Harris va Uolz saylovoldi uchrashuvlarini boshladi

Kamala Harris AQSh prezidentligi uchun kurashar ekan, vitse-prezidentlikka nomzod sifatida tanlagan Minnesota shtati gubernatori Tim Uolz bilan beqaror shtatlar bo'ylab saylovoldi uchrashuvlariga start berdi. Ilk uchrashuv Pensilvaniya shtatining Filadelfiya shahridagi Templ universitetida qariyb 10 ming odam ishtirokida bo'lib o'tdi.
Harris va Uolz saylov taqdirini hal qilishi kutilayotgan beqaror shtatlarda fuqarolarni o'z tomoniga og'dirib, Donald Tramp va Jeyms Vensni mag'lub etishga urinmoqda.
60 yoshli Uolz Milliy gvardiyada xizmat qilgan, maktabda sport murabbiysi bo’lib ishlagan, 2006-yilda Vakillar palatasiga saylanib, 12 yil qonunchi bo’lib ishlagan, 2018-yilda Minnesotada gubernatorlikka saylangan.
#SCAE24