🔵 Yig‘lamang ona ✍ G‘ulomjon Normat 🎙 Malika Rustamovna QarshiDU Mushoira klubi

Vijdonin sotganlar yig‘lamaganida,
Gunohga botganlar yig‘lamaganida,
Birovni yig‘latib rohatlar qilib,
Diydasi qotganlar yig‘lamaganida,
O‘zingiz aytganday, turmay mardona,
Siz nega yig‘laysiz, yig‘lamang ona...
Yig‘lamang, munisim sadqayi ko‘z yosh,
Bandasiga yolg‘on, Yaratganga fosh,
Sochingizni bitta oq tolasiga,
Dunyo arzimaydi, dunyo bag‘ritosh.
Tirnalgan bag‘rimni tig‘lamang ona,
Siz nega yig‘laysiz yig‘lamang ona...
Yuzimga yarashgan kulgichim bo‘lib,
Suyanguvchim bo‘lib, suyguchim bo‘lib,
Edingiz-ku, nega egik qaddingiz,
Yiqilsam turg‘azib quyguchim bo‘lib,
Siz nega yig‘laysiz, yig‘lamang ona...
Umrim fayzlidir o‘zingiz bilan,
Nokasga tik boqing ko‘zingiz bilan,
Ishoning siz hali faxrlanarsiz,
Kun kelib, qaysar o‘g‘lingiz bilan,
Siz nega yig‘laysiz, yig‘lamang ona..
🔵 Yig‘lamang ona
✍ G‘ulomjon Normat
🎙 Malika Rustamovna