قصة الأديب محمد عبد الله ولد سعيد ولد عبد الجليل القلاوي مع منت البار

المصدر
• قصة ولد عبد الجليل مع...
قصة ول سعيد ول عبد الجليل امع منت البار
هومحمد عبد الله ول سعيد ول عبد الجليل الغلاوي من اغلال الخواروشهرته ول سعيد ول عبد الجليل
ومنت البار اسمها رائعه منت البار
القصة(منقوله عن الاديب الكبير المرحوم محمدن ول سيد ابراهيم بلا زياده ولا نقصان)للامانة
ول سعيد ول عبد الجليل راجل من البيظان يعرف ياسر من شي متعدل ايعرف اللهو اسالك امن المال ايدو ما فيها شي واخواتو سبع اوالدتو سالمه اعندهم احمار واحد اهذا ثقيل اعاد لحمار املل ابغايتو افلحمير زمن لخريف اعادو الطافلات اللا اظلو الودو اللحمار افترهم ذاك وانشك الباسهم اضيعهم انيت اكالو الوالدتهم:
هذا لحمار يالتن نكطعوه والل انعدلولو صيفه كان نستراحو افترن بين ديارتو وادريكو الا ادركناه يوكلوه لحمير والا اتركناه لاه يوغد واعود لا بدالو امن اديار كالتلهم:
ذاك مانكد انعدلو خايفت اموت اخايف اعليه املل من لحمير هو اللا احمار واحد انروسيكم اعليه مانكد انفرط فيه لعل يتعطل والل ما يبر ماني كاده.
افذا الشي جاهم هو كالولو :
افلان اتوجهن فالوالده اتريحن من ذا لحمار ما خل وحد من تطلعها الخظره اهو كط اسمع ابمنت البار ذيك واسمع عنها ما خاسر اعليها شي يغير اشكيف ذاك هي اتجيها اللا الناس اسغار اهو عاد شيباني اليد ما فيها شي اذيك الساع الشي ماه شاطن حد يغير لا بد من حد اعود عندو شي كاد ايج اعليه بعد كاع والباسو زين وابمركوبو اراهي كانت الناس لوله حد مستفت عندها اعود اظوك امنيج الا عاد اظوكها معناها عنو فتي امعناها عنو ماه كئيب واكولوها ايكاون (الفنانين)عندهم حد اظوكها معناها عنو عندو ابلد ل للهووالاعاد ما ذاك والل اماسيها احرام والل شي ذاك نبتو معناها عنو ماه داير ابلد ل للهو واجنبوه.
امنين كالولو اخواتو انو يطر حلهم اراي واعاونهم فالوالده كانها تكطع عنهم لحمار واتريحهم كالهم :
والله احان لين جات والدتوكالها:
الوالده آن وللك ابارك وامناتك وحدات الحمد لله اعندك احمار واحد الاهم لاهي اطلعو راحه ماحدن ذا لحمار مانكطع عنهم ظرك اخطوطتك اثنين :
واحد:واس ذالكالولك الطافلات
الثاني:
اعطيهليان انبيعو انشري منو دراع زين ما خاسر اعليها شي وانكيس منت البار ذيك نختير انشوفها امن اكريب آن لابس دراع ما خاسر اعليها شي كالتلو:
هذا ماه اراي يوللي
كالها:
لا اتواسيلي ذاك ال عدت مانك كاطعه لحمارذا هو اخيار اللاهي اتعدليلو .
امنين ما جاتو فارايو اهد الين انهار ذهو كثرت اعليه ذكرت منت البار والناس كامل واعدتهاوالجاي جاي من عندهااهو ماتل افذيك السن الذيكي كام واكبظ ازكيبه ادارها اعل منكبو اكام امعاين لفريك الل فيه هي اسول عن منت البار كالولو:
ذوك آشراميط وارواحل كدام الخيم الل هي فيها كام امعاين الخيم اكبال داك فيها داير كمو اعل راصو ارافد ازكيبتو لين الحك زر الخيم كالهم :
السلام عليكم ..........يتبع
كالولو:
وعليكم السلام كالهم:
منت البار هون كالولو:
اهيه كالهم:
انكولها كلمه اشوي واتكلب غادي اعاد عند زر الخيم كالولها ذا شنهو؟
كالت الهم خم ؟اللا اثرو امرابط ابغايتو والل مرسول ما نعرف واثرو هو وكفتو الهيه اخرصها حالت اكيامها واخرصها كامله الحال كان زين اعل لعلا يات تمت هي بعد امعاينتو الين جاتو سلمت اعليه ارد الها اسلام كالتلو شنهي غايتك:
كالها:
والله ول آدم ما يكبر عن غايتو وآن ابغايتي فيك كالت لو:اعملها ابهاك كالها:آن هذا ابوالدتي واخواتي سبع اوالدي ماه سالم اعندن احمار واحد اتعرفي ذا زمن لخريف والناس ترحل اكالو الطافلات:
عنذ لحمار ورطهم بديار اصدكو ذازمن لخريف اهومات طافلات اسغارات اشكك الباسهم اكالو للوالده انها تكطعو عنهم وابات عن ذاك وآن بعد ما نعرف اندورك يمنت تطرحيل اراي كان انكومرو لحمار والل ما نكومروه؟
كامت تظحك الين طاحت اعل زرها بيها الظحك اهو ذا كامل اعل عينو اهي ماهي متحفظ منو بيه الل متغمبرابكمو اهو اراعي افذاك كامل اهي اللا تظحك والناس اللي فالخيم يتحراوها ادورو يعرفو ارواي شنهي شافوها ظحكت حت واكبظهم لغب كالتلو:
الين اعود الصبح اتعالالي نعطيك لخبار كانكم اتكومرو لحمار والل ما؟ وامشات عنو واكعد هو اخرصها وازيانت عندو وابحر هو اشلاهي اواسي ؟كام نافد ول هدار اكال لو الحكني آن منت البار الل كنت مشتاك انشوفها عدلت امرده الين اتمكنت من شوفتها اريتها ارد اعليه لمرده كامله واظحك هو زاد الين ذاك واميعدتني بالصبح كالو لاهي اترد اعلي يغير اشلاهي انواسي ؟كالو:
انت تعرف لغن كالو :
مانلل كالو ماهو شي نسيب الا ابتيت الا بكاء علي الاطلال ؟
كالو مانلل ما ني عراظ اللغن اثرو فاش؟
كالو لغن اعين فجماعه حد امغن والل يعرظ لغن اكد يحظر فجماعه لعاد ماهو مشرط شروط اخرين (كيف المال والل السغر)