأمتحانات يارب نفس فرحه🥺💕
2022\5\12
امين يارب
آمين يارب 💔
🥺💔يارب
باقي38
@@ahhh3302
بداء العد تنازلي😵💔
بعد 9ايام
يا رب ارجع لهل تعليق واني محققه حلمي ومفرحه اهلي يا رب عيشني هاي اللحضه
2024/5/29
والله العضيم عيوني مديوكفن من الدموع الله يخليج شكد سويتيلي واهس ربي يحفضج وانشالله كل الطلاب يجيبون الدرجه الي ابالهم 🥺💕✨
شوكت تتحقق هاي امنيتي 😊🤲🏻🤲🏻
@@عشقالامامعليع-س3ف انشالله عن قريب اني وياج 👑💚
الحمدلله بل سادس
الإسلامية 100
عربي 99
الانكليزي 100
رياضيات 100
احياء 100
الفيزياء 100
كيمياء 100
الحمدلله كانت فرحه ما تنوصفففففف
للجميع ان شاء الله ❤❤❤❤
علتي الكيمياء والله معذبتني نصحيني شسوي انة بعدلي شهرين واريد بيها درجة
ماشاءالله
ممكن المدرسين الي درست عليه
عليج الله على منو قريتي ويم منو درستي خصوصي عليج القران جاوبي بداعت شكو شخص غالي عليج جاوبيني ان شاء الله بميزان حسناتج
كيف سادس و كيمياء و فيزياء و احياء ؟؟ حنا ماندرس احياء و كيمياء و فيزياء
جنت اشوف هذا الفيديو قبل السادس وكلما اشوف هذه الفيديو ابجي وخلصت السادس بمعدل ٩٦.٥٧ وبجيت هواي بذاك اليوم لأن خسرت حلمي وما انقبل طب عام بس الحمدلله تحقق حلمي وانقبلت طب عام بإيران ❤️🤞
ممكن سوال قدمتي منحه لو شلون ؟تكدرين توضحيلي
@@ايفاايفا-س3ق مرحبا لا مو منحه قدمت على جامعة بإيران طب بس ادفع فلوس يعني
اولاً ألف ألف مبروك تستأهل كل خير ثانياً سوال بلا زحمة شسوي بوكت التوتر والخوف اليسيطر عليه وما اكدر حتى اركز على دراستي وتراكمات هواي شلون اخلصهن وعادي ابلش بالمراجعة واني عندي شويه تراكمات وأنت شنو جان نظام تدريسك ومنو المدرسين والملازم الي قريت عليهم
@@Zahraa-ky7hg هااا شكرا موفقه
@@Eng.aliabas الله يبارك بيك شوف التوتر والاستعجال ابد ما يفيد على شنو تقلق انت اذا قاري ومسوي الي عليك هاهيه خليها على الله واما بالنسبة للتراكمات اني جان عندي تراكمات بس بالانكليزي وشوية بالعربي وخلصت الانكليزي وبديت مراجعه واني عندي شوية تراكمات بالعربي مو هواي ف ما تأثرت
طبعا اني ائجلت اسلاميه بحيث مصدومه لان مجنت متوقعه ائجلهه بسس خير والله كاتلبي هم بي خير وهم ائلجت نكليزي وعربي وفيزياء بقن ٣ واتمنى بل دور ثاني ان اطلع معدل بحيث اني انصدم منه وابجي من فرح واثقه برب العالمين انو راح ينطي معدل احلم بي واوصل لصيدله امنيتي نشاءلله احلم اطلع معدل ٩٤ اي شي بل ٩٠ رجعوني بل نتائج❤
بشررر
@@LavandAlaa ائجلت كلهن دور ثاني
@@نورهان-ب2ك عالجايات🫂✨
قميصج بيه المتسعة بوجود العازل🥺😂😂😂💞
فدوة😂😂😂😂💞
😂😂😂😂😂
😂😂😂
هههههههه
اي والله
الفف الفف مبروك شايفه كل خير ان شاء الله
فرحة الام والاب اهم شي والله
الله يفرح كل اهلكم بنتائجكم والله يوفق الجميع يارب واني منهم 😭💞
#دفعة22
امين يارب 😭💕
3:32
يعمرييي الله يديم الفرحة الف مبروك التخرج😭😭💗💗.
سادس دور ثاني مأجله عربي واحياء
معدلي بالدور الاول 99.4 يارب ابقى محافظه على معدلي امانه ادعولي ❤.
أنا هم معدلي ٩٩.٣ ومأجلة درس
أن شاء الله نجيب ١٠٠ بيها❤
ربي يوفقج
كلبي الف مبروك أن شاءالله تجيبين بهالمادة درجة كاملة بليز اريد تنصحيني الكيميا شلون قريته بالدور الاول لأن كلش تعبتني شلون اوصل بيه لدرجة ماتقل عن ٩٦ حبابة على منو قريتي الكلاميات@@Bingo_jingo_ningo_7ingo
@@Bingo_jingo_ningo_7ingo يارب ياكريم نجيب 100 بيهن
@@Ali-nk8czاقري على حسين الهاشمي
اني هسة بداية سادس تحفزتت كلشش هواييي راح ارجع للفيديو لمن اخلص السادس
ادعوليييي اطلع المعدل البالي 💗.
ان شاء الله توصلين
شكد بجاني هذا الفيديو لان بقة بس ٦٦ يوم عن امتحاناتي وماعرف هم خايفة من الرياضيات ودراستي ع حيدر وليد بس من الرغم مرتبكة كلش 💔😔
الله يوفقج❤
الله يوفقج
يارب تحصلين معدل ٩٩🥹🤍🤍🤍🤍
@@cloud-fi2nu يعيونييي إن شاءالله الله يسمع منج
@الدكتورة زهراء 🩺💙 🥺الله كريم
رغم اني ناجحه من الدور الاول وبمعدل 94.50 وخلصت ومنتظره القبولات بس بجيت مدري ليش 🤭🤣 ياعمري توفيق نشالله
فدوه جكد درجاتج حته طلعتي هجي معدل فدوه جاوبيني
درجاتي .
٩١
٩٦
٩٢
٩٠
٩٨
٩٥
من ياشهر بديتي تدرسين وشخلصتي منا ع مابده دوام ويه سادس
@@nono-yr8vy
بديت ادرس وحدي ع يوتيوب
ف درست نص القواعد ع حمزة الجابري ونص الرياضيات ع حيدر وليد وشوية من الفيزيه والكيميه هم درسته وبعدني في بدايتهه والاستاذ حسين الهاشمي كطع بعد مينشر ف عفته من بعدهه اجه الدوام وواصلت دروسي كل يوم بيومه طبعا الافصل البلبداية صارت عندي سهلة لين انعادت مرتين عليه . وجان استحقاقي اكثر بس الحمدلله ع كل حال
شنو طلع قبولج؟
ذكرى طالب سادس علمي سنه ثالثه يارب عوضني عن الي فات يارب ❤
دفعة 22
وهسا دفعة 24💔
يارب اجبر كسري يالله
2024/6/16 الاحد
من تخلصين ويجن نتائج بشرينه😭🫶🏻
بعد نص ساعة نتائج 🙂💔
@@Noor-x6f1m الله يوفقك الجميع بحق مصاب سيدي ومولاي أبا عبدالله الحسين عليه السلام 💔
بشري
عمـرري الف الف مبـروك ثمـرة التعب اكيـد فرح 💗 .
بجيـت ع فرحتتـهه الله يوفقج ويوفقنه ويرزق جميع الطلاب هاي الفرحه يارب 🧡.
طالبه خامس احيائي ، هذ التعليق بعد سنه وارجعله وابشركم بمعدلي بسادس ان شاء الله طب ، ف دعواتكم الله يوفقني ويوفق جميع الطلاب 🥺💪🏻💖.
بعد 25 يوم عن امتحاناتي وهذا اليوم الي اشوف بيه نتيجتي وحلمي متحقق احلم بيه قبل لا اوصل للسادس ، هل راح يجي ارجع لتعليقي واني شايفة هذا اليوم وعايشة هاي اللحظة وهذا الشعور؟ 2024/5/13 .
الله يوفقك
الفيديو الي كل مرة اشوفة دموعي تنزل.
أن شاء الله نفس الفرحة نعيشها حالياً فترة مراجعة وارجع للتعليق بعد النتائج
انشاءالله 🤍
والله اني نفس الشعور يارب نجحنا وانك على كل شيئ قدير
اني هم🥺🥺🥺
ربي يسهللكم يارب اني رحت للخامس حاليا راجعلكم بعد سنتين
بعد يومين للنتائج ان شاء الله كلنا ناجحين🤍
كلما اضوج اجي اشوف هلفيديو وابجي حرفياً ان شاءالله اعيش هالشعور ويتحقق الي ببالي واطلع المعدل الي اريده 😔✨✨
شكد طلتي❤
العام جنت اشوف هذا الفيديو بالمراجعة و جان الضغط عليه كلش اكبر من طاقتي وكلما اشوف الفيديو ابجي و الحمد لله هسه تذكرت الفيديو ورجعت اشوفه و خلصت السادس من اول دور و اول سنة بمعدل 98.71 وهسه اني صيدلة م اولى بأفضل جامعة بالعراق
عيشوا السادس صح ولتضغطون على نفسيتكم اقروا وخليكم ريلاكس و صدكوني الي مقدره رب العالمين هو افضل شي الكم
اوووي فدوه بالتوفيق
@@baraabreere1968 حبيبتي وبالتوفيق الج🤍
@@mariafirst4870 حبيبتي اني من الدوام لهسه يعني اقصد بعد نصف السنة مااخذت ريست ولا يوم واحد هسه كلش كلش ماطيق الكتاب كد ماتعبت حيل والوقت مو بصالحي حتى اخذ ريست يوم واحد شنو اسوي استمر حتلو تعبت !!! بس نفسيتي دتدمر والله تعبت 😔😔
@@fatimalaith2949
عادي حبيبتي اخذي ريست يوم سوي بيه كلشي بخاطرج و بعدين ارجعي اقري بحماس هاي اخر مرة تشوفين بيها الكتب اتعبي هسه بالدراسة و لا تتعبين بعدين من الندم و الله هسه اتمنى ارجع للمراجعة واصحح الاخطاء الي سويتها ضغطت على نفسيتي اكثر من تعبي بالدراسة لتخافين ابد ابد كلشي بيد رب العالمين هو الخوف الي يدمر كلشي و عادي ابدي اول يوم وره الريست اقري لحدما تتعبين بس مو يصير عندج ارهاق لا يكلف الله نفسا الا وسعها ربج يعرف شكد انت قوية و انطاج هذا المكان حتى تصنعين نفسج و تكونين بأفضل مكان اكاديمي المهم ابدي خطوة خطوة اول يوم كملي نصف ملزمة ثاني يوم زيدي شوية عليها و كل يوم زيدي شوية ع المادة وعندكم كلش هواية وقت ترا🤍✨
@@mariafirst4870 اعيوني فدوه جاوبي 🤍
رياضيات حليتي كل وزاريات حيدر وليد ؟
كيمياء هم قريتي وزاريات الها ؟
لان ما عندي وقت حقره كيمياء بس ع كتاب لان مدرسين يكولون اسئله تجي من كتاب ويتغير بس رقم او مطلب 🤍