《康泰旅行團》Official Music Video｜試當真
HTML-код
- Опубликовано: 9 сен 2024
- 彩色 | 2022 | #MV、#武打、#旅行團 | 粵語 | 中文字幕 | 3:45’ |
Director: Ernest Poon
Assistant Director: Ted Chan
Production Manager: Wing Chan ｜Herman｜Nic Wong｜Auntie Luna｜Rita
Photographer: Ted Chan ｜Nic Wong
Editor: Ted Chan
Colorist & Visual Effect: Cat worker
Action Designer: 張立峯｜廖宇斌
Vocal & Cast: 楊雅文｜滕毅康｜潘宗孝
Composer: Billytangg｜Jan Curious
Producer: Billytangg｜Ernest Poon
Lyrics: Ernest Poon ｜Jan Curious ｜狼少｜ThaiMay
Music Arrangement: Billytangg
Guitar Solo: hinchan
Mixing: ting@gakestudio
Sound Engineer: WHY WONG
#newbalancehk
現已登陸各大音樂串流平台！
Spotify:
open.spotify.c...
Apple Music: music.apple.co...
KKBOX: kkbox.fm/Bg1b0SS
JOOX: www.joox.com/h...
MOOV: www.moov.hk/#/...
RUclips Music: • 康泰旅行團
請支持④泰妹 、㉗康 成為年度花草，上vote.thenextera2022.com 投下神聖一票！22/10 2PM截止！
🛎其他候選人包括--校花：②Shadow、③Natalie、⑦Moon、⑫510；校草：㉗康、㉘皓嵐、㊲Stone、㊸何求、㊾曾Sir。
📍出片時間表：
14/10 | 《鬼影隱者》
吳兆麟+ ②Shadow + ㊾曾Sir
18/10 | 《碰瓷的自我修養》（暫名）
許賢 + ⑫510 + ㊲Stone
19/10 | 《咸靈王》（暫名）
蘇致豪 + ⑦Moon + ㉘皓嵐
已出 | 《一生犯。賭。愛》
盧嘉誼 + ③Natalie + ㊸何求
最終輪投票現已開始！即上 vote.thenexter... 投票！
有別過往，本輪每人只限投選1花1草，但期間仍可任意改票！
票數一直累積至22/10 2PM，畢業禮即場公布年度校花校草！
試當舖（賣嘢）：trialanderror....
課金：linktr.ee/tria...
成為「認真毛」：www.youtube.co....
FB/IG: trialanderror924
Discord: / discord
呢組（泰妺 康 Ernest Ted 等人）表現到高度意志、行動力、決心同埋想拍片既慾望，係緊絀時間能夠落實MV內容、作歌、錄音、分鏡場景、練習招式、飛海外拍攝加後製剪接特效，絕對係極度艱巨，相信背後support 團隊如Wing 、貓工友Nic、武指等都是以生命硬接，校花草最後勝負已不重要，做到自己喜愛觀眾又有驚喜作品已算功德完滿。
我覺得R埋sponsor都好勁
一開始我見到3分鐘有啲失望以為得3分鐘咋？屌但一直重播就唔止3分鐘
對唔住講句 本來我對呢個組合期望係最低，但呢條MV 我只能講佩服。
康、泰妹、Ernest 3個人既期望同特點都拍晒出黎，咁短時間可以拍到咁，服。
懷疑Ern扮豬食老虎，越無人揀越做比人睇，個mv好撚石
同感
首先有誠意到去埋泰國拍已經加分，拍mv唔學其他人拍劇場可以掩蓋返演技既問題，有動作突顯返兩位校花校草嘅優點，校花校草每一個人都冇可能係100分，重點係要比觀眾睇到佢哋有咩可能性，成條橋完全做到揚長避短👍🏻ern9
分析得太精準
好有驚喜，驚喜係除咗去泰國拍，仲保留返原橋部份嘅創意，而且突顯到3個人嘅特色（連大家本身唔睇好嘅Ern9加埋入去），成件事好渾然天成，好鬼死夾。呢3分鐘我好enjoy，短而精，無做多咗嘅嘢，好有記憶點。
小弟喺西班牙行緊800km Camino de Santiago，今朝落滂沱大雨，但腦海剩係諗住Sa Wa Dee Ka，諗起康泰ern9造片嘅過程，好撚有正能量，然後我係雨中係咁向前衝，俾到我好多支持讓我繼續前行！
我一年唔留一次言。冇睇試當真一排，冇追開花草，完全係素人。因為嗰mv令我琴日喺西班牙追返造片嗰幾集，已投票支持康泰，喺海外1年嘅我向參與製作mv嘅所有人致敬。
PS 首歌起碼聽咗50次...完全中毒
Same same😂老婆比我搞到係咁唔驚唔驚
期待康泰旅行團成為Ern9繼重砲豪後另一代表作！
仲有不能被超越嘅爆格爆出橋
張中下針情thx
狼少出手，一定高質
唔好唔記得 孝am I ,多謝。
勁有驚喜 呢三人組合好有化學反應
呢條直情想睇埋 製作花絮 得個mv真係唔夠喉 大癲
btw 泰妹真係由外到內都好正👍🏽👍🏽👍🏽👍🏽
直情可以做埋泰港親善大使 搞到我愛上返泰國🤭
仲以為係PS出黎
完全估唔到會飛出香港拍MV
ERN9你好撚勁!!!!
康既掌上壓 拜神,泰妹既泰國元素 武打片,ERN9一直想拍既唱歌+MV
一次過拍晒出黎!!!!!
想像唔到你地咁短時間可以籌備到咁多野
康泰!!!ERN9!!!超級滿意!!
腦細修有幫助嘅
ERN9可能一早想定
用不足三星期時間去整好首歌/排好武打再去埋泰國拍mv, 其實係極度困難, 真係比個服字你...
誠意之作, 非常有驚喜, 又有泰妹想要武打原素, 首歌重幾洗腦
當個個都拍劇場, 但ERN9今次真係奇招制勝
評分:9/10
勁高質！點解可以咁少時間都去到泰國拍😳😳佩服呀！
呢個組合無得頂！
各位老闆又support同比佢地咁做！
面試嗰陣咪問過囉，「有無限budget嘅話，公司可以點幫你~」
真係好有驚喜 本身泰妹一直都好firm 加埋條MV 真係無得輸 大家記得投票畀康泰
已投
請問怎樣投票，是否要會員才可以投？謝謝🙏🏻
有email就得
真係有驚喜！ 其實上一個 一生犯賭愛 就想講， 如果 《一生》拍MV 就會簡單好多。
估唔到 Less is more，真係集中只係 練好一首歌， 做好一條MV 加 武打 出來效果出奇地好。
限米住限飯，唔係一定要多先好。 Ern9 鏡頭運用 加分並掩蓋了 康 同 泰妹 大部分缺點。
好值得欣賞。
依條係拍得好好
但係又唔係MV就大晒嘅
真係做一生何求MV嘅話一嚟翻唱打人地原創，二嚟何求把末期聲帶癌嘅聲仲要唱慢歌難啲做成條片主打
下班勿語同風向擂台都可以正正常常就證明上一組嘅問題唔係揀咗拍劇場
我覺得絕對唔Less MV入面嘅元素都好豐富！
Ernest完美吸收左修講點樣最吸睛最快，用一條片show晒康泰嘅好野，呢份功課真係跟足規舉之餘又有突破，讚哦
Ern9 今次吐氣揚眉呀！阿修講得無錯，你真係好有執行力，不但做到自己想做嘅 MV，仲加埋泰妹嘅武打、阿修建議嘅鉸剪腳、又突出到阿康嘅優點。咁短時間做隻歌出黎仲要飛埋去泰國，真係估你唔到！咁多個元素 mix 埋唔簡單，除咗最後撚鏡頭撚過龍有啲頭暈之外，其餘所有嘢都好順暢，good job！
真係熱血到去咗泰國cls🤣🤣三個人嘅強項同特色都發揮到好好，一個MV都已經好夠力，今次有呀！👍🏻
超高質又超有誠意 去泰國拍實境超firm
首歌又好聽👍🏻
Ern9最佳作品
Ernest展現鋼鐵意志！拍到牙康熱血傻氣 又拍到泰妹嘅瀟灑！！
利申 一直支持Ernest
加入推高熱度!!!
一條片咁多comment可以係因為有野值得留comment, 唔係覺得睇完ok/not bad/一般就算!
想留個comment, 因為ern9成日畀人睇死, 又畀人笑畀人同其他導演比較, 又冇校花校草爭住揀。
講真, 我未睇之前係好想好想ern9拍得好睇收d hater皮, 睇完, 我真心為ern9感到開心, 佢整歌拍mv仲帶住兩個細路完成呢件事, 感動咗！！！
努力咗咁耐爭取咗咁耐, ern9 so proud of you🔥
多謝阿水幫手, 多謝成個團隊, 多謝泰妹同康🔥👍
加油!
成功燈死 真。康泰😂
真係有驚喜 唔尷唔悶 有FELL
呢條片有兩個位好掂
第一 係唔駛特登諗故事扭橋，直接將現實要拍片比賽擺入故事入邊，個爆位就係去泰國拍MV，基本上追開比賽觀眾係唔需要消化任何背景故事，避開風險之餘仲做得個形象好出。
第二觀賞門檻 題材夠大眾，如果冇追開嘅人入到嚟淨係知你哋三個要拍片，淨係拍MV然後去咗泰國拍，食中晒0+3旅遊熱潮同埋鉸剪腳，睇片聽歌個時我根本唔需要知道你地三個係邊個，咩背景，係咪要比賽乜嘢乜嘢，拍得好睇反而仲令人想認識你地。
正如好多人都講點解要無啦啦睇一個素人拍劇場，呢條片就避開晒呢個問題,做到以前試當真片嘅特色，題材先係重點
另外我覺得雖然成個故事好直白甚至簡單，但成個 MV 同首歌好認真咁做一啲都唔求其。
而晝面嘅拍攝喺期又唔夠，人又唔夠用嘅情況下，拍返嚟再用心機去後製。
認真試下，試下認真。大家有共鳴自然就會欣賞。
本身冇追開校花校草
因為呢條片鍾意左泰妹同呀康
仲追返全民造片黎睇
Ern9勁firm
其他先唔講，呢兩年無飛泰國，片中好多特色記憶帶晒返瓈！
短短一首歌時間，EARN9/泰妹/牙康冇相互辜負，成功用熱血追求突破，TONE MUSIC完咗再睇MV感覺尤其較深。
對於三位而言，無論最後結果如何，曲詞編監連剪接，已經算完成代表作。
題外話，既然創立咗音樂廠牌，青訓不妨搞搞佢
琴日睇完個MV都諗起間music label
簽泰妹唱功夫rap有冇得諗
Ern9都可以專拍mv
以為真係康泰旅行社贊助所以有外景，啊，唔係出外景，係出埠呀！！叫得康泰仲要食正康泰旅行社出埠！
今次有用到哂修仔講嘅野，阿康由頭都賣辛苦又比人打又掌上壓，泰妹又有做到較剪腳！🤣🤣🤣
Ern9今次認真做音樂，有阿水有狼少有長期戰友Billy，個牌面咁勁，係咁短時間度橋整歌mixing仲要出埋埠拍MV，有呀！！！
Ern9繼欖物泡之後再一次拍到泰國題材嘅歌！恭喜康泰今次搵啱人！Ern9就係勁！溝仔未？
5日啦，都仲係會想返黎聽&睇🥹
same same
我無追開校花校草，反而看完＜全民造片＞睇佢哋同阿修sell橋而留意。I love this MVsoooo much. It's the perfect video showcasing the best of 泰妹 + 康. And yes, 我依家因為呢個video而去認識泰妹同埋投佢一票! ;)
係loop左第十幾次後突然諗到，條片好睇之處（之一）係呢件事真正只係屬於康泰，換左任何一位花草都唔係個回事
返嚟睇阿康🙂↕️
試當真生力軍男歌手金獎：27 康
試當真生力軍女歌手金獎：4 泰妹
試當真唱作人金獎：Ern9
Well, 有機會係狼少作咖 XD
さとクラ新シリーズも面白くて既に大好きです☺
youtubemn.com/watch?v=OltYdliwvsV
こういう辛いとき、しみじみと毎日投稿のありがたさを感じます...
仲有試當真最佳剪接效果奬!
@@edwardlai5127 credit有寫，狼少只有負責歌詞
佢仲係930個副導，邊度有咁得閒
超級驚喜! 3分幾鐘 MV 集合到所有元素又做到起承接合: 泰妹要既打戲，康既掌上壓拜神賣辛苦熱血，ern9 既強項整MV，仲敢敢死配合翻泰妹形象走到泰國拍。
Ern9 完全做到揚長避短既效果，提議呢個idea 既人應記一功!比尋日既"犯賭。愛"為拍而拍好好多，好耶！
loop咗好多次!泰妹去咗泰國，ern9&康get到即係要去泰國拍打戲，呢種錯撚晒既vibe覺得好阿慈feel😂
仲有狼少份詞!
繼冰島之後，CHANNEL再次衝出香港!!!!
呢組果然係最令人期待，最超出想像。與其拍d唔知得唔得嘅武打片，呢段MV反而更加吸引。
個故事交代得勁清晰，將武打、掌上壓、MV、取景呢d元素串連起來又順暢，有料！首歌同個MV都好正👍
正呀，拍及剪接得好，康泰二人組又入戲。MV令人好開心
期望衝上熱門排行榜💥💥
開頭好有驚喜，啲Rap又夠哂可愛，第一次留意到泰妹嘅charm，康亦都好自然，再去到打戲果場，有少少想鬧啲鏡頭拎得麻麻，搞到效果冇預想咁好，點知就見到譚仔果下「奪名較剪腳」，果然有料，ern9今次真係有！
打戲個場是值入式廣告
睇開頭仲諗緊點解key得咁好，點知原來係實境😂
呢條片拍得康泰好型😎
Ern9都好有呀
支持支持
心諗咁勁嘅 轉角度key到落去嘅
Ern9呢次掂呀！泰妹話返左鄉下一起歌就爆到尾，我要睇好多次先捉得晒D情節加埋歌詞，D歌詞又啜核喎，WOW成件事好撚爆好圓滿！
仲要好多彩蛋
嚴格嚟講今次係花草第一條片，用番自己身份一嚟避開演技問題，二嚟個人設出到嚟
有興趣但唔識佢哋嘅觀眾就會知佢哋乜水，算係同觀眾打左個招呼
嘩。。。屌。。癲。。咁短時間去埋泰國拍。。 。。。。。成件事真心癲，，，，，，又幾好睇個mv. ...出埋花絮。。應該
可以話係試當真「新突破」，首支衝出香港嘅作品🤩🤩🤩
呢個作品，見到泰妹、泰、ern9「有心有力」！
呢條直情想睇埋 製作花絮 得個mv真係唔夠喉 大癲
btw 泰妹真係由外到內都好正👍🏽👍🏽👍🏽👍🏽
直情可以做埋泰港親善大使 搞到我愛上返泰國🤭
高質mv！有少少calling now feel不過真泰國取景大癲！泰妹好靚女！ern9有！
鍾意泰妹，好有性格，好爽朗，轉數又快，有種開心嘅氣場。今次條片都好驚喜，睇完覺得好chill！武打又做到！之前睇佢cast 嚦咕嚦咕新年財嗰段，真係好有演戲天份，好自然流暢。
試當真而家應該係爭咁啲有江湖味嘅女仔
康泰旅行團真係好有誠意好有創意！真係去泰國拍！仲要真係有譚仔鉸剪腳！首歌又好聽洗腦！仲唔爆投04 泰妹同埋27 阿康???? !!!!!
呀康比想像中好睇，有型又搞笑🔥泰妹一貫咁吸睛！！真係去左泰國好驚喜，食住而家個個想旅行👍🏻好enjoy 成首歌，係去到 2:50 到尾果part 開始頭暈、慢、重複（身體最誠實，我係去到果個位睇幾時完）⋯⋯ 個人覺得果部分可以短d，寧願定定地睇多d佢地靚仔靚女樣😽
真係好想睇呢條片嘅製作過程！邊有人諗到有人為拍一條MV片, 而專登飛去泰國🇹🇭？！由想法到實行，究竟經歷咗啲乜？觀眾都好想知呀！期待 貴台安排出條片，開心分享下俾大家知喇！
另外，真心要讚泰妹同阿康！你哋嘅熱血已經俾大家睇到啦！希望你哋可以再發掘更多可塑嘅才能，繼續俾大家娛樂！
最後最後，上條《全民造片》已經好想落comment讚下游老闆，但今次真係要讚呢條片台前幕後嘅工作人員！無你哋安排同拍攝，我哋唔會睇得咁開心！👍🏻👍🏻
>邊有人諗到有人為拍一條MV片
個想法喺度 ruclips.net/video/R98IVfY8wco/видео.html
到依家仲聽緊！
超好睇，淨係個名康泰 旅行團已無得輸，有哂佢哋三個想要的原素，Ern9 要MV, 泰妹要打。條片好好睇，看到他們三人的熱血，團火,堅持自己原本想要的，一定投票，現在校花校草不是單靠樣，要有自己的character
Ern9 果然係短小精悍
條片短得嚟又中point歌又啱康泰發揮又有齊佢地要求嘅嘢！
估唔到會癲到去泰國取景，節奏明快好睇又一氣呵成，Ern9 掂呀！！
好耐無試過有試當真嘅片會Loop幾次睇......呢條係掂！支持泰妹！
睇完謝票場直播, 你會明點解呢組拍出嚟嘅MV個VIBE咁正咁夾咁好睇！ERN27 is the best! 泰妹把聲真係好好好好聽呀!! sawadeeca~~~~~~~~~~
星期五朝早再睇多次想講：開頭睇以為用綠幕扮去泰國，點知真係去咗泰國嚇咗一跳！點解可以咁有行動力，咁快手，載歌載打！唔錯唔錯！佩服3位的行動力同決心，值得支持！
好耐未試過睇試當真既片，係一路睇一路笑又覺得好睇睇到尾，成個mv 構思好又食到近期熱門既野，好firm, 一定要留言支持， 加油！
Ern9好嘢👏🏻一定要上熱門！
一開頭睇仲以為係綠幕CG!
知道真係去泰國就終於明點解泰妹要衝出房拎電話打俾阿媽！有呀！正！
咁正又多人睇嘅片竟然上唔到熱門 好笑😂
“情理之內，意料之外”從來係任何片/電影既重點
而康泰呢條片就係好完美甘捉得住呢件事
由一開始康泰對話交代左因為唔知拍咩所以泰妹返左鄉下，畫面一轉泰妹已經係泰國唱緊歌，有驚喜之餘歌詞仲要應對到劇情，順便交代埋泰妹想拍武打，就算一個無睇開校花校草既人入到黎都會即刻知發生咩事
下一cut已經係呀康同Ern9笑L死既對白，見到Ern9 d九唔搭八既反應你係無權唔笑，仲要中間加左條白色線扮晒野，其實佢地係同一個空間
然後因為佢地都要去泰國拍野，所以就接到一下段呀康係甘做掌上壓去準備，畫面同歌詞夾得到之餘，呀康係唔同background下係甘做掌上壓好容易就唧到你笑
呀康果段話要去拜神先，接到落下一part泰妹同Ern9等呀康拍打戲之餘，呀康真係on on 9 9去拜神又帶到幽默感
之後果段武打有動作之餘，仲要真係拍返之前呀修提議既交剪腳，交到貨得黎又幾搞笑，最後句對白“下？甘快？ ”好順甘接落下一段歌詞“一take收工”，仲要歌詞不忘呢個係比賽，輕輕串下其他對手
所有既畫面，劇情，歌詞，武打場面全部都好順理成章，有結構甘帶出果份認真做9野既搞笑意味，甚至最後看似九唔搭八既泰文問題再搭句唔驚唔驚，你都講丫，都係想表達我講得出就拍得出既決心
所有野都好best fit，有足夠既必然性，甚至連個名都食到佢地組合再加佢地真係去左旅行，相比之下尋日條就有好多唔知點解要出現既野，高下立見
真 呢個MV無論音樂性定係歌詞劇情完成度都好高
懷疑你有睇荼毒室🤣
@@lonoces 唔洗懷疑，我係睇荼毒室先睇試當真嫁咋🤣
犯賭愛純粹係睇唐記靚仔shot，完
2:29 個樣得戚到, 好正🤣🤣
仲未有片睇，唯有睇多次康泰旅行團
睇完全民造片又聽多左兩次。上曬腦！Ern9, 泰妹，康。加油。成件事好靚！
喺香港屈左好耐，見到依個MV開心左好多
Kewt momentsss:
0:24
0:29
0:33
0:37
0:46
0:51
1:07
1:23
1:27
1:34
1:40
2:06
2:18
2:26
2:28
(我真係好鍾意條片😂）
咁短時間，有歌有動作重有埋海外景真係好堅👍🏿 泰好阿康個鉸剪腳好正！神還原！Ern9有呀👍🏿👍🏿👍🏿
超正！完全將ern 9 康仔同泰妹嘅特色發揮到出嚟，無厘頭得嚟又勁好睇！試當真好耐未有一條片令我睇完又睇睇完又睇，睇好你哋呀👍🏻👍🏻👍🏻
成件事熱血，咁少時間做到咁多野仲要好好睇，睇得好開心，幕前幕後都應記一功👍🏻👍🏻👍🏻
屌。。，呢個真係有驚喜🤣🤣
唔聲唔聲飛左去泰國😂😂
康泰掂呀👍🏼
Ern9係銀牌導演？望清楚啲，係白金導演呀！
勁聰明！拍mv 幾乎完全可以避到演技問題，又易入口！策略性取勝，ern9 firm
開頭泰妹段rap好型🔥🔥康嗰段簡簡單單但又夾到浸9得嚟幾型幾正嘅味道！ 本身冇緊貼校花校草，印象最深刻都係其他參賽者，呢條片令到我對佢兩個印象好深，好想睇多啲佢哋+ern99999🔥🔥🔥🔥
本身睇，以為係特效，睇耐啲，wtf真係去咗泰國？！
有料呢組好有創意又有心機！
睇咗呢條片都幾驚喜🤣🤣
朝早起身又想loop返次😂 10k like lah!🎉
因為依條片睇返曬成個校花校草過程
睇晒5條校花校草片，其實D片本身好唔好睇，好多時都係因為個團隊carry, 甚至有時校花校草換左其他人做可能差唔多。但相對地我覺得泰妹，呀康，stone(豪哥果條), 我覺得係比較由佢地條片度好sharp咁present到自已出黎。呀康個優點同缺點都係太純綷賣熱血，但至少《康泰旅行團》入面佢依方面presentable，respect。
終於明度橋果陣阿修點解話佢地度的野除左間房的人，其他人都唔好講，真系有驚喜。。。
真心欣賞試當真拍野的態度，雖然琴日犯賭愛條片比較失望。。。
呢條片係咁多校花草系列睇得最舒服
超高水準，已經loop左好多次
Ernest firm ，睇完俾泰妹牙康charm到❤
一口氣睇左三次，真係好有個人特色，我鐘意❤
到而家星期一為止，仲係我心目中最正嘅一條片！
啱啱睇完全民做片2，原來確實遇上好多好多好多阻滯，條片變得更加熱血！！！
真心想入嚟條片撳多幾個讚～👍🏻👍🏻👍🏻
只計論片，喺心目中，贏晒～！！！
(唔小心去咗人哋嘅留言reply左添)
清咗盤🤣
loop 咗成日⋯ 有無人都係咁⋯
睇埋花絮入嚟再睇過🙋🏻♂️
康泰cp就係咁Firm🔥
好欣賞呢組膽識同腦洞，
講真組組拍劇場，呢組玩MV一定最跳，
唔知係咪就係修爺建議
睇返全民造片 修哥話有個CLS idea
應該就係咁
突然覺得試當真拍旅遊特輯應該會好好睇
睇完EA EXAM真係驚同聽埋泰妹首歌再睇呢個MV，感覺兩個都係可造之才，當然ern9都係神來之筆。
呢批mv好純！
喺大麻合法化嘅國度之內取景 即日來回搞掂
之後仲可以unun腳睇人地嚟食 難怪拍完仲可以打邊爐
p.s. 食到癱仔摔角片尾水 但又真係武打片元素 錦上添花呀
總評分：ern9/10
我突然醒起，唔怪之得泰妹要即刻打電話畀媽咪先啦😂要飛呀！
希望有D旅遊節目內容👍😃🙏🙏🤣🤣
好L正，首歌好洗腦，畫面又豐富，癲到飛去泰國拍，咁短時間爆到咁多野出黎，睇到我好開心！痴L線！
真係好有驚喜，原來阿康搞笑都幾可愛。我覺得泰妹同阿康之後拍住做拍擋都幾好，拍下旅遊節目都可以
P.s 可不可以有mcsoho &kidney cover
Dem 返個 Beat 先….
大家一齊嚟大聲哎
最佳校花校草就係康泰！🎉
隻歌個beat好，唱得有feel，拍得有驚喜！即刻投你哋兩個！加油呀！你哋CP仲襯！！Ern少真係勁!!!!
做得好好 唔單止係因為去咗泰國. 成個主題vibe etc都好正好有特色
都仲係會癮起特登返黎loop😂 同埋keep住會留意個view數，每次黎loop都見到又升左好開心（目前106k!!)
好爆！康仔同泰妹都好掂😍😍😍
好撚正 又有試當真味又用晒你地自己既元素 最後埋尾好似靈能百分百op個埋尾 有feel有feel
You win this battle! Smoke!
泰妹好charm
呢條抵讚 有活用到修爺啲意見
恭喜Ern27拎左十月台慶月大短片獎🎉希望泰妹賺到好多個十萬
Ern9今次真係呀
短短3分鐘就可以顯現到
泰妹嘅武術
阿康嘅熱血
Ern9自已嘅執行力