Taombaovaon'Imerina : Tontosa ny fanamarihana.

Tontosa nandritra ity faran’ny herinandro ity ny fanamarihana ny taombaovaon’Imerina ho an’ny Zanadranavalona Anosimanjaka. Araka ny toromariky ny filohan'ny fikambanana, tsy nisy ny hetsika firavoravoana an-kalamanjana hankalazana ny taona 445 teny Anosimanjaka . Nangadihady ny kianja filanonana ho fanajana ny hamehana ara-pahasalamana ary tsy nisy ny famoriana ireo taranaka. Na izany aza, ho fanamarihana ny fiandohan'ny taona amin'ny fanisan-taona hatramin'ny andron-dRalambo izay arahin'ny fikambanana Zanadranavalona, nisy ny fizaràna Mofomamy (koba) ho solonkena mitam-pihavanana ny ivon'ny taombaovaon'Imerina. samy nanao ny fombafomba sy ny lanonana tsirairay avy isan-tokantrano kosa ny mpikambana sy ny tarana-dRanavalotsimitoviaminandriana.