جولة في شقة 100 متر شرقي في بسماية 🏢
HTML-код
- Опубликовано: 8 мар 2023
- الغرض من المقطع هو معرفة تصميم و مساحات الغرف و تفاصيل شقق بسماية ذات المساحة ١٠٠ متر الشرقي للذين يودون التقديم على شقة في المجمع السكني او للأطلاع فقط 😁
اسف نسيت احجي عن المخزن الي هو الباب الي لاحضتوها بين الغرفة رقم 2 و غرفة النوم الرئيسية و قياساته نزال 1.28م عرض 1.15م
مشاهدة ممتعة
شكرا للمشاهدة و المشاركة
خميسكم فلة 😉
للتواصل معي
facebook 👇
/ xbarhomx
instagram👇
/ barhom0_o
بصراحه شقة اتخبل يارب يصير العراق يطورون أكثر يارب
ماشاء الله شقه ولا غلطه
اللهم ارزقنا مثل هذي الشقه كولو امين دعوت الغريب مستجابة
ربي يرزقكم و يرزق الجميع بالاحسن ان شاء الله
كم سعر الشقه -00متر بدون أثاث نقدًا
بس ترة صغيرة الغرف
@@user-uv3bn2yd6w اني هم دا اشوف الغرف صغيرة وتخنگ
@@b.b.b1846 اختي العزيزة كل بشر و ذوقه بالاختيار بالنسبة الي اشوفها اكثر من كافية
ما شاء الله تبارك الرحمن ربي يحفظكم من كل سوء ويديم عليكم نعمه الامان
فدوة لقلبك الحلو زيودي للجميع ان شاء الله حبيبي 🤍
الف عافيه انشاالله .بلا زحمه شكد ايجار الشقق ١٠٠/١٤٠/١٢٠
ماشاءالله الله يرزقكم
أحسنتم النشر ووفقتم لكل خير بحق محمد وال محمد
عاشت ايدك الشرح يخبل ياريت تشرح لنا عن شقه ١٤٠ قياساتها ومساحات الغرف نفس الميه
ايدج العايشة اختي اتمنى لو اكو وقت كافي حتى اسوي مقاطع عن ال ١٤٠ و ال ١٢٠ ان شاء الله بس اتفرغ اسويهن
@@Barhom0_oاي والله ياريت تشرحلنا عن مساحه الغرف والشقه كامله ومنو الاحسن الشرقي او الغربي ١٤٠ م
روعه
عاشت يدك ربي يحفظك
ايدك العايشة و يحفظ الجميع ان شاء الله حبيبي
ماشاءالله ربي يحفظكم ❤
يا طابق
امين يارب العلمين
❤
شكرا جزيلا جنت متخوف من صغره وكلام ناس الغربي اجمل وافضل بس حمدلله شرحك كان وافي جدا وحمدلله مقتنعين بالشرقي
عفوا اخي كل التوفيق ان شاء الله
انت ماقصرت بشرح بس ياريت تعرفنه ع اسعارهن
خطأ بتصميم الشقق مال بسماية بيبان ماكو للصالة وماكو هول وماكو باب للمطبخ يعني الطبخ حيخرب الشقة كلهة ليش ماكو بيبان بالكونات مابيهة نهائي ليش هي شقة عل الاقل عدهم مجال يسوون بالكونات جبيرة بابها سحب ممكن شر ملابس بيهة يخلون بيهة سنادين مكان كعدة خصوصا للهول المفروض بالكونة جبيرة وبالكونات للغرف حتة عل الاقل يشرون ملابسهم السبلت ياخذ راحتة مو ينحشك
السلام عليكم ابراهيم بدون زحمه القنفات مالتك اشكم مقعد يعني كم متر ياريت اجاوبني
اخي ممكن تشرحلنه ع ام 140 مثل هذا الڤيديو اكون ممنونه منك
اختي جان من عيني بس هاي لان شقتي ف كدرت اصورها بدون اي قيود مع هذا اني الفكرة ببالي اذا كدرت اسويها بالتعاون مع احد الدلالين ان شاء الله اسويها
اخي بلا زحمة يصير نشتري شقة بس اني مو موظفة ربه بيت عادي يصير
الشرقي احله
عاشت ايدك على الشرح بس نسيت تذكر نقطه.. الهدوء وعزل الصوت بين الشقق شلونه؟
ايدك العايشة اخي العزيز اني ساكن باحد الطوابق العليا ف بالنسبة للصوت ما اسمع شي بالذات انه الاغلاق مال الشبابيك محكم جدا ، اما بالنسبة للاهتزازات الي ناتجة من حركة الاشخاص الي بالطابق الاعلى منك ف الحمد لله الله رازقني بجار ما اسمع منة صوت الا بالشهر مرة او مرتين يعني الي يمشي طبيعي ما راح تسمعة بالذات اذا جان فارش زوالي اما اذا طفل يركض و يكمز ف اكيد راح تسمعة بس بهالحالة اذا جان قالقك تكدر تشتكي عليه بالهيئة و يحصل انذار و المفروض بعد شكوتين ينطرد
@@Barhom0_oيعني هسه إذا واحد يريد يشتري ل140 بيش وقسط البيع لو إله نقد
صديقي بلا زحمه شكد القسط مالتها الشهر بالنسبة ١٠٠ شرقي
وبيش الإيجار مالتها اذا واحد يريد إيأجرها
والمتقاعد الجريح وراتبه 1200هم ايصير يقدم ع شقه لولا ممكن الرد
اخي المتقاعد يحتاج كفيل
السلام عليكم اخي الكريم اني منتسب اكدر اقدم عل شقه ارجو الرد
مرحبا اريد شقه لايجار عفيه اريد معلومات كامله عن الايجار محتاجته ضرووري يتريت احد يعرف ويجاوبني
عيني شكد سعر الشقه ميه متر.بلدينار العراقي.
السلام عليكم اكو حاليا تسجيل لشراء شقه
ممكن الاسعار وطريقة القصد
عاشت ايدكم بس سؤال انته كلت السبلات على طن ونص يعني طنين ما يرهم الهن
ايدك العايشة اخي مكتوبة على السيركت الرئيسي للشقة باللغة العربية سبلت الهول 1.5 طن و سبلت غرف النوم 1 طن صدكني اكثر من كافي لان الكهرباء متطفى
عاشت ايدك على الشرح بس عندي سؤال واحد الشقه 120 حجم الغرف نفس الحجم لو اكبر
الهول و المطبخ و عدد مخازن يختلف اتفضل على الخاص اذا تحب ادزلك تصاميم ١٠٠ ١٢٠ ١٤٠ شرقي و غربي تطلع عليهن
رابط حسابي على الفيسبوك و الانستكرام بصندوق الوصف اسفل الفيديو
حبيبي بلازحمه عليك بشكد أخذتهه الشقه مالتك؟
مشكور جدا على الفديو والتوضيح ممكن نعرف يمته ينفتح التقديم وين نكدر نقدم
عفوا اخي العزيز تدلل 🌺
حاليا التقديم مو مفتوح وعد ان شاء الله من ينفتح التقديم انزل مقطع بالقناة اشرح عن فروع المصرف الي تقبل التقديم و على الية التقديم
ياريت والله....عاشت ايدك ورحم الله والديك
@@Barhom0_oياريت والله..عاشت ايدك ورحم الله والديك
نضام عزل صوت موجود بيه
كل شي بيهه حتى مكان للمميو على الفراش!؟
سؤال اخي احنه ماعدنه راتب يصير نشتري شقة بسمايا؟
شكد السعر
السلام عليكم بلازحمه خاله الكهرباء والماء والطريق الى بغداد شلونه لان عندي كليات اني فكرت ااجر فتره واشوف الوضع اهناك وبعدين ابيع بتنه لبغداد واجي لبسمايه شنو تنصحني والشقه الي 100متر ابيش والارضيه ابيش جواب رحمه لوالديك
خالة ال100 متر ب 104 مليون و انتي صاعدة الماء و الكهرباء 24 ساعة و الطريق معدل ساعة حسب الازدحام ممكن يكون اقل او اكثر بشوية اذا ازدحامات قوية
شكد سعره
السلام عليكم اشكد السعر واي طابق
ككل الرجال
هاي غرفه معيشه ام بالكون
شكد سعر شقتك
حبيبي سؤال اكدر من استلمها اتأخر بدفع القسط مثل كل سنة كل خمس أشهر
اخي الاغلبية هيج يسوون بس ما انصحك لان بالعقد مكتوب تصير عليك غرامات تأخيرية همة مرات يسوون غرامات و مرات لا اذا تنطي كل 3 اشهر او شهرين اضمنلك ميسوون غرامات لان اني ادفع هيج و ولا مرة متغرم
حاليا كولش غاليه بسمايه بسبب العقار 😢
مع هذا تعتبر ارخص حل
متوفرة
اخي بلا زحمه انفتح التقديم ، وشنو الترتيب بالضبط يعني نعطي مقدمة لو شنو
اختي ما انفتح التقديم و كل التفاصيل بالنسبة للتقديم تلكيها بالمقطع السابق (شروط و الية التقديم في مدينة بسماية )
@@Barhom0_o جزاك الله خير الجزاء
@@israaaliabushana-4490 اجميعن ان شاء الله
الحمام بدون شباك 😮
يعجبني بيكم متمكن من المحتوى الي دتقدمه ولا غلطه وعندي سؤال لحضرتك..هل المتقاعد الي راتبه ٩٠٠الف يحقله يقدم ع شقه الي راح تنفتح بشهر الخامس حسب مسمعت وجزيل الشكر الك
٩٤٠ ولازم يكون الكفيل موظف وليس متقاعد
عزيزي عندي ستفسار اذا اقدم على شقه اكدر ابيعة واني ابقه اسدد القصد ثانين كم فرق السعر بين الطابق الاول وطابق الاخير
الطوابق الارضي , الاول , الثاني , الثالث فرق مليونين و الرابع و الخامس 500 الف عن البقية بالنسبة للبيع لازم تسدد 50% من سعر الشقة
اشكد سعرها
شون اسعار ؟
ممكن شقة للايجار
هسه شكد سعر الشقة 120متر مربع بالبيع المباشر؟
120 مليون و فوك
هاي بس للي رواتبهم عاليه مو للبسيط طول عمرهم ميخدمون الفقير
ايثير متقاعد يكفل واحد على شقة لو لا
لا
ممكن السعر
جكد سعر شقه نفر واحد
السقف ناصي عمود التبريد لو عمود كلفة البناء
اخي شكرا على الشرح الجميل بس سوال اكو شقه ايجارها ب200 او 300 ??
اسف اختي بس الايجارات ٤٠٠ الف للشقة ال ١٠٠ م الفارغة ، بس سامع اكو بعض الناس تأجرها لأقاربها ب ٣٥٠ بس هاي حالة نادرة
@@Barhom0_o يعني كلهن ب400 ??++ احنه بكيفنه نختار الطابق الي نسكن بيه لو همه ينطونه ++اكو شقق لنفرين يعني صغيره?
@@ror20Lc التعليق باليوتيوب الي بي ارقام يطلع مكلوب جهرتة ما اعرف ليش ف راح اكتب نفس التعليق السابق و احول الارقام الى كلمات
ممكن تفاصيل سعر ١٠٠ متر يعني مقدمة شكد والقسط شكد
مع جزيل الشكر
التعليمات تتغير وية كل تقديم التقديم الي قدمت عليه ب 2020 جان المقدم 7.5 مليون و القسط 368500 دينارشهريا لمدة 25 سنة
السلام عليكم بخصوص الغاز اني خايفه من القنينه يعني اشوكت يصير نضام الصمام
حبيبي شوكت يفتح تسجيل بسمايه جديدي
اخي العزيز تابع صفحة الهيئة الوطنية للأستثمار على الفيسبوك من ينفتح التقديم على بسماية ينشرون
اخي بدون زحمه شوكت ينفتح التقديم
اخي اسف ما اعرف موعد محدد بس اخبار اجتني من شهر تقريبا انه عن قريب ان شاء الله ينفتح التقديم بس شكد بالضبط ما اعرف يعني يجوز شهر شهرين بعد ان شاء الله
السلام عليكم ماما شكد سعره 100/
اشكد سعرها اذا بيع وشكد اذا ايجار ال١٠٠متر
البيع من 104 مليون و انت صاعد و الايجار 450 الف وانت صاعد
اخويه ممكن تبلغنه بفديو من ينفتح التقديم
اكيد اختي ان شاء الله اول ما ينفتح التقديم راح انزل فيديو قصير باليوتيوب و انشر بحسابي بالفيسبوك و الانستكرام
@@Barhom0_o ممنونه منك
@@fatenal-kayese858 تدللين اختي
كم السعر؟
بلا زحمه عليك المطبخ راكب الخزاين والسنك لو فارغ
يجي فارغ اخي فقط سنك ابو البابين يجي و ياها
اكدر احصل شقه ب ٥٠ مليون ؟
والسعر شنو
سؤال جزاك الله خير عند التقديم على شقه والتسجيل هل يتم دفع الاقساط مباشرة بعد التقديم او الدفع يكون بعد استلام الشقه وشكرا على تعبك لانك ترد على كل الاستفسارات
دفع الاقساط يتم بعد استلام الشقة
عفوا تدلل اخي 🌺
بدون زحمة هسة مثل هاي الشقة كم ايجارها مع اثاث وبدون رحم الله والديك تجاوب
@@user-nu1fx2uy6v اخي العزيز ال١٠٠ الشرقي بدون اثاث ٤٠٠ الف ستندر اما اذا بيها اثاث بعد انت و صاحب الملك يعني مو ستندر
بس متزيد عن ٦٠٠ الف اذا مؤثثة فول
هل تكون شقه مجهزة شكد الاسعار
الشبابيك خطرة بالنسبة للأطفال
الطفل ميعرف شلون يفتح الشباك للاخر بس اذا عرف تصير خطرة جدا لكن الي عدهم اطفال ممكن يشدون كتائب اكو حدادين اختصاص كتائب من داخل بسماية
متوفرة شقق للأيجار وكم سعر الايجار
نعم مكاتب و صفحات الفيسبوك و كروبات التلكرام بيها هواية يعرضون ال١٠٠ متر من ٤٠٠ الف الى ٥٥٠
( اذا جانت فارغة ٤٠٠ الف )
غرف صغار. مع الاسف
الماستر روم مابيها حمام؟
ال ١٠٠ بيها حمامين واحد للضيوف بالمدخل يكون مجرد wc و الاخر داخل الشقة و لا يوجد حمام في اي من غرف النوم
فقط الشقة ذات المساحة ١٤٠ يتوفر فيها حمام داخل غرفة النوم الرئيسية
اريد شقه 100متر طابق ارضي شكد السعر ++نقدي فلوس عراقي
@@فلاححسن-ف9ط اخي العزيز نزلت مفطع فيديو شرحت بي عن كل الاسعار تكدر تتفضل تشوفة
اخي ممكن تقولنا كم تكلفة مشروع مدينة بسماية الشاملة بالدولار مجرد فضول
7.75 مليار دولار
100000 وحدة سكنية مع كل مرافقها ، محطة كهرباء ، محطة مياه ، مستوصفات ، مدارس ، رياض اطفال ، ملاعب ، مركز شرطة ، استخبارات ، امن وطني ، دفاع مدني ، مركز تسوق ، و غيرها من الامور
@@Barhom0_o
والله مناسب المشروع نظراً للضخامته فندق في دبي في جزيرة النخله تكلفته مليار ونص مكلف جداً نضراً للعدد الوحدات اللي حكيتها ان شاءلله نشوف العراق اول الدول المتقدمة عنقريب ان شاءلله وشكراً ياحبيبي على ردك
وش اسم الشركة المنفذه ممكن تحط رابطها لو سمحت
@@guran7. عفوا اخي العزيز تدلل ربي يوفقك
سؤال بسيط اكدر اشتري شقه
ودفعلهم. كل فلوسهن لو ميقبلو
اله تقصيط ؟
نعم مسموح
شوكت يفتحون التقديم
اخي العزيز تابع صفحة الهيئة الوطنية للأستثمار على الفيسبوك من ينفتح التقديم على بسماية ينشرون
اذا اريد اشتري شقة غير مدفوعة الثمن بمعنى انها عليها اقساط هل هذا الشراء قانوني؟
نعم اخي الموضوع قانوني ١٠٠% لان حسب الضوابط ممكن بس لازم تشتري من شخص مسدد ٥٠% فتتحول بأسمك و حضرتك تكمل باقي الاقساط او ممكن تتكاتب وية شخص مسدد اقل من ٥٠% و حضرتك توصلها لل٥٠% حتى تتحول بأسم حضرتك و بعدها تكمل دفع الاقساط
اخويه المبلغ الكلي اشكد ام ميت متر
اختي حسب
اذا مشترياها من الهيئة و دفعة وحدة ف يكون سعرها ب ٦٣٠٠٠ دولار
اما اذا مشتريتها بالاقساط ف القسط الشهري ٣٧٠ الف ع ٢٥ سنة و مقدم ٧.٥ مليون ف يكون المجموع ع طوال ٢٥ سنة ١٢٠ مليون تقريبا
اما اذا تشتريها نقد من احد اصحاب الشقق نفسهم ف هاي بعد انتي شطارتج تتحصل من ال ١٠٠ مليون لل ١٢٠ مليون
@@Barhom0_o😅😅
نفتح التقديم
صار ٣ سنوات احاول اقدم ومجاي تصير
@@user-rk2vz3bp5c ربي يسهل امركم و يحقق جميع امانيكم
كله هماتينا وشسمة !!!!
حلو كلش بس هذا مايعرف يحجي شلون يقدم عروض ل شقه لعب نفس من شقه خلو واحد واحد يعرف يحجي
رحم الله والديج خليت الكلام بس لحضرتج
لطش ع الصالة
اكو شقق للبيع هسة نقدا مستعملة
نعم اخي الاسعار تبداء من 104 مليون لل 100 متر طبعا اني مو دلال بس حبيت اجاوبك على استفسارك تكدر تبحث على الفيسبوك عن شقق للبيع في مدينة بسماية ممكن تلكة و اذا ما لكيت و جنت جاد بالشراء تكدر حضرتك تتفضل لبسماية راح تلكة مجموعة مكاتب و شركات عقار مثل شركة اليقين للعقار و غيرها
بيها عيب الماء ينقطع مع الكهرباء
كل المنضومات تنقطع
السعر الكلي للشقة كم السعر
اختي هاي شقتي ما عارضها للبيع بس الناس طلبت تصوير للشقق من الداخل حتى يشوفون المساحات و اني صورتها و نشرتها
السلام عليكم التقديم مفتوح عليهن لو لا
اخي العزيز تابع صفحة الهيئة الوطنية للأستثمار على الفيسبوك من ينفتح التقديم على بسماية ينشرون
بلازحمه اشكد.السعر
اخي الغزيز هاي الشقة ما معروضة للبيع لكن تكدر تشتري شقة مثلها بدون اثاث تقريبا ب 100 مليون دينار عراقي
شكد السعر رجاءا نورونا
اخي العزيز الشقة مو للبيع فقط حتى الناس تطلع على التصميم و مساحات الغرف طبعا تكدر تكتب اليقين للعقارات بالفيسبوك صفحتهم جبيرة راح تلكة عدهم شقق معروضات للبيع اسعارهن تتراوح من 104 مليون لل100 متر و انت صاعد (ملاحضة هاي مو دعاية لشركة اليقين اكو هواية مكاتب و شركات اخرى بس مدتحضرني اسمائهم )
بس اريد اعرف اهلي ليش ميحبون الشققق💔💔
هواية ناس متتقبل الفكرة بالنسبة الي مراتح بيها اكثر من البيت
السلام عليكم. اني احتاج شقة ايجار تكدر اتوصلي معلومات
و عليكم السلام و رحمة الله و بركاته
اخي العزيز تكدر تدخل على الرابط المرفق بهاي الرسالة راح يفتح عندك كروب تلكرام تدوس على ال ٣ نقاط الي بالاعلى و تدوس بحث بعدها تكتب للايجار و تضل تكلب من خلال السهم الي راح يضهر عندك بالاسفل عن النتائج راح تلكة ناس طالبة و ناس عارضة
تحياتي لجنابك الكريم
t.me/basmaya
شلون اسعار البيع بالتقسيط..؟
القسط ع النظام القديم لمساحة ١٠٠ متر ٤٣٠ الف شهريا لمدة ١٥ سنة و جان المقدم ٧.٥ عند توقيع العقد و ١١.٥ عند الاستلام
اما بأخر تقديم سنة ٢٠٢١ اصبح المقدم ٧.٥ مليون فقط عند توقيع العقد و القسط الشهري ٣٧٠ الف لكن لمدة ٢٥ سنة
@@Barhom0_o شكراً جزيلاً أخي ممتنة عالرد🙏🏻
@@abojnaa1586 عفوا اختي
كم سعرها
مو للبيع اخي العزيز بس اكو هواية ناس تعرض للبيع تكدر تبحث عن طريق صفحات الفيسبوك او التلكرام
تفضل هذا كروب على التلكرام تكدر تدور بية هواية عارضين
t.me/basmaya
شلون الاسعار
عزيزي اذا تقصد ع ال ١٠٠ ملك من اصحابها الي مدفوعة ١٠٠% فسعرها من ١٠٠ الى ١٢٠ مليون اما اذا كاش من الهيئة (من ينفتح التقديم ف ٦٣٠٠٠ دولار اما اذا اقساط ف ٧.٥ مليون و الباقي اقساط ٣٧٠ الف بالشهر على ٢٥ سنة
وهذا غير وهايه
بعدالشقق مترادبسب الزلزال توكع
ربي يحفظ جميع العراقيين و يبعد عنهم شر المصائب و الكوارث نورتني اخي العزيز 🌺
شرحك يلاعب النفس كله هايه وهايه
عيب عليك شنو والأخلاق قلة ادب
خساره
تحياتنا وسلامنا حبيبنا ابراهيم رائد رقم الواتساب حابب اتواصل وياك
اخي العزيز و عليكم السلام و رحمة الله و بركاته
حساب الانستكرام و حساب الفيسبوك موجودات في صندوق الوصف اسفل الفيديو تكدر تتواصل وياية عن طريقهن
ممكن رقم الهاتف للتواصل
اسف غير ممكن للاستفسار اتركو تعليق و اذا ما جان سؤال مكرر اكيد راح اجاوب عليه
@@Barhom0_o
السلام عليكم اخي ممكن سعر الشقه ال ١٢٠ او ال ١٠٠ نقدي مو اقصاد
@@meladaltaib5636 و عليكم السلام و رحمه الله ال ١٠٠ ب ١٠٥ الى ١١٠ مليون حاليا و ال ١٢٠ ب ١٢٠ الى ١٣٠ مليون
اريد اراسلك لو ادزلي رقمك حبيبي
السلام عليكم اكو حاليا تسجيل لشراء شقه