يامحرق المحماس يا مخدّر الكيف اللي شراريبة ،،، لـ ريـحة تهـيفي ادغثله الهنـدي ،، كثير المصـاريف ومن القـرنفل حـط شيٍ طـفيفي حوفه على اللي قطـعم بالتواصيف ( عبدالله النايف وبدر الحويفي ) حاضه وحوفه واحجز القشر بالليف وصبه بمنقوش الحزام النظيفي و سوقه على اللي يدركون المعاريف كسابة الناموس لو هو كليفي و خص الفحيط اللي بروس المشاريف له راية بيضاء ترفرف رفيفي رفيف برقٍ في مزونٍ مراديف بأول دخول الوسم بعد الخريفي جوده مع أهل الجود ما هو بتنطيف مثل الغشين من السحاب الكثيفي للربع و الزوار و الجار و الضيف مسوي له في نبيها مضيفي قصر على الشارع وسيع المطاريف ما شيف مثله بالقرايا وصيفي ما طاع راي مكسرين المجاديف ما يمشي المبصر خلاف الكفيفي - من نوادر عبدالله بن زويبن
يستاهل المدح الفحيط صح لسان بن زويبن الله يرحمه ويغفرله ويسكنه فسيح جناته وجميع موتى المسلمين
وصح لسان المنشد ابو هليل
صح ابدنك.
رحم بن زويبن وأسكنه فسيح جناته انشهد آنه من فطاحلة الشعراء يمال الجنة
نبي القصيدة كاملة
اذكر الفحيط صديق الوالد عام 2006 يستاهل
رحم الله الشاعر ابن زويبن وصح بوحك يا عبدالعزيز ابدعت
والفحيط يستاهل
الله الله ياأبوهليل
لا يستغرب الإبداع من أهله
اذكر صالح الفحيط صديق الوالد عام 2006 يستاهل
استمرر❤❤❤❤
حلوه ❤
الله يرحم. الشاعر. عبدالله ابن زويبن. ويستاهل. لافي ابن صالح. الفحيط. وابنه. صالح.
كفو يبو هليل استمر
كفوك الطيب.
يامحرق المحماس يا مخدّر الكيف
اللي شراريبة ،،، لـ ريـحة تهـيفي
ادغثله الهنـدي ،، كثير المصـاريف
ومن القـرنفل حـط شيٍ طـفيفي
حوفه على اللي قطـعم بالتواصيف
( عبدالله النايف وبدر الحويفي )
حاضه وحوفه واحجز القشر بالليف
وصبه بمنقوش الحزام النظيفي
و سوقه على اللي يدركون المعاريف
كسابة الناموس لو هو كليفي
و خص الفحيط اللي بروس المشاريف
له راية بيضاء ترفرف رفيفي
رفيف برقٍ في مزونٍ مراديف
بأول دخول الوسم بعد الخريفي
جوده مع أهل الجود ما هو بتنطيف
مثل الغشين من السحاب الكثيفي
للربع و الزوار و الجار و الضيف
مسوي له في نبيها مضيفي
قصر على الشارع وسيع المطاريف
ما شيف مثله بالقرايا وصيفي
ما طاع راي مكسرين المجاديف
ما يمشي المبصر خلاف الكفيفي
- من نوادر عبدالله بن زويبن